| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. сзкияаган̣д̣ам̣
7. Sekhiyakaṇḍaṃ
1. бариман̣д̣алаваг̇г̇аван̣н̣анаа
1. Parimaṇḍalavaggavaṇṇanā
яаани сигкид̇асигкзна, сзкияаанийд̇и д̇аад̣̇инаа;
Yāni sikkhitasikkhena, sekhiyānīti tādinā;
бхаасид̇аани аяам̣ д̣̇аани, д̇зсамби ван̣н̣анааггамо.
Bhāsitāni ayaṃ dāni, tesampi vaṇṇanākkamo.
576. д̇ад̇т̇а бариман̣д̣аланд̇и саманд̇ад̇о ман̣д̣алам̣. наабхиман̣д̣алам̣ ж̇аан̣уман̣д̣аланд̇и уд̣̇д̇хам̣ наабхиман̣д̣алам̣ ад̇хо ж̇аан̣уман̣д̣алам̣ бадижчаад̣̇знд̇зна ж̇аан̣уман̣д̣аласса хздтаа ж̇ан̇гхадтигад̇о бадтааяа адтан̇г̇уламад̇д̇ам̣ ниваасанам̣ од̇аарзд̇ваа ниваасзд̇аб̣б̣ам̣, д̇ад̇о барам̣ од̇аарзнд̇асса д̣̇уггаданд̇и вуд̇д̇ам̣. яат̇аа нисиннасса ж̇аан̣уман̣д̣алад̇о хздтаа жад̇уран̇г̇уламад̇д̇ам̣ бадижчаннам̣ ход̇ийд̇и махаабажжарияам̣ вуд̇д̇ам̣; звам̣ ниваасзнд̇асса бана ниваасанам̣ бамаан̣игам̣ ваддад̇и. д̇ад̇рид̣̇ам̣ бамаан̣ам̣ – д̣̇ийгхад̇о мудтибан̃жагам̣, д̇ирияам̣ ад̣дхад̇зяяахад̇т̇ам̣. д̇аад̣̇исасса бана алаабхз д̇ирияам̣ д̣̇вихад̇т̇абамаан̣амби ваддад̇и ж̇аан̣уман̣д̣алабадижчаад̣̇анад̇т̇ам̣, наабхиман̣д̣алам̣ бана жийварзнааби саггаа бадижчаад̣̇зд̇унд̇и. д̇ад̇т̇а згабаддажийварам̣ звам̣ нивад̇т̇амби нивад̇т̇адтаанз на д̇идтад̇и, д̣̇убаддам̣ бана д̇идтад̇и.
576. Tattha parimaṇḍalanti samantato maṇḍalaṃ. Nābhimaṇḍalaṃ jāṇumaṇḍalanti uddhaṃ nābhimaṇḍalaṃ adho jāṇumaṇḍalaṃ paṭicchādentena jāṇumaṇḍalassa heṭṭhā jaṅghaṭṭhikato paṭṭhāya aṭṭhaṅgulamattaṃ nivāsanaṃ otāretvā nivāsetabbaṃ, tato paraṃ otārentassa dukkaṭanti vuttaṃ. Yathā nisinnassa jāṇumaṇḍalato heṭṭhā caturaṅgulamattaṃ paṭicchannaṃ hotīti mahāpaccariyaṃ vuttaṃ; evaṃ nivāsentassa pana nivāsanaṃ pamāṇikaṃ vaṭṭati. Tatridaṃ pamāṇaṃ – dīghato muṭṭhipañcakaṃ, tiriyaṃ aḍḍhateyyahatthaṃ. Tādisassa pana alābhe tiriyaṃ dvihatthapamāṇampi vaṭṭati jāṇumaṇḍalapaṭicchādanatthaṃ, nābhimaṇḍalaṃ pana cīvarenāpi sakkā paṭicchādetunti. Tattha ekapaṭṭacīvaraṃ evaṃ nivatthampi nivatthaṭṭhāne na tiṭṭhati, dupaṭṭaṃ pana tiṭṭhati.
