| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៩. បរិក្កមនសុត្តំ
9. Parikkamanasuttaṃ
១៧៥. ‘‘សបរិក្កមនោ អយំ, ភិក្ខវេ, ធម្មោ, នាយំ ធម្មោ អបរិក្កមនោ។ កថញ្ច, ភិក្ខវេ, សបរិក្កមនោ អយំ ធម្មោ, នាយំ ធម្មោ អបរិក្កមនោ? បាណាតិបាតិស្ស, ភិក្ខវេ, បាណាតិបាតា វេរមណី បរិក្កមនំ ហោតិ។ អទិន្នាទាយិស្ស, ភិក្ខវេ, អទិន្នាទានា វេរមណី បរិក្កមនំ ហោតិ។ កាមេសុមិច្ឆាចារិស្ស, ភិក្ខវេ, កាមេសុមិច្ឆាចារា វេរមណី បរិក្កមនំ ហោតិ។ មុសាវាទិស្ស, ភិក្ខវេ, មុសាវាទា វេរមណី បរិក្កមនំ ហោតិ។ បិសុណវាចស្ស , ភិក្ខវេ, បិសុណាយ វាចាយ វេរមណី បរិក្កមនំ ហោតិ។ ផរុសវាចស្ស, ភិក្ខវេ, ផរុសាយ វាចាយ វេរមណី បរិក្កមនំ ហោតិ។ សម្ផប្បលាបិស្ស, ភិក្ខវេ, សម្ផប្បលាបា វេរមណី បរិក្កមនំ ហោតិ។ អភិជ្ឈាលុស្ស, ភិក្ខវេ, អនភិជ្ឈា បរិក្កមនំ ហោតិ។ ព្យាបន្នចិត្តស្ស 1, ភិក្ខវេ, អព្យាបាទោ បរិក្កមនំ ហោតិ។ មិច្ឆាទិដ្ឋិស្ស, ភិក្ខវេ, សម្មាទិដ្ឋិ បរិក្កមនំ ហោតិ។ ឯវំ ខោ, ភិក្ខវេ, សបរិក្កមនោ អយំ ធម្មោ, នាយំ ធម្មោ អបរិក្កមនោ’’តិ។ នវមំ។
175. ‘‘Saparikkamano ayaṃ, bhikkhave, dhammo, nāyaṃ dhammo aparikkamano. Kathañca, bhikkhave, saparikkamano ayaṃ dhammo, nāyaṃ dhammo aparikkamano? Pāṇātipātissa, bhikkhave, pāṇātipātā veramaṇī parikkamanaṃ hoti. Adinnādāyissa, bhikkhave, adinnādānā veramaṇī parikkamanaṃ hoti. Kāmesumicchācārissa, bhikkhave, kāmesumicchācārā veramaṇī parikkamanaṃ hoti. Musāvādissa, bhikkhave, musāvādā veramaṇī parikkamanaṃ hoti. Pisuṇavācassa , bhikkhave, pisuṇāya vācāya veramaṇī parikkamanaṃ hoti. Pharusavācassa, bhikkhave, pharusāya vācāya veramaṇī parikkamanaṃ hoti. Samphappalāpissa, bhikkhave, samphappalāpā veramaṇī parikkamanaṃ hoti. Abhijjhālussa, bhikkhave, anabhijjhā parikkamanaṃ hoti. Byāpannacittassa 2, bhikkhave, abyāpādo parikkamanaṃ hoti. Micchādiṭṭhissa, bhikkhave, sammādiṭṭhi parikkamanaṃ hoti. Evaṃ kho, bhikkhave, saparikkamano ayaṃ dhammo, nāyaṃ dhammo aparikkamano’’ti. Navamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៩. បរិក្កមនសុត្តវណ្ណនា • 9. Parikkamanasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៤៤. ព្រាហ្មណបច្ចោរោហណីសុត្តាទិវណ្ណនា • 1-44. Brāhmaṇapaccorohaṇīsuttādivaṇṇanā
