| Library / Tipiṭaka / திபிடக • Tipiṭaka / நெத்திப்பகரண-டீகா • Nettippakaraṇa-ṭīkā |
15. பரிக்கா²ரஹாரவிப⁴ங்க³வண்ணனா
15. Parikkhārahāravibhaṅgavaṇṇanā
49. ‘‘ஹினோதீ’’தி பத³ஸ்ஸ அத்த²ங் த³ஸ்ஸெந்தோ ‘‘காரணபா⁴வங் க³ச்ச²தீ’’தி ஆஹ அனேகத்த²த்தா தா⁴தூனங். ஏதீதி ஆக³ச்ச²தி, உப்பஜ்ஜதீதி அத்தோ².
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
அவிஜ்ஜாயபி ஹேதுபா⁴வேதி எத்த² அவிஜ்ஜா அனந்தராய அவிஜ்ஜாய அனந்தரஸமனந்தரூபனிஸ்ஸயனத்தி²விக³தாஸேவனபச்சயேஹி, அனந்தராய பன ஸஹஜாதாய ஸஹஜாதஅஞ்ஞமஞ்ஞனிஸ்ஸயஸம்பயுத்தஅத்தி²அவிக³தஹேதுபச்சயேஹி, அஸஹஜாதாய உபனிஸ்ஸயகோடியா ஏவ பச்சயோ ஹோதீதி வேதி³தப்³ப³ங். அத்தனோ ப²லங் கரோதீதி காரணந்தி ஆஹ ‘‘காரணபா⁴வோ ச ப²லாபெக்கா²யா’’தி.
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
நிப்³ப³த்திஅத்தோ² ப²லத்தோ² ப²லஸங்கா²தோ அத்தோ².
Nibbattiattho phalattho phalasaṅkhāto attho.
யோ ஸபா⁴வோதி புஞ்ஞாதி³அபி⁴ஸங்கா²ரானங் யோ அபி⁴ஸங்க²ரணஸபா⁴வோ, ஸோ ஹேது. ஸேஸபதே³ஸூதி விஞ்ஞாணாதி³பதே³ஸு. யதா²வுத்தப்பபே⁴தோ³தி ‘‘அஸாதா⁴ரணலக்க²ணோ ஹேதூ’’திஆதி³னா வுத்தப்பபே⁴தோ³. யோ கோசி பச்சயோதி ஜனகாதி³பே⁴த³ங் யங் கிஞ்சி காரணங். அபி⁴ஸங்க²ரணதோதி பச்சக்க²தோ, பரம்பராய ச நிப்³ப³த்தனதோ.
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
பரிக்கா²ரஹாரவிப⁴ங்க³வண்ணனா நிட்டி²தா.
Parikkhārahāravibhaṅgavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 15. பரிக்கா²ரஹாரவிப⁴ங்கோ³ • 15. Parikkhārahāravibhaṅgo
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / 15. பரிக்கா²ரஹாரவிப⁴ங்க³வண்ணனா • 15. Parikkhārahāravibhaṅgavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 15. பரிக்கா²ரஹாரவிப⁴ங்க³விபா⁴வனா • 15. Parikkhārahāravibhaṅgavibhāvanā
