| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਸੇਖਿਯਕਣ੍ਡਂ
7. Sekhiyakaṇḍaṃ
੧. ਪਰਿਮਣ੍ਡਲવਗ੍ਗ-ਅਤ੍ਥਯੋਜਨਾ
1. Parimaṇḍalavagga-atthayojanā
ਸਿਕ੍ਖਿਤਸਿਕ੍ਖੇਨ ਤੀਸੁ ਸਿਕ੍ਖਾਸੁ ਚਤੂਹਿ ਮਗ੍ਗੇਹਿ ਸਿਕ੍ਖਿਤਸਿਕ੍ਖੇਨ ਤਾਦਿਨਾ ਅਟ੍ਠਹਿ ਲੋਕਧਮ੍ਮੇਹਿ ਅਕਮ੍ਪਿਯਟ੍ਠੇਨ ਤਾਦਿਨਾ, ਇਟ੍ਠਾਨਿਟ੍ਠੇਸੁ વਾ ਅવਿਕਾਰਟ੍ਠੇਨ ਤਾਦਿਨਾ ਭਗવਤਾ ਯਾਨਿ ਸਿਕ੍ਖਾਪਦਾਨਿ ‘‘ਸੇਖਿਯਾਨੀ’’ਤਿ ਭਾਸਿਤਾਨਿ, ਦਾਨਿ ਤੇਸਮ੍ਪਿ ਸਿਕ੍ਖਾਪਦਾਨਂ ਅਯਮ੍ਪਿ વਣ੍ਣਨਾਕ੍ਕਮੋ ਭવਤੀਤਿ ਯੋਜਨਾ।
Sikkhitasikkhena tīsu sikkhāsu catūhi maggehi sikkhitasikkhena tādinā aṭṭhahi lokadhammehi akampiyaṭṭhena tādinā, iṭṭhāniṭṭhesu vā avikāraṭṭhena tādinā bhagavatā yāni sikkhāpadāni ‘‘sekhiyānī’’ti bhāsitāni, dāni tesampi sikkhāpadānaṃ ayampi vaṇṇanākkamo bhavatīti yojanā.
੫੭੬. ਤਤ੍ਥਾਤਿ ਸੇਖਿਯਸਿਕ੍ਖਾਪਦੇਸੁ, ਅਤ੍ਥੋ ਏવਂ વੇਦਿਤਬ੍ਬੋਤਿ ਯੋਜਨਾ। ‘‘ਸਮਨ੍ਤਤੋ’’ਤਿਇਮਿਨਾ ਪਰਿਤ੍ਯੂਪਸਗ੍ਗਸ੍ਸਤ੍ਥਂ ਦਸ੍ਸੇਤਿ। ‘‘ਨਾਭਿਮਣ੍ਡਲਂ ਜਾਣੁਮਣ੍ਡਲ’’ਨ੍ਤਿ ਏਤ੍ਥ ਉਦ੍ਧਂਸਦ੍ਦੋ ਚ ਅਧੋਸਦ੍ਦੋ ਚ ਅਜ੍ਝਾਹਰਿਤਬ੍ਬੋਤਿ ਆਹ ‘‘ਉਦ੍ਧ’’ਨ੍ਤਿਆਦਿ। ਅਟ੍ਠਙ੍ਗੁਲਮਤ੍ਤਨ੍ਤਿ ਭਾવਨਪੁਂਸਕਂ, ਨਿવਾਸੇਤਬ੍ਬਨ੍ਤਿ ਸਮ੍ਬਨ੍ਧੋ। ਤਤੋਤਿ ਅਟ੍ਠਙ੍ਗੁਲਮਤ੍ਤਤੋ। ਯਥਾ ਪਟਿਚ੍ਛਨ੍ਨਂ ਹੋਤਿ, ਏવਂ ਨਿવਾਸੇਨ੍ਤਸ੍ਸਾਤਿ ਯੋਜਨਾ। ਤਤ੍ਰਿਦਂ ਪਮਾਣਨ੍ਤਿ ਤਸ੍ਸ ਨਿવਾਸਨਸ੍ਸ ਇਦਂ ਪਮਾਣਂ। ਤਾਦਿਸਸ੍ਸਾਤਿ ਦੀਘਤੋ ਮੁਟ੍ਠਿਪਞ੍ਚਕਸ੍ਸ ਤਿਰਿਯਂ ਅਡ੍ਢਤੇਯ੍ਯਹਤ੍ਥਸ੍ਸ ਨਿવਾਸਨਸ੍ਸ। ਜਾਣੁਮਣ੍ਡਲਂ ਪਟਿਚ੍ਛਾਦਨਤ੍ਥਂ વਟ੍ਟਤੀਤਿ ਯੋਜਨਾ। ਤਤ੍ਥਾਤਿ ਚੀવਰੇਸੁ। ਨ ਤਿਟ੍ਠਤੀਤਿ વਿਰਲ਼ਤ੍ਤਾ ਨ ਤਿਟ੍ਠਤਿ। ਤਿਟ੍ਠਤੀਤਿ ਘਨਤ੍ਤਾ ਤਿਟ੍ਠਤਿ।
