| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
2. баригкааравинижчаяагат̇аа
2. Parikkhāravinicchayakathā
6. баригкаарод̇и саман̣абаригкааро. д̇ад̇рааяам̣ габбияаагаббияабаригкааравинижчаяо (баараа. адта. 1.85) – гзжи д̇аалабан̣н̣ажчад̇д̇ам̣ анд̇о ваа б̣ахи ваа бан̃жаван̣н̣зна суд̇д̇зна сиб̣б̣ид̇ваа ван̣н̣амадтам̣ гаронд̇и, д̇ам̣ на ваддад̇и. згаван̣н̣зна бана нийлзна ваа бийд̇агзна ваа язна гзнажи суд̇д̇зна анд̇о ваа б̣ахи ваа сиб̣б̣ид̇ум̣ , чад̇д̇ад̣̇ан̣д̣аг̇г̇аахагам̣ салаагабан̃ж̇арам̣ ваа винанд̇хид̇ум̣ ваддад̇и, д̇ан̃жа ко т̇ирагаран̣ад̇т̇ам̣ ваддад̇и, на ван̣н̣амадтад̇т̇ааяа. чад̇д̇абан̣н̣зсу магарад̣̇анд̇агам̣ ваа ад̣дхажанд̣̇агам̣ ваа чинд̣̇ид̇ум̣ на ваддад̇и. чад̇д̇ад̣̇ан̣д̣з г̇зхад̇т̇амбхзсу вияа гхадаго ваа ваал̣аруубагам̣ ваа на ваддад̇и. сажзби саб̣б̣ад̇т̇а аараг̇г̇зна лзкаа д̣̇иннаа ход̇и, сааби на ваддад̇и. гхадагам̣ ваа ваал̣аруубагам̣ ваа бхинд̣̇ид̇ваа д̇хаарзд̇аб̣б̣ам̣, лзкааби гхам̣сид̇ваа ваа абанзд̇аб̣б̣аа, суд̇д̇агзна ваа д̣̇ан̣д̣о взтзд̇аб̣б̣о. д̣̇ан̣д̣аб̣унд̣̇з бана ахижчад̇д̇агасан̣таанам̣ ваддад̇и. ваад̇аббахаарзна ажаланад̇т̇ам̣ чад̇д̇аман̣д̣алигам̣ раж̇ж̇угзхи г̇аахзд̇ваа д̣̇ан̣д̣з б̣анд̇ханд̇и, д̇асмим̣ б̣анд̇ханадтаанз валаяамива уггирид̇ваа лзкам̣ табзнд̇и, саа ваддад̇и.
6.Parikkhāroti samaṇaparikkhāro. Tatrāyaṃ kappiyākappiyaparikkhāravinicchayo (pārā. aṭṭha. 1.85) – keci tālapaṇṇacchattaṃ anto vā bahi vā pañcavaṇṇena suttena sibbitvā vaṇṇamaṭṭhaṃ karonti, taṃ na vaṭṭati. Ekavaṇṇena pana nīlena vā pītakena vā yena kenaci suttena anto vā bahi vā sibbituṃ , chattadaṇḍaggāhakaṃ salākapañjaraṃ vā vinandhituṃ vaṭṭati, tañca kho thirakaraṇatthaṃ vaṭṭati, na vaṇṇamaṭṭhatthāya. Chattapaṇṇesu makaradantakaṃ vā aḍḍhacandakaṃ vā chindituṃ na vaṭṭati. Chattadaṇḍe gehatthambhesu viya ghaṭako vā vāḷarūpakaṃ vā na vaṭṭati. Sacepi sabbattha āraggena lekhā dinnā hoti, sāpi na vaṭṭati. Ghaṭakaṃ vā vāḷarūpakaṃ vā bhinditvā dhāretabbaṃ, lekhāpi ghaṃsitvā vā apanetabbā, suttakena vā daṇḍo veṭhetabbo. Daṇḍabunde pana ahicchattakasaṇṭhānaṃ vaṭṭati. Vātappahārena acalanatthaṃ chattamaṇḍalikaṃ rajjukehi gāhetvā daṇḍe bandhanti, tasmiṃ bandhanaṭṭhāne valayamiva ukkiritvā lekhaṃ ṭhapenti, sā vaṭṭati.
