| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
15. баригкаарахааравибхан̇г̇аван̣н̣анаа
15. Parikkhārahāravibhaṅgavaṇṇanā
49. д̇ад̇т̇а гад̇амо баригкааро хаарод̇и баригкаарахааравибхан̇г̇о. д̇ад̇т̇а яо д̇хаммо яам̣ д̇хаммам̣ ж̇анаяад̇и, д̇асса со баригкаарод̇и сан̇кзбад̇о баригкааралагкан̣ам̣ вад̇ваа д̇ам̣ вибхааг̇зна д̣̇ассзд̇ум̣ ‘‘гим̣лагкан̣о’’д̇иаад̣̇и вуд̇д̇ам̣. д̇ад̇т̇а хинод̇и ад̇д̇ано палам̣ бадигааран̣абхаавам̣ г̇ажчад̇ийд̇и хзд̇у. бадижжа зд̇асмаа палам̣ зд̇ийд̇и бажжаяо. гин̃жааби хзд̇убажжаяасад̣̇д̣̇зхи гааран̣амзва вужжад̇и, д̇ат̇ааби д̇ад̇т̇а висзсам̣ вибхааг̇зна д̣̇ассзд̇ум̣ ‘‘асаад̇хааран̣алагкан̣о’’д̇иаад̣̇и вуд̇д̇ам̣. сабхааво хзд̇ууд̇и самаанабхааво б̣ийж̇ам̣ хзд̇у. нану жа б̣ийж̇ам̣ ан̇гураад̣̇исад̣̇исам̣ на ход̇ийд̇и? но на ход̇и, ан̃н̃ад̇о хи д̇аад̣̇исасса ануббаж̇ж̇анад̇о.
49.Tatthakatamo parikkhāro hāroti parikkhārahāravibhaṅgo. Tattha yo dhammo yaṃ dhammaṃ janayati, tassa so parikkhāroti saṅkhepato parikkhāralakkhaṇaṃ vatvā taṃ vibhāgena dassetuṃ ‘‘kiṃlakkhaṇo’’tiādi vuttaṃ. Tattha hinoti attano phalaṃ paṭikāraṇabhāvaṃ gacchatīti hetu. Paṭicca etasmā phalaṃ etīti paccayo. Kiñcāpi hetupaccayasaddehi kāraṇameva vuccati, tathāpi tattha visesaṃ vibhāgena dassetuṃ ‘‘asādhāraṇalakkhaṇo’’tiādi vuttaṃ. Sabhāvo hetūti samānabhāvo bījaṃ hetu. Nanu ca bījaṃ aṅkurādisadisaṃ na hotīti? No na hoti, aññato hi tādisassa anuppajjanato.
‘‘яат̇аа ваа банаа’’д̇иаад̣̇инааби уд̣̇аахаран̣анд̇арад̣̇ассанзна хзд̇убажжаяаанам̣ висзсамзва вибхаавзд̇и. д̇ад̇т̇а д̣̇уд̣̇д̇ханд̇и кийрам̣. д̣̇ад̇хи бхавад̇ийд̇и згад̇д̇анаязна абхзд̣̇обажаарзна ваа вуд̇д̇ам̣, на ан̃н̃ат̇аа. на хи кийрам̣ д̣̇ад̇хи ход̇и. д̇знзвааха – ‘‘на жад̇т̇и згагааласамавад̇хаанам̣ д̣̇уд̣̇д̇хасса жа д̣̇ад̇хисса жаа’’д̇и. ат̇а ваа гхадз д̣̇уд̣̇д̇хам̣ багкид̇д̇ам̣ д̣̇ад̇хи бхавад̇и, д̣̇ад̇хи д̇ад̇т̇а гааланд̇арз ж̇ааяад̇и бажжаяанд̇арасамааяог̇зна, д̇асмаа на жад̇т̇и згагааласамавад̇хаанам̣ д̣̇уд̣̇д̇хасса жа д̣̇ад̇хисса жа расакийравибаагаад̣̇ийхи бхиннасабхаавад̇д̇аа. звамзванд̇и яат̇аа хзд̇убхууд̇асса кийрасса палабхууд̇зна д̣̇ад̇хинаа на згагааласамавад̇хаанам̣, зваман̃н̃ассааби хзд̇усса палзна на згагааласамавад̇хаанам̣, на д̇ат̇аа бажжаяасса, на хи бажжаяо зганд̇зна палзна бхиннагаало зваад̇и. звамби хзд̇убажжаяаанам̣ висзсо взд̣̇ид̇аб̣б̣од̇и ад̇хиббааяо.
