| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
15. баригкаарахааравибхан̇г̇авибхааванаа
15. Parikkhārahāravibhaṅgavibhāvanā
49. язна язна сам̣ван̣н̣анаависзсабхууд̇зна вибхан̇г̇зна д̣̇угкасажжаад̣̇ийнам̣ згад̇д̇ад̇аад̣̇аяо вибхад̇д̇аа, со сам̣ван̣н̣анаависзсабхууд̇о барибун̣н̣о, ‘‘гад̇амо баригкаарахааравибхан̇г̇о наамаа’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо баригкааро хааро’’д̇иаад̣̇и вуд̇д̇ам̣. д̇ад̇т̇а д̇ад̇т̇аад̇и д̇зсу нид̣̇д̣̇идтзсу сол̣асасу д̣̇зсанаахаараад̣̇ийсу гад̇амо сам̣ван̣н̣анаависзсо баригкааро хааро баригкаарахааравибхан̇г̇о наамаад̇и бужчад̇и. ‘‘яз д̇хаммаа яам̣ д̇хаммам̣ ж̇анаяанд̇ий’’д̇иаад̣̇инид̣̇д̣̇зсасса ид̣̇аани маяаа вужжамаано ‘‘яо д̇хаммо яам̣ д̇хаммам̣ ж̇анаяад̇и, д̇асса со баригкааро’’д̇иаад̣̇иго баригкаарабхууд̇асса хзд̇уно жзва бажжаяасса жа вид̇т̇аарасам̣ван̣н̣анаависзсо баригкааравибхан̇г̇о наама.
49. Yena yena saṃvaṇṇanāvisesabhūtena vibhaṅgena dukkhasaccādīnaṃ ekattatādayo vibhattā, so saṃvaṇṇanāvisesabhūto paripuṇṇo, ‘‘katamo parikkhārahāravibhaṅgo nāmā’’ti pucchitabbattā ‘‘tattha katamo parikkhāro hāro’’tiādi vuttaṃ. Tattha tatthāti tesu niddiṭṭhesu soḷasasu desanāhārādīsu katamo saṃvaṇṇanāviseso parikkhāro hāro parikkhārahāravibhaṅgo nāmāti pucchati. ‘‘Ye dhammā yaṃ dhammaṃ janayantī’’tiādiniddesassa idāni mayā vuccamāno ‘‘yo dhammo yaṃ dhammaṃ janayati, tassa so parikkhāro’’tiādiko parikkhārabhūtassa hetuno ceva paccayassa ca vitthārasaṃvaṇṇanāviseso parikkhāravibhaṅgo nāma.
‘‘гад̇амо сам̣ван̣н̣зд̇аб̣б̣о баригкааро’’д̇и бужчид̇аб̣б̣ад̇д̇аа ‘‘яо д̇хаммо’’д̇иаад̣̇и вуд̇д̇ам̣. д̇ад̇т̇а яо хзд̇убажжаяаббагааро д̇хаммо яам̣ палабхууд̇ам̣ д̇хаммам̣ ж̇анаяад̇и ж̇анзд̇и, д̇асса палад̇хаммасса со хзд̇убажжаяаббагааро д̇хаммо баригкааро наама. ‘‘гим̣лагкан̣о баригкааро’’д̇и бужчид̇аб̣б̣ад̇д̇аа д̇ат̇аа бужчид̇ваа лагкан̣ависзсам̣ д̣̇ассзд̇ум̣ ‘‘гим̣лагкан̣о’’д̇иаад̣̇и вуд̇д̇ам̣. адтагат̇ааяам̣ бана – ‘‘д̇ад̇т̇а ‘яо д̇хаммо яам̣ д̇хаммам̣ ж̇анаяад̇и, д̇асса со баригкааро’д̇и сан̇кзбад̇о баригкааралагкан̣ам̣ вад̇ваа д̇ам̣ вибхааг̇зна д̣̇ассзд̇ум̣ ‘гим̣лагкан̣о’д̇иаад̣̇и вуд̇д̇а’’нд̇и (нзд̇д̇и. адта. 49) вуд̇д̇ам̣. ‘‘гид̇д̇агаа д̇хаммаа ж̇анаяанд̇ий’’д̇и бужчид̇аб̣б̣ад̇д̇аа ‘‘д̣̇вз д̇хаммаа ж̇анаяанд̇и хзд̇у жа бажжаяо жаа’’д̇и вуд̇д̇ам̣. ‘‘хзд̇уби гааран̣ам̣, бажжаяоби гааран̣ам̣ , д̇асмаа гааран̣ааязва гзна лагкан̣зна д̣̇вид̇хаа вуд̇д̇аа’’д̇и вад̇д̇аб̣б̣ад̇д̇аа ‘‘д̇ад̇т̇а гим̣лагкан̣о’’д̇иаад̣̇и вуд̇д̇ам̣. ж̇анид̇аб̣б̣апалад̇о ан̃н̃зхи палзхи асаад̇хааран̣алагкан̣о хзд̇у, саб̣б̣апалзхи саад̇хааран̣алагкан̣о бажжаяо, иминаа висзсалагкан̣зна д̣̇вид̇хаа вад̇д̇аб̣б̣аад̇и ад̇т̇о. ‘‘саад̇хааран̣аасаад̇хааран̣ависзсо гийд̣̇исо бхавз’’д̇и бужчид̇аб̣б̣ад̇д̇аа ‘‘яат̇аа гим̣ бхавз’’д̇и бужчид̇ваа ‘‘яат̇аа ан̇гурассаа’’д̇иаад̣̇и вуд̇д̇ам̣. яат̇аа яо саад̇хааран̣аасаад̇хааран̣ависзсо