7. жийвараман̣д̣анад̇т̇ааяа наанаасуд̇д̇агзхи сад̇абад̣̇исад̣̇исам̣ сиб̣б̣анд̇аа ааг̇анд̇угабаддам̣ табзнд̇и, ан̃н̃амби яам̣ гин̃жи суужигаммавигаарам̣ гаронд̇и, баддамукз ваа барияанд̇з ваа взн̣им̣ ваа сан̇калигам̣ ваа муг̇г̇арам̣ ваа звамаад̣̇и саб̣б̣ам̣ на ваддад̇и, багад̇исуужигаммамзва ваддад̇и. г̇ан̣тигабаддаган̃жа баасагабаддаган̃жа адтагон̣амби сол̣асагон̣амби гаронд̇и, д̇ад̇т̇а аг̇гхияаг̇аяамуг̇г̇араад̣̇ийни д̣̇ассзнд̇и, гаггадагкийни уггиранд̇и, саб̣б̣ам̣ на ваддад̇и, жад̇угон̣амзва ваддад̇и, гон̣асуд̇д̇абийл̣агаа жа жийварз рад̇д̇з д̣̇увин̃н̃зяяаруубаа вадданд̇и. ган̃ж̇игабидтакалиаалагаад̣̇ийсу жийварам̣ багкибид̇ум̣ на ваддад̇и, жийварагаммагаалз бана хад̇т̇амаласуужималаад̣̇ийнам̣ д̇хованад̇т̇ам̣ гилидтагаалз жа д̇хованад̇т̇ам̣ ваддад̇и, г̇анд̇хам̣ ваа лаакам̣ ваа д̇злам̣ ваа раж̇анз багкибид̇ум̣ на ваддад̇и.
7. Cīvaramaṇḍanatthāya nānāsuttakehi satapadisadisaṃ sibbantā āgantukapaṭṭaṃ ṭhapenti, aññampi yaṃ kiñci sūcikammavikāraṃ karonti, paṭṭamukhe vā pariyante vā veṇiṃ vā saṅkhalikaṃ vā muggaraṃ vā evamādi sabbaṃ na vaṭṭati, pakatisūcikammameva vaṭṭati. Gaṇṭhikapaṭṭakañca pāsakapaṭṭakañca aṭṭhakoṇampi soḷasakoṇampi karonti, tattha agghiyagayamuggarādīni dassenti, kakkaṭakkhīni ukkiranti, sabbaṃ na vaṭṭati, catukoṇameva vaṭṭati, koṇasuttapīḷakā ca cīvare ratte duviññeyyarūpā vaṭṭanti. Kañjikapiṭṭhakhaliaalakādīsu cīvaraṃ pakkhipituṃ na vaṭṭati, cīvarakammakāle pana hatthamalasūcimalādīnaṃ dhovanatthaṃ kiliṭṭhakāle ca dhovanatthaṃ vaṭṭati, gandhaṃ vā lākhaṃ vā telaṃ vā rajane pakkhipituṃ na vaṭṭati.
раж̇анзсу жа халид̣̇д̣̇им̣ табзд̇ваа саб̣б̣ам̣ муулараж̇анам̣ ваддад̇и, ман̃ж̇идтин̃жа д̇ун̇г̇ахааран̃жа табзд̇ваа саб̣б̣ам̣ канд̇хараж̇анам̣ ваддад̇и. д̇ун̇г̇ахааро наама зго саган̣дагаругко, д̇асса харид̇аалаван̣н̣ам̣ канд̇хараж̇анам̣ ход̇и. лод̣̇д̣̇ан̃жа ган̣д̣улан̃жа табзд̇ваа саб̣б̣ам̣ д̇ажараж̇анам̣ ваддад̇и. аллибад̇д̇ан̃жа нийлибад̇д̇ан̃жа табзд̇ваа саб̣б̣ам̣ бад̇д̇араж̇анам̣ ваддад̇и. г̇ихибарибхуд̇д̇агам̣ бана аллибад̇д̇зна згаваарам̣ раж̇ид̇ум̣ ваддад̇и. гим̣сугабубпан̃жа гусумбхабубпан̃жа табзд̇ваа саб̣б̣ам̣ бубпараж̇анам̣ ваддад̇и. палараж̇анз бана на гин̃жи на ваддад̇и (махаава. адта. 344).