оламб̣знд̇о ниваасзд̇и аабад̇д̇и д̣̇уггадассаад̇и зд̇т̇а на гзвалам̣ бурад̇о жа бажчад̇о жа оламб̣зд̇ваа ниваасзнд̇ассзва д̣̇уггадам̣, яз банан̃н̃з ‘‘д̇зна ко бана самаязна чаб̣б̣аг̇г̇ияаа бхигкуу г̇ихинивад̇т̇ам̣ ниваасзнд̇и хад̇т̇исон̣д̣агам̣ мажчаваалагам̣ жад̇угган̣н̣агам̣ д̇аалаван̣дагам̣ сад̇авалигам̣ ниваасзнд̇ий’’д̇иаад̣̇инаа (жуул̣ава. 280) наязна канд̇хагз ниваасанад̣̇осаа вуд̇д̇аа, д̇ат̇аа ниваасзнд̇ассааби д̣̇уггадамзва. д̇з саб̣б̣з вуд̇д̇анаязна бариман̣д̣алам̣ ниваасзнд̇асса на хонд̇и. аяамзд̇т̇а сан̇кзбо, вид̇т̇аарад̇о бана д̇ад̇т̇зва аави бхависсад̇и.
Olambento nivāseti āpatti dukkaṭassāti ettha na kevalaṃ purato ca pacchato ca olambetvā nivāsentasseva dukkaṭaṃ, ye panaññe ‘‘tena kho pana samayena chabbaggiyā bhikkhū gihinivatthaṃ nivāsenti hatthisoṇḍakaṃ macchavālakaṃ catukkaṇṇakaṃ tālavaṇṭakaṃ satavalikaṃ nivāsentī’’tiādinā (cūḷava. 280) nayena khandhake nivāsanadosā vuttā, tathā nivāsentassāpi dukkaṭameva. Te sabbe vuttanayena parimaṇḍalaṃ nivāsentassa na honti. Ayamettha saṅkhepo, vitthārato pana tattheva āvi bhavissati.
асан̃жижжаад̇и бурад̇о ваа бажчад̇о ваа оламб̣зд̇ваа ниваасзссаамийд̇и звам̣ асан̃жижжа; ат̇а ко бариман̣д̣алам̣язва ниваасзссаамийд̇и вираж̇жхид̇ваа абариман̣д̣алам̣ ниваасзнд̇асса анаабад̇д̇и. ассад̇ияаад̇и ан̃н̃авихид̇ассааби д̇ат̇аа ниваасзнд̇асса анаабад̇д̇и. аж̇аананд̇ассаад̇и зд̇т̇а ниваасанавад̇д̇ам̣ аж̇аананд̇асса могко над̇т̇и. ниваасанавад̇д̇ан̃хи саад̇хугам̣ уг̇г̇ахзд̇аб̣б̣ам̣, д̇асса ануг̇г̇ахан̣амзвасса анаад̣̇арияам̣. д̇ам̣ бана сан̃жижжа ануг̇г̇ан̣ханд̇асса яуж̇ж̇ад̇и, д̇асмаа уг̇г̇ахид̇авад̇д̇оби яо аарул̣хабхаавам̣ ваа орул̣хабхаавам̣ ваа на ж̇аанаад̇и, д̇асса анаабад̇д̇и. гурунд̣̇ияам̣ бана ‘‘бариман̣д̣алам̣ ниваасзд̇ум̣ аж̇аананд̇асса анаабад̇д̇ий’’д̇и вуд̇д̇ам̣. яо бана сугкаж̇ан̇гхо ваа махаабин̣д̣игамам̣со ваа ход̇и, д̇асса сааруббад̇т̇ааяа ж̇аан̣уман̣д̣алад̇о адтан̇г̇улаад̇хигамби од̇аарзд̇ваа ниваасзд̇ум̣ ваддад̇и.
Asañciccāti purato vā pacchato vā olambetvā nivāsessāmīti evaṃ asañcicca; atha kho parimaṇḍalaṃyeva nivāsessāmīti virajjhitvā aparimaṇḍalaṃ nivāsentassa anāpatti. Assatiyāti aññavihitassāpi tathā nivāsentassa anāpatti. Ajānantassāti ettha nivāsanavattaṃ ajānantassa mokkho natthi. Nivāsanavattañhi sādhukaṃ uggahetabbaṃ, tassa anuggahaṇamevassa anādariyaṃ. Taṃ pana sañcicca anuggaṇhantassa yujjati, tasmā uggahitavattopi yo āruḷhabhāvaṃ vā oruḷhabhāvaṃ vā na jānāti, tassa anāpatti. Kurundiyaṃ pana ‘‘parimaṇḍalaṃ nivāsetuṃ ajānantassa anāpattī’’ti vuttaṃ. Yo pana sukkhajaṅgho vā mahāpiṇḍikamaṃso vā hoti, tassa sāruppatthāya jāṇumaṇḍalato aṭṭhaṅgulādhikampi otāretvā nivāsetuṃ vaṭṭati.
