| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. сзкияаган̣д̣о
7. Sekhiyakaṇḍo
1. бариман̣д̣алаваг̇г̇аван̣н̣анаа
1. Parimaṇḍalavaggavaṇṇanā
576. ‘‘сигкид̇асигкзнаад̇и жад̇уухи маг̇г̇зхий’’д̇и вуд̇д̇ам̣. яасмаа адтан̇г̇уламад̇д̇ам̣ од̇аарзд̇ваа нивад̇т̇амзва нисиннасса жад̇уран̇г̇уламад̇д̇ам̣ ход̇и, д̇асмаа убхобзд̇з адтагат̇ааваад̣̇аа згабарижчзд̣̇аа, ‘‘ад̣дхад̇зяяахад̇т̇а’’нд̇и сукумам̣, згабад̇д̇ам̣ ваа санд̇хааяа вуд̇д̇ам̣. д̇ан̃хи яат̇аатаанзна д̇идтад̇и. д̣̇убаддам̣ санд̇хааяа ‘‘д̣̇вихад̇т̇аббамаан̣амбий’’д̇и вуд̇д̇анд̇и убад̇иссад̇т̇зро. згабаддам̣, д̣̇вибаддам̣ ваа хздтимабарижчзд̣̇зна ‘‘д̣̇вихад̇т̇аббамаан̣а’’нд̇и вуд̇д̇анд̇и взд̣̇ид̇аб̣б̣ам̣. вуд̇д̇ан̃хи ниссаг̇г̇ияаадтагат̇ааяам̣ ‘‘д̇ирияам̣ д̣̇вихад̇т̇оби ваддад̇ий’’д̇и, д̇ан̃жа ко алаабхз зва ‘‘алаабхз д̇ирияам̣ д̣̇вихад̇т̇аббамаан̣амби ваддад̇ий’’д̇и вуд̇д̇ад̇д̇аа. ид̣̇ам̣ саб̣б̣ам̣ ад̇хидтаанубаг̇ам̣ санд̇хааяа вуд̇д̇ам̣. вируд̣̇д̇хам̣ д̣̇исваа саж̇ж̇зд̇аб̣б̣ам̣. но жз саж̇ж̇зд̇и, д̣̇уггадам̣. сажид̇д̇агам̣ бан̣н̣ад̇д̇ивиж̇аананажид̇д̇знзва ‘‘анаад̣̇арияам̣ бадижжаа’’д̇и вуд̇д̇ад̇д̇аа, на вад̇т̇увиж̇аананажид̇д̇зна ‘‘ид̣̇амзвам̣ гад̇а’’нд̇и ж̇аанад̇оби аабад̇д̇ияаа абхаавад̇о. пуссад̣̇звад̇т̇зраваад̣̇оби згзна барияааязна яуж̇ж̇ад̇и. д̇ат̇аа убад̇иссад̇т̇зраваад̣̇оби. бан̃н̃ад̇д̇зби сигкаабад̣̇з абан̃н̃ад̇д̇зби яам̣ багад̇ияаа важ̇ж̇ам̣, д̇ам̣ логаваж̇ж̇ам̣. ид̣̇ам̣ бана бан̃н̃ад̇д̇зязва важ̇ж̇ам̣, наабан̃н̃ад̇д̇з, д̇асмаа ид̇аралогаваж̇ж̇зна асад̣̇исад̇д̇аа на логаваж̇ж̇ам̣. бан̣н̣ад̇д̇ид̇о бадтааяа важ̇ж̇ад̇о бан̣н̣ад̇д̇иваж̇ж̇ам̣. анаад̣̇арияажид̇д̇знзва аабаж̇ж̇ид̇аб̣б̣ад̇д̇аа сажид̇д̇агам̣, д̇асса жид̇д̇асса д̇ивзд̣̇анад̇д̇аа д̇ивзд̣̇анам̣. яасмаа анаад̣̇арияажид̇д̇ад̇аа наама гзвалам̣ агусаламзва, д̇ан̃жа багад̇ияаа важ̇ж̇ам̣, д̇асмаа ид̣̇ам̣ логаваж̇ж̇ам̣. сан̃жижжа вийд̇иггаманам̣ наама д̣̇оманассигассзва ход̇ийд̇и д̣̇угкавзд̣̇анам̣. г̇ан̣тибад̣̇з бана ‘‘баан̣аад̇ибаад̇аад̣̇и вияа ниваасанаад̣̇ид̣̇осо логаг̇арахид̇о на ход̇ийд̇и бан̣н̣ад̇д̇иваж̇ж̇анд̇и пуссад̣̇звад̇т̇зро’’д̇и ликид̇ам̣.