576.Tatthāti sekhiyasikkhāpadesu, attho evaṃ veditabboti yojanā. ‘‘Samantato’’tiiminā parityūpasaggassatthaṃ dasseti. ‘‘Nābhimaṇḍalaṃ jāṇumaṇḍala’’nti ettha uddhaṃsaddo ca adhosaddo ca ajjhāharitabboti āha ‘‘uddha’’ntiādi. Aṭṭhaṅgulamattanti bhāvanapuṃsakaṃ, nivāsetabbanti sambandho. Tatoti aṭṭhaṅgulamattato. Yathā paṭicchannaṃ hoti, evaṃ nivāsentassāti yojanā. Tatridaṃ pamāṇanti tassa nivāsanassa idaṃ pamāṇaṃ. Tādisassāti dīghato muṭṭhipañcakassa tiriyaṃ aḍḍhateyyahatthassa nivāsanassa. Jāṇumaṇḍalaṃ paṭicchādanatthaṃ vaṭṭatīti yojanā. Tatthāti cīvaresu. Na tiṭṭhatīti viraḷattā na tiṭṭhati. Tiṭṭhatīti ghanattā tiṭṭhati.
ਨਿવਾਸੇਨ੍ਤਸ੍ਸ ਚਾਤਿਏਤ੍ਥ ਚਸਦ੍ਦੋ ਅવਧਾਰਣਤ੍ਥੋ, ਨਿવਾਸੇਨ੍ਤਸ੍ਸੇવਾਤਿ ਅਤ੍ਥੋ। ਕੇવਲਂ ਏવਂ ਨਿવਾਸੇਨ੍ਤਸ੍ਸੇવ ਦੁਕ੍ਕਟਂ ਨ ਹੋਤਿ, ਅਥ ਖੋ ਤਥਾ ਨਿવਾਸੇਨ੍ਤਸ੍ਸਾਪਿ ਦੁਕ੍ਕਟਮੇવਾਤਿ ਯੋਜਨਾ। ਯੇ ਪਨ ਨਿવਾਸਨਦੋਸਾਤਿ ਸਮ੍ਬਨ੍ਧੋ। ਅਞ੍ਞੇਤਿ ਪੁਰਤੋ ਚ ਪਚ੍ਛਤੋ ਚ ਓਲਮ੍ਬੇਤ੍વਾ ਨਿવਸਨਤੋ ਅਞ੍ਞੇ । ਤੇ ਸਬ੍ਬੇਤਿ ਸਬ੍ਬੇ ਤੇ ਨਿવਾਸਨਦੋਸਾ। ਏਤ੍ਥਾਤਿ ਇਮਸ੍ਮਿਂ વਿਭਙ੍ਗੇ। ਤਤ੍ਥੇવਾਤਿ ਖਨ੍ਧਕੇਯੇવ।
Nivāsentassa cātiettha casaddo avadhāraṇattho, nivāsentassevāti attho. Kevalaṃ evaṃ nivāsentasseva dukkaṭaṃ na hoti, atha kho tathā nivāsentassāpi dukkaṭamevāti yojanā. Ye pana nivāsanadosāti sambandho. Aññeti purato ca pacchato ca olambetvā nivasanato aññe . Te sabbeti sabbe te nivāsanadosā. Etthāti imasmiṃ vibhaṅge. Tatthevāti khandhakeyeva.