Rajanesu ca haliddiṃ ṭhapetvā sabbaṃ mūlarajanaṃ vaṭṭati, mañjiṭṭhiñca tuṅgahārañca ṭhapetvā sabbaṃ khandharajanaṃ vaṭṭati. Tuṅgahāro nāma eko sakaṇṭakarukkho, tassa haritālavaṇṇaṃ khandharajanaṃ hoti. Loddañca kaṇḍulañca ṭhapetvā sabbaṃ tacarajanaṃ vaṭṭati. Allipattañca nīlipattañca ṭhapetvā sabbaṃ pattarajanaṃ vaṭṭati. Gihiparibhuttakaṃ pana allipattena ekavāraṃ rajituṃ vaṭṭati. Kiṃsukapupphañca kusumbhapupphañca ṭhapetvā sabbaṃ puppharajanaṃ vaṭṭati. Phalarajane pana na kiñci na vaṭṭati (mahāva. aṭṭha. 344).
8. жийварам̣ раж̇ид̇ваа сан̇кзна ваа ман̣инаа ваа язна гзнажи на гхаддзд̇аб̣б̣ам̣, бхуумияам̣ ж̇аан̣угаани ниханд̇ваа хад̇т̇зхи г̇ахзд̇ваа д̣̇он̣ияамби на гхам̣сид̇аб̣б̣ам̣. д̣̇он̣ияам̣ ваа палагз ваа табзд̇ваа анд̇з г̇аахаабзд̇ваа хад̇т̇зна бахарид̇ум̣ бана ваддад̇и, д̇амби мудтинаа на гаад̇аб̣б̣ам̣. бораан̣агад̇т̇зраа бана д̣̇он̣ияамби на табзсум̣. зго жийварам̣ г̇ахзд̇ваа д̇идтад̇и, абаро хад̇т̇з гад̇ваа хад̇т̇зна бахарад̇и. жийварасса ган̣н̣асуд̇д̇агам̣ на ваддад̇и, раж̇ид̇агаалз чинд̣̇ид̇аб̣б̣ам̣. яам̣ бана ‘‘ануж̇аанаами, бхигкавз, ган̣н̣асуд̇д̇ага’’нд̇и (махаава. 344) звам̣ анун̃н̃аад̇ам̣, д̇ам̣ ануваад̇з баасагам̣ гад̇ваа б̣анд̇хид̇аб̣б̣ам̣ раж̇анагаалз лаг̇г̇анад̇т̇ааяа. г̇ан̣тигзби собхаагаран̣ад̇т̇ам̣ лзкаа ваа бийл̣агаа ваа на ваддад̇и, наасзд̇ваа барибхун̃ж̇ид̇аб̣б̣ам̣.
8. Cīvaraṃ rajitvā saṅkhena vā maṇinā vā yena kenaci na ghaṭṭetabbaṃ, bhūmiyaṃ jāṇukāni nihantvā hatthehi gahetvā doṇiyampi na ghaṃsitabbaṃ. Doṇiyaṃ vā phalake vā ṭhapetvā ante gāhāpetvā hatthena paharituṃ pana vaṭṭati, tampi muṭṭhinā na kātabbaṃ. Porāṇakattherā pana doṇiyampi na ṭhapesuṃ. Eko cīvaraṃ gahetvā tiṭṭhati, aparo hatthe katvā hatthena paharati. Cīvarassa kaṇṇasuttakaṃ na vaṭṭati, rajitakāle chinditabbaṃ. Yaṃ pana ‘‘anujānāmi, bhikkhave, kaṇṇasuttaka’’nti (mahāva. 344) evaṃ anuññātaṃ, taṃ anuvāte pāsakaṃ katvā bandhitabbaṃ rajanakāle lagganatthāya. Gaṇṭhikepi sobhākaraṇatthaṃ lekhā vā pīḷakā vā na vaṭṭati, nāsetvā paribhuñjitabbaṃ.
