| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೩೫. ಪರಿಕ್ಖಾರನಿದ್ದೇಸವಣ್ಣನಾ
35. Parikkhāraniddesavaṇṇanā
೨೫೯-೨೬೦. ಗಿರಿಕೂಟನ್ತಿ ಮಕರದನ್ತಕಂ। ಸಿಬ್ಬಿತುಞ್ಚ ಛಿನ್ದಿತುಞ್ಚ ನ ವಟ್ಟತೀತಿ ಸಬ್ಬತ್ಥ ಯೋಜನಾ। ದಣ್ಡೇತಿ ಛತ್ತದಣ್ಡೇ।
259-260.Girikūṭanti makaradantakaṃ. Sibbituñca chindituñca na vaṭṭatīti sabbattha yojanā. Daṇḍeti chattadaṇḍe.
೨೬೧. ಸಿಬ್ಬಿತುಂ ವಾ ಪಞ್ಜರಂ ವಿನನ್ಧಿತುಂ ವಾ ಥಿರತ್ಥಂ ಛತ್ತೇ ಬನ್ಧಿತುಂ ದಣ್ಡೇ ಲೇಖಾ ವಟ್ಟತೀತಿ ಸಮ್ಬನ್ಧೋ। ಸಚೇ ವುತ್ತಪ್ಪಕಾರಂ ಅಕಪ್ಪಿಯಛತ್ತಂ ಲಭತಿ, ಘಟಕಮ್ಪಿ ವಾಳರೂಪಮ್ಪಿ ಛಿನ್ದಿತ್ವಾ ಧಾರೇತಬ್ಬಂ, ಲೇಖಾಪಿ ಘಂಸೇತ್ವಾ ಅಪನೇತಬ್ಬಾ, ಸುತ್ತಕೇನ ವಾ ದಣ್ಡೋ ವೇಠೇತಬ್ಬೋ।
261. Sibbituṃ vā pañjaraṃ vinandhituṃ vā thiratthaṃ chatte bandhituṃ daṇḍe lekhā vaṭṭatīti sambandho. Sace vuttappakāraṃ akappiyachattaṃ labhati, ghaṭakampi vāḷarūpampi chinditvā dhāretabbaṃ, lekhāpi ghaṃsetvā apanetabbā, suttakena vā daṇḍo veṭhetabbo.
೨೬೨. ಅನುವಾತಂ ಸನ್ಧಾಯ ‘‘ಅನ್ತೇ ವಾ’’ತಿ ವುತ್ತಂ। ದ್ವಿನ್ನಂ ಪಟ್ಟಾನಂ ಸಙ್ಘಟಿತಟ್ಠಾನಂ ಸನ್ಧಾಯ ‘‘ಪಟ್ಟಮುಖೇ ವಾಪೀ’’ತಿ ವುತ್ತಂ। ವರಕಸೀಸಾಕಾರೇನ ಸಿಬ್ಬನಂ ಸನ್ಧಾಯ ‘‘ವೇಣಿಕಾ’’ತಿ ಚ ಸತಪದಾಕಾರೇನ ಸಿಬ್ಬನಂ ಸನ್ಧಾಯ ‘‘ಸಙ್ಖಲಿಕಾಪಿ ವಾ’’ತಿ ಚ ವುತ್ತಂ। ಸತಪದಿಸದಿಸಂ ಅಞ್ಞಂ ವಾ ಸೂಚಿವಿಕಾರಂ ನ ಕಪ್ಪತಿ, ಪಕತಿಸೂಚಿಕಮ್ಮಮೇವ ವಟ್ಟತೀತಿ ಅತ್ಥೋ। ಪಾಳಿಕಣ್ಣಿಕಆದಿಕಂ ಚೀವರೇ ನ ಚ ಕಪ್ಪತೀತಿ ಸಮ್ಬನ್ಧೋ।
262. Anuvātaṃ sandhāya ‘‘ante vā’’ti vuttaṃ. Dvinnaṃ paṭṭānaṃ saṅghaṭitaṭṭhānaṃ sandhāya ‘‘paṭṭamukhe vāpī’’ti vuttaṃ. Varakasīsākārena sibbanaṃ sandhāya ‘‘veṇikā’’ti ca satapadākārena sibbanaṃ sandhāya ‘‘saṅkhalikāpi vā’’ti ca vuttaṃ. Satapadisadisaṃ aññaṃ vā sūcivikāraṃ na kappati, pakatisūcikammameva vaṭṭatīti attho. Pāḷikaṇṇikaādikaṃ cīvare na ca kappatīti sambandho.
