| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਪਰਿਹਾਨਿਸੁਤ੍ਤਂ
8. Parihānisuttaṃ
੧੫੮. ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਆવੁਸੋ ਭਿਕ੍ਖવੇ’’ਤਿ । ‘‘ਆવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ –
158. Tatra kho āyasmā sāriputto bhikkhū āmantesi – ‘‘āvuso bhikkhave’’ti . ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ਯੋ ਹਿ ਕੋਚਿ, ਆવੁਸੋ, ਭਿਕ੍ਖੁ વਾ ਭਿਕ੍ਖੁਨੀ વਾ ਚਤ੍ਤਾਰੋ ਧਮ੍ਮੇ ਅਤ੍ਤਨਿ ਸਮਨੁਪਸ੍ਸਤਿ, ਨਿਟ੍ਠਮੇਤ੍ਥ ਗਨ੍ਤਬ੍ਬਂ – ‘ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਪਰਿਹਾਨਮੇਤਂ વੁਤ੍ਤਂ ਭਗવਤਾ। ਕਤਮੇ ਚਤ੍ਤਾਰੋ? ਰਾਗવੇਪੁਲ੍ਲਤ੍ਤਂ 1, ਦੋਸવੇਪੁਲ੍ਲਤ੍ਤਂ, ਮੋਹવੇਪੁਲ੍ਲਤ੍ਤਂ, ਗਮ੍ਭੀਰੇਸੁ ਖੋ ਪਨਸ੍ਸ ਠਾਨਾਠਾਨੇਸੁ ਪਞ੍ਞਾਚਕ੍ਖੁ ਨ ਕਮਤਿ। ਯੋ ਹਿ ਕੋਚਿ, ਆવੁਸੋ, ਭਿਕ੍ਖੁ વਾ ਭਿਕ੍ਖੁਨੀ વਾ ਇਮੇ ਚਤ੍ਤਾਰੋ ਧਮ੍ਮੇ ਅਤ੍ਤਨਿ ਸਮਨੁਪਸ੍ਸਤਿ, ਨਿਟ੍ਠਮੇਤ੍ਥ ਗਨ੍ਤਬ੍ਬਂ – ‘ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਪਰਿਹਾਨਮੇਤਂ વੁਤ੍ਤਂ ਭਗવਤਾ।
‘‘Yo hi koci, āvuso, bhikkhu vā bhikkhunī vā cattāro dhamme attani samanupassati, niṭṭhamettha gantabbaṃ – ‘parihāyāmi kusalehi dhammehi’. Parihānametaṃ vuttaṃ bhagavatā. Katame cattāro? Rāgavepullattaṃ 2, dosavepullattaṃ, mohavepullattaṃ, gambhīresu kho panassa ṭhānāṭhānesu paññācakkhu na kamati. Yo hi koci, āvuso, bhikkhu vā bhikkhunī vā ime cattāro dhamme attani samanupassati, niṭṭhamettha gantabbaṃ – ‘parihāyāmi kusalehi dhammehi’. Parihānametaṃ vuttaṃ bhagavatā.
‘‘ਯੋ ਹਿ ਕੋਚਿ, ਆવੁਸੋ, ਭਿਕ੍ਖੁ વਾ ਭਿਕ੍ਖੁਨੀ વਾ ਚਤ੍ਤਾਰੋ ਧਮ੍ਮੇ ਅਤ੍ਤਨਿ ਸਮਨੁਪਸ੍ਸਤਿ, ਨਿਟ੍ਠਮੇਤ੍ਥ ਗਨ੍ਤਬ੍ਬਂ – ‘ਨ ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਅਪਰਿਹਾਨਮੇਤਂ વੁਤ੍ਤਂ ਭਗવਤਾ। ਕਤਮੇ ਚਤ੍ਤਾਰੋ? ਰਾਗਤਨੁਤ੍ਤਂ 3, ਦੋਸਤਨੁਤ੍ਤਂ, ਮੋਹਤਨੁਤ੍ਤਂ, ਗਮ੍ਭੀਰੇਸੁ ਖੋ ਪਨਸ੍ਸ ਠਾਨਾਠਾਨੇਸੁ ਪਞ੍ਞਾਚਕ੍ਖੁ ਕਮਤਿ। ਯੋ ਹਿ ਕੋਚਿ, ਆવੁਸੋ, ਭਿਕ੍ਖੁ વਾ ਭਿਕ੍ਖੁਨੀ વਾ ਇਮੇ ਚਤ੍ਤਾਰੋ ਧਮ੍ਮੇ ਅਤ੍ਤਨਿ ਸਮਨੁਪਸ੍ਸਤਿ, ਨਿਟ੍ਠਮੇਤ੍ਥ ਗਨ੍ਤਬ੍ਬਂ – ‘ਨ ਪਰਿਹਾਯਾਮਿ ਕੁਸਲੇਹਿ ਧਮ੍ਮੇਹਿ’। ਅਪਰਿਹਾਨਮੇਤਂ વੁਤ੍ਤਂ ਭਗવਤਾ’’ਤਿ। ਅਟ੍ਠਮਂ।
‘‘Yo hi koci, āvuso, bhikkhu vā bhikkhunī vā cattāro dhamme attani samanupassati, niṭṭhamettha gantabbaṃ – ‘na parihāyāmi kusalehi dhammehi’. Aparihānametaṃ vuttaṃ bhagavatā. Katame cattāro? Rāgatanuttaṃ 4, dosatanuttaṃ, mohatanuttaṃ, gambhīresu kho panassa ṭhānāṭhānesu paññācakkhu kamati. Yo hi koci, āvuso, bhikkhu vā bhikkhunī vā ime cattāro dhamme attani samanupassati, niṭṭhamettha gantabbaṃ – ‘na parihāyāmi kusalehi dhammehi’. Aparihānametaṃ vuttaṃ bhagavatā’’ti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਪਰਿਹਾਨਿਸੁਤ੍ਤવਣ੍ਣਨਾ • 8. Parihānisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬-੮. ਕਪ੍ਪਸੁਤ੍ਤਾਦਿવਣ੍ਣਨਾ • 6-8. Kappasuttādivaṇṇanā