9. бад̇д̇з ваа т̇аалагз ваа аараг̇г̇зна лзкам̣ гаронд̇и анд̇о ваа б̣ахи ваа, на ваддад̇и. бад̇д̇ам̣ бхамам̣ ааробзд̇ваа маж̇ж̇ид̇ваа бажанд̇и ‘‘ман̣иван̣н̣ам̣ гариссаамаа’’д̇и, на ваддад̇и, д̇злаван̣н̣о бана ваддад̇и. бад̇д̇аман̣д̣алз бхид̇д̇игаммам̣ на ваддад̇и, магарад̣̇анд̇агам̣ бана ваддад̇и.
9. Patte vā thālake vā āraggena lekhaṃ karonti anto vā bahi vā, na vaṭṭati. Pattaṃ bhamaṃ āropetvā majjitvā pacanti ‘‘maṇivaṇṇaṃ karissāmā’’ti, na vaṭṭati, telavaṇṇo pana vaṭṭati. Pattamaṇḍale bhittikammaṃ na vaṭṭati, makaradantakaṃ pana vaṭṭati.
д̇хамагаран̣ачад̇д̇агасса убари ваа хздтаа ваа д̇хамагаран̣агужчияам̣ ваа лзкаа на ваддад̇и, чад̇д̇амукаваддияам̣ банасса лзкаа ваддад̇и.
Dhamakaraṇachattakassa upari vā heṭṭhā vā dhamakaraṇakucchiyaṃ vā lekhā na vaṭṭati, chattamukhavaṭṭiyaṃ panassa lekhā vaṭṭati.
10. гааяаб̣анд̇ханасса собханад̇т̇ам̣ д̇ахим̣ д̇ахим̣ д̣̇иг̇ун̣ам̣ суд̇д̇ам̣ годдзнд̇и, гаггадагкийни удтаабзнд̇и, на ваддад̇и, убхосу бана анд̇зсу д̣̇асаамукасса т̇ирабхаавааяа д̣̇иг̇ун̣ам̣ годдзд̇ум̣ ваддад̇и. д̣̇асаамукз бана гхадагам̣ ваа магарамукам̣ ваа д̣̇зд̣д̣убхасийсам̣ ваа яам̣ гин̃жи вигаараруубам̣ гаад̇ум̣ на ваддад̇и, д̇ад̇т̇а д̇ад̇т̇а ажчийни д̣̇ассзд̇ваа маалаагаммаад̣̇ийни ваа гад̇ваа годдид̇агааяаб̣анд̇ханамби на ваддад̇и, уж̇угамзва бана мажчаган̣дагам̣ ваа каж̇ж̇уурибад̇д̇агам̣ ваа мадтагабаддигам̣ ваа гад̇ваа годдзд̇ум̣ ваддад̇и. гааяаб̣анд̇ханасса д̣̇асаа згаа ваддад̇и, д̣̇вз д̇ийн̣и жад̇д̇аариби вадданд̇и, д̇ад̇о барам̣ на вадданд̇и. раж̇ж̇угагааяаб̣анд̇ханам̣ згамзва ваддад̇и, бааман̇г̇асан̣таанам̣ бана згамби на ваддад̇и, д̣̇асаа бана бааман̇г̇асан̣таанааби ваддад̇и, б̣ахураж̇ж̇угз згад̇о гад̇ваа згзна ниранд̇арам̣ взтзд̇ваа гад̇ам̣ б̣ахураж̇ж̇уганд̇и на вад̇д̇аб̣б̣ам̣, д̇ам̣ ваддад̇и.
10. Kāyabandhanassa sobhanatthaṃ tahiṃ tahiṃ diguṇaṃ suttaṃ koṭṭenti, kakkaṭakkhīni uṭṭhāpenti, na vaṭṭati, ubhosu pana antesu dasāmukhassa thirabhāvāya diguṇaṃ koṭṭetuṃ vaṭṭati. Dasāmukhe pana ghaṭakaṃ vā makaramukhaṃ vā deḍḍubhasīsaṃ vā yaṃ kiñci vikārarūpaṃ kātuṃ na vaṭṭati, tattha tattha acchīni dassetvā mālākammādīni vā katvā koṭṭitakāyabandhanampi na vaṭṭati, ujukameva pana macchakaṇṭakaṃ vā khajjūripattakaṃ vā maṭṭhakapaṭṭikaṃ vā katvā koṭṭetuṃ vaṭṭati. Kāyabandhanassa dasā ekā vaṭṭati, dve tīṇi cattāripi vaṭṭanti, tato paraṃ na vaṭṭanti. Rajjukakāyabandhanaṃ ekameva vaṭṭati, pāmaṅgasaṇṭhānaṃ pana ekampi na vaṭṭati, dasā pana pāmaṅgasaṇṭhānāpi vaṭṭati, bahurajjuke ekato katvā ekena nirantaraṃ veṭhetvā kataṃ bahurajjukanti na vattabbaṃ, taṃ vaṭṭati.