ад̇т̇и, д̇ат̇аа со саад̇хааран̣аасаад̇хааран̣ависзсо гим̣ вияа бхавзд̇и ад̇т̇о. ан̇гурасса ниб̣б̣ад̇д̇ияаа б̣ийж̇ам̣ асаад̇хааран̣ам̣ яат̇аа, д̇ат̇аа хзд̇у паласса ниб̣б̣ад̇д̇ияаа асаад̇хааран̣о бхавз. бат̇авий жа аабо жа ан̇гурасса ниб̣б̣ад̇д̇ияаа саад̇хааран̣аа бхаванд̇и яат̇аа, д̇ат̇аа бажжаяо паласса ниб̣б̣ад̇д̇ияаа саад̇хааран̣о бхавз. саб̣б̣апаласса бажжаяад̇д̇аа ан̇гурасса б̣ийж̇ам̣ асаад̇хааран̣ам̣ ж̇анагам̣ хзд̇у. ‘‘гат̇ам̣ бат̇авий, аабо жа саад̇хааран̣аа ж̇анагаад̇и сад̣̇д̣̇ахид̇аб̣б̣аа’’д̇и бужчид̇аб̣б̣ад̇д̇аа ‘‘ан̇гурасса хий’’д̇иаад̣̇и вуд̇д̇ам̣. самам̣ самаанам̣ палам̣ бхаваабзд̇ийд̇и сабхааво, го со? б̣ийж̇ам̣ хзд̇уязва. ‘‘гим̣ хзд̇убажжаяаанам̣ висзсо б̣ийж̇ан̇гуробамааязва д̣̇ассзд̇аб̣б̣о, уд̣̇ааху ан̃н̃уубамааяаби д̣̇ассзд̇аб̣б̣о’’д̇и вад̇д̇аб̣б̣ад̇д̇аа ан̃н̃ааяа убамааяаби висзсам̣ д̣̇ассзд̇ум̣ ‘‘яат̇аа ваа банаа’’д̇иаад̣̇и вуд̇д̇ам̣. имааяа убамааяаби хзд̇убажжаяаанам̣ висзсо виж̇аанид̇аб̣б̣од̇и ад̇хиббааяо.
‘‘Katamo saṃvaṇṇetabbo parikkhāro’’ti pucchitabbattā ‘‘yo dhammo’’tiādi vuttaṃ. Tattha yo hetupaccayappakāro dhammo yaṃ phalabhūtaṃ dhammaṃ janayati janeti, tassa phaladhammassa so hetupaccayappakāro dhammo parikkhāro nāma. ‘‘Kiṃlakkhaṇo parikkhāro’’ti pucchitabbattā tathā pucchitvā lakkhaṇavisesaṃ dassetuṃ ‘‘kiṃlakkhaṇo’’tiādi vuttaṃ. Aṭṭhakathāyaṃ pana – ‘‘tattha ‘yo dhammo yaṃ dhammaṃ janayati, tassa so parikkhāro’ti saṅkhepato parikkhāralakkhaṇaṃ vatvā taṃ vibhāgena dassetuṃ ‘kiṃlakkhaṇo’tiādi vutta’’nti (netti. aṭṭha. 49) vuttaṃ. ‘‘Kittakā dhammā janayantī’’ti pucchitabbattā ‘‘dve dhammā janayanti hetu ca paccayo cā’’ti vuttaṃ. ‘‘Hetupi kāraṇaṃ, paccayopi kāraṇaṃ , tasmā kāraṇāyeva kena lakkhaṇena dvidhā vuttā’’ti vattabbattā ‘‘tattha kiṃlakkhaṇo’’tiādi vuttaṃ. Janitabbaphalato aññehi phalehi asādhāraṇalakkhaṇo hetu, sabbaphalehi sādhāraṇalakkhaṇo paccayo, iminā visesalakkhaṇena dvidhā vattabbāti attho. ‘‘Sādhāraṇāsādhāraṇaviseso kīdiso bhave’’ti pucchitabbattā ‘‘yathā kiṃ bhave’’ti pucchitvā ‘‘yathā aṅkurassā’’tiādi vuttaṃ. Yathā yo sādhāraṇāsādhāraṇaviseso atthi, tathā so sādhāraṇāsādhāraṇaviseso kiṃ viya bhaveti attho. Aṅkurassa nibbattiyā bījaṃ asādhāraṇaṃ yathā, tathā hetu phalassa nibbattiyā asādhāraṇo bhave. Pathavī ca āpo ca aṅkurassa nibbattiyā sādhāraṇā bhavanti yathā, tathā paccayo phalassa nibbattiyā sādhāraṇo bhave. Sabbaphalassa paccayattā aṅkurassa bījaṃ asādhāraṇaṃ janakaṃ hetu. ‘‘Kathaṃ pathavī, āpo ca sādhāraṇā janakāti saddahitabbā’’ti pucchitabbattā ‘‘aṅkurassa hī’’tiādi vuttaṃ. Samaṃ samānaṃ phalaṃ bhavāpetīti sabhāvo, ko so? Bījaṃ hetuyeva. ‘‘Kiṃ hetupaccayānaṃ viseso bījaṅkuropamāyeva dassetabbo, udāhu aññūpamāyapi dassetabbo’’ti vattabbattā aññāya upamāyapi visesaṃ dassetuṃ ‘‘yathā vā panā’’tiādi vuttaṃ. Imāya upamāyapi hetupaccayānaṃ viseso vijānitabboti adhippāyo.