‘‘Yathā vā panā’’tiādināpi udāharaṇantaradassanena hetupaccayānaṃ visesameva vibhāveti. Tattha duddhanti khīraṃ. Dadhi bhavatīti ekattanayena abhedopacārena vā vuttaṃ, na aññathā. Na hi khīraṃ dadhi hoti. Tenevāha – ‘‘na catthi ekakālasamavadhānaṃ duddhassa ca dadhissa cā’’ti. Atha vā ghaṭe duddhaṃ pakkhittaṃ dadhi bhavati, dadhi tattha kālantare jāyati paccayantarasamāyogena, tasmā na catthi ekakālasamavadhānaṃ duddhassa ca dadhissa ca rasakhīravipākādīhi bhinnasabhāvattā. Evamevanti yathā hetubhūtassa khīrassa phalabhūtena dadhinā na ekakālasamavadhānaṃ, evamaññassāpi hetussa phalena na ekakālasamavadhānaṃ, na tathā paccayassa, na hi paccayo ekantena phalena bhinnakālo evāti. Evampi hetupaccayānaṃ viseso veditabboti adhippāyo.
звам̣ б̣аахирам̣ хзд̇убажжаяавибхааг̇ам̣ д̣̇ассзд̇ваа ид̣̇аани аж̇жхад̇д̇игам̣ д̣̇ассзд̇ум̣ ‘‘аяан̃хи сам̣сааро’’д̇иаад̣̇и вуд̇д̇ам̣. д̇ад̇т̇а ‘‘авиж̇ж̇аа авиж̇ж̇ааяа хзд̇уу’’д̇и вуд̇д̇з гим̣ згасмим̣ жид̇д̇уббаад̣̇з анзгаа авиж̇ж̇аа виж̇ж̇анд̇ийд̇и? ааха ‘‘буримигаа авиж̇ж̇аа бажчимигааяа авиж̇ж̇ааяа хзд̇уу’’д̇и. д̇зна згасмим̣ гаалз хзд̇упалаанам̣ самавад̇хаанам̣ над̇т̇ийд̇и зд̇амзвад̇т̇ам̣ самад̇т̇зд̇и. д̇ад̇т̇а ‘‘буримигаа авиж̇ж̇аа’’д̇иаад̣̇инаа хзд̇упалабхууд̇аанам̣ авиж̇ж̇аанам̣ вибхааг̇ам̣ д̣̇ассзд̇и. ‘‘б̣ийж̇ан̇гуро вияаа’’д̇иаад̣̇инаа имамад̇т̇ам̣ д̣̇ассзд̇и – яат̇аа б̣ийж̇ам̣ ан̇гурасса хзд̇у хонд̇ам̣ самананд̇арахзд̇уд̇ааяа хзд̇у ход̇и. яам̣ бана б̣ийж̇ад̇о палам̣ ниб̣б̣ад̇д̇ад̇и, д̇асса б̣ийж̇ам̣ барамбарахзд̇уд̇ааяа хзд̇у ход̇и. звам̣ авиж̇ж̇ааяаби хзд̇убхаавз д̣̇адтаб̣б̣анд̇и.
