| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਪਰਿਕ੍ਕਮਨਸੁਤ੍ਤਂ
9. Parikkamanasuttaṃ
੧੭੫. ‘‘ਸਪਰਿਕ੍ਕਮਨੋ ਅਯਂ, ਭਿਕ੍ਖવੇ, ਧਮ੍ਮੋ, ਨਾਯਂ ਧਮ੍ਮੋ ਅਪਰਿਕ੍ਕਮਨੋ। ਕਥਞ੍ਚ, ਭਿਕ੍ਖવੇ, ਸਪਰਿਕ੍ਕਮਨੋ ਅਯਂ ਧਮ੍ਮੋ, ਨਾਯਂ ਧਮ੍ਮੋ ਅਪਰਿਕ੍ਕਮਨੋ? ਪਾਣਾਤਿਪਾਤਿਸ੍ਸ, ਭਿਕ੍ਖવੇ, ਪਾਣਾਤਿਪਾਤਾ વੇਰਮਣੀ ਪਰਿਕ੍ਕਮਨਂ ਹੋਤਿ। ਅਦਿਨ੍ਨਾਦਾਯਿਸ੍ਸ, ਭਿਕ੍ਖવੇ, ਅਦਿਨ੍ਨਾਦਾਨਾ વੇਰਮਣੀ ਪਰਿਕ੍ਕਮਨਂ ਹੋਤਿ। ਕਾਮੇਸੁਮਿਚ੍ਛਾਚਾਰਿਸ੍ਸ, ਭਿਕ੍ਖવੇ, ਕਾਮੇਸੁਮਿਚ੍ਛਾਚਾਰਾ વੇਰਮਣੀ ਪਰਿਕ੍ਕਮਨਂ ਹੋਤਿ। ਮੁਸਾવਾਦਿਸ੍ਸ, ਭਿਕ੍ਖવੇ, ਮੁਸਾવਾਦਾ વੇਰਮਣੀ ਪਰਿਕ੍ਕਮਨਂ ਹੋਤਿ। ਪਿਸੁਣવਾਚਸ੍ਸ , ਭਿਕ੍ਖવੇ, ਪਿਸੁਣਾਯ વਾਚਾਯ વੇਰਮਣੀ ਪਰਿਕ੍ਕਮਨਂ ਹੋਤਿ। ਫਰੁਸવਾਚਸ੍ਸ, ਭਿਕ੍ਖવੇ, ਫਰੁਸਾਯ વਾਚਾਯ વੇਰਮਣੀ ਪਰਿਕ੍ਕਮਨਂ ਹੋਤਿ। ਸਮ੍ਫਪ੍ਪਲਾਪਿਸ੍ਸ, ਭਿਕ੍ਖવੇ, ਸਮ੍ਫਪ੍ਪਲਾਪਾ વੇਰਮਣੀ ਪਰਿਕ੍ਕਮਨਂ ਹੋਤਿ। ਅਭਿਜ੍ਝਾਲੁਸ੍ਸ, ਭਿਕ੍ਖવੇ, ਅਨਭਿਜ੍ਝਾ ਪਰਿਕ੍ਕਮਨਂ ਹੋਤਿ। ਬ੍ਯਾਪਨ੍ਨਚਿਤ੍ਤਸ੍ਸ 1, ਭਿਕ੍ਖવੇ, ਅਬ੍ਯਾਪਾਦੋ ਪਰਿਕ੍ਕਮਨਂ ਹੋਤਿ। ਮਿਚ੍ਛਾਦਿਟ੍ਠਿਸ੍ਸ, ਭਿਕ੍ਖવੇ, ਸਮ੍ਮਾਦਿਟ੍ਠਿ ਪਰਿਕ੍ਕਮਨਂ ਹੋਤਿ। ਏવਂ ਖੋ, ਭਿਕ੍ਖવੇ, ਸਪਰਿਕ੍ਕਮਨੋ ਅਯਂ ਧਮ੍ਮੋ, ਨਾਯਂ ਧਮ੍ਮੋ ਅਪਰਿਕ੍ਕਮਨੋ’’ਤਿ। ਨવਮਂ।
175. ‘‘Saparikkamano ayaṃ, bhikkhave, dhammo, nāyaṃ dhammo aparikkamano. Kathañca, bhikkhave, saparikkamano ayaṃ dhammo, nāyaṃ dhammo aparikkamano? Pāṇātipātissa, bhikkhave, pāṇātipātā veramaṇī parikkamanaṃ hoti. Adinnādāyissa, bhikkhave, adinnādānā veramaṇī parikkamanaṃ hoti. Kāmesumicchācārissa, bhikkhave, kāmesumicchācārā veramaṇī parikkamanaṃ hoti. Musāvādissa, bhikkhave, musāvādā veramaṇī parikkamanaṃ hoti. Pisuṇavācassa , bhikkhave, pisuṇāya vācāya veramaṇī parikkamanaṃ hoti. Pharusavācassa, bhikkhave, pharusāya vācāya veramaṇī parikkamanaṃ hoti. Samphappalāpissa, bhikkhave, samphappalāpā veramaṇī parikkamanaṃ hoti. Abhijjhālussa, bhikkhave, anabhijjhā parikkamanaṃ hoti. Byāpannacittassa 2, bhikkhave, abyāpādo parikkamanaṃ hoti. Micchādiṭṭhissa, bhikkhave, sammādiṭṭhi parikkamanaṃ hoti. Evaṃ kho, bhikkhave, saparikkamano ayaṃ dhammo, nāyaṃ dhammo aparikkamano’’ti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਪਰਿਕ੍ਕਮਨਸੁਤ੍ਤવਣ੍ਣਨਾ • 9. Parikkamanasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੪੪. ਬ੍ਰਾਹ੍ਮਣਪਚ੍ਚੋਰੋਹਣੀਸੁਤ੍ਤਾਦਿવਣ੍ਣਨਾ • 1-44. Brāhmaṇapaccorohaṇīsuttādivaṇṇanā
