| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
сзкияаган̣д̣ам̣
Sekhiyakaṇḍaṃ
1. бариман̣д̣аласигкаабад̣̇аван̣н̣анаа
1. Parimaṇḍalasikkhāpadavaṇṇanā
‘‘анд̇арагхарз’’д̇и висзсзд̇ваа на вуд̇д̇ад̇д̇аа ‘‘аараамзби анд̇арагхарзби саб̣б̣ад̇т̇аа’’д̇и вуд̇д̇ам̣. аараамзбийд̇и б̣уд̣̇д̇хуубадтаанаад̣̇игаалам̣ санд̇хааяа вуд̇д̇ам̣. яат̇аа ‘‘д̇ад̇римз жад̇д̇ааро баарааж̇игаа д̇хаммаа уд̣̇д̣̇зсам̣ ааг̇ажчанд̇ий’’д̇иаад̣̇инаа д̇ад̇т̇а д̇ад̇т̇а барижчзд̣̇о гад̇о, звамзд̇т̇ааби ‘‘д̇ад̇римз бан̃жасад̇д̇ад̇и сзкияаа д̇хаммаа уд̣̇д̣̇зсам̣ ааг̇ажчанд̇ий’’д̇и гасмаа барижчзд̣̇о на гад̇од̇и ааха ‘‘зд̇т̇а жаа’’д̇иаад̣̇и. вад̇д̇агканд̇хагз вуд̇д̇авад̇д̇аанибийд̇и ааг̇анд̇угааваасигаг̇амигаанумод̣̇анабхад̇д̇аг̇г̇абин̣д̣ажааригааран̃н̃асзнаасанаж̇анд̇аагхараважжагудиубаж̇жхаажарияасад̣̇д̇хивихааригаанд̇зваасигавад̇д̇аани. ид̣̇ан̃жа нид̣̇ассанамад̇д̇ам̣ ан̃н̃зсамби канд̇хагавад̇д̇аанам̣ зд̇т̇зва сан̇г̇ахасса ижчид̇аб̣б̣ад̇д̇аа. аяан̃хзд̇т̇а ад̇хиббааяо – сзкияаг̇г̇ахан̣зна жзд̇т̇а вад̇д̇агканд̇хагаад̣̇ийсу (жуул̣ава. 356 аад̣̇аяо) ааг̇ад̇авад̇д̇аад̣̇ийнамби г̇ахан̣ам̣. д̇зби хи сигкид̇аб̣б̣адтзна ‘‘сзкияаа’’д̇и ижчид̇аа. д̇асмаа маад̇игааяам̣ баарааж̇игаад̣̇ийнам̣ вияа сзкияаанам̣ барижчзд̣̇о на гад̇од̇и. на гзвалам̣ вад̇д̇агканд̇хагаад̣̇ийсу (жуул̣ава. 356 аад̣̇аяо) ааг̇ад̇авад̇д̇аад̣̇ийнам̣ г̇ахан̣ад̇т̇амзваад̇и ааха ‘‘жаарид̇д̇авинаяад̣̇ассанад̇т̇ан̃жаа’’д̇и. зд̇т̇ааби барижчзд̣̇о на гад̇од̇и аанзд̇ваа яож̇зд̇аб̣б̣ам̣. маад̇игааяа ‘‘д̣̇уггада’’нд̇и авуд̇д̇з гат̇ам̣ банзд̇т̇а д̣̇уггаданд̇и взд̣̇ид̇аб̣б̣анд̇и ааха ‘‘яо банаа’’д̇иаад̣̇и.
