| Library / Tipiṭaka / д̇ибидага • Tipiṭaka / нзд̇д̇иббагаран̣абаал̣и • Nettippakaraṇapāḷi |
15. баригкаарахааравибхан̇г̇о
15. Parikkhārahāravibhaṅgo
49. д̇ад̇т̇а гад̇амо баригкааро хааро? ‘‘яз д̇хаммаа яам̣ д̇хаммам̣ ж̇анаяанд̇ий’’д̇и.
49. Tattha katamo parikkhāro hāro? ‘‘Ye dhammā yaṃ dhammaṃ janayantī’’ti.
яо д̇хаммо яам̣ д̇хаммам̣ ж̇анаяад̇и, д̇асса со баригкааро. гим̣лагкан̣о баригкааро? ж̇анагалагкан̣о баригкааро. д̣̇вз д̇хаммаа ж̇анаяанд̇и хзд̇у жа бажжаяо жа. д̇ад̇т̇а гим̣лагкан̣о хзд̇у, гим̣лагкан̣о бажжаяо? асаад̇хааран̣алагкан̣о хзд̇у, саад̇хааран̣алагкан̣о бажжаяо. яат̇аа гим̣ бхавз? яат̇аа ан̇гурасса ниб̣б̣ад̇д̇ияаа б̣ийж̇ам̣ асаад̇хааран̣ам̣, бат̇авий аабо жа саад̇хааран̣аа. ан̇гурасса хи бат̇авий аабо жа бажжаяо сабхааво хзд̇у. яат̇аа ваа бана гхадз д̣̇уд̣̇д̇хам̣ багкид̇д̇ам̣ д̣̇ад̇хи бхавад̇и, на жад̇т̇и згагааласамавад̇хаанам̣ д̣̇уд̣̇д̇хасса жа д̣̇ад̇хисса жа. звамзвам̣ над̇т̇и згагааласамавад̇хаанам̣ хзд̇усса жа бажжаяасса жа.
Yo dhammo yaṃ dhammaṃ janayati, tassa so parikkhāro. Kiṃlakkhaṇo parikkhāro? Janakalakkhaṇo parikkhāro. Dve dhammā janayanti hetu ca paccayo ca. Tattha kiṃlakkhaṇo hetu, kiṃlakkhaṇo paccayo? Asādhāraṇalakkhaṇo hetu, sādhāraṇalakkhaṇo paccayo. Yathā kiṃ bhave? Yathā aṅkurassa nibbattiyā bījaṃ asādhāraṇaṃ, pathavī āpo ca sādhāraṇā. Aṅkurassa hi pathavī āpo ca paccayo sabhāvo hetu. Yathā vā pana ghaṭe duddhaṃ pakkhittaṃ dadhi bhavati, na catthi ekakālasamavadhānaṃ duddhassa ca dadhissa ca. Evamevaṃ natthi ekakālasamavadhānaṃ hetussa ca paccayassa ca.
аяан̃хи сам̣сааро сахзд̇у саббажжаяо ниб̣б̣ад̇д̇о. вуд̇д̇ам̣ хи авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, звам̣ саб̣б̣о бадижжасамуббаад̣̇о. ид̇и авиж̇ж̇аа авиж̇ж̇ааяа хзд̇у аяонисо манасигааро бажжаяо. буримигаа авиж̇ж̇аа бажчимигааяа авиж̇ж̇ааяа хзд̇у. д̇ад̇т̇а буримигаа авиж̇ж̇аа авиж̇ж̇аанусаяо бажчимигаа авиж̇ж̇аа авиж̇ж̇аабарияудтаанам̣, буримиго авиж̇ж̇аанусаяо бажчимигасса авиж̇ж̇аабарияудтаанасса хзд̇убхууд̇о бариб̣рууханааяа, б̣ийж̇ан̇гуро вияа самананд̇арахзд̇уд̇ааяа. яам̣ бана яад̇т̇а палам̣ ниб̣б̣ад̇д̇ад̇и, ид̣̇амасса барамбарахзд̇уд̇ааяа хзд̇убхууд̇ам̣. д̣̇увид̇хо хи хзд̇у самананд̇арахзд̇у барамбарахзд̇у жа, звам̣ авиж̇ж̇ааяаби д̣̇увид̇хо хзд̇у самананд̇арахзд̇у барамбарахзд̇у жа.
Ayañhi saṃsāro sahetu sappaccayo nibbatto. Vuttaṃ hi avijjāpaccayā saṅkhārā, saṅkhārapaccayā viññāṇaṃ, evaṃ sabbo paṭiccasamuppādo. Iti avijjā avijjāya hetu ayoniso manasikāro paccayo. Purimikā avijjā pacchimikāya avijjāya hetu. Tattha purimikā avijjā avijjānusayo pacchimikā avijjā avijjāpariyuṭṭhānaṃ, purimiko avijjānusayo pacchimikassa avijjāpariyuṭṭhānassa hetubhūto paribrūhanāya, bījaṅkuro viya samanantarahetutāya. Yaṃ pana yattha phalaṃ nibbattati, idamassa paramparahetutāya hetubhūtaṃ. Duvidho hi hetu samanantarahetu paramparahetu ca, evaṃ avijjāyapi duvidho hetu samanantarahetu paramparahetu ca.