ਅਸਞ੍ਚਿਚ੍ਚ ਨਿવਾਸੇਨ੍ਤਸ੍ਸ ਅਨਾਪਤ੍ਤੀਤਿ ਸਮ੍ਬਨ੍ਧੋ। ਏਸੇવ ਨਯੋ ‘‘ਅਸਤਿਯਾ’’ਤਿ ਏਤ੍ਥਾਪਿ। ਅਜਾਨਨ੍ਤਸ੍ਸਾਤਿ ਏਤ੍ਥ ਅਜਾਨਨਂ ਦੁવਿਧਂ ਨਿવਾਸਨવਤ੍ਤਸ੍ਸ ਅਜਾਨਨਂ, ਆਰੂਲ਼੍ਹੋਰੂਲ਼੍ਹਭਾવਸ੍ਸ ਅਜਾਨਨਨ੍ਤਿ। ਤਤ੍ਥ ਆਰੂਲ਼੍ਹੋਰੂਲ਼੍ਹਭਾવਸ੍ਸ ਅਜਾਨਨਂ ਸਨ੍ਧਾਯ વੁਤ੍ਤਂ ‘‘ਅਜਾਨਨ੍ਤਸ੍ਸਾ’’ਤਿ ਦਸ੍ਸੇਨ੍ਤੋ ਆਹ ‘‘ਅਜਾਨਨ੍ਤਸ੍ਸਾਤਿ ਏਤ੍ਥਾ’’ਤਿਆਦਿ। ਹੀਤਿ ਸਚ੍ਚਂ। ਤਸ੍ਸਾਤਿ ਨਿવਾਸਨવਤ੍ਤਸ੍ਸ। ਅਸ੍ਸਾਤਿ ਭਿਕ੍ਖੁਨੋ। ਤਂ ਪਨਾਤਿ ਆਪਤ੍ਤਿਤੋ ਅਮੋਕ੍ਖਨਂ ਪਨ। ਤਸ੍ਮਾਤਿ ਯਸ੍ਮਾ ਯੁਜ੍ਜਤਿ, ਤਸ੍ਮਾ। ਯੋਤਿ ਭਿਕ੍ਖੁ। ਕੁਰੁਨ੍ਦਿਯਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਸੁਕ੍ਖਾ ਜਙ੍ਘਾ ਇਮਸ੍ਸਾਤਿ ਸੁਕ੍ਖਜਙ੍ਘੋ। ਮਹਨ੍ਤਂ ਪਿਣ੍ਡਿਕਮਂਸਂ ਇਮਸ੍ਸਾਤਿ ਮਹਾਪਿਣ੍ਡਿਕਮਂਸੋ। ਤਸ੍ਸਾਤਿ ਭਿਕ੍ਖੁਸ੍ਸ।
Asañcicca nivāsentassa anāpattīti sambandho. Eseva nayo ‘‘asatiyā’’ti etthāpi. Ajānantassāti ettha ajānanaṃ duvidhaṃ nivāsanavattassa ajānanaṃ, ārūḷhorūḷhabhāvassa ajānananti. Tattha ārūḷhorūḷhabhāvassa ajānanaṃ sandhāya vuttaṃ ‘‘ajānantassā’’ti dassento āha ‘‘ajānantassāti etthā’’tiādi. Hīti saccaṃ. Tassāti nivāsanavattassa. Assāti bhikkhuno. Taṃ panāti āpattito amokkhanaṃ pana. Tasmāti yasmā yujjati, tasmā. Yoti bhikkhu. Kurundiyaṃ vuttanti sambandho. Sukkhā jaṅghā imassāti sukkhajaṅgho. Mahantaṃ piṇḍikamaṃsaṃ imassāti mahāpiṇḍikamaṃso. Tassāti bhikkhussa.
વਣੋਤਿ ਅਰੁ। ਤਞ੍ਹਿ વਣਤਿ ਗਤ੍ਤવਿਚੁਣ੍ਣਨਂ ਕਰੋਤੀਤਿ વਣੋਤਿ વੁਚ੍ਚਤਿ। વਾਲ਼ਮਿਗਾ વਾ ਚੋਰਾ વਾਤਿ ਏਤ੍ਥ વਾਸਦ੍ਦੋ ਅવੁਤ੍ਤਸਮ੍ਪਿਣ੍ਡਨਤ੍ਥੋ, ਤੇਨ ਅਞ੍ਞਾਪਿ ਉਦਕਚਿਕ੍ਖਲ੍ਲਾਦਯੋ ਆਪਦਾ ਸਙ੍ਗਯ੍ਹਨ੍ਤਿ।
Vaṇoti aru. Tañhi vaṇati gattavicuṇṇanaṃ karotīti vaṇoti vuccati. Vāḷamigā vā corā vāti ettha vāsaddo avuttasampiṇḍanattho, tena aññāpi udakacikkhallādayo āpadā saṅgayhanti.