б̣ийж̇ан̇гураад̣̇ийсу б̣аахирзсу баригкаарабхууд̇аанам̣ хзд̇убажжаяаанам̣ висзсо аажариязна вибхад̇д̇о, амхзхи жа н̃аад̇о, ‘‘гат̇ам̣ аж̇жхад̇д̇игзсу вибхад̇д̇о’’д̇и бужчид̇аб̣б̣ад̇д̇аа ‘‘аяан̃хи сам̣сааро’’д̇иаад̣̇и вуд̇д̇ам̣. ат̇а ваа ‘‘б̣аахирзсу баригкаарабхууд̇о хзд̇убажжаяо яуд̇д̇о ход̇у, гат̇ам̣ аж̇жхад̇д̇игзсу яуд̇д̇о’’д̇и вад̇д̇аб̣б̣ад̇д̇аа ‘‘аяан̃хи сам̣сааро’’д̇иаад̣̇и вуд̇д̇ам̣. адтагат̇ааяам̣ бана – ‘‘звам̣ б̣аахирам̣ хзд̇убажжаяавибхааг̇ам̣ д̣̇ассзд̇ваа ид̣̇аани аж̇жхад̇д̇игам̣ д̣̇ассзд̇ум̣ ‘аяан̃хи сам̣сааро’д̇иаад̣̇и вуд̇д̇а’’нд̇и (нзд̇д̇и. адта. 49) вуд̇д̇ам̣. хзд̇убажжаязхи саха сам̣сааро бхавад̇ийд̇и сахзд̇убажжаяо. аяам̣ сам̣сааро хи яасмаа сахзд̇убажжаяо худ̇ваа ниб̣б̣ад̇д̇о, д̇асмаа аж̇жхад̇д̇игзби баригкаарабхууд̇о хзд̇убажжаяо яуд̇д̇оязваад̇и д̣̇адтаб̣б̣од̇и ад̇хиббааяо.
Bījaṅkurādīsu bāhiresu parikkhārabhūtānaṃ hetupaccayānaṃ viseso ācariyena vibhatto, amhehi ca ñāto, ‘‘kathaṃ ajjhattikesu vibhatto’’ti pucchitabbattā ‘‘ayañhi saṃsāro’’tiādi vuttaṃ. Atha vā ‘‘bāhiresu parikkhārabhūto hetupaccayo yutto hotu, kathaṃ ajjhattikesu yutto’’ti vattabbattā ‘‘ayañhi saṃsāro’’tiādi vuttaṃ. Aṭṭhakathāyaṃ pana – ‘‘evaṃ bāhiraṃ hetupaccayavibhāgaṃ dassetvā idāni ajjhattikaṃ dassetuṃ ‘ayañhi saṃsāro’tiādi vutta’’nti (netti. aṭṭha. 49) vuttaṃ. Hetupaccayehi saha saṃsāro bhavatīti sahetupaccayo. Ayaṃ saṃsāro hi yasmā sahetupaccayo hutvā nibbatto, tasmā ajjhattikepi parikkhārabhūto hetupaccayo yuttoyevāti daṭṭhabboti adhippāyo.
со имасса сам̣саарасса сахзд̇убажжаяад̇д̇ам̣ яад̣̇и бхаг̇авад̇аа вуд̇д̇ам̣, звам̣ сад̇и амхзхи сад̣̇д̣̇ахид̇аб̣б̣ам̣, ‘‘гат̇ам̣ сад̣̇д̣̇ахид̇аб̣б̣а’’нд̇и вад̇д̇аб̣б̣ад̇д̇аа ‘‘зван̃хий’’д̇иаад̣̇и вуд̇д̇ам̣. званд̇и иминаа авиж̇ж̇аад̣̇инаа хзд̇убажжаязна саб̣б̣о бадижжасамуббаад̣̇о сам̣саарод̇и ниб̣б̣ад̇д̇од̇и бхаг̇авад̇аа сам̣саарасса сахзд̇убажжаяад̇д̇ам̣ вуд̇д̇ам̣, д̇асмаа сад̣̇д̣̇ахид̇аб̣б̣ам̣. авиж̇ж̇аад̣̇аяо сан̇каараад̣̇ийнам̣ бажжаяо ход̇у, ‘‘гад̇амо авиж̇ж̇ааяа хзд̇уу’’д̇и бужчид̇аб̣б̣ад̇д̇аа ‘‘ид̇и авиж̇ж̇аа авиж̇ж̇ааяа хзд̇уу’’д̇и вуд̇д̇ам̣. ‘‘гад̇амо авиж̇ж̇ааяа бажжаяо’’д̇и бужчид̇аб̣б̣ад̇д̇аа ‘‘аяонисо манасигааро бажжаяо’’д̇и вуд̇д̇ам̣. ‘‘гад̇амаа авиж̇ж̇аа гад̇амааяа авиж̇ж̇ааяа хзд̇уу’’д̇и бужчид̇аб̣б̣ад̇д̇аа ‘‘буримигаа авиж̇ж̇аа бажчимигааяа авиж̇ж̇ааяа хзд̇уу’’д̇и вуд̇д̇ам̣. ‘‘гад̇амаа буримигаа авиж̇ж̇аа гад̇амаа бажчимигаа авиж̇ж̇аа’’д̇и бужчид̇аб̣б̣ад̇д̇аа ‘‘д̇ад̇т̇аа’’д̇иаад̣̇и вуд̇д̇ам̣. ‘‘авиж̇ж̇аабарияудтаанасса хзд̇убхууд̇о буримо авиж̇ж̇аанусаяо самананд̇арова гим̣, уд̣̇ааху барамбарахзд̇уби ход̇ий’’д̇и бужчид̇аб̣б̣ад̇д̇аа ‘‘б̣ийж̇ан̇гуро вияаа’’д̇иаад̣̇и вуд̇д̇ам̣. б̣ийж̇ан̇гурод̇и б̣ийж̇аанам̣ ан̇гурод̇и б̣ийж̇ан̇гуро, б̣ийж̇аанам̣ самананд̇арахзд̇уд̇ааяа ан̇гуро ниб̣б̣ад̇д̇ад̇и вияа. яад̇т̇а ругкаад̣̇игз яам̣ палам̣ ниб̣б̣ад̇д̇ад̇и, д̇асмим̣ ругкаад̣̇игз ниб̣б̣ад̇д̇асса асса паласса ид̣̇ам̣ б̣ийж̇ам̣ бана барамбарахзд̇уд̇ааяа хзд̇убхууд̇ам̣ бхавад̇и.