г̇илаанассаад̇и ж̇ан̇гхааяа ваа баад̣̇з ваа ван̣о ход̇и, угкибид̇ваа ваа од̇аарзд̇ваа ваа ниваасзд̇ум̣ ваддад̇и. аабад̣̇аасууд̇и ваал̣амиг̇аа ваа жораа ваа ануб̣анд̇ханд̇и, зваруубаасу аабад̣̇аасу анаабад̇д̇и. сзсамзд̇т̇а уд̇д̇аанамзва.
Gilānassāti jaṅghāya vā pāde vā vaṇo hoti, ukkhipitvā vā otāretvā vā nivāsetuṃ vaṭṭati. Āpadāsūti vāḷamigā vā corā vā anubandhanti, evarūpāsu āpadāsu anāpatti. Sesamettha uttānameva.
батамабаарааж̇игасамудтаанам̣ – гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̣̇угкавзд̣̇ананд̇и. пуссад̣̇звад̇т̇зро ‘‘ажид̇д̇агам̣, бан̣н̣ад̇д̇иваж̇ж̇ам̣, д̇ивзд̣̇ана’’нд̇и ааха. убад̇иссад̇т̇зро бана ‘‘анаад̣̇арияам̣ бадижжаа’’д̇и вуд̇д̇ад̇д̇аа ‘‘логаваж̇ж̇ам̣, агусалажид̇д̇ам̣, д̣̇угкавзд̣̇ана’’нд̇и ааха.
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dukkhavedananti. Phussadevatthero ‘‘acittakaṃ, paṇṇattivajjaṃ, tivedana’’nti āha. Upatissatthero pana ‘‘anādariyaṃ paṭiccā’’ti vuttattā ‘‘lokavajjaṃ, akusalacittaṃ, dukkhavedana’’nti āha.
577. бариман̣д̣алам̣ баарубид̇аб̣б̣анд̇и ‘‘д̇зна ко бана самаязна чаб̣б̣аг̇г̇ияаа бхигкуу г̇ихибааруд̇ам̣ баарубанд̇ий’’д̇и (жуул̣ава. 280) звам̣ вуд̇д̇ам̣ анзгаббагаарам̣ г̇ихибаарубанам̣ абаарубид̇ваа ид̇ха вуд̇д̇анаязнзва убхо ган̣н̣з самам̣ гад̇ваа баарубанавад̇д̇ам̣ буурзнд̇зна бариман̣д̣алам̣ баарубид̇аб̣б̣ам̣. имаани жа д̣̇вз сигкаабад̣̇аани ависзсзна вуд̇д̇аани. д̇асмаа вихаарзби анд̇арагхарзби бариман̣д̣аламзва ниваасзд̇аб̣б̣ан̃жа баарубид̇аб̣б̣ан̃жаад̇и. самудтаанаад̣̇ийни батамасигкаабад̣̇з вуд̇д̇анаязнзва взд̣̇ид̇аб̣б̣аани сад̣̇д̇хим̣ т̇зраваад̣̇зна.
577.Parimaṇḍalaṃ pārupitabbanti ‘‘tena kho pana samayena chabbaggiyā bhikkhū gihipārutaṃ pārupantī’’ti (cūḷava. 280) evaṃ vuttaṃ anekappakāraṃ gihipārupanaṃ apārupitvā idha vuttanayeneva ubho kaṇṇe samaṃ katvā pārupanavattaṃ pūrentena parimaṇḍalaṃ pārupitabbaṃ. Imāni ca dve sikkhāpadāni avisesena vuttāni. Tasmā vihārepi antaragharepi parimaṇḍalameva nivāsetabbañca pārupitabbañcāti. Samuṭṭhānādīni paṭhamasikkhāpade vuttanayeneva veditabbāni saddhiṃ theravādena.
578. гааяам̣ виварид̇ваад̇и ж̇ад̇д̇умби урамби виварид̇ваа. суббадижчаннзнаад̇и на сасийсам̣ бааруд̇зна; ат̇а ко г̇ан̣тигам̣ бадимун̃жид̇ваа ануваад̇анд̇зна г̇ийвам̣ бадижчаад̣̇зд̇ваа убхо ган̣н̣з самам̣ гад̇ваа бадисам̣харид̇ваа яаава ман̣иб̣анд̇хам̣ бадижчаад̣̇зд̇ваа анд̇арагхарз г̇анд̇аб̣б̣ам̣. д̣̇уд̇ияасигкаабад̣̇з – г̇алаваадагад̇о бадтааяа сийсам̣ ман̣иб̣анд̇хад̇о бадтааяа хад̇т̇з бин̣д̣игамам̣сад̇о жа бадтааяа баад̣̇з виварид̇ваа нисийд̣̇ид̇аб̣б̣ам̣.
