| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੫. ਪਰਿਕ੍ਖਾਰਨਿਦ੍ਦੇਸવਣ੍ਣਨਾ
35. Parikkhāraniddesavaṇṇanā
੨੫੯-੬੦. ਛਤ੍ਤੇ ਅਨ੍ਤੋ ਬਹਿ ਚ ਪਞ੍ਚવਣ੍ਣੇਹਿ ਸੁਤ੍ਤੇਹਿ ਸਿਬ੍ਬਿਤੁਞ੍ਚ ਪਣ੍ਣੇ ਗਿਰਿਕੂਟਅਡ੍ਢਚਨ੍ਦਾਦਿਂ ਛਿਨ੍ਦਿਤੁਞ੍ਚ ਨ વਟ੍ਟਤੀਤਿ ਸਮ੍ਬਨ੍ਧੋ। ਛਤ੍ਤੇਤਿ ਤਾਲਪਣ੍ਣੇ ਛਤ੍ਤੇ। ਗਿਰਿਕੂਟਂ ਨਾਮ ਮਕਰਦਨ੍ਤਕਂ, ਆਦਿ-ਸਦ੍ਦੇਨ ਤਾਦਿਸਂ ਅਞ੍ਞਂ વਿਕਾਰਰੂਪਂ ਸਙ੍ਗਹਿਤਂ। ਘਟਕਨ੍ਤਿ ਗੇਹਤ੍ਥਮ੍ਭੇਸੁ વਿਯ ਕਯਿਰਮਾਨਂ ਘਟਕਂ। ਦਣ੍ਡੇਤਿ ਛਤ੍ਤਦਣ੍ਡੇ। ਲੇਖਾਤਿ ਤਹਿਂ ਤਹਿਂ ਦਿਨ੍ਨਾ ਲੇਖਾ। ਸਾਦਿਸਨ੍ਤਿ ਦੀਘੇਨ ਨਿਦ੍ਦਿਟ੍ਠਂ। ਬੁਨ੍ਦਮ੍ਹਿ ਮੂਲੇ।
259-60. Chatte anto bahi ca pañcavaṇṇehi suttehi sibbituñca paṇṇe girikūṭaaḍḍhacandādiṃ chindituñca na vaṭṭatīti sambandho. Chatteti tālapaṇṇe chatte. Girikūṭaṃ nāma makaradantakaṃ, ādi-saddena tādisaṃ aññaṃ vikārarūpaṃ saṅgahitaṃ. Ghaṭakanti gehatthambhesu viya kayiramānaṃ ghaṭakaṃ. Daṇḍeti chattadaṇḍe. Lekhāti tahiṃ tahiṃ dinnā lekhā. Sādisanti dīghena niddiṭṭhaṃ. Bundamhi mūle.
੨੬੧. ਥਿਰਤ੍ਥਂ ਛਤ੍ਤੇ ਏਕવਣ੍ਣੇਨ ਸਿਬ੍ਬਿਤੁਂ વਾ ਪਞ੍ਜਰਂ વਿਨਨ੍ਧਿਤੁਂ વਾ વਟ੍ਟਤੀਤਿ ਸਮ੍ਬਨ੍ਧੋ। ਸਿਬ੍ਬਿਤੁਨ੍ਤਿ ਅਨ੍ਤੋ ਬਹਿ ਚ ਸਿਬ੍ਬਿਤੁਂ। ਏਕવਣ੍ਣੇਨਾਤਿ ਨੀਲਾਦਿਨਾ ਏਕવਣ੍ਣੇਨ। ਪਞ੍ਜਰਨ੍ਤਿ ਛਤ੍ਤਦਣ੍ਡਗਾਹਕਸਲਾਕਪਞ੍ਜਰਂ। ਥਿਰਤ੍ਥਨ੍ਤਿ ਇਮਿਨਾ ਨ વਣ੍ਣਮਟ੍ਠਤ੍ਥਾਯਾਤਿ ਦਸ੍ਸੇਤਿ। ਬਨ੍ਧਿਤੁਂ ਦਣ੍ਡੇ ਲੇਖਾ વਟ੍ਟਤੀਤਿ ਸਮ੍ਬਨ੍ਧੋ। ਬਨ੍ਧਿਤੁਨ੍ਤਿ વਾਤਪ੍ਪਹਾਰੇਨ ਅਚਲਨਤ੍ਥਂ ਛਤ੍ਤਮਣ੍ਡਲਿਕਂ ਰਜ੍ਜੁਕੇਹਿ ਗਹੇਤ੍વਾ ਬਨ੍ਧਨਤ੍ਥਾਯ। ਲੇਖਾવਾਤਿ વਲਯਮਿવ ਉਕ੍ਕਿਰਿਤ੍વਾ ਕਤਾ ਲੇਖਾ ਏવ। વਟ੍ਟਤੀਤਿ ਯਦਿਪਿ ਨ ਬਨ੍ਧਤਿ, ਰਜ੍ਜੁਕੇਹਿ ਬਨ੍ਧਿਤੁਂ ਯੁਤ੍ਤਟ੍ਠਾਨਤ੍ਤਾ વਟ੍ਟਤਿ।