гааяаб̣анд̇ханавид̇хз адтаман̇г̇алаад̣̇игам̣ яам̣ гин̃жи вигаараруубам̣ на ваддад̇и, барижчзд̣̇алзкаамад̇д̇ам̣ ваддад̇и. вид̇хагасса убхосу анд̇зсу т̇ирагаран̣ад̇т̇ааяа гхадагам̣ гаронд̇и, аяамби ваддад̇и.
Kāyabandhanavidhe aṭṭhamaṅgalādikaṃ yaṃ kiñci vikārarūpaṃ na vaṭṭati, paricchedalekhāmattaṃ vaṭṭati. Vidhakassa ubhosu antesu thirakaraṇatthāya ghaṭakaṃ karonti, ayampi vaṭṭati.
11. ан̃ж̇анияам̣ ид̇т̇ибурисажад̇уббад̣̇асагун̣аруубам̣ ваа маалаагаммалад̇аагаммамагарад̣̇анд̇агаг̇омуд̇д̇агаад̣дхажанд̣̇агаад̣̇ибхзд̣̇ам̣ ваа вигаараруубам̣ на ваддад̇и, гхам̣сид̇ваа ваа бхинд̣̇ид̇ваа ваа яат̇аа ваа на бан̃н̃ааяад̇и, д̇ат̇аа суд̇д̇агзна взтзд̇ваа вал̣ан̃ж̇зд̇аб̣б̣аа. уж̇угамзва бана жад̇урам̣саа ваа адтам̣саа ваа сол̣асам̣саа ваа ан̃ж̇аний ваддад̇и. хздтад̇обиссаа д̣̇вз ваа д̇иссо ваа ваддалзкааяо вадданд̇и, г̇ийвааяамбиссаа бид̇хаанагаб̣анд̇ханад̇т̇ам̣ згаа ваддалзкаа ваддад̇и.
11. Añjaniyaṃ itthipurisacatuppadasakuṇarūpaṃ vā mālākammalatākammamakaradantakagomuttakaaḍḍhacandakādibhedaṃ vā vikārarūpaṃ na vaṭṭati, ghaṃsitvā vā bhinditvā vā yathā vā na paññāyati, tathā suttakena veṭhetvā vaḷañjetabbā. Ujukameva pana caturaṃsā vā aṭṭhaṃsā vā soḷasaṃsā vā añjanī vaṭṭati. Heṭṭhatopissā dve vā tisso vā vaṭṭalekhāyo vaṭṭanti, gīvāyampissā pidhānakabandhanatthaṃ ekā vaṭṭalekhā vaṭṭati.
ан̃ж̇анийсалаагааяаби ван̣н̣амадтагаммам̣ на ваддад̇и, ан̃ж̇анийт̇авигааяаби яам̣ гин̃жи наанааван̣н̣зна суд̇д̇зна ван̣н̣амадтагаммам̣ на ваддад̇и. зсзва наяо гун̃жигагосагзби. гун̃жигааяа ван̣н̣амадтагаммам̣ на ваддад̇и, д̇ат̇аа сибаадигааяа. згаван̣н̣асуд̇д̇зна бана язна гзнажи яам̣ гин̃жи сиб̣б̣ид̇ум̣ ваддад̇и.
Añjanīsalākāyapi vaṇṇamaṭṭhakammaṃ na vaṭṭati, añjanīthavikāyapi yaṃ kiñci nānāvaṇṇena suttena vaṇṇamaṭṭhakammaṃ na vaṭṭati. Eseva nayo kuñcikakosakepi. Kuñcikāya vaṇṇamaṭṭhakammaṃ na vaṭṭati, tathā sipāṭikāya. Ekavaṇṇasuttena pana yena kenaci yaṃ kiñci sibbituṃ vaṭṭati.