So imassa saṃsārassa sahetupaccayattaṃ yadi bhagavatā vuttaṃ, evaṃ sati amhehi saddahitabbaṃ, ‘‘kathaṃ saddahitabba’’nti vattabbattā ‘‘evañhī’’tiādi vuttaṃ. Evanti iminā avijjādinā hetupaccayena sabbo paṭiccasamuppādo saṃsāroti nibbattoti bhagavatā saṃsārassa sahetupaccayattaṃ vuttaṃ, tasmā saddahitabbaṃ. Avijjādayo saṅkhārādīnaṃ paccayo hotu, ‘‘katamo avijjāya hetū’’ti pucchitabbattā ‘‘iti avijjā avijjāya hetū’’ti vuttaṃ. ‘‘Katamo avijjāya paccayo’’ti pucchitabbattā ‘‘ayoniso manasikāro paccayo’’ti vuttaṃ. ‘‘Katamā avijjā katamāya avijjāya hetū’’ti pucchitabbattā ‘‘purimikā avijjā pacchimikāya avijjāya hetū’’ti vuttaṃ. ‘‘Katamā purimikā avijjā katamā pacchimikā avijjā’’ti pucchitabbattā ‘‘tatthā’’tiādi vuttaṃ. ‘‘Avijjāpariyuṭṭhānassa hetubhūto purimo avijjānusayo samanantarova kiṃ, udāhu paramparahetupi hotī’’ti pucchitabbattā ‘‘bījaṅkuro viyā’’tiādi vuttaṃ. Bījaṅkuroti bījānaṃ aṅkuroti bījaṅkuro, bījānaṃ samanantarahetutāya aṅkuro nibbattati viya. Yattha rukkhādike yaṃ phalaṃ nibbattati, tasmiṃ rukkhādike nibbattassa assa phalassa idaṃ bījaṃ pana paramparahetutāya hetubhūtaṃ bhavati.
‘‘б̣ийж̇ам̣ бана згам̣язва ход̇и, гат̇ам̣ д̣̇вид̇хаа вад̇д̇аб̣б̣а’’нд̇и вад̇д̇аб̣б̣ад̇д̇аа ‘‘д̣̇увид̇хо хий’’д̇иаад̣̇и вуд̇д̇ам̣, самананд̇арагаалабарамбарагаалабхзд̣̇зна хзд̇уби д̣̇увид̇хо ход̇иязваад̇и ад̇т̇о. б̣ийж̇абхууд̇о хзд̇у д̣̇увид̇хо яат̇аа, звам̣ авиж̇ж̇ааяа хзд̇убхууд̇о авиж̇ж̇аанусаяоби самананд̇арахзд̇у жа барамбарахзд̇у жаад̇и гаалабхзд̣̇зна д̣̇увид̇хо бхавад̇и, самананд̇аро авиж̇ж̇аанусаяо самананд̇арасса авиж̇ж̇аабарияудтаанасса самананд̇арахзд̇у ход̇и. буримад̇аро авиж̇ж̇аанусаяо бажчимад̇арасса авиж̇ж̇аабарияудтаанасса барамбарахзд̇у ход̇и. ид̇и б̣ийж̇абхууд̇о асаад̇хааран̣о хзд̇у, бат̇авийаабаад̣̇иго саад̇хааран̣о бажжаяод̇и висзсо баагадо яат̇аа, звам̣ авиж̇ж̇аанусаяо асаад̇хааран̣о хзд̇у, аяонисоманасигааро саад̇хааран̣о бажжаяод̇и висзсо д̣̇адтаб̣б̣о.
‘‘Bījaṃ pana ekaṃyeva hoti, kathaṃ dvidhā vattabba’’nti vattabbattā ‘‘duvidho hī’’tiādi vuttaṃ, samanantarakālaparamparakālabhedena hetupi duvidho hotiyevāti attho. Bījabhūto hetu duvidho yathā, evaṃ avijjāya hetubhūto avijjānusayopi samanantarahetu ca paramparahetu cāti kālabhedena duvidho bhavati, samanantaro avijjānusayo samanantarassa avijjāpariyuṭṭhānassa samanantarahetu hoti. Purimataro avijjānusayo pacchimatarassa avijjāpariyuṭṭhānassa paramparahetu hoti. Iti bījabhūto asādhāraṇo hetu, pathavīāpādiko sādhāraṇo paccayoti viseso pākaṭo yathā, evaṃ avijjānusayo asādhāraṇo hetu, ayonisomanasikāro sādhāraṇo paccayoti viseso daṭṭhabbo.