261. Thiratthaṃ chatte ekavaṇṇena sibbituṃ vā pañjaraṃ vinandhituṃ vā vaṭṭatīti sambandho. Sibbitunti anto bahi ca sibbituṃ. Ekavaṇṇenāti nīlādinā ekavaṇṇena. Pañjaranti chattadaṇḍagāhakasalākapañjaraṃ. Thiratthanti iminā na vaṇṇamaṭṭhatthāyāti dasseti. Bandhituṃ daṇḍe lekhā vaṭṭatīti sambandho. Bandhitunti vātappahārena acalanatthaṃ chattamaṇḍalikaṃ rajjukehi gahetvā bandhanatthāya. Lekhāvāti valayamiva ukkiritvā katā lekhā eva. Vaṭṭatīti yadipi na bandhati, rajjukehi bandhituṃ yuttaṭṭhānattā vaṭṭati.
੨੬੨. ਚੀવਰੇ ਅਨ੍ਤੇ વਾਪਿ ਪਟ੍ਟਮੁਖੇ વਾਪਿ વੇਣਿਪਿ વਾ ਸਙ੍ਖਲਿਕਾਪਿ વਾ ਅਞ੍ਞਂ ਸੂਚਿવਿਕਾਰਂ વਾ ਪਾਲ਼ਿਕਣ੍ਣਿਕਆਦਿਕਂ ਕਪ੍ਪਬਿਨ੍ਦੁવਿਕਾਰਮ੍ਪਿ વਾ ਨ ਚ ਕਪ੍ਪਤੀਤਿ ਸਮ੍ਬਨ੍ਧੋ। ਅਨ੍ਤੇਤਿ ਚੀવਰਪਰਿਯਨ੍ਤੇ, ਅਨੁવਾਤੇਤਿ વੁਤ੍ਤਂ ਹੋਤਿ। ਪਟ੍ਟਮੁਖੇਤਿ ਪਟ੍ਟਕੋਟਿਯਂ, ਦ੍વਿਨ੍ਨਂ ਪਟ੍ਟਾਨਂ ਸਙ੍ਘਟਿਤਟ੍ਠਾਨਂ ਸਨ੍ਧਾਯੇਤਂ વੁਤ੍ਤਂ। વੇਣੀਤਿ વਰਕਸੀਸਾਕਾਰੇਨ ਸਿਬ੍ਬਨਂ। ਸਙ੍ਖਲਿਕਾਤਿ ਬਿਲ਼ਾਲਬਨ੍ਧਨਾਕਾਰੇਨ ਸਿਬ੍ਬਨਂ। ਅਞ੍ਞਂ ਸੂਚਿવਿਕਾਰਂ વਾਤਿ ਚੀવਰਮਣ੍ਡਨਤ੍ਥਾਯ ਕਯਿਰਮਾਨਂ ਅਞ੍ਞਂ ਯਂ ਕਿਞ੍ਚਿ ਸੂਚਿਕਮ੍ਮવਿਕਾਰਂ વਾ। ਟੀਕਾਯਂ ਪਨ ‘‘ਸਤਪਦਿਸਦਿਸਂ ਅਞ੍ਞਂ વਾ ਸੂਚਿવਿਕਾਰਂ ਨ ਕਪ੍ਪਤੀ’’ਤਿ ਸਾਮਞ੍ਞੇਨ વੁਤ੍ਤਂ। ‘‘ਚੀવਰਮਣ੍ਡਨਤ੍ਥਾਯ ਨਾਨਾਸੁਤ੍ਤਕੇਹਿ ਸਤਪਦਿਸਦਿਸਂ ਸਿਬ੍ਬਨ੍ਤਾ ਆਗਨ੍ਤੁਕਪਟ੍ਟਂ ਠਪੇਨ੍ਤਿ, ਅਞ੍ਞਮ੍ਪਿ ਯਂ ਕਿਞ੍ਚਿ ਸੂਚਿਕਮ੍ਮવਿਕਾਰਂ ਕਰੋਨ੍ਤਿ, ਸਬ੍ਬਂ ਨ વਟ੍ਟਤੀ’’ਤਿ ਅਟ੍ਠਕਥਾਯਂ વੁਤ੍ਤਤ੍ਤਾ ਪਨ ਨਾਨਾવਣ੍ਣੇਹਿ વਾ ਹੋਤੁ, ਏਕવਣ੍ਣੇਨ વਾ ਹੋਤੁ, ਚੀવਰਮਣ੍ਡਨਤ੍ਥਾਯ ਸਂਸਿਬ੍ਬਨ੍ਤਾਨਂ ਸੂਚਿਕਮ੍ਮવਿਕਾਰਂ ਸਨ੍ਧਾਯ વੁਤ੍ਤਨ੍ਤਿ ਚੀવਰੇਸੁ ਫਾਲਿਤਟ੍ਠਾਨਸ੍ਸ ਥਿਰਭਾવਤ੍ਥਂ ਸਤਪਦਿਸਦਿਸਮ੍ਪਿ ਸਿਬ੍ਬਿਤੁਂ વਟ੍ਟਤੀਤਿ ਅਮ੍ਹਾਕਂ ਖਨ੍ਤਿ। ਪਾਲ਼ਿ-ਸਦ੍ਦੇਨ, ਕਣ੍ਣਿਕ-ਸਦ੍ਦੇਨ ਚ ਕਪ੍ਪ-ਸਦ੍ਦਲੋਪੇਨ વਾ ਉਪਚਾਰੇਨ વਾ ਪਾਲ਼ਿਕਪ੍ਪਾਦਯੋવ ਗਹਿਤਾ। ਪਾਲ਼ਿ ਚ ਕਣ੍ਣਿਕਾ ਚ ਪਾਲ਼ਿਕਣ੍ਣਿਕਾਯੋ, ਤਾ ਆਦਿ ਯਸ੍ਸ ਅਞ੍ਞਸ੍ਸ ਤਾਦਿਸਸ੍ਸਾਤਿ વਿਗ੍ਗਹੋ। ਤਤ੍ਥ ਨੀਲਾવਲ਼ਿਆਦਿਸਣ੍ਠਾਨਾਯ ਬਿਨ੍ਦੁਪਨ੍ਤਿਯਾ ਯਥਾ ਸੋਭਤਿ, ਤਥਾ ਕਯਿਰਮਾਨੋ ਪਾਲ਼ਿਕਪ੍ਪੋ। ਤਥੇવ ਬਿਨ੍ਦੁਸਮੂਹੇ ਕਤ੍ਥਚਿ ਦਸ੍ਸੇਤ੍વਾ ਕਯਿਰਮਾਨੋ ਕਣ੍ਣਿਕਕਪ੍ਪੋ।