੫੭੭. ਇਧਾਤਿ ਇਮਸ੍ਮਿਂ વਿਭਙ੍ਗੇ, ਸਿਕ੍ਖਾਪਦੇ વਾ। ਉਭੋ ਕਣ੍ਣੇਤਿ ਪੁਰਤੋ ਚ ਪਚ੍ਛਤੋ ਚ ਨਿਗ੍ਗਤੇ ਦ੍વੇ ਕਣ੍ਣੇ। ਅવਿਸੇਸੇਨਾਤਿ ‘‘ਅਨ੍ਤਰਘਰੇ’’ਤਿ ਚ ‘‘ਆਰਾਮੇ’’ਤਿ ਚ વਿਸੇਸਂ ਅਕਤ੍વਾ ਸਾਮਞ੍ਞੇਨ। વਿਹਾਰੇਪੀਤਿ ਸਙ੍ਘਸਨ੍ਨਿਪਾਤਬੁਦ੍ਧੁਪਟ੍ਠਾਨਥੇਰੁਪਟ੍ਠਾਨਾਦਿਕਾਲਂ ਸਨ੍ਧਾਯ વੁਤ੍ਤਂ।
577.Idhāti imasmiṃ vibhaṅge, sikkhāpade vā. Ubho kaṇṇeti purato ca pacchato ca niggate dve kaṇṇe. Avisesenāti ‘‘antaraghare’’ti ca ‘‘ārāme’’ti ca visesaṃ akatvā sāmaññena. Vihārepīti saṅghasannipātabuddhupaṭṭhānatherupaṭṭhānādikālaṃ sandhāya vuttaṃ.
੫੭੮. ਕਾਯੇਕਦੇਸੇ ਕਾਯਸਦ੍ਦੋ વਤ੍ਤਤੀਤਿ ਆਹ ‘‘ਜਾਣੁਮ੍ਪਿ ਉਰਮ੍ਪੀ’’ਤਿ। ‘‘ਨ ਸੀਸਂ ਪਾਰੁਤੇਨਾ’’ਤਿਇਮਿਨਾ ‘‘ਸੁਪ੍ਪਟਿਚ੍ਛਨ੍ਨੇਨਾ’’ਤਿਪਦਸ੍ਸ ਅਤਿਬ੍ਯਾਪਿਤਦੋਸਂ ਪਟਿਕ੍ਖਿਪਤਿ। ਗਣ੍ਠਿਕਨ੍ਤਿ ਪਾਸੋ। ਸੋ ਹਿ ਗਨ੍ਥੇਤਿ ਬਨ੍ਧਤੀਤਿ વਾ, ਗਨ੍ਥੇਤਿ ਬਨ੍ਧਤਿ ਏਤ੍ਥਾਤਿ વਾ ਕਤ੍વਾ ਗਨ੍ਥਿਕੋਤਿ વੁਚ੍ਚਤਿ। ਨ੍ਥਕਾਰਸ੍ਸ વਾਣ੍ਠਕਾਰੇ ਕਤੇ ਗਣ੍ਠਿਕੋ, ਤਂ ਗਣ੍ਠਿਕਂ ਪਟਿਮੁਞ੍ਚਿਤ੍વਾ। ਉਭੋ ਕਣ੍ਣੇਤਿ ਚੀવਰਸ੍ਸ ਦ੍વੇ ਕੋਣੇ। ਗਲવਾਟਕਤੋਤਿ ਏਤ੍ਥ ਗਲੋਤਿ ਕਣ੍ਠੋ। ਸੋ ਹਿ ਖਜ੍ਜਭੋਜ੍ਜਲੇਯ੍ਯਪੇਯ੍ਯਸਙ੍ਖਾਤਂ ਚਤੁਬ੍ਬਿਧਂ ਅਸਨਂ ਗਲਤਿ ਪਨ੍ਨੋ ਹੁਤ੍વਾ ਕੁਚ੍ਛਿਯਂ ਪਤਤਿ ਇਤੋਤਿ ਗਲੋਤਿ વੁਚ੍ਚਤਿ। ਆવਾਟੋਯੇવ ਖੁਦ੍ਦਕਟ੍ਠੇਨ ਆવਾਟਕੋ, ਖੁਦ੍ਦਕਤ੍ਥੇ ਕੋ। ਗਲੇ ਠਿਤੋ ਆવਾਟਕੋ ਗਲવਾਟਕੋ। ਅਕਾਰਤੋ ਹਿ ਆਕਾਰਸ੍ਸ ਲੋਪੋ ‘‘ਪਪ’’ਨ੍ਤਿਆਦੀਸੁ (ਜਾ॰ ੧.੧.੨) વਿਯ। ਏਤ੍ਥ ਹਿ ਪਆਪਨ੍ਤਿ ਪਦਚ੍ਛੇਦੋ, ਅਕਾਰਤੋ ਆਕਾਰਸ੍ਸ ਚ ਲੋਪੋ। ਪવਦ੍ਧਂ ਆਪਂ ਪਪਂ, ਮਹਨ੍ਤਂ ਉਦਕਨ੍ਤਿ ਅਤ੍ਥੋ। ਸੀਸਂ વਿવਰਿਤ੍વਾਤਿ ਸਮ੍ਬਨ੍ਧੋ।