Evaṃ bāhiraṃ hetupaccayavibhāgaṃ dassetvā idāni ajjhattikaṃ dassetuṃ ‘‘ayañhi saṃsāro’’tiādi vuttaṃ. Tattha ‘‘avijjā avijjāya hetū’’ti vutte kiṃ ekasmiṃ cittuppāde anekā avijjā vijjantīti? Āha ‘‘purimikā avijjā pacchimikāya avijjāya hetū’’ti. Tena ekasmiṃ kāle hetuphalānaṃ samavadhānaṃ natthīti etamevatthaṃ samattheti. Tattha ‘‘purimikā avijjā’’tiādinā hetuphalabhūtānaṃ avijjānaṃ vibhāgaṃ dasseti. ‘‘Bījaṅkuro viyā’’tiādinā imamatthaṃ dasseti – yathā bījaṃ aṅkurassa hetu hontaṃ samanantarahetutāya hetu hoti. Yaṃ pana bījato phalaṃ nibbattati, tassa bījaṃ paramparahetutāya hetu hoti. Evaṃ avijjāyapi hetubhāve daṭṭhabbanti.
буна ‘‘яат̇аа ваа банаа’’д̇иаад̣̇инааби хзд̇убажжаяавибхааг̇амзва д̣̇ассзд̇и. д̇ад̇т̇а т̇аалаганд̇и д̣̇ийбагабаллигаа. анаг̇г̇иганд̇и аг̇г̇им̣ винаа. д̣̇ийбзд̇унд̇и ж̇аалзд̇ум̣. ид̇и сабхааво хзд̇ууд̇и звам̣ бад̣̇ийбуж̇ж̇ааланаад̣̇ийсу аг̇г̇иаад̣̇ибад̣̇ийбасад̣̇исам̣ гааран̣ам̣ сабхааво хзд̇у. барабхааво бажжаяод̇и д̇ад̇т̇зва габаллигааваддид̇злаад̣̇исад̣̇исо аг̇г̇ид̇о ан̃н̃о сабхааво бажжаяо. аж̇жхад̇д̇игод̇и нияагаж̇жхад̇д̇иго нияагаж̇жхад̇д̇з бхаво. б̣аахирод̇и д̇ад̇о б̣ахибхууд̇о. ж̇анагод̇и ниб̣б̣ад̇д̇аго. бариг̇г̇аахагод̇и убад̇т̇амбхаго. асаад̇хааран̣од̇и аавзн̣иго. саад̇хааран̣од̇и ан̃н̃зсамби бажжаяуббаннаанам̣ самаано.
Puna ‘‘yathā vā panā’’tiādināpi hetupaccayavibhāgameva dasseti. Tattha thālakanti dīpakapallikā. Anaggikanti aggiṃ vinā. Dīpetunti jāletuṃ. Iti sabhāvo hetūti evaṃ padīpujjālanādīsu aggiādipadīpasadisaṃ kāraṇaṃ sabhāvo hetu. Parabhāvo paccayoti tattheva kapallikāvaṭṭitelādisadiso aggito añño sabhāvo paccayo. Ajjhattikoti niyakajjhattiko niyakajjhatte bhavo. Bāhiroti tato bahibhūto. Janakoti nibbattako. Pariggāhakoti upatthambhako. Asādhāraṇoti āveṇiko. Sādhāraṇoti aññesampi paccayuppannānaṃ samāno.
ид̣̇аани яасмаа гааран̣ам̣ ‘‘баригкааро’’д̇и вуд̇д̇ам̣, гааран̣абхааво жа палаабзгкааяа, д̇асмаа гааран̣асса яо гааран̣абхааво яат̇аа жа со ход̇и, яан̃жа палам̣ яо жа д̇асса висзсо, яо жа гааран̣апалаанам̣ самб̣анд̇хо, д̇ам̣ саб̣б̣ам̣ вибхаавзд̇ум̣ ‘‘авубажчзд̣̇ад̇т̇о’’д̇иаад̣̇и вуд̇д̇ам̣. д̇ад̇т̇а гааран̣апалабхаавзна самб̣анд̇хад̇аа санд̇ад̇и. го жа д̇ад̇т̇а самб̣анд̇хо, го гааран̣апалабхааво жа? со зва авубажчзд̣̇ад̇т̇о. яо палабхууд̇о ан̃н̃асса агааран̣ам̣ худ̇ваа нируж̇жхад̇и, со вубажчинно наама ход̇и, яат̇аа д̇ам̣ арахад̇о жуд̇ижид̇д̇ам̣. яо бана ад̇д̇ано ануруубасса паласса хзд̇у худ̇ваа нируж̇жхад̇и, со анубажчинно зва наама ход̇и, хзд̇упаласамб̣анд̇хасса виж̇ж̇амаанад̇д̇аад̇и ааха – ‘‘авубажчзд̣̇ад̇т̇о санд̇ад̇иад̇т̇о’’д̇и.