262. Cīvare ante vāpi paṭṭamukhe vāpi veṇipi vā saṅkhalikāpi vā aññaṃ sūcivikāraṃ vā pāḷikaṇṇikaādikaṃ kappabinduvikārampi vā na ca kappatīti sambandho. Anteti cīvarapariyante, anuvāteti vuttaṃ hoti. Paṭṭamukheti paṭṭakoṭiyaṃ, dvinnaṃ paṭṭānaṃ saṅghaṭitaṭṭhānaṃ sandhāyetaṃ vuttaṃ. Veṇīti varakasīsākārena sibbanaṃ. Saṅkhalikāti biḷālabandhanākārena sibbanaṃ. Aññaṃ sūcivikāraṃ vāti cīvaramaṇḍanatthāya kayiramānaṃ aññaṃ yaṃ kiñci sūcikammavikāraṃ vā. Ṭīkāyaṃ pana ‘‘satapadisadisaṃ aññaṃ vā sūcivikāraṃ na kappatī’’ti sāmaññena vuttaṃ. ‘‘Cīvaramaṇḍanatthāya nānāsuttakehi satapadisadisaṃ sibbantā āgantukapaṭṭaṃ ṭhapenti, aññampi yaṃ kiñci sūcikammavikāraṃ karonti, sabbaṃ na vaṭṭatī’’ti aṭṭhakathāyaṃ vuttattā pana nānāvaṇṇehi vā hotu, ekavaṇṇena vā hotu, cīvaramaṇḍanatthāya saṃsibbantānaṃ sūcikammavikāraṃ sandhāya vuttanti cīvaresu phālitaṭṭhānassa thirabhāvatthaṃ satapadisadisampi sibbituṃ vaṭṭatīti amhākaṃ khanti. Pāḷi-saddena, kaṇṇika-saddena ca kappa-saddalopena vā upacārena vā pāḷikappādayova gahitā. Pāḷi ca kaṇṇikā ca pāḷikaṇṇikāyo, tā ādi yassa aññassa tādisassāti viggaho. Tattha nīlāvaḷiādisaṇṭhānāya bindupantiyā yathā sobhati, tathā kayiramāno pāḷikappo. Tatheva bindusamūhe katthaci dassetvā kayiramāno kaṇṇikakappo.