೨೬೩-೪. ಚತುಕೋಣಾವ (ಪಾರಾ॰ ಅಟ್ಠ॰ ೧.೮೫) ಕಪ್ಪರೇತಿ ಸಮ್ಬನ್ಧೋ। ಅಗ್ಘಿಕನ್ತಿ ಅಗ್ಘಿಯಂ ಚೇತಿಯಸದಿಸಂ। ಏತ್ಥಾತಿ ಗಣ್ಠಿಪಾಸಕಪಟ್ಟೇ। ಕೋಣಸುತ್ತಾ ಚ ಪೀಳಕಾತಿ ನ ಕೇವಲಂ ಚತುಕೋಣಾ ಗಣ್ಠಿಕಪಾಸಕಪಟ್ಟಾವ ಕಪ್ಪನ್ತಿ, ಅಥ ಖೋ ದುವಿಞ್ಞೇಯ್ಯಾ ಕೋಣಸುತ್ತಪೀಳಕಾ ಚ ಕಪ್ಪರೇತಿ ಅತ್ಥೋ। ಗನ್ಧಂ ತೇಲಂ ವಾತಿ ಗನ್ಧಂ ವಾ ತೇಲಂ ವಾ।
263-4. Catukoṇāva (pārā. aṭṭha. 1.85) kappareti sambandho. Agghikanti agghiyaṃ cetiyasadisaṃ. Etthāti gaṇṭhipāsakapaṭṭe. Koṇasuttā ca pīḷakāti na kevalaṃ catukoṇā gaṇṭhikapāsakapaṭṭāva kappanti, atha kho duviññeyyā koṇasuttapīḷakā ca kappareti attho. Gandhaṃ telaṃ vāti gandhaṃ vā telaṃ vā.
೨೬೫. ರತ್ತನ್ತಿ (ಪಾರಾ॰ ಅಟ್ಠ॰ ೧.೮೫) ರಜಿತಂ। ಅಞ್ಞೇನ ವಾತಿ ಮುಗ್ಗರಾದಿನಾ ವಾ। ಕತ್ವಾತಿ ಠಪೇತ್ವಾ। ಪಹಾರೇ ನ ಚ ಮುಟ್ಠಿನಾತಿ ಮುಟ್ಠಿನಾ ನ ಪಹಾರೇಯ್ಯಾತಿ ಅತ್ಥೋ।
265.Rattanti (pārā. aṭṭha. 1.85) rajitaṃ. Aññena vāti muggarādinā vā. Katvāti ṭhapetvā. Pahāre na ca muṭṭhināti muṭṭhinā na pahāreyyāti attho.
೨೬೬-೭. ಛತ್ತವಟ್ಟಿಯಂ (ಪಾರಾ॰ ಅಟ್ಠ॰ ೧.೮೫) ಲೇಖಂ ಠಪೇತ್ವಾ ಧಮ್ಮಕರಣೇ ಲೇಖಾ ನ ವಟ್ಟತೀತಿ ಸಮ್ಬನ್ಧೋ। ಕುಞ್ಚಿಕಾಯ ಚ ಪಿಪ್ಫಲೇ ಚ ಮಣಿಕಾ ಚ ಪೀಳಕಾ ಚ ನ ವಟ್ಟತೀತಿ ಸಮ್ಬನ್ಧೋ। ತತ್ಥ ಮಣಿಕಾತಿ ಏಕಾ ಏವ ವಟ್ಟಮಣಿಕಾ। ಪೀಳಕಾ ಮುತ್ತರಾಜಿಸದಿಸಾ ಬಹೂ।
266-7. Chattavaṭṭiyaṃ (pārā. aṭṭha. 1.85) lekhaṃ ṭhapetvā dhammakaraṇe lekhā na vaṭṭatīti sambandho. Kuñcikāya ca pipphale ca maṇikā ca pīḷakā ca na vaṭṭatīti sambandho. Tattha maṇikāti ekā eva vaṭṭamaṇikā. Pīḷakā muttarājisadisā bahū.