Idāni yasmā kāraṇaṃ ‘‘parikkhāro’’ti vuttaṃ, kāraṇabhāvo ca phalāpekkhāya, tasmā kāraṇassa yo kāraṇabhāvo yathā ca so hoti, yañca phalaṃ yo ca tassa viseso, yo ca kāraṇaphalānaṃ sambandho, taṃ sabbaṃ vibhāvetuṃ ‘‘avupacchedattho’’tiādi vuttaṃ. Tattha kāraṇaphalabhāvena sambandhatā santati. Ko ca tattha sambandho, ko kāraṇaphalabhāvo ca? So eva avupacchedattho. Yo phalabhūto aññassa akāraṇaṃ hutvā nirujjhati, so vupacchinno nāma hoti, yathā taṃ arahato cuticittaṃ. Yo pana attano anurūpassa phalassa hetu hutvā nirujjhati, so anupacchinno eva nāma hoti, hetuphalasambandhassa vijjamānattāti āha – ‘‘avupacchedattho santatiattho’’ti.
яасмаа жа гааран̣ад̇о ниб̣б̣ад̇д̇ам̣ палам̣ наама, на аниб̣б̣ад̇д̇ам̣, д̇асмаа ‘‘ниб̣б̣ад̇д̇иад̇т̇о палад̇т̇о’’д̇и вуд̇д̇ам̣. яасмаа бана буримабхавзна ананд̇арабхавабадисанд̇хаанавасзна бавад̇д̇аа убабад̇д̇игканд̇хаа бунаб̣бхаво, д̇асмаа вуд̇д̇ам̣ – ‘‘бадисанд̇хиад̇т̇о бунаб̣бхавад̇т̇о’’д̇и. д̇ат̇аа яасса буг̇г̇аласса гилзсаа уббаж̇ж̇анд̇и, д̇ам̣ балиб̣унд̇хзнд̇и саммаа бадибаж̇ж̇ид̇ум̣ на д̣̇знд̇и. яаава жа маг̇г̇зна асамуг̇гхаад̇ид̇аа, д̇аава анусзнд̇и наама, д̇зна вуд̇д̇ам̣ – ‘‘балиб̣од̇хад̇т̇о барияудтаанад̇т̇о, асамуг̇гхаад̇ад̇т̇о анусаяад̇т̇о’’д̇и. барин̃н̃аабхисамаяавасзна барин̃н̃аад̇з на гад̣̇аажи д̇ам̣ наамаруубан̇гурасса гааран̣ам̣ хзссад̇ийд̇и ааха – ‘‘абарин̃н̃аад̇ад̇т̇о вин̃н̃аан̣асса б̣ийж̇ад̇т̇о’’д̇и. яад̇т̇а авубажчзд̣̇о д̇ад̇т̇а санд̇ад̇ийд̇и яад̇т̇а руубааруубаббавад̇д̇ияам̣ яат̇аавуд̇д̇о авубажчзд̣̇о, д̇ад̇т̇а санд̇ад̇ивохааро . яад̇т̇а санд̇ад̇и д̇ад̇т̇а ниб̣б̣ад̇д̇ийд̇иаад̣̇и бажжаяабарамбарад̣̇ассанам̣ хзд̇упаласамб̣анд̇хавибхааванамзва.