яат̇аа ваа бана т̇аалаган̃жа вадди жа д̇злан̃жа бад̣̇ийбасса бажжаяабхууд̇ам̣ на сабхаавахзд̇у, на хи саггаа т̇аалаган̃жа ваддин̃жа д̇злан̃жа анаг̇г̇игам̣ д̣̇ийбзд̇ум̣ бад̣̇ийбасса бажжаяабхууд̇ам̣. бад̣̇ийбо вияа сабхааво хзд̇у ход̇и. ид̇и сабхааво хзд̇у, барабхааво бажжаяо. аж̇жхад̇д̇иго хзд̇у, б̣аахиро бажжаяо. ж̇анаго хзд̇у, бариг̇г̇аахаго бажжаяо. асаад̇хааран̣о хзд̇у, саад̇хааран̣о бажжаяо.
Yathā vā pana thālakañca vaṭṭi ca telañca padīpassa paccayabhūtaṃ na sabhāvahetu, na hi sakkā thālakañca vaṭṭiñca telañca anaggikaṃ dīpetuṃ padīpassa paccayabhūtaṃ. Padīpo viya sabhāvo hetu hoti. Iti sabhāvo hetu, parabhāvo paccayo. Ajjhattiko hetu, bāhiro paccayo. Janako hetu, pariggāhako paccayo. Asādhāraṇo hetu, sādhāraṇo paccayo.
авубажчзд̣̇ад̇т̇о санд̇ад̇и ад̇т̇о, ниб̣б̣ад̇д̇и ад̇т̇о палад̇т̇о, бадисанд̇хи ад̇т̇о бунаб̣бхавад̇т̇о, балиб̣од̇хад̇т̇о барияудтаанад̇т̇о, асамуг̇гхаад̇ад̇т̇о анусаяад̇т̇о, асамбадивзд̇хад̇т̇о авиж̇ж̇ад̇т̇о, абарин̃н̃аад̇ад̇т̇о вин̃н̃аан̣асса б̣ийж̇ад̇т̇о. яад̇т̇а авубажчзд̣̇о д̇ад̇т̇а санд̇ад̇и, яад̇т̇а санд̇ад̇и д̇ад̇т̇а ниб̣б̣ад̇д̇и , яад̇т̇а ниб̣б̣ад̇д̇и д̇ад̇т̇а палам̣, яад̇т̇а палам̣ д̇ад̇т̇а бадисанд̇хи, яад̇т̇а бадисанд̇хи д̇ад̇т̇а бунаб̣бхаво, яад̇т̇а бунаб̣бхаво д̇ад̇т̇а балиб̣од̇хо, яад̇т̇а балиб̣од̇хо д̇ад̇т̇а барияудтаанам̣, яад̇т̇а барияудтаанам̣ д̇ад̇т̇а асамуг̇гхаад̇о. яад̇т̇а асамуг̇гхаад̇о д̇ад̇т̇а анусаяо, яад̇т̇а анусаяо д̇ад̇т̇а асамбадивзд̇хо, яад̇т̇а асамбадивзд̇хо д̇ад̇т̇а авиж̇ж̇аа, яад̇т̇а авиж̇ж̇аа д̇ад̇т̇а саасавам̣ вин̃н̃аан̣ам̣ абарин̃н̃аад̇ам̣, яад̇т̇а саасавам̣ вин̃н̃аан̣ам̣ абарин̃н̃аад̇ам̣ д̇ад̇т̇а б̣ийж̇ад̇т̇о.
Avupacchedattho santati attho, nibbatti attho phalattho, paṭisandhi attho punabbhavattho, palibodhattho pariyuṭṭhānattho, asamugghātattho anusayattho, asampaṭivedhattho avijjattho, apariññātattho viññāṇassa bījattho. Yattha avupacchedo tattha santati, yattha santati tattha nibbatti , yattha nibbatti tattha phalaṃ, yattha phalaṃ tattha paṭisandhi, yattha paṭisandhi tattha punabbhavo, yattha punabbhavo tattha palibodho, yattha palibodho tattha pariyuṭṭhānaṃ, yattha pariyuṭṭhānaṃ tattha asamugghāto. Yattha asamugghāto tattha anusayo, yattha anusayo tattha asampaṭivedho, yattha asampaṭivedho tattha avijjā, yattha avijjā tattha sāsavaṃ viññāṇaṃ apariññātaṃ, yattha sāsavaṃ viññāṇaṃ apariññātaṃ tattha bījattho.
