| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੫. ਪਰਿਕ੍ਖਾਰਨਿਦ੍ਦੇਸવਣ੍ਣਨਾ
35. Parikkhāraniddesavaṇṇanā
੨੫੯-੨੬੦. ਗਿਰਿਕੂਟਨ੍ਤਿ ਮਕਰਦਨ੍ਤਕਂ। ਸਿਬ੍ਬਿਤੁਞ੍ਚ ਛਿਨ੍ਦਿਤੁਞ੍ਚ ਨ વਟ੍ਟਤੀਤਿ ਸਬ੍ਬਤ੍ਥ ਯੋਜਨਾ। ਦਣ੍ਡੇਤਿ ਛਤ੍ਤਦਣ੍ਡੇ।
259-260.Girikūṭanti makaradantakaṃ. Sibbituñca chindituñca na vaṭṭatīti sabbattha yojanā. Daṇḍeti chattadaṇḍe.
੨੬੧. ਸਿਬ੍ਬਿਤੁਂ વਾ ਪਞ੍ਜਰਂ વਿਨਨ੍ਧਿਤੁਂ વਾ ਥਿਰਤ੍ਥਂ ਛਤ੍ਤੇ ਬਨ੍ਧਿਤੁਂ ਦਣ੍ਡੇ ਲੇਖਾ વਟ੍ਟਤੀਤਿ ਸਮ੍ਬਨ੍ਧੋ। ਸਚੇ વੁਤ੍ਤਪ੍ਪਕਾਰਂ ਅਕਪ੍ਪਿਯਛਤ੍ਤਂ ਲਭਤਿ, ਘਟਕਮ੍ਪਿ વਾਲ਼ਰੂਪਮ੍ਪਿ ਛਿਨ੍ਦਿਤ੍વਾ ਧਾਰੇਤਬ੍ਬਂ, ਲੇਖਾਪਿ ਘਂਸੇਤ੍વਾ ਅਪਨੇਤਬ੍ਬਾ, ਸੁਤ੍ਤਕੇਨ વਾ ਦਣ੍ਡੋ વੇਠੇਤਬ੍ਬੋ।
261. Sibbituṃ vā pañjaraṃ vinandhituṃ vā thiratthaṃ chatte bandhituṃ daṇḍe lekhā vaṭṭatīti sambandho. Sace vuttappakāraṃ akappiyachattaṃ labhati, ghaṭakampi vāḷarūpampi chinditvā dhāretabbaṃ, lekhāpi ghaṃsetvā apanetabbā, suttakena vā daṇḍo veṭhetabbo.
੨੬੨. ਅਨੁવਾਤਂ ਸਨ੍ਧਾਯ ‘‘ਅਨ੍ਤੇ વਾ’’ਤਿ વੁਤ੍ਤਂ। ਦ੍વਿਨ੍ਨਂ ਪਟ੍ਟਾਨਂ ਸਙ੍ਘਟਿਤਟ੍ਠਾਨਂ ਸਨ੍ਧਾਯ ‘‘ਪਟ੍ਟਮੁਖੇ વਾਪੀ’’ਤਿ વੁਤ੍ਤਂ। વਰਕਸੀਸਾਕਾਰੇਨ ਸਿਬ੍ਬਨਂ ਸਨ੍ਧਾਯ ‘‘વੇਣਿਕਾ’’ਤਿ ਚ ਸਤਪਦਾਕਾਰੇਨ ਸਿਬ੍ਬਨਂ ਸਨ੍ਧਾਯ ‘‘ਸਙ੍ਖਲਿਕਾਪਿ વਾ’’ਤਿ ਚ વੁਤ੍ਤਂ। ਸਤਪਦਿਸਦਿਸਂ ਅਞ੍ਞਂ વਾ ਸੂਚਿવਿਕਾਰਂ ਨ ਕਪ੍ਪਤਿ, ਪਕਤਿਸੂਚਿਕਮ੍ਮਮੇવ વਟ੍ਟਤੀਤਿ ਅਤ੍ਥੋ। ਪਾਲ਼ਿਕਣ੍ਣਿਕਆਦਿਕਂ ਚੀવਰੇ ਨ ਚ ਕਪ੍ਪਤੀਤਿ ਸਮ੍ਬਨ੍ਧੋ।
262. Anuvātaṃ sandhāya ‘‘ante vā’’ti vuttaṃ. Dvinnaṃ paṭṭānaṃ saṅghaṭitaṭṭhānaṃ sandhāya ‘‘paṭṭamukhe vāpī’’ti vuttaṃ. Varakasīsākārena sibbanaṃ sandhāya ‘‘veṇikā’’ti ca satapadākārena sibbanaṃ sandhāya ‘‘saṅkhalikāpi vā’’ti ca vuttaṃ. Satapadisadisaṃ aññaṃ vā sūcivikāraṃ na kappati, pakatisūcikammameva vaṭṭatīti attho. Pāḷikaṇṇikaādikaṃ cīvare na ca kappatīti sambandho.
