| Library / Tipiṭaka / তিপিটক • Tipiṭaka / নেত্তিপ্পকরণ-টীকা • Nettippakaraṇa-ṭīkā |
১৫. পরিক্খারহারৰিভঙ্গৰণ্ণনা
15. Parikkhārahāravibhaṅgavaṇṇanā
৪৯. ‘‘হিনোতী’’তি পদস্স অত্থং দস্সেন্তো ‘‘কারণভাৰং গচ্ছতী’’তি আহ অনেকত্থত্তা ধাতূনং। এতীতি আগচ্ছতি, উপ্পজ্জতীতি অত্থো।
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
অৰিজ্জাযপি হেতুভাৰেতি এত্থ অৰিজ্জা অনন্তরায অৰিজ্জায অনন্তরসমনন্তরূপনিস্সযনত্থিৰিগতাসেৰনপচ্চযেহি, অনন্তরায পন সহজাতায সহজাতঅঞ্ঞমঞ্ঞনিস্সযসম্পযুত্তঅত্থিঅৰিগতহেতুপচ্চযেহি, অসহজাতায উপনিস্সযকোটিযা এৰ পচ্চযো হোতীতি ৰেদিতব্বং। অত্তনো ফলং করোতীতি কারণন্তি আহ ‘‘কারণভাৰো চ ফলাপেক্খাযা’’তি।
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
নিব্বত্তিঅত্থো ফলত্থো ফলসঙ্খাতো অত্থো।
Nibbattiattho phalattho phalasaṅkhāto attho.
যো সভাৰোতি পুঞ্ঞাদিঅভিসঙ্খারানং যো অভিসঙ্খরণসভাৰো, সো হেতু। সেসপদেসূতি ৰিঞ্ঞাণাদিপদেসু। যথাৰুত্তপ্পভেদোতি ‘‘অসাধারণলক্খণো হেতূ’’তিআদিনা ৰুত্তপ্পভেদো। যো কোচি পচ্চযোতি জনকাদিভেদং যং কিঞ্চি কারণং। অভিসঙ্খরণতোতি পচ্চক্খতো, পরম্পরায চ নিব্বত্তনতো।
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
পরিক্খারহারৰিভঙ্গৰণ্ণনা নিট্ঠিতা।
Parikkhārahāravibhaṅgavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / নেত্তিপ্পকরণপাল়ি • Nettippakaraṇapāḷi / ১৫. পরিক্খারহারৰিভঙ্গো • 15. Parikkhārahāravibhaṅgo
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / ১৫. পরিক্খারহারৰিভঙ্গৰণ্ণনা • 15. Parikkhārahāravibhaṅgavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিৰিভাৰিনী • Nettivibhāvinī / ১৫. পরিক্খারহারৰিভঙ্গৰিভাৰনা • 15. Parikkhārahāravibhaṅgavibhāvanā