12. аараган̣дагзби ваддаман̣игам̣ ваа ан̃н̃ам̣ ваа ван̣н̣амадтам̣ на ваддад̇и, г̇ийвааяам̣ бана барижчзд̣̇алзкаа ваддад̇и. бибпалигзби ман̣игам̣ ваа бийл̣агам̣ ваа яам̣ гин̃жи удтаабзд̇ум̣ на ваддад̇и, д̣̇ан̣д̣агз бана барижчзд̣̇алзкаа ваддад̇и. накажчзд̣̇анам̣ валид̇агам̣язва гаронд̇и, д̇асмаа д̇ам̣ ваддад̇и. уд̇д̇арааран̣ияам̣ вааби аран̣ид̇ханугз ваа убарибзлланад̣̇ан̣д̣агз ваа маалаагаммаад̣̇и яам̣ гин̃жи ван̣н̣амадтам̣ на ваддад̇и. бзлланад̣̇ан̣д̣агасса бана взмаж̇жхз ман̣д̣алам̣ ход̇и, д̇ад̇т̇а барижчзд̣̇алзкаамад̇д̇ам̣ ваддад̇и. суужисан̣д̣аасам̣ гаронд̇и, язна суужим̣ д̣ам̣саабзд̇ваа гхам̣санд̇и, д̇ад̇т̇а магарамукаад̣̇игам̣ яам̣ гин̃жи ван̣н̣амадтам̣ на ваддад̇и, суужид̣ам̣санад̇т̇ам̣ бана мукамад̇д̇ам̣ ход̇и, д̇ам̣ ваддад̇и.
12. Ārakaṇṭakepi vaṭṭamaṇikaṃ vā aññaṃ vā vaṇṇamaṭṭhaṃ na vaṭṭati, gīvāyaṃ pana paricchedalekhā vaṭṭati. Pipphalikepi maṇikaṃ vā pīḷakaṃ vā yaṃ kiñci uṭṭhāpetuṃ na vaṭṭati, daṇḍake pana paricchedalekhā vaṭṭati. Nakhacchedanaṃ valitakaṃyeva karonti, tasmā taṃ vaṭṭati. Uttarāraṇiyaṃ vāpi araṇidhanuke vā uparipellanadaṇḍake vā mālākammādi yaṃ kiñci vaṇṇamaṭṭhaṃ na vaṭṭati. Pellanadaṇḍakassa pana vemajjhe maṇḍalaṃ hoti, tattha paricchedalekhāmattaṃ vaṭṭati. Sūcisaṇḍāsaṃ karonti, yena sūciṃ ḍaṃsāpetvā ghaṃsanti, tattha makaramukhādikaṃ yaṃ kiñci vaṇṇamaṭṭhaṃ na vaṭṭati, sūciḍaṃsanatthaṃ pana mukhamattaṃ hoti, taṃ vaṭṭati.
д̣̇анд̇агадтажчзд̣̇анаваасияамби яам̣ гин̃жи ван̣н̣амадтам̣ на ваддад̇и, уж̇угамзва габбияалохзна убхосу ваа бассзсу жад̇урам̣сам̣ ваа адтам̣сам̣ ваа б̣анд̇хид̇ум̣ ваддад̇и. гад̇д̇арад̣̇ан̣д̣зби яам̣ гин̃жи ван̣н̣амадтам̣ на ваддад̇и, хздтаа згаа ваа д̣̇вз ваа ваддалзкаа убари ахижчад̇д̇агамагул̣амад̇д̇ан̃жа ваддад̇и.
Dantakaṭṭhacchedanavāsiyampi yaṃ kiñci vaṇṇamaṭṭhaṃ na vaṭṭati, ujukameva kappiyalohena ubhosu vā passesu caturaṃsaṃ vā aṭṭhaṃsaṃ vā bandhituṃ vaṭṭati. Kattaradaṇḍepi yaṃ kiñci vaṇṇamaṭṭhaṃ na vaṭṭati, heṭṭhā ekā vā dve vā vaṭṭalekhā upari ahicchattakamakuḷamattañca vaṭṭati.