578. Kāyekadese kāyasaddo vattatīti āha ‘‘jāṇumpi urampī’’ti. ‘‘Na sīsaṃ pārutenā’’tiiminā ‘‘suppaṭicchannenā’’tipadassa atibyāpitadosaṃ paṭikkhipati. Gaṇṭhikanti pāso. So hi gantheti bandhatīti vā, gantheti bandhati etthāti vā katvā ganthikoti vuccati. Nthakārassa vāṇṭhakāre kate gaṇṭhiko, taṃ gaṇṭhikaṃ paṭimuñcitvā. Ubho kaṇṇeti cīvarassa dve koṇe. Galavāṭakatoti ettha galoti kaṇṭho. So hi khajjabhojjaleyyapeyyasaṅkhātaṃ catubbidhaṃ asanaṃ galati panno hutvā kucchiyaṃ patati itoti galoti vuccati. Āvāṭoyeva khuddakaṭṭhena āvāṭako, khuddakatthe ko. Gale ṭhito āvāṭako galavāṭako. Akārato hi ākārassa lopo ‘‘papa’’ntiādīsu (jā. 1.1.2) viya. Ettha hi paāpanti padacchedo, akārato ākārassa ca lopo. Pavaddhaṃ āpaṃ papaṃ, mahantaṃ udakanti attho. Sīsaṃ vivaritvāti sambandho.
੫੭੯. વਾਸਂ ਉਪਗਤੋਤਿ વਾ વਾਸੇਨ ਉਪਗਤੋਤਿ વਾ ਅਤ੍ਥਂ ਪਟਿਕ੍ਖਿਪਨ੍ਤੋ ਆਹ ‘‘વਾਸਤ੍ਥਾਯ ਉਪਗਤਸ੍ਸਾ’’ਤਿ।
579. Vāsaṃ upagatoti vā vāsena upagatoti vā atthaṃ paṭikkhipanto āha ‘‘vāsatthāya upagatassā’’ti.
੫੮੦. ਹਤ੍ਥਪਾਦੇ ਅਕੀਲ਼ਨ੍ਤੋ ਸੁਸਂવੁਤੋ ਨਾਮਾਤਿ ਦਸ੍ਸੇਨ੍ਤੋ ਆਹ ‘‘ਹਤ੍ਥਂ વਾ ਪਾਦਂ વਾ ਅਕੀਲ਼ਾਪੇਨ੍ਤੋ’’ਤਿ।