‘‘Antaraghare’’ti visesetvā na vuttattā ‘‘ārāmepi antaragharepi sabbatthā’’ti vuttaṃ. Ārāmepīti buddhūpaṭṭhānādikālaṃ sandhāya vuttaṃ. Yathā ‘‘tatrime cattāro pārājikā dhammā uddesaṃ āgacchantī’’tiādinā tattha tattha paricchedo kato, evametthāpi ‘‘tatrime pañcasattati sekhiyā dhammā uddesaṃ āgacchantī’’ti kasmā paricchedo na katoti āha ‘‘ettha cā’’tiādi. Vattakkhandhake vuttavattānipīti āgantukāvāsikagamikānumodanabhattaggapiṇḍacārikāraññasenāsanajantāgharavaccakuṭiupajjhācariyasaddhivihārikaantevāsikavattāni. Idañca nidassanamattaṃ aññesampi khandhakavattānaṃ ettheva saṅgahassa icchitabbattā. Ayañhettha adhippāyo – sekhiyaggahaṇena cettha vattakkhandhakādīsu (cūḷava. 356 ādayo) āgatavattādīnampi gahaṇaṃ. Tepi hi sikkhitabbaṭṭhena ‘‘sekhiyā’’ti icchitā. Tasmā mātikāyaṃ pārājikādīnaṃ viya sekhiyānaṃ paricchedo na katoti. Na kevalaṃ vattakkhandhakādīsu (cūḷava. 356 ādayo) āgatavattādīnaṃ gahaṇatthamevāti āha ‘‘cārittavinayadassanatthañcā’’ti. Etthāpi paricchedo na katoti ānetvā yojetabbaṃ. Mātikāya ‘‘dukkaṭa’’nti avutte kathaṃ panettha dukkaṭanti veditabbanti āha ‘‘yo panā’’tiādi.
адтан̇г̇уламад̇д̇анд̇и багад̇ан̇г̇улзна адтан̇г̇уламад̇д̇ам̣. яо бана сугкаж̇ан̇гхо ваа махаабин̣д̣игамам̣со ваа ход̇и, д̇асса сааруббад̇т̇ааяа адтан̇г̇улаад̇хигамби од̇аарзд̇ваа ниваасзд̇ум̣ ваддад̇и.
Aṭṭhaṅgulamattanti pakataṅgulena aṭṭhaṅgulamattaṃ. Yo pana sukkhajaṅgho vā mahāpiṇḍikamaṃso vā hoti, tassa sāruppatthāya aṭṭhaṅgulādhikampi otāretvā nivāsetuṃ vaṭṭati.
баасанд̇анд̇и баасасса анд̇ам̣, д̣̇асаамууланд̇и ад̇т̇о.
Pāsantanti pāsassa antaṃ, dasāmūlanti attho.
абариман̣д̣алам̣ ниваасзссаамийд̇и ‘‘бурад̇о ваа бажчад̇о ваа оламб̣зд̇ваа ниваасзссаамий’’д̇и звам̣ асан̃жижжа. гин̃жааби бариман̣д̣алам̣ ниваасзд̇ум̣ аж̇аананд̇асса анаабад̇д̇и, д̇ат̇ааби ниваасанавад̇д̇ам̣ саад̇хугам̣ уг̇г̇ахзд̇аб̣б̣амзва. сан̃жижжа ануг̇г̇ахан̣ан̃хи анаад̣̇арияам̣ сияаад̇и ааха ‘‘абижа ниваасанавад̇д̇ам̣ уг̇г̇ахзд̇аб̣б̣а’’нд̇и.
Aparimaṇḍalaṃ nivāsessāmīti ‘‘purato vā pacchato vā olambetvā nivāsessāmī’’ti evaṃ asañcicca. Kiñcāpi parimaṇḍalaṃ nivāsetuṃ ajānantassa anāpatti, tathāpi nivāsanavattaṃ sādhukaṃ uggahetabbameva. Sañcicca anuggahaṇañhi anādariyaṃ siyāti āha ‘‘apica nivāsanavattaṃ uggahetabba’’nti.
бариман̣д̣аласигкаабад̣̇аван̣н̣анаа нидтид̇аа.
Parimaṇḍalasikkhāpadavaṇṇanā niṭṭhitā.
