| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
7. сзкияаган̣д̣ам̣
7. Sekhiyakaṇḍaṃ
1. бариман̣д̣алаваг̇г̇аван̣н̣анаа
1. Parimaṇḍalavaggavaṇṇanā
сзкиязсу сигкид̇асигкзнаад̇и жад̇уухи маг̇г̇зхи д̇иссо сигкаа сигкид̇ваа тид̇зна, саб̣б̣асо баринидтид̇агижжзнаад̇и вуд̇д̇ам̣ ход̇и. д̇аад̣̇инаад̇и адтахи логад̇хаммзхи агамбияадтзна д̇аад̣̇инаа.
Sekhiyesu sikkhitasikkhenāti catūhi maggehi tisso sikkhā sikkhitvā ṭhitena, sabbaso pariniṭṭhitakiccenāti vuttaṃ hoti. Tādināti aṭṭhahi lokadhammehi akampiyaṭṭhena tādinā.
576. сигкаа гаран̣ийяаад̇и ‘‘звам̣ ниваасзссаамий’’д̇и аараамзби анд̇арагхарзби саб̣б̣ад̇т̇а сигкаа гад̇д̇аб̣б̣аа. зд̇т̇а жа яасмаа вад̇д̇агканд̇хагз вуд̇д̇авад̇д̇ааниби сигкид̇аб̣б̣ад̇д̇аа сзкияаанзва хонд̇и, д̇асмаа баарааж̇игаад̣̇ийсу вияа барижчзд̣̇о на гад̇о, жаарид̇д̇анаяад̣̇ассанад̇т̇ан̃жа ‘‘яо бана бхигку оламб̣знд̇о ниваасзяяа, д̣̇уггада’’нд̇и звам̣ аабад̇д̇инаамзна авад̇ваа ‘‘сигкаа гаран̣ийяаа’’д̇и звам̣ саб̣б̣асигкаабад̣̇зсу баал̣и ааробид̇аа. бад̣̇абхааж̇анз бана ‘‘аабад̇д̇и д̣̇уггадассаа’’д̇и вуд̇д̇ад̇д̇аа саб̣б̣ад̇т̇а анаад̣̇арияагаран̣з д̣̇уггадам̣ взд̣̇ид̇аб̣б̣ам̣. вуд̇д̇анд̇и махааадтагат̇ааяам̣ вуд̇д̇ам̣. яасмаа адтан̇г̇уламад̇д̇ам̣ од̇аарзд̇ваа нивад̇т̇амзва нисиннасса жад̇уран̇г̇уламад̇д̇ам̣ ход̇и, д̇асмаа убхобзд̇з адтагат̇ааваад̣̇аа згабарижчзд̣̇аа. д̇з саб̣б̣зд̇и ниваасанад̣̇осаа.
576.Sikkhā karaṇīyāti ‘‘evaṃ nivāsessāmī’’ti ārāmepi antaragharepi sabbattha sikkhā kattabbā. Ettha ca yasmā vattakkhandhake vuttavattānipi sikkhitabbattā sekhiyāneva honti, tasmā pārājikādīsu viya paricchedo na kato, cārittanayadassanatthañca ‘‘yo pana bhikkhu olambento nivāseyya, dukkaṭa’’nti evaṃ āpattināmena avatvā ‘‘sikkhā karaṇīyā’’ti evaṃ sabbasikkhāpadesu pāḷi āropitā. Padabhājane pana ‘‘āpatti dukkaṭassā’’ti vuttattā sabbattha anādariyakaraṇe dukkaṭaṃ veditabbaṃ. Vuttanti mahāaṭṭhakathāyaṃ vuttaṃ. Yasmā aṭṭhaṅgulamattaṃ otāretvā nivatthameva nisinnassa caturaṅgulamattaṃ hoti, tasmā ubhopete aṭṭhakathāvādā ekaparicchedā. Te sabbeti nivāsanadosā.
д̇ам̣ банаад̇и д̇ам̣ анаад̣̇арияам̣. гин̃жааби гурунд̣̇иваад̣̇ам̣ бажчаа вад̣̇анд̇зна ‘‘бариман̣д̣алам̣ ниваасзд̇ум̣ аж̇аананд̇асса анаабад̇д̇ий’’д̇и аяамад̇т̇о бад̇идтаабид̇о, д̇ат̇ааби ниваасанавад̇д̇ам̣ саад̇хугам̣ уг̇г̇ахзд̇аб̣б̣амзва. сан̃жижжа ануг̇г̇ан̣ханд̇асса анаад̣̇арияам̣ сияаа. д̇знзва маад̇игаадтагат̇ааяам̣ (ган̇каа. адта. бариман̣д̣аласигкаабад̣̇аван̣н̣анаа) вуд̇д̇ам̣ ‘‘аж̇аананд̇ассаад̇и бариман̣д̣алам̣ ниваасзд̇ум̣ аж̇аананд̇асса анаабад̇д̇и, абижа ниваасанавад̇д̇ам̣ уг̇г̇ахзд̇аб̣б̣а’’нд̇и.
Taṃ panāti taṃ anādariyaṃ. Kiñcāpi kurundivādaṃ pacchā vadantena ‘‘parimaṇḍalaṃ nivāsetuṃ ajānantassa anāpattī’’ti ayamattho patiṭṭhāpito, tathāpi nivāsanavattaṃ sādhukaṃ uggahetabbameva. Sañcicca anuggaṇhantassa anādariyaṃ siyā. Teneva mātikāṭṭhakathāyaṃ (kaṅkhā. aṭṭha. parimaṇḍalasikkhāpadavaṇṇanā) vuttaṃ ‘‘ajānantassāti parimaṇḍalaṃ nivāsetuṃ ajānantassa anāpatti, apica nivāsanavattaṃ uggahetabba’’nti.