580. Hatthapāde akīḷanto susaṃvuto nāmāti dassento āha ‘‘hatthaṃ vā pādaṃ vā akīḷāpento’’ti.
੫੮੨. ਓਕ੍ਖਿਤ੍ਤਚਕ੍ਖੂਤਿ ਏਤ੍ਥ ਓਸਦ੍ਦੋ ਹੇਟ੍ਠਾਪਰਿਯਾਯੋਤਿ ਆਹ ‘‘ਹੇਟ੍ਠਾ ਖਿਤ੍ਤਚਕ੍ਖੂ’’ਤਿ। ‘‘ਹੁਤ੍વਾ’’ਤਿਇਮਿਨਾ ਕਿਰਿਯਾવਿਸੇਸਨਭਾવਂ ਦਸ੍ਸੇਤਿ। ਯੁਗਯੁਤ੍ਤਕੋਤਿ ਯੁਗੇ ਯੁਤ੍ਤਕੋ। ਦਮਿਯਿਤ੍ਥਾਤਿ ਦਨ੍ਤੋ। ਆਭੁਸੋ ਜਾਨਾਤਿ ਕਾਰਣਾਕਾਰਣਨ੍ਤਿ ਆਜਾਨੇਯ੍ਯੋ। ਏਤ੍ਤਕਨ੍ਤਿ ਚਤੁਹਤ੍ਥਪਮਾਣਂ। ਯੋ ਗਚ੍ਛਤਿ, ਅਸ੍ਸ ਭਿਕ੍ਖੁਨੋ ਦੁਕ੍ਕਟਾ ਆਪਤ੍ਤਿ ਹੋਤੀਤਿ ਯੋਜਨਾ। ‘‘ਪਰਿਸ੍ਸਯਭਾવ’’ਨ੍ਤਿ ਚ ‘‘ਪਰਿਸ੍ਸਯਾਭਾવ’’ਨ੍ਤਿ ਚ ਦ੍વੇ ਪਾਠਾ ਯੁਜ੍ਜਨ੍ਤਿਯੇવ।
582.Okkhittacakkhūti ettha osaddo heṭṭhāpariyāyoti āha ‘‘heṭṭhā khittacakkhū’’ti. ‘‘Hutvā’’tiiminā kiriyāvisesanabhāvaṃ dasseti. Yugayuttakoti yuge yuttako. Damiyitthāti danto. Ābhuso jānāti kāraṇākāraṇanti ājāneyyo. Ettakanti catuhatthapamāṇaṃ. Yo gacchati, assa bhikkhuno dukkaṭā āpatti hotīti yojanā. ‘‘Parissayabhāva’’nti ca ‘‘parissayābhāva’’nti ca dve pāṭhā yujjantiyeva.
੫੮੪. ਇਤ੍ਥਮ੍ਭੂਤਲਕ੍ਖਣੇਤਿ ਇਮਂ ਪਕਾਰਂ ਇਤ੍ਥਂ ਚੀવਰੁਕ੍ਖਿਪਨਂ, ਭવਤਿ ਗਚ੍ਛਤੀਤਿ ਭੂਤੋ, ਭਿਕ੍ਖੁ। ਲਕ੍ਖੀਯਤਿ ਅਨੇਨਾਤਿ ਲਕ੍ਖਣਂ, ਚੀવਰਂ। ਇਤ੍ਥਂ ਭੂਤੋ ਇਤ੍ਥਮ੍ਭੂਤੋ, ਤਸ੍ਸ ਲਕ੍ਖਣਂ ਇਤ੍ਥਮ੍ਭੂਤਲਕ੍ਖਣਂ, ਤਸ੍ਮਿਂ। ਕਰਣવਚਨਂ ਦਟ੍ਠਬ੍ਬਨ੍ਤਿ ਯੋਜਨਾ। ਇਤ੍ਥਮ੍ਭੂਤਲਕ੍ਖਣਂ ਨਾਮ ਕਿਰਿਯਾવਿਸੇਸਨਸ੍ਸ ਸਭਾવੋਤਿ ਆਹ ‘‘ਏਕਤੋ વਾ…ਪੇ॰… ਹੁਤ੍વਾਤਿ ਅਤ੍ਥੋ’’ਤਿ। ਅਨ੍ਤੋਇਨ੍ਦਖੀਲਤੋਤਿ ਗਾਮਸ੍ਸ ਅਨ੍ਤੋਇਨ੍ਦਖੀਲਤੋਤਿ। ਪਠਮੋ વਗ੍ਗੋ।
584.Itthambhūtalakkhaṇeti imaṃ pakāraṃ itthaṃ cīvarukkhipanaṃ, bhavati gacchatīti bhūto, bhikkhu. Lakkhīyati anenāti lakkhaṇaṃ, cīvaraṃ. Itthaṃ bhūto itthambhūto, tassa lakkhaṇaṃ itthambhūtalakkhaṇaṃ, tasmiṃ. Karaṇavacanaṃ daṭṭhabbanti yojanā. Itthambhūtalakkhaṇaṃ nāma kiriyāvisesanassa sabhāvoti āha ‘‘ekato vā…pe… hutvāti attho’’ti. Antoindakhīlatoti gāmassa antoindakhīlatoti. Paṭhamo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਪਰਿਮਣ੍ਡਲવਗ੍ਗੋ • 1. Parimaṇḍalavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