‘‘зд̇д̇агзнзва хзд̇убажжаяаанам̣ висзсо вад̇д̇аб̣б̣о’’д̇и вад̇д̇аб̣б̣ад̇д̇аа ‘‘яат̇аа ваа бана т̇аалаган̃жаа’’д̇иаад̣̇и вуд̇д̇ам̣. адтагат̇ааяам̣ бана – ‘‘яат̇аа ваа банаад̇иаад̣̇инааби хзд̇убажжаяавибхааг̇амзва д̣̇ассзд̇ий’’д̇и вуд̇д̇ам̣. д̇ад̇т̇а бад̣̇ийбасса бажжаяабхууд̇ам̣ т̇аалаган̃жа вадди жа д̇злан̃жа бад̣̇ийбасса сабхаавахзд̇у самаанахзд̇у на ход̇ийд̇и яож̇анаа. ‘‘бад̣̇ийбасса бажжаяабхууд̇амби т̇аалагаад̣̇игам̣ сабхаавахзд̇у на ход̇ийд̇и гасмаа сад̣̇д̣̇ахид̇аб̣б̣а’’нд̇и вад̇д̇аб̣б̣ад̇д̇аа ‘‘на хи саггаа’’д̇иаад̣̇и вуд̇д̇ам̣. бад̣̇ийбасса бажжаяабхууд̇ам̣ анаг̇г̇игам̣ аг̇г̇ирахид̇ам̣ т̇аалаган̃жа ваддин̃жа д̇злан̃жа д̣̇ийбзд̇ум̣ ж̇аалзд̇ум̣ хи яасмаа на саггаа, д̇асмаа буримо бад̣̇ийбо бажчимасса бад̣̇ийбасса сабхаавахзд̇у ход̇и вияа, звам̣ т̇аалагаад̣̇игам̣ сабхаавахзд̇у на ход̇и. ид̇и звам̣багааро сабхааво самаано бад̣̇ийбо хзд̇у ход̇и яат̇аа, барабхааво асамаано т̇аалагаад̣̇иго бажжаяо ход̇и яат̇аа жа, д̇ат̇аа аж̇жхад̇д̇иго сабхааво хзд̇у ход̇и, б̣аахиро асамаано бажжаяо ход̇и. ж̇анаго авиж̇ж̇аанусаяо авиж̇ж̇аабарияудтаанасса хзд̇у ход̇и, бариг̇г̇аахаго убад̇т̇амбхаго бажжаяо ход̇и. ан̃н̃зхи палзхи асаад̇хааран̣о хзд̇у ход̇и, саб̣б̣зхи палзхи саад̇хааран̣о бажжаяо ход̇ийд̇и яож̇зд̇ваа бад̣̇ийбобамааяаби хзд̇убажжаяаанам̣ баагадо висзсо д̣̇адтаб̣б̣од̇и ад̇хиббааяо.
‘‘Ettakeneva hetupaccayānaṃ viseso vattabbo’’ti vattabbattā ‘‘yathā vā pana thālakañcā’’tiādi vuttaṃ. Aṭṭhakathāyaṃ pana – ‘‘yathā vā panātiādināpi hetupaccayavibhāgameva dassetī’’ti vuttaṃ. Tattha padīpassa paccayabhūtaṃ thālakañca vaṭṭi ca telañca padīpassa sabhāvahetu samānahetu na hotīti yojanā. ‘‘Padīpassa paccayabhūtampi thālakādikaṃ sabhāvahetu na hotīti kasmā saddahitabba’’nti vattabbattā ‘‘na hi sakkā’’tiādi vuttaṃ. Padīpassa paccayabhūtaṃ anaggikaṃ aggirahitaṃ thālakañca vaṭṭiñca telañca dīpetuṃ jāletuṃ hi yasmā na sakkā, tasmā purimo padīpo pacchimassa padīpassa sabhāvahetu hoti viya, evaṃ thālakādikaṃ sabhāvahetu na hoti. Iti evaṃpakāro sabhāvo samāno padīpo hetu hoti yathā, parabhāvo asamāno thālakādiko paccayo hoti yathā ca, tathā ajjhattiko sabhāvo hetu hoti, bāhiro asamāno paccayo hoti. Janako avijjānusayo avijjāpariyuṭṭhānassa hetu hoti, pariggāhako upatthambhako paccayo hoti. Aññehi phalehi asādhāraṇo hetu hoti, sabbehi phalehi sādhāraṇo paccayo hotīti yojetvā padīpopamāyapi hetupaccayānaṃ pākaṭo viseso daṭṭhabboti adhippāyo.
хзд̇убажжаяаббабхзд̣̇ам̣ гааран̣ам̣ баригкаарод̇и аажариязна вуд̇д̇ам̣, д̇асса гааран̣асса гааран̣абхааво жа палаабзгко ход̇и, д̇асмаа ‘‘яо гааран̣абхааво язнаагаарзна ход̇и, гад̇амо со гааран̣абхааво, гад̇амо со аагааро’’д̇и бужчид̇аб̣б̣ад̇д̇аа жа ‘‘яам̣ палам̣ язна висзсзна ход̇и, гад̇амам̣ д̇ам̣ палам̣, гад̇амо со висзсо’’д̇и бужчид̇аб̣б̣ад̇д̇аа жа ‘‘гааран̣апалаанам̣ яо самб̣анд̇хо ход̇и, гад̇амо со самб̣анд̇хо’’д̇и бужчид̇аб̣б̣ад̇д̇аа жа д̇ам̣ саб̣б̣ам̣ вибхаавзд̇ум̣ ‘‘авубажчзд̣̇ад̇т̇о’’д̇иаад̣̇и вуд̇д̇ам̣. аяаманусанд̇хяад̇т̇о жа адтагат̇ааяам̣ ‘‘ид̣̇аани яасмаа гааран̣ам̣ ‘баригкааро’д̇и вуд̇д̇ам̣, гааран̣абхааво жа палаабзгкааяа, д̇асмаа гааран̣асса яо гааран̣абхааво яат̇аа жа со ход̇и, яан̃жа палам̣, яо жа д̇асса висзсо, яо жа гааран̣апалаанам̣ самб̣анд̇хо, д̇ам̣ саб̣б̣ам̣ вибхаавзд̇ум̣ ‘авубажчзд̣̇ад̇т̇о’д̇иаад̣̇и вуд̇д̇а’’нд̇и (нзд̇д̇и. адта. 49) иминаа вуд̇д̇од̇и д̣̇адтаб̣б̣о.