576.‘‘Sikkhitasikkhenāti catūhi maggehī’’ti vuttaṃ. Yasmā aṭṭhaṅgulamattaṃ otāretvā nivatthameva nisinnassa caturaṅgulamattaṃ hoti, tasmā ubhopete aṭṭhakathāvādā ekaparicchedā, ‘‘aḍḍhateyyahattha’’nti sukhumaṃ, ekapattaṃ vā sandhāya vuttaṃ. Tañhi yathāṭhānena tiṭṭhati. Dupaṭṭaṃ sandhāya ‘‘dvihatthappamāṇampī’’ti vuttanti upatissatthero. Ekapaṭṭaṃ, dvipaṭṭaṃ vā heṭṭhimaparicchedena ‘‘dvihatthappamāṇa’’nti vuttanti veditabbaṃ. Vuttañhi nissaggiyaaṭṭhakathāyaṃ ‘‘tiriyaṃ dvihatthopi vaṭṭatī’’ti, tañca kho alābhe eva ‘‘alābhe tiriyaṃ dvihatthappamāṇampi vaṭṭatī’’ti vuttattā. Idaṃ sabbaṃ adhiṭṭhānupagaṃ sandhāya vuttaṃ. Viruddhaṃ disvā sajjetabbaṃ. No ce sajjeti, dukkaṭaṃ. Sacittakaṃ paṇṇattivijānanacitteneva ‘‘anādariyaṃ paṭiccā’’ti vuttattā, na vatthuvijānanacittena ‘‘idamevaṃ kata’’nti jānatopi āpattiyā abhāvato. Phussadevattheravādopi ekena pariyāyena yujjati. Tathā upatissattheravādopi. Paññattepi sikkhāpade apaññattepi yaṃ pakatiyā vajjaṃ, taṃ lokavajjaṃ. Idaṃ pana paññatteyeva vajjaṃ, nāpaññatte, tasmā itaralokavajjena asadisattā na lokavajjaṃ. Paṇṇattito paṭṭhāya vajjato paṇṇattivajjaṃ. Anādariyacitteneva āpajjitabbattā sacittakaṃ, tassa cittassa tivedanattā tivedanaṃ. Yasmā anādariyacittatā nāma kevalaṃ akusalameva, tañca pakatiyā vajjaṃ, tasmā idaṃ lokavajjaṃ. Sañcicca vītikkamanaṃ nāma domanassikasseva hotīti dukkhavedanaṃ. Gaṇṭhipade pana ‘‘pāṇātipātādi viya nivāsanādidoso lokagarahito na hotīti paṇṇattivajjanti phussadevatthero’’ti likhitaṃ.
577. вихаарзбийд̇и б̣уд̣̇д̇хубадтаанаад̣̇игаалз, д̇асмаа ‘‘баарубид̇аб̣б̣а’’нд̇и уд̇д̇араасан̇г̇агижжавасзна вуд̇д̇ам̣. батамад̣̇уд̇ияасигкаабад̣̇зсу барил̣аахаад̣̇ибажжаяаа габбад̇и, на анд̇арагхарабадисам̣яуд̇д̇зсу.
577.Vihārepīti buddhupaṭṭhānādikāle, tasmā ‘‘pārupitabba’’nti uttarāsaṅgakiccavasena vuttaṃ. Paṭhamadutiyasikkhāpadesu pariḷāhādipaccayā kappati, na antaragharapaṭisaṃyuttesu.
582. ‘‘згасмим̣ бана таанз тад̇ваа’’д̇и зд̇т̇а ‘‘г̇ажчанд̇оби бариссаяаабхаавам̣ ологзд̇ум̣ лабхад̇иязва. д̇ат̇аа г̇аамз бууж̇а’’нд̇и ликид̇ам̣, д̇ам̣ бана ‘‘згасмим̣ таанз тад̇ваа’’д̇и вуд̇д̇ад̇д̇аа д̇аад̣̇исам̣ анд̇арааяам̣ санд̇хааяа вуд̇д̇анд̇и взд̣̇ид̇аб̣б̣ам̣.
582.‘‘Ekasmiṃpana ṭhāne ṭhatvā’’ti ettha ‘‘gacchantopi parissayābhāvaṃ oloketuṃ labhatiyeva. Tathā gāme pūja’’nti likhitaṃ, taṃ pana ‘‘ekasmiṃ ṭhāne ṭhatvā’’ti vuttattā tādisaṃ antarāyaṃ sandhāya vuttanti veditabbaṃ.
бариман̣д̣алаваг̇г̇аван̣н̣анаа нидтид̇аа.
Parimaṇḍalavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бариман̣д̣алаваг̇г̇о • 1. Parimaṇḍalavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бариман̣д̣алаваг̇г̇а-ад̇т̇аяож̇анаа • 1. Parimaṇḍalavagga-atthayojanā