੨੬੩. ਗਣ੍ਠਿਪਾਸਕਪਟ੍ਟਾਤਿ ਗਣ੍ਠਿਨੋ ਚ ਪਾਸਕਸ੍ਸ ਚ ਪਤਿਟ੍ਠਾਨਟ੍ਠਾਨੇ ਠਪੇਤਬ੍ਬਾ ਪਟ੍ਟਾ। વਟ੍ਟਤੀਤਿ ਏਤ੍ਥ ‘‘ਗਣ੍ਠਿਪਾਸਕਾ’’ਤਿ ਕਤ੍વਾ ‘‘ਚਤੁਕੋਣਾવ વਟ੍ਟਨ੍ਤੀ’’ਤਿ ਅਤ੍ਥਤੋ વਚਨਂ વਿਪਲ੍ਲਾਸੇਤ੍વਾ ਯੋਜੇਤਬ੍ਬਂ। ਅਗ੍ਘਿਯਨ੍ਤਿ ਚੇਤਿਯਸਣ੍ਠਾਨੇਨ ਸਿਬ੍ਬਨਂ। ਮੂਲੇ ਚ ਅਗ੍ਗੇ ਚ ਏਕਸਦਿਸਂ ਕਤ੍વਾ ਮੁਗ੍ਗਰਾਕਾਰੇਨ ਸਿਬ੍ਬਨਂ ਮੁਗ੍ਗਰੋ। વਿਕਾਰਨ੍ਤਿ વਿਕਾਰੋ, ਲਿਙ੍ਗવਿਪਲ੍ਲਾਸੇਨ વੁਤ੍ਤਂ। ਏਤ੍ਥਾਤਿ ਗਣ੍ਠਿਪਾਸਕਪਟ੍ਟੇਸੁ।
263.Gaṇṭhipāsakapaṭṭāti gaṇṭhino ca pāsakassa ca patiṭṭhānaṭṭhāne ṭhapetabbā paṭṭā. Vaṭṭatīti ettha ‘‘gaṇṭhipāsakā’’ti katvā ‘‘catukoṇāva vaṭṭantī’’ti atthato vacanaṃ vipallāsetvā yojetabbaṃ. Agghiyanti cetiyasaṇṭhānena sibbanaṃ. Mūle ca agge ca ekasadisaṃ katvā muggarākārena sibbanaṃ muggaro. Vikāranti vikāro, liṅgavipallāsena vuttaṃ. Etthāti gaṇṭhipāsakapaṭṭesu.