Yasmā ca kāraṇato nibbattaṃ phalaṃ nāma, na anibbattaṃ, tasmā ‘‘nibbattiattho phalattho’’ti vuttaṃ. Yasmā pana purimabhavena anantarabhavapaṭisandhānavasena pavattā upapattikkhandhā punabbhavo, tasmā vuttaṃ – ‘‘paṭisandhiattho punabbhavattho’’ti. Tathā yassa puggalassa kilesā uppajjanti, taṃ palibundhenti sammā paṭipajjituṃ na denti. Yāva ca maggena asamugghātitā, tāva anusenti nāma, tena vuttaṃ – ‘‘palibodhattho pariyuṭṭhānattho, asamugghātattho anusayattho’’ti. Pariññābhisamayavasena pariññāte na kadāci taṃ nāmarūpaṅkurassa kāraṇaṃ hessatīti āha – ‘‘apariññātattho viññāṇassa bījattho’’ti. Yattha avupacchedo tattha santatīti yattha rūpārūpappavattiyaṃ yathāvutto avupacchedo, tattha santativohāro . Yattha santati tattha nibbattītiādi paccayaparamparadassanaṃ hetuphalasambandhavibhāvanameva.
‘‘яат̇аа ваа бана жагкун̃жа бадижжаа’’д̇иаад̣̇инаа ‘‘сабхааво хзд̇уу’’д̇и вуд̇д̇амзвад̇т̇ам̣ вибхааг̇зна д̣̇ассзд̇и. д̇ад̇т̇а санниссаяад̇ааяаад̇и убаниссаяабажжаяад̇ааяа. манасигаарод̇и гирияааманод̇хаад̇у. саа хи жагкувин̃н̃аан̣асса вин̃н̃аан̣абхаавзна самаанаж̇аад̇ид̇ааяа сабхааво хзд̇у. сан̇каараа вин̃н̃аан̣асса бажжаяо сабхааво хзд̇ууд̇и бун̃н̃аад̣̇иабхисан̇каараа бадисанд̇хивин̃н̃аан̣асса бажжаяо, д̇ад̇т̇а яо сабхааво, со хзд̇ууд̇и. сан̇каараад̇и жзд̇т̇а саб̣б̣о логияо гусалаагусалажид̇д̇уббаад̣̇о ад̇хиббзд̇о. иминаа наязна сзсабад̣̇зсуби ад̇т̇о взд̣̇ид̇аб̣б̣о. звам̣ яо гожи убаниссаяо саб̣б̣о со баригкаарод̇и яат̇аавуд̇д̇аббабхзд̣̇о яо гожи бажжаяо, со саб̣б̣о ад̇д̇ано паласса баригкаран̣ад̇о абхисан̇каран̣ад̇о баригкааро. д̇асса нид̣̇д̇хаарзд̇ваа гат̇анам̣ баригкааро хаарод̇и.
‘‘Yathā vā pana cakkhuñca paṭiccā’’tiādinā ‘‘sabhāvo hetū’’ti vuttamevatthaṃ vibhāgena dasseti. Tattha sannissayatāyāti upanissayapaccayatāya. Manasikāroti kiriyāmanodhātu. Sā hi cakkhuviññāṇassa viññāṇabhāvena samānajātitāya sabhāvo hetu. Saṅkhārā viññāṇassa paccayo sabhāvo hetūti puññādiabhisaṅkhārā paṭisandhiviññāṇassa paccayo, tattha yo sabhāvo, so hetūti. Saṅkhārāti cettha sabbo lokiyo kusalākusalacittuppādo adhippeto. Iminā nayena sesapadesupi attho veditabbo. Evaṃ yo koci upanissayo sabbo so parikkhāroti yathāvuttappabhedo yo koci paccayo, so sabbo attano phalassa parikkharaṇato abhisaṅkharaṇato parikkhāro. Tassa niddhāretvā kathanaṃ parikkhāro hāroti.
баригкаарахааравибхан̇г̇аван̣н̣анаа нидтид̇аа.
Parikkhārahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 15. баригкаарахааравибхан̇г̇о • 15. Parikkhārahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 15. баригкаарахааравибхан̇г̇аван̣н̣анаа • 15. Parikkhārahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 15. баригкаарахааравибхан̇г̇авибхааванаа • 15. Parikkhārahāravibhaṅgavibhāvanā