Hetupaccayappabhedaṃ kāraṇaṃ parikkhāroti ācariyena vuttaṃ, tassa kāraṇassa kāraṇabhāvo ca phalāpekkho hoti, tasmā ‘‘yo kāraṇabhāvo yenākārena hoti, katamo so kāraṇabhāvo, katamo so ākāro’’ti pucchitabbattā ca ‘‘yaṃ phalaṃ yena visesena hoti, katamaṃ taṃ phalaṃ, katamo so viseso’’ti pucchitabbattā ca ‘‘kāraṇaphalānaṃ yo sambandho hoti, katamo so sambandho’’ti pucchitabbattā ca taṃ sabbaṃ vibhāvetuṃ ‘‘avupacchedattho’’tiādi vuttaṃ. Ayamanusandhyattho ca aṭṭhakathāyaṃ ‘‘idāni yasmā kāraṇaṃ ‘parikkhāro’ti vuttaṃ, kāraṇabhāvo ca phalāpekkhāya, tasmā kāraṇassa yo kāraṇabhāvo yathā ca so hoti, yañca phalaṃ, yo ca tassa viseso, yo ca kāraṇaphalānaṃ sambandho, taṃ sabbaṃ vibhāvetuṃ ‘avupacchedattho’tiādi vutta’’nti (netti. aṭṭha. 49) iminā vuttoti daṭṭhabbo.
д̇ад̇т̇а авубажчиннасса хзд̇убажжаяасан̇каад̇асса гааран̣асса яо анубажчзд̣̇ад̇т̇о ад̇т̇и, со анубажчзд̣̇ад̇т̇о санд̇ад̇иад̇т̇о ход̇и палзна самб̣анд̇хад̇д̇аа , яан̃жа гааран̣ам̣ ад̇д̇ано паласса ж̇анагам̣ убад̇т̇амбхагам̣ худ̇ваа нируж̇жхад̇и, со анубажчинно зва наама ход̇ийд̇и. яан̃жа палам̣ ан̃н̃асса гааран̣ам̣ худ̇ваа нируж̇жхад̇и, д̇асмим̣ анубажчиннз д̇асса жа санд̇ад̇иад̇т̇о ход̇и. яам̣ бана палам̣ ан̃н̃асса паласса гааран̣ам̣ ахуд̇ваа нируж̇жхад̇и, д̇ам̣ убажчиннам̣ ход̇и, яат̇аа д̇ам̣ арахад̇о жуд̇ижид̇д̇анд̇и. гааран̣ад̇о ниб̣б̣ад̇д̇асса паласса яо ниб̣б̣ад̇д̇иад̇т̇о ад̇т̇и, со ниб̣б̣ад̇д̇иад̇т̇о палад̇т̇о ход̇и. бадисанд̇хигканд̇хаанам̣ яо бадисанд̇хиад̇т̇о бадисанд̣̇аханад̇т̇о ад̇т̇и, со бадисанд̇хиад̇т̇о бунаб̣бхавад̇т̇о бунаб̣бхаванад̇т̇о ход̇и. гилзсаанам̣ яо балиб̣од̇хад̇т̇о санд̇аанз уббаж̇ж̇анад̇т̇о ад̇т̇и, со балиб̣од̇хад̇т̇о барияудтаанад̇т̇о ход̇и. гилзсаанам̣ маг̇г̇зна яо асамуг̇гхаад̇ад̇т̇о ад̇т̇и, со асамуг̇гхаад̇ад̇т̇о анусаяад̇т̇о ход̇и. авиж̇ж̇ааяа жад̇уннам̣ сажжаанам̣ яо асамбадивзд̇хад̇т̇о ад̇т̇и, со асамбадивзд̇хад̇т̇о авиж̇ж̇ад̇т̇о ход̇и. арахад̇д̇амаг̇г̇зна яо абарин̃н̃аад̇ад̇т̇о ад̇т̇и, со абарин̃н̃аад̇ад̇т̇о вин̃н̃аан̣асса бадисанд̇хивин̃н̃аан̣асса б̣ийж̇ад̇т̇о ход̇и.
Tattha avupacchinnassa hetupaccayasaṅkhātassa kāraṇassa yo anupacchedattho atthi, so anupacchedattho santatiattho hoti phalena sambandhattā , yañca kāraṇaṃ attano phalassa janakaṃ upatthambhakaṃ hutvā nirujjhati, so anupacchinno eva nāma hotīti. Yañca phalaṃ aññassa kāraṇaṃ hutvā nirujjhati, tasmiṃ anupacchinne tassa ca santatiattho hoti. Yaṃ pana phalaṃ aññassa phalassa kāraṇaṃ ahutvā nirujjhati, taṃ upacchinnaṃ hoti, yathā taṃ arahato cuticittanti. Kāraṇato nibbattassa phalassa yo nibbattiattho atthi, so nibbattiattho phalattho hoti. Paṭisandhikkhandhānaṃ yo paṭisandhiattho paṭisandahanattho atthi, so paṭisandhiattho punabbhavattho punabbhavanattho hoti. Kilesānaṃ yo palibodhattho santāne uppajjanattho atthi, so palibodhattho pariyuṭṭhānattho hoti. Kilesānaṃ maggena yo asamugghātattho atthi, so asamugghātattho anusayattho hoti. Avijjāya catunnaṃ saccānaṃ yo asampaṭivedhattho atthi, so asampaṭivedhattho avijjattho hoti. Arahattamaggena yo apariññātattho atthi, so apariññātattho viññāṇassa paṭisandhiviññāṇassa bījattho hoti.