578.Kāyaṃ vivaritvāti jattumpi urampi vivaritvā. Suppaṭicchannenāti na sasīsaṃ pārutena; atha kho gaṇṭhikaṃ paṭimuñcitvā anuvātantena gīvaṃ paṭicchādetvā ubho kaṇṇe samaṃ katvā paṭisaṃharitvā yāva maṇibandhaṃ paṭicchādetvā antaraghare gantabbaṃ. Dutiyasikkhāpade – galavāṭakato paṭṭhāya sīsaṃ maṇibandhato paṭṭhāya hatthe piṇḍikamaṃsato ca paṭṭhāya pāde vivaritvā nisīditabbaṃ.
579. ваасуубаг̇ад̇ассаад̇и ваасад̇т̇ааяа убаг̇ад̇асса рад̇д̇ибхааг̇з ваа д̣̇ивасабхааг̇з ваа гааяам̣ виварид̇вааби нисийд̣̇ад̇о анаабад̇д̇и.
579.Vāsūpagatassāti vāsatthāya upagatassa rattibhāge vā divasabhāge vā kāyaṃ vivaritvāpi nisīdato anāpatti.
580. сусам̣вуд̇од̇и хад̇т̇ам̣ ваа баад̣̇ам̣ ваа агийл̣аабзнд̇о; сувинийд̇од̇и ад̇т̇о.
580.Susaṃvutoti hatthaṃ vā pādaṃ vā akīḷāpento; suvinītoti attho.
582. огкид̇д̇ажагкууд̇и хздтаа кид̇д̇ажагку худ̇ваа. яуг̇амад̇д̇ам̣ бзгкамаанод̇и яуг̇аяуд̇д̇аго хи д̣̇анд̇о ааж̇аанзяяо яуг̇амад̇д̇ам̣ бзгкад̇и, бурад̇о жад̇ухад̇т̇аббамаан̣ам̣ бхуумибхааг̇ам̣; иминааби зд̇д̇агам̣ бзгканд̇зна г̇анд̇аб̣б̣ам̣. яо анаад̣̇арияам̣ бадижжа д̇ахам̣ д̇ахам̣ ологзнд̇од̇и яо д̇ам̣д̇ам̣д̣̇исаабхааг̇ам̣ баасаад̣̇ам̣ гуудааг̇аарам̣ вийт̇им̣ ологзнд̇о г̇ажчад̇и, аабад̇д̇и д̣̇уггадасса. згасмим̣ бана таанз тад̇ваа хад̇т̇иассаад̣̇ибариссаяаабхаавам̣ ологзд̇ум̣ ваддад̇и. нисийд̣̇анд̇знааби огкид̇д̇ажагкунаава нисийд̣̇ид̇аб̣б̣ам̣.
582.Okkhittacakkhūti heṭṭhā khittacakkhu hutvā. Yugamattaṃ pekkhamānoti yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ; imināpi ettakaṃ pekkhantena gantabbaṃ. Yo anādariyaṃ paṭicca tahaṃ tahaṃ olokentoti yo taṃtaṃdisābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Ekasmiṃ pana ṭhāne ṭhatvā hatthiassādiparissayābhāvaṃ oloketuṃ vaṭṭati. Nisīdantenāpi okkhittacakkhunāva nisīditabbaṃ.
584. угкид̇д̇агааяаад̇и угкзбзна; ид̇т̇амбхууд̇алагкан̣з гаран̣аважанам̣ згад̇о ваа убхад̇о ваа угкид̇д̇ажийваро худ̇ваад̇и ад̇т̇о. анд̇оинд̣̇акийлад̇о бадтааяа на звам̣ г̇анд̇аб̣б̣ам̣. нисиннагаалз бана д̇хамагаран̣ам̣ нийхаранд̇знааби жийварам̣ анугкибид̇ваава нийхарид̇аб̣б̣анд̇и.
584.Ukkhittakāyāti ukkhepena; itthambhūtalakkhaṇe karaṇavacanaṃ ekato vā ubhato vā ukkhittacīvaro hutvāti attho. Antoindakhīlato paṭṭhāya na evaṃ gantabbaṃ. Nisinnakāle pana dhamakaraṇaṃ nīharantenāpi cīvaraṃ anukkhipitvāva nīharitabbanti.
батамо ваг̇г̇о.
Paṭhamo vaggo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бариман̣д̣алаваг̇г̇о • 1. Parimaṇḍalavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бариман̣д̣алаваг̇г̇а-ад̇т̇аяож̇анаа • 1. Parimaṇḍalavagga-atthayojanā