13. д̇злабхааж̇анзсу висаан̣з ваа наал̣ияам̣ ваа алааб̣угз ваа ааман̣д̣асаарагз ваа табзд̇ваа ид̇т̇ируубам̣ бурисаруубан̃жа авасзсам̣ саб̣б̣амби ван̣н̣амадтагаммам̣ ваддад̇и. ман̃жабийтз бхисиб̣имб̣оханз бхуумад̇т̇аран̣з баад̣̇абун̃чанз жан̇гаманабхисияаа саммун̃ж̇анияам̣ гажаварачад̣д̣анагз раж̇анад̣̇он̣игааяа баанийяаул̣ун̇гз баанийяагхадз баад̣̇агат̇алигааяа палагабийтагз валаяаад̇хаарагз д̣̇ан̣д̣аад̇хаарагз бад̇д̇абид̇хаанз д̇аалаван̣дз б̣ийж̇анзд̇и зд̇зсу саб̣б̣ам̣ маалаагаммаад̣̇и ван̣н̣амадтагаммам̣ ваддад̇и.
13. Telabhājanesu visāṇe vā nāḷiyaṃ vā alābuke vā āmaṇḍasārake vā ṭhapetvā itthirūpaṃ purisarūpañca avasesaṃ sabbampi vaṇṇamaṭṭhakammaṃ vaṭṭati. Mañcapīṭhe bhisibimbohane bhūmattharaṇe pādapuñchane caṅkamanabhisiyā sammuñjaniyaṃ kacavarachaḍḍanake rajanadoṇikāya pānīyauḷuṅke pānīyaghaṭe pādakathalikāya phalakapīṭhake valayādhārake daṇḍādhārake pattapidhāne tālavaṇṭe bījaneti etesu sabbaṃ mālākammādi vaṇṇamaṭṭhakammaṃ vaṭṭati.
14. сзнаасанз бана д̣̇ваарагаваадаваад̇абаанагаваадаад̣̇ийсу саб̣б̣арад̇анамаяамби ван̣н̣амадтагаммам̣ ваддад̇и. сзнаасанз гин̃жи бадисзд̇хзд̇аб̣б̣ам̣ над̇т̇и ан̃н̃ад̇ра вируд̣̇д̇хасзнаасанаа . вируд̣̇д̇хасзнаасанам̣ наама ан̃н̃зсам̣ сиймааяа рааж̇аваллабхзхи гад̇асзнаасанам̣ вужжад̇и. д̇асмаа яз д̇аад̣̇исам̣ сзнаасанам̣ гаронд̇и, д̇з вад̇д̇аб̣б̣аа ‘‘маа амхаагам̣ сиймааяа сзнаасанам̣ гарот̇аа’’д̇и. анаад̣̇ияид̇ваа гаронд̇иязва, бунаби вад̇д̇аб̣б̣аа ‘‘маа звам̣ агад̇т̇а, маа амхаагам̣ убосат̇абавааран̣аанам̣ анд̇арааяамагад̇т̇а, маа саамаг̇г̇им̣ бхинд̣̇ид̇т̇а, д̇умхаагам̣ сзнаасанам̣ гад̇амби гад̇адтаанз на тассад̇ий’’д̇и. сажз б̣алаггаарзна гаронд̇иязва, яад̣̇аа д̇зсам̣ лаж̇ж̇ибарисаа уссаннаа ход̇и, саггаа жа ход̇и лад̣̇д̇хум̣ д̇хаммиго винижчаяо, д̇ад̣̇аа д̇зсам̣ бзсзд̇аб̣б̣ам̣ ‘‘д̇умхаагам̣ ааваасам̣ харат̇аа’’д̇и. сажз яаавад̇ад̇ияам̣ бзсид̇з харанд̇и, саад̇ху. но жз харанд̇и, табзд̇ваа б̣од̇хин̃жа жзд̇ияан̃жа авасзсасзнаасанаани бхинд̣̇ид̇аб̣б̣аани, но жа ко абарибхог̇ам̣ гаронд̇зхи, бадибаадияаа бана чад̣̇анаг̇обаанасийидтагаад̣̇ийни абанзд̇ваа д̇зсам̣ бзсзд̇аб̣б̣ам̣ ‘‘д̇умхаагам̣ д̣̇аб̣б̣асамбхаарз харат̇аа’’д̇и. сажз харанд̇и, саад̇ху. но жз харанд̇и, ат̇а д̇зсу д̣̇аб̣б̣асамбхаарзсу химавассаваад̇аад̇абаад̣̇ийхи