੨੬੪. ਕੋਣਸੁਤ੍ਤਾਤਿ ਨਪੁਂਸਕਨਿਦ੍ਦੇਸੋ, ਗਣ੍ਠਿਪਾਸਕਪਟ੍ਟਾਨਂ ਕੋਣੇਹਿ ਨੀਹਟਸੁਤ੍ਤਕੋਟਿਯੋ। ਪੀਲ਼ਕਾਤਿ ਤਾਨਿਯੇવ ਨਿવਤ੍ਤੇਤ੍વਾ ਪੀਲ਼ਕਾਕਾਰੇਨ ਕਤਾਨਿ। ਦੁવਿਞ੍ਞੇਯ੍ਯਾવਾਤਿ ਤੇਸਂ ਅਨ੍ਤੇਸੁ ਏਕવਾਰਂ ਗਣ੍ਠਿਕਰਣੇਨ વਾ ਪੁਨ ਨਿવਤ੍ਤੇਤ੍વਾ ਸਿਬ੍ਬਨੇਨ વਾ ਦੁવਿਞ੍ਞੇਯ੍ਯਾ ਏવ। ਗਨ੍ਧਂ ਤੇਲਂ વਾਤਿ ਗਨ੍ਧਂ વਾ ਤੇਲਂ વਾ। ਕਞ੍ਚਿਕਪਿਟ੍ਠਖਲਿਕਆਦੀਨਿਪਿ વਟ੍ਟਨ੍ਤਿ।
264.Koṇasuttāti napuṃsakaniddeso, gaṇṭhipāsakapaṭṭānaṃ koṇehi nīhaṭasuttakoṭiyo. Pīḷakāti tāniyeva nivattetvā pīḷakākārena katāni. Duviññeyyāvāti tesaṃ antesu ekavāraṃ gaṇṭhikaraṇena vā puna nivattetvā sibbanena vā duviññeyyā eva. Gandhaṃ telaṃ vāti gandhaṃ vā telaṃ vā. Kañcikapiṭṭhakhalikaādīnipi vaṭṭanti.
੨੬੫. ਮਣਿਨਾਤਿ ਮਸਾਰਗਲ੍ਲਾਦਿਪਾਸਾਣੇਨ। ਨ ਚ ਘਟ੍ਟੇਯ੍ਯਾਤਿ ਨੇવ ਘਟ੍ਟੇਯ੍ਯ। ਅਞ੍ਞੇਨ વਾਤਿ ਮੁਗ੍ਗਰਮੁਸਲਾਦਿਨਾ। ਅਂਸਬਦ੍ਧਕਕਾਯਬਨ੍ਧਨਾਨਿ ਪਨ ਤਥਾ ਕਾਤੁਂ વਟ੍ਟਤਿ। ਦੋਣਿਯਂ ਕਤ੍વਾ ਨ ਚ ਘਂਸੇਯ੍ਯਾਤਿ ਪਕ੍ਕਰਜਨਾਕਿਰਣਦੋਣਿਯਂ ਠਪੇਤ੍વਾ ਭੂਮਿਯਂ ਜਣ੍ਣੁਕਾਨਿ ਨਿਹਨ੍ਤ੍વਾ ਇਤੋ ਚਿਤੋ ਚ ਆવਿਜ੍ਝਿਤ੍વਾ ਨੇવ ਘਂਸੇਯ੍ਯਾਤਿ ਅਤ੍ਥੋ।
265.Maṇināti masāragallādipāsāṇena. Na ca ghaṭṭeyyāti neva ghaṭṭeyya. Aññena vāti muggaramusalādinā. Aṃsabaddhakakāyabandhanāni pana tathā kātuṃ vaṭṭati. Doṇiyaṃ katvā na ca ghaṃseyyāti pakkarajanākiraṇadoṇiyaṃ ṭhapetvā bhūmiyaṃ jaṇṇukāni nihantvā ito cito ca āvijjhitvā neva ghaṃseyyāti attho.
