| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. পরিক্কমনসুত্তং
9. Parikkamanasuttaṃ
১৭৫. ‘‘সপরিক্কমনো অযং, ভিক্খৰে, ধম্মো, নাযং ধম্মো অপরিক্কমনো। কথঞ্চ, ভিক্খৰে, সপরিক্কমনো অযং ধম্মো, নাযং ধম্মো অপরিক্কমনো? পাণাতিপাতিস্স, ভিক্খৰে, পাণাতিপাতা ৰেরমণী পরিক্কমনং হোতি। অদিন্নাদাযিস্স, ভিক্খৰে, অদিন্নাদানা ৰেরমণী পরিক্কমনং হোতি। কামেসুমিচ্ছাচারিস্স, ভিক্খৰে, কামেসুমিচ্ছাচারা ৰেরমণী পরিক্কমনং হোতি। মুসাৰাদিস্স, ভিক্খৰে, মুসাৰাদা ৰেরমণী পরিক্কমনং হোতি। পিসুণৰাচস্স , ভিক্খৰে, পিসুণায ৰাচায ৰেরমণী পরিক্কমনং হোতি। ফরুসৰাচস্স, ভিক্খৰে, ফরুসায ৰাচায ৰেরমণী পরিক্কমনং হোতি। সম্ফপ্পলাপিস্স, ভিক্খৰে, সম্ফপ্পলাপা ৰেরমণী পরিক্কমনং হোতি। অভিজ্ঝালুস্স, ভিক্খৰে, অনভিজ্ঝা পরিক্কমনং হোতি। ব্যাপন্নচিত্তস্স 1, ভিক্খৰে, অব্যাপাদো পরিক্কমনং হোতি। মিচ্ছাদিট্ঠিস্স, ভিক্খৰে, সম্মাদিট্ঠি পরিক্কমনং হোতি। এৰং খো, ভিক্খৰে, সপরিক্কমনো অযং ধম্মো, নাযং ধম্মো অপরিক্কমনো’’তি। নৰমং।
175. ‘‘Saparikkamano ayaṃ, bhikkhave, dhammo, nāyaṃ dhammo aparikkamano. Kathañca, bhikkhave, saparikkamano ayaṃ dhammo, nāyaṃ dhammo aparikkamano? Pāṇātipātissa, bhikkhave, pāṇātipātā veramaṇī parikkamanaṃ hoti. Adinnādāyissa, bhikkhave, adinnādānā veramaṇī parikkamanaṃ hoti. Kāmesumicchācārissa, bhikkhave, kāmesumicchācārā veramaṇī parikkamanaṃ hoti. Musāvādissa, bhikkhave, musāvādā veramaṇī parikkamanaṃ hoti. Pisuṇavācassa , bhikkhave, pisuṇāya vācāya veramaṇī parikkamanaṃ hoti. Pharusavācassa, bhikkhave, pharusāya vācāya veramaṇī parikkamanaṃ hoti. Samphappalāpissa, bhikkhave, samphappalāpā veramaṇī parikkamanaṃ hoti. Abhijjhālussa, bhikkhave, anabhijjhā parikkamanaṃ hoti. Byāpannacittassa 2, bhikkhave, abyāpādo parikkamanaṃ hoti. Micchādiṭṭhissa, bhikkhave, sammādiṭṭhi parikkamanaṃ hoti. Evaṃ kho, bhikkhave, saparikkamano ayaṃ dhammo, nāyaṃ dhammo aparikkamano’’ti. Navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯. পরিক্কমনসুত্তৰণ্ণনা • 9. Parikkamanasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৪৪. ব্রাহ্মণপচ্চোরোহণীসুত্তাদিৰণ্ণনা • 1-44. Brāhmaṇapaccorohaṇīsuttādivaṇṇanā