зд̇д̇аавад̇аа гааран̣абхааво жа гааран̣аагааро жа палан̃жа палависзсо жа аажариязна вибхад̇д̇о, амхзхи жа н̃аад̇о, ‘‘гад̇амо барамбарахзд̇убажжаяад̇т̇о, гад̇амо жа самб̣анд̇хад̇т̇о’’д̇и бужчид̇аб̣б̣ад̇д̇аа ‘‘яад̇т̇а авубажчзд̣̇о’’д̇иаад̣̇и вуд̇д̇ам̣. яад̇т̇а яассам̣ руубааруубабавад̇д̇ияам̣ авубажчиннасса хзд̇убажжаяаббабхзд̣̇асса гааран̣асса яо авубажчзд̣̇о ад̇т̇и, со авубажчзд̣̇о д̇ад̇т̇а д̇иссам̣ руубааруубабавад̇д̇ияам̣ санд̇ад̇и ход̇и. яад̇т̇а яассам̣ руубааруубабавад̇д̇ияам̣ яаа санд̇ад̇и ад̇т̇и, саа санд̇ад̇ид̇ад̇т̇а руубааруубабавад̇д̇ияам̣ ниб̣б̣ад̇д̇и ход̇ийд̇иаад̣̇инаа яож̇зд̇ваа барамбарахзд̇уаад̣̇иго вин̃н̃аад̇аб̣б̣о.
Ettāvatā kāraṇabhāvo ca kāraṇākāro ca phalañca phalaviseso ca ācariyena vibhatto, amhehi ca ñāto, ‘‘katamo paramparahetupaccayattho, katamo ca sambandhattho’’ti pucchitabbattā ‘‘yattha avupacchedo’’tiādi vuttaṃ. Yattha yassaṃ rūpārūpapavattiyaṃ avupacchinnassa hetupaccayappabhedassa kāraṇassa yo avupacchedo atthi, so avupacchedo tattha tissaṃ rūpārūpapavattiyaṃ santati hoti. Yattha yassaṃ rūpārūpapavattiyaṃ yā santati atthi, sā santatitattha rūpārūpapavattiyaṃ nibbatti hotītiādinā yojetvā paramparahetuādiko viññātabbo.
сийлагканд̇ход̇и барисуд̣̇д̇хасийлагканд̇хо. самаад̇хигканд̇хассаад̇и махаг̇г̇ад̇агканд̇хасса, самаад̇хибадтаано хи махаг̇г̇ад̇ад̇хаммо. бан̃н̃аагканд̇ход̇и маг̇г̇апалабан̃н̃аабад̇хаанагканд̇хо. со хи вимуд̇д̇ин̃аан̣ад̣̇ассанасан̇каад̇асса бажжавзгкан̣ан̃аан̣агканд̇хасса бажжаяо ход̇и. д̇ид̇т̇ан̃н̃уд̇аад̣̇ийнам̣ ад̇т̇о бад̣̇адтаанахааравибхан̇г̇аван̣н̣анааяам̣ вуд̇д̇ова.
Sīlakkhandhoti parisuddhasīlakkhandho. Samādhikkhandhassāti mahaggatakkhandhassa, samādhipaṭṭhāno hi mahaggatadhammo. Paññākkhandhoti maggaphalapaññāpadhānakkhandho. So hi vimuttiñāṇadassanasaṅkhātassa paccavekkhaṇañāṇakkhandhassa paccayo hoti. Titthaññutādīnaṃ attho padaṭṭhānahāravibhaṅgavaṇṇanāyaṃ vuttova.
сабхааво хзд̇ууд̇и аажариязна вуд̇д̇о, ‘‘гийд̣̇исо со сабхааво хзд̇уу’’д̇и бужчид̇аб̣б̣ад̇д̇аа ‘‘яат̇аа ваа бана жагкун̃жа бадижжаа’’д̇иаад̣̇и вуд̇д̇ам̣ . жагкувин̃н̃аан̣ам̣ жагкун̃жа жагкунд̣̇рияан̃жа бадижжа ниссаяам̣ гад̇ваа руубз бадижжа аарамман̣ам̣ гад̇ваа уббаж̇ж̇ад̇и. д̇ад̇т̇а жагкаад̣̇ийсу жагкунд̣̇рияам̣ аад̇хибад̇зяяабажжаяад̇ааяа инд̣̇рияабажжаяад̇ааяа жагкувин̃н̃аан̣асса бажжаяо, руубаарамман̣ам̣ бурзж̇аад̇аарамман̣абажжаяад̇ааяа бажжаяо, аалого санниссаяад̇ааяа убаниссаяад̇ааяа бажжаяо ход̇и. со бажжаяо хонд̇о палзна жагкувин̃н̃аан̣зна асамаанад̇д̇аа сабхааво хзд̇у на ход̇и, бажжаяо жа ход̇и манасигааро. гирияаманод̇хаад̇у бана палзна жагкувин̃н̃аан̣зна вин̃н̃аан̣абхаавзна самаанад̇д̇аа сабхааво хзд̇у ход̇и яат̇аа, звам̣ сан̇каараа наамагканд̇хабхаавзна самаанад̇д̇аа вин̃н̃аан̣асса бажжаяаа хонд̇аа сабхааво хзд̇у хонд̇и. вин̃н̃аан̣ам̣ наамаруубзна згасанд̇ад̇ивасзна самаанад̇д̇аа наамаруубасса бажжаяо хонд̇ам̣ сабхааво хзд̇у ход̇и. иминаа наязна ‘‘наамаруубам̣ сал̣ааяад̇анассаа’’д̇иаад̣̇ийсуби ад̇т̇о взд̣̇ид̇аб̣б̣о. звам̣ вуд̇д̇аббагааро хзд̇у, бажжаяо ж̇анаго, убад̇т̇амбхаго жа яо гожи убаниссаяо б̣алавабажжаяо ход̇и, саб̣б̣о со хзд̇убажжаяо ж̇анагаубад̇т̇амбхаго ж̇анид̇аб̣б̣убад̇т̇амбхияасса паласса баригкаран̣ад̇о абхисан̇каран̣ад̇о ниббарияааяад̇о баригкааро наама.