сажид̇д̇аганд̇и вад̇т̇увиж̇аананажид̇д̇зна бан̣н̣ад̇д̇ивиж̇аананажид̇д̇зна жа сажид̇д̇агам̣ ‘‘анаад̣̇арияам̣ бадижжаа’’д̇и вуд̇д̇ад̇д̇аа. ‘‘баан̣аад̇ибаад̇аад̣̇и вияа ниваасанад̣̇осо логаг̇арахид̇о на ход̇ийд̇и бан̣н̣ад̇д̇иваж̇ж̇а’’нд̇и пуссад̣̇звад̇т̇зро ааха. убад̇иссад̇т̇зро бана ‘‘яасмаа анаад̣̇арияавасзнзва аабаж̇ж̇ид̇аб̣б̣ад̇д̇аа гзвалам̣ агусаламзва, д̇ан̃жа багад̇ияаа важ̇ж̇ам̣, сан̃жижжа вийд̇иггаманан̃жа д̣̇оманассид̇ассзва ход̇и, д̇асмаа логаваж̇ж̇ам̣ агусалажид̇д̇ам̣ д̣̇угкавзд̣̇ана’’нд̇и ааха. анаад̣̇арияам̣, анаабад̇д̇игааран̣аабхааво, абариман̣д̣аланиваасананд̇и имаани банзд̇т̇а д̇ийн̣и ан̇г̇аани. яат̇аа жзд̇т̇а, звам̣ саб̣б̣ад̇т̇а буримаани д̣̇вз д̇ад̇т̇а д̇ад̇т̇а вуд̇д̇абадибагкагаран̣ан̃жаад̇и д̇ийн̣иязва хонд̇и.
Sacittakanti vatthuvijānanacittena paṇṇattivijānanacittena ca sacittakaṃ ‘‘anādariyaṃ paṭiccā’’ti vuttattā. ‘‘Pāṇātipātādi viya nivāsanadoso lokagarahito na hotīti paṇṇattivajja’’nti phussadevatthero āha. Upatissatthero pana ‘‘yasmā anādariyavaseneva āpajjitabbattā kevalaṃ akusalameva, tañca pakatiyā vajjaṃ, sañcicca vītikkamanañca domanassitasseva hoti, tasmā lokavajjaṃ akusalacittaṃ dukkhavedana’’nti āha. Anādariyaṃ, anāpattikāraṇābhāvo, aparimaṇḍalanivāsananti imāni panettha tīṇi aṅgāni. Yathā cettha, evaṃ sabbattha purimāni dve tattha tattha vuttapaṭipakkhakaraṇañcāti tīṇiyeva honti.
577. д̣̇уд̇ияаад̣̇ийсу анзгаббагаарам̣ г̇ихибааруд̇анд̇и сзд̇абадабааруд̇ам̣ бариб̣б̣ааж̇агабааруд̇ам̣ згасаадагабааруд̇анд̇иаад̣̇и анзгаббабхзд̣̇ам̣ г̇ихибааруд̇ам̣. д̇ассад̇т̇о канд̇хагзязва аави бхависсад̇и. вихаарзбийд̇и б̣уд̣̇д̇хубадтаанаад̣̇игаалам̣ санд̇хааяа вуд̇д̇ам̣.
577. Dutiyādīsu anekappakāraṃ gihipārutanti setapaṭapārutaṃ paribbājakapārutaṃ ekasāṭakapārutantiādi anekappabhedaṃ gihipārutaṃ. Tassattho khandhakeyeva āvi bhavissati. Vihārepīti buddhupaṭṭhānādikālaṃ sandhāya vuttaṃ.
578. ‘‘суббадижчанно’’д̇и вуд̇д̇ад̇д̇аа ‘‘сасийсам̣ бааруд̇о саб̣б̣ат̇аа суббадижчаннад̇д̇аа суббадижчанно наама ход̇ий’’д̇и яасса сияаа, д̇ам̣ санд̇хааяааха ‘‘на сасийсам̣ бааруд̇знаа’’д̇иаад̣̇и.
578. ‘‘Suppaṭicchanno’’ti vuttattā ‘‘sasīsaṃ pāruto sabbathā suppaṭicchannattā suppaṭicchanno nāma hotī’’ti yassa siyā, taṃ sandhāyāha ‘‘na sasīsaṃ pārutenā’’tiādi.
582. згасмим̣ бана таанз тад̇ваад̇и зд̇т̇а ‘‘г̇ажчанд̇оби бариссаяаабхаавам̣ ологзд̇ум̣ лабхад̇иязва, д̇ат̇аа г̇аамз бууж̇а’’нд̇и д̇ийсуби г̇ан̣тибад̣̇зсу вуд̇д̇ам̣.
582.Ekasmiṃ pana ṭhāne ṭhatvāti ettha ‘‘gacchantopi parissayābhāvaṃ oloketuṃ labhatiyeva, tathā gāme pūja’’nti tīsupi gaṇṭhipadesu vuttaṃ.
бариман̣д̣алаваг̇г̇аван̣н̣анаа нидтид̇аа.
Parimaṇḍalavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бариман̣д̣алаваг̇г̇о • 1. Parimaṇḍalavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бариман̣д̣алаваг̇г̇а-ад̇т̇аяож̇анаа • 1. Parimaṇḍalavagga-atthayojanā