੨੬੬-੭. ਕਣ੍ਣਕੋਣਕਸੁਤ੍ਤਾਨੀਤਿ ਚੀવਰਰਜਨਕਾਲੇ ਲਗ੍ਗਨਤ੍ਥਾਯ ਅਨੁવਾਤੇ ਚਤੂਸੁ ਕੋਣੇਸੁ ਚ ਪਾਸਕਂ ਕਤ੍વਾ ਬਨ੍ਧਿਤਾਨਿ ਸੁਤ੍ਤਾਨਿ, ਯਾਨਿ ‘‘ਅਨੁਜਾਨਾਮਿ, ਭਿਕ੍ਖવੇ, ਕਣ੍ਣਸੁਤ੍ਤਕ’’ਨ੍ਤਿ (ਮਹਾવ॰ ੩੪੪) ਏવਂ ਅਨੁਞ੍ਞਾਤਾਨਿ। ਕਣ੍ਣਸਙ੍ਖਾਤਾ ਕੋਣਾ ਕਣ੍ਣਕੋਣਕਾ, ਤੇਸੁ ਸੁਤ੍ਤਾਨਿ। ਗਣ੍ਠਿਕਪਾਸਕਪਟ੍ਟੇਸੁ ਪਨ ਕਣ੍ਣਕੋਣਕਸੁਤ੍ਤਾਨਂ ਦੁવਿਞ੍ਞੇਯ੍ਯਾਨਮੇવ ਕਪ੍ਪਿਯਤਾ ਹੇਟ੍ਠਾ વੁਤ੍ਤਾਤਿ ਚੀવਰੇ ਰਤ੍ਤੇਯੇવ ਤੇਸਂ ਛਿਨ੍ਦਿਤਬ੍ਬਤਾ ਨਤ੍ਥਿ, ਕਣ੍ਣਕੋਣਕਸੁਤ੍ਤਾਨਂ ਛਿਨ੍ਦਿਤਬ੍ਬਤਾਯ વੁਤ੍ਤਤ੍ਤਾ ਅਨੁવਾਤੇਹਿ ਨਿਕ੍ਖਮਿਤਸੁਤ੍ਤਾਨਿਪਿ ਛਿਨ੍ਦਿਤਬ੍ਬਾਨੀਤਿ વੇਦਿਤਬ੍ਬਂ। ਧਮ੍ਮਕਰਣੇ ਛਤ੍ਤવਟ੍ਟਿਯਂ ਲੇਖਂ ਠਪੇਤ੍વਾ ਲੇਖਾ ਨ વਟ੍ਟਤੀਤਿ ਯੋਜਨਾ। ਛਤ੍ਤવਟ੍ਟਿਯਨ੍ਤਿ ਛਤ੍ਤਸ੍ਸ ਮੁਖવਟ੍ਟਿਯਂ। ਲੇਖਾਤਿ ਉਪਰਿ વਾ ਹੇਟ੍ਠਾ વਾ ਕੁਚ੍ਛਿਯਂ વਾ ਅਞ੍ਞਾ ਲੇਖਾ। ਕੁਞ੍ਚਿਕਾਯ ਚ ਪਿਪ੍ਫਲੇ ਚ ਮਣਿਕਾ ਚ ਪੀਲ਼ਕਾ ਚ ਨ વਟ੍ਟਨ੍ਤੀਤਿ ਸਮ੍ਬਨ੍ਧੋ। ਮਣਿਕਾਤਿ ਏਕਾ વਟ੍ਟਮਣਿ। ਪੀਲ਼ਕਾਤਿ ਸਾਸਪਮਤ੍ਤਿਕਾ ਮੁਤ੍ਤਰਾਜਿਸਦਿਸਾ ਬਹੁવਟ੍ਟਲੇਖਾ। ਦਣ੍ਡਮ੍ਹੀਤਿ ਪਿਪ੍ਫਲਦਣ੍ਡਕੇ।
266-7.Kaṇṇakoṇakasuttānīti cīvararajanakāle lagganatthāya anuvāte catūsu koṇesu ca pāsakaṃ katvā bandhitāni suttāni, yāni ‘‘anujānāmi, bhikkhave, kaṇṇasuttaka’’nti (mahāva. 344) evaṃ anuññātāni. Kaṇṇasaṅkhātā koṇā kaṇṇakoṇakā, tesu suttāni. Gaṇṭhikapāsakapaṭṭesu pana kaṇṇakoṇakasuttānaṃ duviññeyyānameva kappiyatā heṭṭhā vuttāti cīvare ratteyeva tesaṃ chinditabbatā natthi, kaṇṇakoṇakasuttānaṃ chinditabbatāya vuttattā anuvātehi nikkhamitasuttānipi chinditabbānīti veditabbaṃ. Dhammakaraṇe chattavaṭṭiyaṃ lekhaṃ ṭhapetvā lekhā na vaṭṭatīti yojanā. Chattavaṭṭiyanti chattassa mukhavaṭṭiyaṃ. Lekhāti upari vā heṭṭhā vā kucchiyaṃ vā aññā lekhā. Kuñcikāya ca pipphale ca maṇikā ca pīḷakā ca na vaṭṭantīti sambandho. Maṇikāti ekā vaṭṭamaṇi. Pīḷakāti sāsapamattikā muttarājisadisā bahuvaṭṭalekhā. Daṇḍamhīti pipphaladaṇḍake.