Sabhāvo hetūti ācariyena vutto, ‘‘kīdiso so sabhāvo hetū’’ti pucchitabbattā ‘‘yathā vā pana cakkhuñca paṭiccā’’tiādi vuttaṃ . Cakkhuviññāṇaṃ cakkhuñca cakkhundriyañca paṭicca nissayaṃ katvā rūpe paṭicca ārammaṇaṃ katvā uppajjati. Tattha cakkhādīsu cakkhundriyaṃ ādhipateyyapaccayatāya indriyapaccayatāya cakkhuviññāṇassa paccayo, rūpārammaṇaṃ purejātārammaṇapaccayatāya paccayo, āloko sannissayatāya upanissayatāya paccayo hoti. So paccayo honto phalena cakkhuviññāṇena asamānattā sabhāvo hetu na hoti, paccayo ca hoti manasikāro. Kiriyamanodhātu pana phalena cakkhuviññāṇena viññāṇabhāvena samānattā sabhāvo hetu hoti yathā, evaṃ saṅkhārā nāmakkhandhabhāvena samānattā viññāṇassa paccayā hontā sabhāvo hetu honti. Viññāṇaṃ nāmarūpena ekasantativasena samānattā nāmarūpassa paccayo hontaṃ sabhāvo hetu hoti. Iminā nayena ‘‘nāmarūpaṃ saḷāyatanassā’’tiādīsupi attho veditabbo. Evaṃ vuttappakāro hetu, paccayo janako, upatthambhako ca yo koci upanissayo balavapaccayo hoti, sabbo so hetupaccayo janakaupatthambhako janitabbupatthambhiyassa phalassa parikkharaṇato abhisaṅkharaṇato nippariyāyato parikkhāro nāma.
‘‘вуд̇д̇аббагааро хзд̇убажжаяо баригкааро наамаад̇и гзна амхзхи сад̣̇д̣̇ахид̇аб̣б̣о’’д̇и вад̇д̇аб̣б̣ад̇д̇аа ‘‘д̇знаахаа’’д̇иаад̣̇и вуд̇д̇ам̣. д̇зна гааран̣абхууд̇зна саб̣б̣асса хзд̇убажжаяасса баригкаарабхаавзна ааяасмаа махаагажжаано ‘‘яз д̇хаммаа яам̣ д̇хаммам̣ ж̇анаяанд̇ий’’д̇и яам̣ важанам̣ ааха, д̇зна важанзна сад̣̇д̣̇ахид̇аб̣б̣о, ‘‘яз д̇хаммаа яам̣ д̇хаммам̣ ж̇анаяанд̇ий’’д̇и важанам̣ ниссааяа д̇умхзхи саллагкзд̇аб̣б̣од̇и ад̇хиббааяо.
‘‘Vuttappakāro hetupaccayo parikkhāro nāmāti kena amhehi saddahitabbo’’ti vattabbattā ‘‘tenāhā’’tiādi vuttaṃ. Tena kāraṇabhūtena sabbassa hetupaccayassa parikkhārabhāvena āyasmā mahākaccāno ‘‘ye dhammā yaṃ dhammaṃ janayantī’’ti yaṃ vacanaṃ āha, tena vacanena saddahitabbo, ‘‘ye dhammā yaṃ dhammaṃ janayantī’’ti vacanaṃ nissāya tumhehi sallakkhetabboti adhippāyo.
‘‘зд̇д̇агова баригкааро хааро яун̃ж̇ид̇аб̣б̣о’’д̇и вад̇д̇аб̣б̣ад̇д̇аа ‘‘нияуд̇д̇о баригкааро хааро’’д̇и вуд̇д̇ам̣, яо яо баригкааро хааро яун̃ж̇ид̇аб̣б̣о, со со баригкааро хааро нийхарид̇ваа яуд̇д̇о яун̃ж̇ид̇аб̣б̣од̇и.
‘‘Ettakova parikkhāro hāro yuñjitabbo’’ti vattabbattā ‘‘niyutto parikkhāro hāro’’ti vuttaṃ, yo yo parikkhāro hāro yuñjitabbo, so so parikkhāro hāro nīharitvā yutto yuñjitabboti.
ид̇и баригкаарахааравибхан̇г̇з сад̇д̇иб̣алаануруубаа ражид̇аа
Iti parikkhārahāravibhaṅge sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана адтагат̇аадийгаанусаарзна г̇амбхийрад̇т̇о вид̇т̇аарад̇о вибхаж̇ид̇ваа г̇ахзд̇аб̣б̣од̇и.
Paṇḍitehi pana aṭṭhakathāṭīkānusārena gambhīrattho vitthārato vibhajitvā gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 15. баригкаарахааравибхан̇г̇о • 15. Parikkhārahāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 15. баригкаарахааравибхан̇г̇аван̣н̣анаа • 15. Parikkhārahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 15. баригкаарахааравибхан̇г̇аван̣н̣анаа • 15. Parikkhārahāravibhaṅgavaṇṇanā