бууд̇ибхууд̇зсу ваа жорзхи ваа хадзсу аг̇г̇инаа ваа д̣̇ад̣дхзсу сиймасаамигаа бхигкуу анубаваж̇ж̇аа, на лаб̣бхаа жод̣̇зд̇ум̣ ‘‘д̇умхзхи амхаагам̣ д̣̇аб̣б̣асамбхаараа наасид̇аа’’д̇и ваа ‘‘д̇умхаагам̣ г̇ийваа’’д̇и ваа. яам̣ бана сиймасаамигзхи бхигкуухи гад̇ам̣, д̇ам̣ сугад̇амзва ход̇и. яоби бхигку б̣ахуссуд̇о винаяан̃н̃уу ан̃н̃ам̣ бхигкум̣ агаббияабаригкаарам̣ г̇ахзд̇ваа вижаранд̇ам̣ д̣̇исваа чинд̣̇аабзяяа ваа бхинд̣̇аабзяяа ваа, анубаваж̇ж̇о, со нзва жод̣̇зд̇аб̣б̣о на саарзд̇аб̣б̣о, на д̇ам̣ лаб̣бхаа вад̇д̇ум̣ ‘‘аяам̣ наама мама баригкааро д̇аяаа наасид̇о, д̇ам̣ мз д̣̇зхий’’д̇и.
14. Senāsane pana dvārakavāṭavātapānakavāṭādīsu sabbaratanamayampi vaṇṇamaṭṭhakammaṃ vaṭṭati. Senāsane kiñci paṭisedhetabbaṃ natthi aññatra viruddhasenāsanā . Viruddhasenāsanaṃ nāma aññesaṃ sīmāya rājavallabhehi katasenāsanaṃ vuccati. Tasmā ye tādisaṃ senāsanaṃ karonti, te vattabbā ‘‘mā amhākaṃ sīmāya senāsanaṃ karothā’’ti. Anādiyitvā karontiyeva, punapi vattabbā ‘‘mā evaṃ akattha, mā amhākaṃ uposathapavāraṇānaṃ antarāyamakattha, mā sāmaggiṃ bhindittha, tumhākaṃ senāsanaṃ katampi kataṭṭhāne na ṭhassatī’’ti. Sace balakkārena karontiyeva, yadā tesaṃ lajjiparisā ussannā hoti, sakkā ca hoti laddhuṃ dhammiko vinicchayo, tadā tesaṃ pesetabbaṃ ‘‘tumhākaṃ āvāsaṃ harathā’’ti. Sace yāvatatiyaṃ pesite haranti, sādhu. No ce haranti, ṭhapetvā bodhiñca cetiyañca avasesasenāsanāni bhinditabbāni, no ca kho aparibhogaṃ karontehi, paṭipāṭiyā pana chadanagopānasīiṭṭhakādīni apanetvā tesaṃ pesetabbaṃ ‘‘tumhākaṃ dabbasambhāre harathā’’ti. Sace haranti, sādhu. No ce haranti, atha tesu dabbasambhāresu himavassavātātapādīhi pūtibhūtesu vā corehi vā haṭesu agginā vā daḍḍhesu sīmasāmikā bhikkhū anupavajjā, na labbhā codetuṃ ‘‘tumhehi amhākaṃ dabbasambhārā nāsitā’’ti vā ‘‘tumhākaṃ gīvā’’ti vā. Yaṃ pana sīmasāmikehi bhikkhūhi kataṃ, taṃ sukatameva hoti. Yopi bhikkhu bahussuto vinayaññū aññaṃ bhikkhuṃ akappiyaparikkhāraṃ gahetvā vicarantaṃ disvā chindāpeyya vā bhindāpeyya vā, anupavajjo, so neva codetabbo na sāretabbo, na taṃ labbhā vattuṃ ‘‘ayaṃ nāma mama parikkhāro tayā nāsito, taṃ me dehī’’ti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
баригкааравинижчаяагат̇аа самад̇д̇аа.
Parikkhāravinicchayakathā samattā.