੨੬੮-੯. ਅਰਣਿਯਂ ਮਾਲਾਦਿ ਚ ਪਤ੍ਤਮਣ੍ਡਲੇ ਭਿਤ੍ਤਿਕਮ੍ਮਞ੍ਚ ਨ વਟ੍ਟਤੀਤਿ ਸਮ੍ਬਨ੍ਧਿਤਬ੍ਬਂ। ਅਰਣਿਯਨ੍ਤਿ ਉਤ੍ਤਰਾਰਣਿ ਅਧਰਾਰਣਿ ਅਰਣਿਧਨੁਕਞ੍ਚ ਸਾਮਞ੍ਞੇਨ ਗਹਿਤਂ। ਪਤ੍ਤਮਣ੍ਡਲੇਤਿ ਤਿਪੁਸੀਸਾਦਿਮਯੇ ਪਤ੍ਤਮਣ੍ਡਲੇ। ਏਤ੍ਥ ਪਨ ਮਕਰਦਣ੍ਡਕਂ વਟ੍ਟਤਿ। ਹੇਟ੍ਠਾਤਿ ਕਤ੍ਤਰਯਟ੍ਠਿਯਾ ਹੇਟ੍ਠਾ। ਉਦ੍ਧਨ੍ਤਿ ਤਸ੍ਸਾਯੇવ ਉਪਰਿ।
268-9. Araṇiyaṃ mālādi ca pattamaṇḍale bhittikammañca na vaṭṭatīti sambandhitabbaṃ. Araṇiyanti uttarāraṇi adharāraṇi araṇidhanukañca sāmaññena gahitaṃ. Pattamaṇḍaleti tipusīsādimaye pattamaṇḍale. Ettha pana makaradaṇḍakaṃ vaṭṭati. Heṭṭhāti kattarayaṭṭhiyā heṭṭhā. Uddhanti tassāyeva upari.
੨੭੦-੩. ਸਮ੍ਮੁਞ੍ਜਨਿਮ੍ਹੀਤਿ ਸਮ੍ਮੁਞ੍ਜਨਿਯਾ ਲਿਙ੍ਗવਿਪਲ੍ਲਾਸੋ। ਅવਾਰਿਤਨ੍ਤਿ ਇਤ੍ਥਿਰੂਪਂ ਪਨ વਾਰਿਤਂ। ਸੋવਣ੍ਣਮਯਮ੍ਪੀਤਿ ਸੁવਣ੍ਣਮਯਮ੍ਪਿ। વਿਸਾਣਨਾਲ਼ਿ ਨਾਮ વਿਸਾਣਮਯਾ ਨਾਲ਼ਿ। ਏਤ੍ਥ ਪਨ ਅવੁਤ੍ਤਾਨਿਪਿ ਯਾਨਿ ਕਾਨਿਚਿ ਆਰਕਣ੍ਡਕਦਨ੍ਤਕਟ੍ਠਛੇਦਨਪਾਨੀਯਘਟਪਾਨੀਯਉਲ਼ੁਙ੍ਕਚੁਣ੍ਣਭਾਜਨਾਦੀਨਿ વੁਤ੍ਤਾਨਂ ਅਨੁਲੋਮਾਨੀਤਿ વੇਦਿਤਬ੍ਬਾਨਿ। ਯੋ ਪਨੇਤ੍ਥ વਿਨਯਞ੍ਞੂ ਤਾਦਿਸਂ ਪਰਿਕ੍ਖਾਰਂ ਦਿਸ੍વਾ ਛਿਨ੍ਦੇਯ੍ਯ વਾ ਛਿਨ੍ਦਾਪੇਯ੍ਯ વਾ, ਅਨੁਪવਜ੍ਜੋ ਸੋਤਿ વੇਦਿਤਬ੍ਬਨ੍ਤਿ।
270-3.Sammuñjanimhīti sammuñjaniyā liṅgavipallāso. Avāritanti itthirūpaṃ pana vāritaṃ. Sovaṇṇamayampīti suvaṇṇamayampi. Visāṇanāḷi nāma visāṇamayā nāḷi. Ettha pana avuttānipi yāni kānici ārakaṇḍakadantakaṭṭhachedanapānīyaghaṭapānīyauḷuṅkacuṇṇabhājanādīni vuttānaṃ anulomānīti veditabbāni. Yo panettha vinayaññū tādisaṃ parikkhāraṃ disvā chindeyya vā chindāpeyya vā, anupavajjo soti veditabbanti.
ਪਰਿਕ੍ਖਾਰਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Parikkhāraniddesavaṇṇanā niṭṭhitā.
