| Library / Tipiṭaka / ਤਿਪਿਟਕ • Tipiṭaka / ਨੇਤ੍ਤਿਪ੍ਪਕਰਣ-ਟੀਕਾ • Nettippakaraṇa-ṭīkā |
੧੫. ਪਰਿਕ੍ਖਾਰਹਾਰવਿਭਙ੍ਗવਣ੍ਣਨਾ
15. Parikkhārahāravibhaṅgavaṇṇanā
੪੯. ‘‘ਹਿਨੋਤੀ’’ਤਿ ਪਦਸ੍ਸ ਅਤ੍ਥਂ ਦਸ੍ਸੇਨ੍ਤੋ ‘‘ਕਾਰਣਭਾવਂ ਗਚ੍ਛਤੀ’’ਤਿ ਆਹ ਅਨੇਕਤ੍ਥਤ੍ਤਾ ਧਾਤੂਨਂ। ਏਤੀਤਿ ਆਗਚ੍ਛਤਿ, ਉਪ੍ਪਜ੍ਜਤੀਤਿ ਅਤ੍ਥੋ।
49.‘‘Hinotī’’ti padassa atthaṃ dassento ‘‘kāraṇabhāvaṃ gacchatī’’ti āha anekatthattā dhātūnaṃ. Etīti āgacchati, uppajjatīti attho.
ਅવਿਜ੍ਜਾਯਪਿ ਹੇਤੁਭਾવੇਤਿ ਏਤ੍ਥ ਅવਿਜ੍ਜਾ ਅਨਨ੍ਤਰਾਯ ਅવਿਜ੍ਜਾਯ ਅਨਨ੍ਤਰਸਮਨਨ੍ਤਰੂਪਨਿਸ੍ਸਯਨਤ੍ਥਿવਿਗਤਾਸੇવਨਪਚ੍ਚਯੇਹਿ, ਅਨਨ੍ਤਰਾਯ ਪਨ ਸਹਜਾਤਾਯ ਸਹਜਾਤਅਞ੍ਞਮਞ੍ਞਨਿਸ੍ਸਯਸਮ੍ਪਯੁਤ੍ਤਅਤ੍ਥਿਅવਿਗਤਹੇਤੁਪਚ੍ਚਯੇਹਿ, ਅਸਹਜਾਤਾਯ ਉਪਨਿਸ੍ਸਯਕੋਟਿਯਾ ਏવ ਪਚ੍ਚਯੋ ਹੋਤੀਤਿ વੇਦਿਤਬ੍ਬਂ। ਅਤ੍ਤਨੋ ਫਲਂ ਕਰੋਤੀਤਿ ਕਾਰਣਨ੍ਤਿ ਆਹ ‘‘ਕਾਰਣਭਾવੋ ਚ ਫਲਾਪੇਕ੍ਖਾਯਾ’’ਤਿ।
Avijjāyapi hetubhāveti ettha avijjā anantarāya avijjāya anantarasamanantarūpanissayanatthivigatāsevanapaccayehi, anantarāya pana sahajātāya sahajātaaññamaññanissayasampayuttaatthiavigatahetupaccayehi, asahajātāya upanissayakoṭiyā eva paccayo hotīti veditabbaṃ. Attano phalaṃ karotīti kāraṇanti āha ‘‘kāraṇabhāvo ca phalāpekkhāyā’’ti.
ਨਿਬ੍ਬਤ੍ਤਿਅਤ੍ਥੋ ਫਲਤ੍ਥੋ ਫਲਸਙ੍ਖਾਤੋ ਅਤ੍ਥੋ।
Nibbattiattho phalattho phalasaṅkhāto attho.
ਯੋ ਸਭਾવੋਤਿ ਪੁਞ੍ਞਾਦਿਅਭਿਸਙ੍ਖਾਰਾਨਂ ਯੋ ਅਭਿਸਙ੍ਖਰਣਸਭਾવੋ, ਸੋ ਹੇਤੁ। ਸੇਸਪਦੇਸੂਤਿ વਿਞ੍ਞਾਣਾਦਿਪਦੇਸੁ। ਯਥਾવੁਤ੍ਤਪ੍ਪਭੇਦੋਤਿ ‘‘ਅਸਾਧਾਰਣਲਕ੍ਖਣੋ ਹੇਤੂ’’ਤਿਆਦਿਨਾ વੁਤ੍ਤਪ੍ਪਭੇਦੋ। ਯੋ ਕੋਚਿ ਪਚ੍ਚਯੋਤਿ ਜਨਕਾਦਿਭੇਦਂ ਯਂ ਕਿਞ੍ਚਿ ਕਾਰਣਂ। ਅਭਿਸਙ੍ਖਰਣਤੋਤਿ ਪਚ੍ਚਕ੍ਖਤੋ, ਪਰਮ੍ਪਰਾਯ ਚ ਨਿਬ੍ਬਤ੍ਤਨਤੋ।
Yo sabhāvoti puññādiabhisaṅkhārānaṃ yo abhisaṅkharaṇasabhāvo, so hetu. Sesapadesūti viññāṇādipadesu. Yathāvuttappabhedoti ‘‘asādhāraṇalakkhaṇo hetū’’tiādinā vuttappabhedo. Yo kocipaccayoti janakādibhedaṃ yaṃ kiñci kāraṇaṃ. Abhisaṅkharaṇatoti paccakkhato, paramparāya ca nibbattanato.
ਪਰਿਕ੍ਖਾਰਹਾਰવਿਭਙ੍ਗવਣ੍ਣਨਾ ਨਿਟ੍ਠਿਤਾ।
Parikkhārahāravibhaṅgavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਨੇਤ੍ਤਿਪ੍ਪਕਰਣਪਾਲ਼ਿ • Nettippakaraṇapāḷi / ੧੫. ਪਰਿਕ੍ਖਾਰਹਾਰવਿਭਙ੍ਗੋ • 15. Parikkhārahāravibhaṅgo
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਨੇਤ੍ਤਿਪ੍ਪਕਰਣ-ਅਟ੍ਠਕਥਾ • Nettippakaraṇa-aṭṭhakathā / ੧੫. ਪਰਿਕ੍ਖਾਰਹਾਰવਿਭਙ੍ਗવਣ੍ਣਨਾ • 15. Parikkhārahāravibhaṅgavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਖੁਦ੍ਦਕਨਿਕਾਯ (ਟੀਕਾ) • Khuddakanikāya (ṭīkā) / ਨੇਤ੍ਤਿવਿਭਾવਿਨੀ • Nettivibhāvinī / ੧੫. ਪਰਿਕ੍ਖਾਰਹਾਰવਿਭਙ੍ਗવਿਭਾવਨਾ • 15. Parikkhārahāravibhaṅgavibhāvanā