сийлагканд̇хо самаад̇хигканд̇хасса бажжаяо, самаад̇хигканд̇хо бан̃н̃аагканд̇хасса бажжаяо, бан̃н̃аагканд̇хо вимуд̇д̇игканд̇хасса бажжаяо, вимуд̇д̇игканд̇хо вимуд̇д̇ин̃аан̣ад̣̇ассанагканд̇хасса бажжаяо. д̇ид̇т̇ан̃н̃уд̇аа бийд̇ан̃н̃уд̇ааяа бажжаяо, бийд̇ан̃н̃уд̇аа бад̇д̇ан̃н̃уд̇ааяа бажжаяо, бад̇д̇ан̃н̃уд̇аа ад̇д̇ан̃н̃уд̇ааяа бажжаяо.
Sīlakkhandho samādhikkhandhassa paccayo, samādhikkhandho paññākkhandhassa paccayo, paññākkhandho vimuttikkhandhassa paccayo, vimuttikkhandho vimuttiñāṇadassanakkhandhassa paccayo. Titthaññutā pītaññutāya paccayo, pītaññutā pattaññutāya paccayo, pattaññutā attaññutāya paccayo.
яат̇аа ваа бана жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣. д̇ад̇т̇а жагку аад̇хибад̇зяяабажжаяад̇ааяа бажжаяо, руубаа аарамман̣абажжаяад̇ааяа бажжаяо. аалого санниссаяад̇ааяа бажжаяо, манасигааро сабхааво хзд̇у . сан̇каараа вин̃н̃аан̣асса бажжаяо, сабхааво хзд̇у. вин̃н̃аан̣ам̣ наамаруубасса бажжаяо, сабхааво хзд̇у. наамаруубам̣ сал̣ааяад̇анасса бажжаяо, сабхааво хзд̇у. сал̣ааяад̇анам̣ пассасса бажжаяо, сабхааво хзд̇у. пассо взд̣̇анааяа бажжаяо, сабхааво хзд̇у. взд̣̇анаа д̇ан̣хааяа бажжаяо, сабхааво хзд̇у. д̇ан̣хаа убаад̣̇аанасса бажжаяо, сабхааво хзд̇у. убаад̣̇аанам̣ бхавасса бажжаяо, сабхааво хзд̇у. бхаво ж̇аад̇ияаа бажжаяо, сабхааво хзд̇у. ж̇аад̇и ж̇араамаран̣асса бажжаяо, сабхааво хзд̇у. ж̇араамаран̣ам̣ согасса бажжаяо, сабхааво хзд̇у. сого барид̣̇звасса бажжаяо, сабхааво хзд̇у. барид̣̇зво д̣̇угкасса бажжаяо, сабхааво хзд̇у. д̣̇угкам̣ д̣̇оманассасса бажжаяо, сабхааво хзд̇у. д̣̇оманассам̣ убааяаасасса бажжаяо, сабхааво хзд̇у. звам̣ яо гожи убаниссаяо саб̣б̣о со баригкааро. д̇знааха ааяасмаа махаагажжааяано ‘‘яз д̇хаммаа яам̣ д̇хаммам̣ ж̇анаяанд̇ий’’д̇и.
Yathā vā pana cakkhuñca paṭicca rūpe ca uppajjati cakkhuviññāṇaṃ. Tattha cakkhu ādhipateyyapaccayatāya paccayo, rūpā ārammaṇapaccayatāya paccayo. Āloko sannissayatāya paccayo, manasikāro sabhāvo hetu . Saṅkhārā viññāṇassa paccayo, sabhāvo hetu. Viññāṇaṃ nāmarūpassa paccayo, sabhāvo hetu. Nāmarūpaṃ saḷāyatanassa paccayo, sabhāvo hetu. Saḷāyatanaṃ phassassa paccayo, sabhāvo hetu. Phasso vedanāya paccayo, sabhāvo hetu. Vedanā taṇhāya paccayo, sabhāvo hetu. Taṇhā upādānassa paccayo, sabhāvo hetu. Upādānaṃ bhavassa paccayo, sabhāvo hetu. Bhavo jātiyā paccayo, sabhāvo hetu. Jāti jarāmaraṇassa paccayo, sabhāvo hetu. Jarāmaraṇaṃ sokassa paccayo, sabhāvo hetu. Soko paridevassa paccayo, sabhāvo hetu. Paridevo dukkhassa paccayo, sabhāvo hetu. Dukkhaṃ domanassassa paccayo, sabhāvo hetu. Domanassaṃ upāyāsassa paccayo, sabhāvo hetu. Evaṃ yo koci upanissayo sabbo so parikkhāro. Tenāha āyasmā mahākaccāyano ‘‘ye dhammā yaṃ dhammaṃ janayantī’’ti.
нияуд̇д̇о баригкааро хааро.
Niyutto parikkhāro hāro.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 15. баригкаарахааравибхан̇г̇аван̣н̣анаа • 15. Parikkhārahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 15. баригкаарахааравибхан̇г̇аван̣н̣анаа • 15. Parikkhārahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 15. баригкаарахааравибхан̇г̇авибхааванаа • 15. Parikkhārahāravibhaṅgavibhāvanā