೨೬೮-೯. ಮಾಲಾದ್ಯರಣಿಯನ್ತಿ (ಪಾರಾ॰ ಅಟ್ಠ॰ ೧.೮೫) ಅರಣಿಯಂ ಮಾಲಾದಿ ವಣ್ಣಮಟ್ಠಂ ನ ವಟ್ಟತೀತಿ ಸಮ್ಬನ್ಧೋ। ಏವಂ ಸಬ್ಬತ್ಥ। ತಿಪುಸೀಸಮಯೇ ಪತ್ತಮಣ್ಡಲೇ ಭಿತ್ತಿಕಮ್ಮಞ್ಚ ನ ವಟ್ಟತೀತಿ ಅತ್ಥೋ। ಹಿತ್ವಾತಿ ಠಪೇತ್ವಾ। ಸೂಚಿಸಣ್ಡಾಸಕೋ (ಪಾರಾ॰ ಅಟ್ಠ॰ ೧.೮೫) ನಾಮ ಸೂಚಿಂ ಡಂಸಾಪೇತ್ವಾ ಘಂಸಿತುಂ ಕತೋ ದಾರುಮಯೋ। ‘‘ಅನುಜಾನಾಮಿ, ಭಿಕ್ಖವೇ, ಮಕರದನ್ತಕಂ ಛಿನ್ದಿತು’’ನ್ತಿ (ಚೂಳವ॰ ೨೫೩) ವುತ್ತತ್ತಾ ಪತ್ತಮಣ್ಡಲೇ ಮಕರದನ್ತಕಂ ವಟ್ಟತಿ, ಅಞ್ಞಂ ಭಿತ್ತಿಕಮ್ಮಾದಿವಿಕಾರಮೇವ ನ ವಟ್ಟತಿ, ತಸ್ಮಾ ಗಿರಿಕೂಟಂ ಪತ್ತಮಣ್ಡಲೇ ಠಪೇತ್ವಾ ಅವಸೇಸೇ ನ ವಟ್ಟತೀತಿ ವೇದಿತಬ್ಬಂ।
268-9.Mālādyaraṇiyanti (pārā. aṭṭha. 1.85) araṇiyaṃ mālādi vaṇṇamaṭṭhaṃ na vaṭṭatīti sambandho. Evaṃ sabbattha. Tipusīsamaye pattamaṇḍale bhittikammañca na vaṭṭatīti attho. Hitvāti ṭhapetvā. Sūcisaṇḍāsako (pārā. aṭṭha. 1.85) nāma sūciṃ ḍaṃsāpetvā ghaṃsituṃ kato dārumayo. ‘‘Anujānāmi, bhikkhave, makaradantakaṃ chinditu’’nti (cūḷava. 253) vuttattā pattamaṇḍale makaradantakaṃ vaṭṭati, aññaṃ bhittikammādivikārameva na vaṭṭati, tasmā girikūṭaṃ pattamaṇḍale ṭhapetvā avasese na vaṭṭatīti veditabbaṃ.
೨೭೨. ಸೇನಾಸನೇತಿ (ಪಾರಾ॰ ಅಟ್ಠ॰ ೧.೮೫) ಪಾಸಾದಾದಿಸೇನಾಸನೇತಿ ಅತ್ಥೋ।
272.Senāsaneti (pārā. aṭṭha. 1.85) pāsādādisenāsaneti attho.
೨೭೩. ಪುಮಿತ್ಥಿರೂಪರಹಿತನ್ತಿ ಪುರಿಸರೂಪಇತ್ಥಿರೂಪರಹಿತನ್ತಿ ಅತ್ಥೋ। ಪರಿಕ್ಖಾರವಿನಿಚ್ಛಯೋ।
273.Pumitthirūparahitanti purisarūpaitthirūparahitanti attho. Parikkhāravinicchayo.
ಪರಿಕ್ಖಾರನಿದ್ದೇಸವಣ್ಣನಾ ನಿಟ್ಠಿತಾ।
Parikkhāraniddesavaṇṇanā niṭṭhitā.