੨੬੩-੪. ਚਤੁਕੋਣਾવ (ਪਾਰਾ॰ ਅਟ੍ਠ॰ ੧.੮੫) ਕਪ੍ਪਰੇਤਿ ਸਮ੍ਬਨ੍ਧੋ। ਅਗ੍ਘਿਕਨ੍ਤਿ ਅਗ੍ਘਿਯਂ ਚੇਤਿਯਸਦਿਸਂ। ਏਤ੍ਥਾਤਿ ਗਣ੍ਠਿਪਾਸਕਪਟ੍ਟੇ। ਕੋਣਸੁਤ੍ਤਾ ਚ ਪੀਲ਼ਕਾਤਿ ਨ ਕੇવਲਂ ਚਤੁਕੋਣਾ ਗਣ੍ਠਿਕਪਾਸਕਪਟ੍ਟਾવ ਕਪ੍ਪਨ੍ਤਿ, ਅਥ ਖੋ ਦੁવਿਞ੍ਞੇਯ੍ਯਾ ਕੋਣਸੁਤ੍ਤਪੀਲ਼ਕਾ ਚ ਕਪ੍ਪਰੇਤਿ ਅਤ੍ਥੋ। ਗਨ੍ਧਂ ਤੇਲਂ વਾਤਿ ਗਨ੍ਧਂ વਾ ਤੇਲਂ વਾ।
263-4. Catukoṇāva (pārā. aṭṭha. 1.85) kappareti sambandho. Agghikanti agghiyaṃ cetiyasadisaṃ. Etthāti gaṇṭhipāsakapaṭṭe. Koṇasuttā ca pīḷakāti na kevalaṃ catukoṇā gaṇṭhikapāsakapaṭṭāva kappanti, atha kho duviññeyyā koṇasuttapīḷakā ca kappareti attho. Gandhaṃ telaṃ vāti gandhaṃ vā telaṃ vā.
੨੬੫. ਰਤ੍ਤਨ੍ਤਿ (ਪਾਰਾ॰ ਅਟ੍ਠ॰ ੧.੮੫) ਰਜਿਤਂ। ਅਞ੍ਞੇਨ વਾਤਿ ਮੁਗ੍ਗਰਾਦਿਨਾ વਾ। ਕਤ੍વਾਤਿ ਠਪੇਤ੍વਾ। ਪਹਾਰੇ ਨ ਚ ਮੁਟ੍ਠਿਨਾਤਿ ਮੁਟ੍ਠਿਨਾ ਨ ਪਹਾਰੇਯ੍ਯਾਤਿ ਅਤ੍ਥੋ।
265.Rattanti (pārā. aṭṭha. 1.85) rajitaṃ. Aññena vāti muggarādinā vā. Katvāti ṭhapetvā. Pahāre na ca muṭṭhināti muṭṭhinā na pahāreyyāti attho.
੨੬੬-੭. ਛਤ੍ਤવਟ੍ਟਿਯਂ (ਪਾਰਾ॰ ਅਟ੍ਠ॰ ੧.੮੫) ਲੇਖਂ ਠਪੇਤ੍વਾ ਧਮ੍ਮਕਰਣੇ ਲੇਖਾ ਨ વਟ੍ਟਤੀਤਿ ਸਮ੍ਬਨ੍ਧੋ। ਕੁਞ੍ਚਿਕਾਯ ਚ ਪਿਪ੍ਫਲੇ ਚ ਮਣਿਕਾ ਚ ਪੀਲ਼ਕਾ ਚ ਨ વਟ੍ਟਤੀਤਿ ਸਮ੍ਬਨ੍ਧੋ। ਤਤ੍ਥ ਮਣਿਕਾਤਿ ਏਕਾ ਏવ વਟ੍ਟਮਣਿਕਾ। ਪੀਲ਼ਕਾ ਮੁਤ੍ਤਰਾਜਿਸਦਿਸਾ ਬਹੂ।
266-7. Chattavaṭṭiyaṃ (pārā. aṭṭha. 1.85) lekhaṃ ṭhapetvā dhammakaraṇe lekhā na vaṭṭatīti sambandho. Kuñcikāya ca pipphale ca maṇikā ca pīḷakā ca na vaṭṭatīti sambandho. Tattha maṇikāti ekā eva vaṭṭamaṇikā. Pīḷakā muttarājisadisā bahū.
