| Library / Tipiṭaka / තිපිටක • Tipiṭaka / නෙත්‌තිප්‌පකරණ-ටීකා • Nettippakaraṇa-ṭīkā |
15. පරික්‌ඛාරහාරවිභඞ්‌ගවණ්‌ණනා
15. Parikkhārahāravibhaṅgavaṇṇanā
49. ‘‘හිනොතී’’ති පදස්‌ස අත්‌ථං දස්‌සෙන්‌තො ‘‘කාරණභාවං ගච්‌ඡතී’’ති ආහ අනෙකත්‌ථත්‌තා ධාතූනං. එතීති ආගච්‌ඡති, උප්‌පජ්‌ජතීති අත්‌ථො.
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
අවිජ්‌ජායපි හෙතුභාවෙති එත්‌ථ අවිජ්‌ජා අනන්‌තරාය අවිජ්‌ජාය අනන්‌තරසමනන්‌තරූපනිස්‌සයනත්‌ථිවිගතාසෙවනපච්‌චයෙහි, අනන්‌තරාය පන සහජාතාය සහජාතඅඤ්‌ඤමඤ්‌ඤනිස්‌සයසම්‌පයුත්‌තඅත්‌ථිඅවිගතහෙතුපච්‌චයෙහි, අසහජාතාය උපනිස්‌සයකොටියා එව පච්‌චයො හොතීති වෙදිතබ්‌බං. අත්‌තනො ඵලං කරොතීති කාරණන්‌ති ආහ ‘‘කාරණභාවො ච ඵලාපෙක්‌ඛායා’’ති.
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
නිබ්‌බත්‌තිඅත්‌ථො ඵලත්‌ථො ඵලසඞ්‌ඛාතො අත්‌ථො.
Nibbattiattho phalattho phalasaṅkhāto attho.
යො සභාවොති පුඤ්‌ඤාදිඅභිසඞ්‌ඛාරානං යො අභිසඞ්‌ඛරණසභාවො, සො හෙතු. සෙසපදෙසූති විඤ්‌ඤාණාදිපදෙසු. යථාවුත්‌තප්‌පභෙදොති ‘‘අසාධාරණලක්‌ඛණො හෙතූ’’තිආදිනා වුත්‌තප්‌පභෙදො. යො කොචි පච්‌චයොති ජනකාදිභෙදං යං කිඤ්‌චි කාරණං. අභිසඞ්‌ඛරණතොති පච්‌චක්‌ඛතො, පරම්‌පරාය ච නිබ්‌බත්‌තනතො.
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
පරික්‌ඛාරහාරවිභඞ්‌ගවණ්‌ණනා නිට්‌ඨිතා.
Parikkhārahāravibhaṅgavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / නෙත්‌තිප්‌පකරණපාළි • Nettippakaraṇapāḷi / 15. පරික්‌ඛාරහාරවිභඞ්‌ගො • 15. Parikkhārahāravibhaṅgo
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / නෙත්‌තිප්‌පකරණ-අට්‌ඨකථා • Nettippakaraṇa-aṭṭhakathā / 15. පරික්‌ඛාරහාරවිභඞ්‌ගවණ්‌ණනා • 15. Parikkhārahāravibhaṅgavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / ඛුද්‌දකනිකාය (ටීකා) • Khuddakanikāya (ṭīkā) / නෙත්‌තිවිභාවිනී • Nettivibhāvinī / 15. පරික්‌ඛාරහාරවිභඞ්‌ගවිභාවනා • 15. Parikkhārahāravibhaṅgavibhāvanā
