| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎ-ཊཱིཀཱ • Nettippakaraṇa-ṭīkā |
༡༥. པརིཀྑཱརཧཱརཝིབྷངྒཝཎྞནཱ
15. Parikkhārahāravibhaṅgavaṇṇanā
༤༩. ‘‘ཧིནོཏཱི’’ཏི པདསྶ ཨཏྠཾ དསྶེནྟོ ‘‘ཀཱརཎབྷཱཝཾ གཙྪཏཱི’’ཏི ཨཱཧ ཨནེཀཏྠཏྟཱ དྷཱཏཱུནཾ། ཨེཏཱིཏི ཨཱགཙྪཏི, ཨུཔྤཛྫཏཱིཏི ཨཏྠོ།
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
ཨཝིཛྫཱཡཔི ཧེཏུབྷཱཝེཏི ཨེཏྠ ཨཝིཛྫཱ ཨནནྟརཱཡ ཨཝིཛྫཱཡ ཨནནྟརསམནནྟརཱུཔནིསྶཡནཏྠིཝིགཏཱསེཝནཔཙྩཡེཧི, ཨནནྟརཱཡ པན སཧཛཱཏཱཡ སཧཛཱཏཨཉྙམཉྙནིསྶཡསམྤཡུཏྟཨཏྠིཨཝིགཏཧེཏུཔཙྩཡེཧི, ཨསཧཛཱཏཱཡ ཨུཔནིསྶཡཀོཊིཡཱ ཨེཝ པཙྩཡོ ཧོཏཱིཏི ཝེདིཏབྦཾ། ཨཏྟནོ ཕལཾ ཀརོཏཱིཏི ཀཱརཎནྟི ཨཱཧ ‘‘ཀཱརཎབྷཱཝོ ཙ ཕལཱཔེཀྑཱཡཱ’’ཏི།
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
ནིབྦཏྟིཨཏྠོ ཕལཏྠོ ཕལསངྑཱཏོ ཨཏྠོ།
Nibbattiattho phalattho phalasaṅkhāto attho.
ཡོ སབྷཱཝོཏི པུཉྙཱདིཨབྷིསངྑཱརཱནཾ ཡོ ཨབྷིསངྑརཎསབྷཱཝོ, སོ ཧེཏུ། སེསཔདེསཱུཏི ཝིཉྙཱཎཱདིཔདེསུ། ཡཐཱཝུཏྟཔྤབྷེདོཏི ‘‘ཨསཱདྷཱརཎལཀྑཎོ ཧེཏཱུ’’ཏིཨཱདིནཱ ཝུཏྟཔྤབྷེདོ། ཡོ ཀོཙི པཙྩཡོཏི ཛནཀཱདིབྷེདཾ ཡཾ ཀིཉྩི ཀཱརཎཾ། ཨབྷིསངྑརཎཏོཏི པཙྩཀྑཏོ, པརམྤརཱཡ ཙ ནིབྦཏྟནཏོ།
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
པརིཀྑཱརཧཱརཝིབྷངྒཝཎྞནཱ ནིཊྛིཏཱ།
Parikkhārahāravibhaṅgavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ནེཏྟིཔྤཀརཎཔཱལི༹ • Nettippakaraṇapāḷi / ༡༥. པརིཀྑཱརཧཱརཝིབྷངྒོ • 15. Parikkhārahāravibhaṅgo
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā / ༡༥. པརིཀྑཱརཧཱརཝིབྷངྒཝཎྞནཱ • 15. Parikkhārahāravibhaṅgavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཝིབྷཱཝིནཱི • Nettivibhāvinī / ༡༥. པརིཀྑཱརཧཱརཝིབྷངྒཝིབྷཱཝནཱ • 15. Parikkhārahāravibhaṅgavibhāvanā