੨੬੮-੯. ਮਾਲਾਦ੍ਯਰਣਿਯਨ੍ਤਿ (ਪਾਰਾ॰ ਅਟ੍ਠ॰ ੧.੮੫) ਅਰਣਿਯਂ ਮਾਲਾਦਿ વਣ੍ਣਮਟ੍ਠਂ ਨ વਟ੍ਟਤੀਤਿ ਸਮ੍ਬਨ੍ਧੋ। ਏવਂ ਸਬ੍ਬਤ੍ਥ। ਤਿਪੁਸੀਸਮਯੇ ਪਤ੍ਤਮਣ੍ਡਲੇ ਭਿਤ੍ਤਿਕਮ੍ਮਞ੍ਚ ਨ વਟ੍ਟਤੀਤਿ ਅਤ੍ਥੋ। ਹਿਤ੍વਾਤਿ ਠਪੇਤ੍વਾ। ਸੂਚਿਸਣ੍ਡਾਸਕੋ (ਪਾਰਾ॰ ਅਟ੍ਠ॰ ੧.੮੫) ਨਾਮ ਸੂਚਿਂ ਡਂਸਾਪੇਤ੍વਾ ਘਂਸਿਤੁਂ ਕਤੋ ਦਾਰੁਮਯੋ। ‘‘ਅਨੁਜਾਨਾਮਿ, ਭਿਕ੍ਖવੇ, ਮਕਰਦਨ੍ਤਕਂ ਛਿਨ੍ਦਿਤੁ’’ਨ੍ਤਿ (ਚੂਲ਼વ॰ ੨੫੩) વੁਤ੍ਤਤ੍ਤਾ ਪਤ੍ਤਮਣ੍ਡਲੇ ਮਕਰਦਨ੍ਤਕਂ વਟ੍ਟਤਿ, ਅਞ੍ਞਂ ਭਿਤ੍ਤਿਕਮ੍ਮਾਦਿવਿਕਾਰਮੇવ ਨ વਟ੍ਟਤਿ, ਤਸ੍ਮਾ ਗਿਰਿਕੂਟਂ ਪਤ੍ਤਮਣ੍ਡਲੇ ਠਪੇਤ੍વਾ ਅવਸੇਸੇ ਨ વਟ੍ਟਤੀਤਿ વੇਦਿਤਬ੍ਬਂ।
268-9.Mālādyaraṇiyanti (pārā. aṭṭha. 1.85) araṇiyaṃ mālādi vaṇṇamaṭṭhaṃ na vaṭṭatīti sambandho. Evaṃ sabbattha. Tipusīsamaye pattamaṇḍale bhittikammañca na vaṭṭatīti attho. Hitvāti ṭhapetvā. Sūcisaṇḍāsako (pārā. aṭṭha. 1.85) nāma sūciṃ ḍaṃsāpetvā ghaṃsituṃ kato dārumayo. ‘‘Anujānāmi, bhikkhave, makaradantakaṃ chinditu’’nti (cūḷava. 253) vuttattā pattamaṇḍale makaradantakaṃ vaṭṭati, aññaṃ bhittikammādivikārameva na vaṭṭati, tasmā girikūṭaṃ pattamaṇḍale ṭhapetvā avasese na vaṭṭatīti veditabbaṃ.
੨੭੨. ਸੇਨਾਸਨੇਤਿ (ਪਾਰਾ॰ ਅਟ੍ਠ॰ ੧.੮੫) ਪਾਸਾਦਾਦਿਸੇਨਾਸਨੇਤਿ ਅਤ੍ਥੋ।
272.Senāsaneti (pārā. aṭṭha. 1.85) pāsādādisenāsaneti attho.
੨੭੩. ਪੁਮਿਤ੍ਥਿਰੂਪਰਹਿਤਨ੍ਤਿ ਪੁਰਿਸਰੂਪਇਤ੍ਥਿਰੂਪਰਹਿਤਨ੍ਤਿ ਅਤ੍ਥੋ। ਪਰਿਕ੍ਖਾਰવਿਨਿਚ੍ਛਯੋ।
273.Pumitthirūparahitanti purisarūpaitthirūparahitanti attho. Parikkhāravinicchayo.
ਪਰਿਕ੍ਖਾਰਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Parikkhāraniddesavaṇṇanā niṭṭhitā.
