| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
7. сзкияаган̣д̣ам̣
7. Sekhiyakaṇḍaṃ
1. бариман̣д̣алаваг̇г̇аван̣н̣анаа
1. Parimaṇḍalavaggavaṇṇanā
576. сзкиязсу яасмаа вад̇д̇агканд̇хагз (жуул̣ава. 356 аад̣̇аяо) вуд̇д̇авад̇д̇ааниби сигкид̇аб̣б̣ад̇д̇аа сзкияаанзва, д̇асмаа баарааж̇игаад̣̇ийсу виязд̇т̇а баал̣ияам̣ барижчзд̣̇о на гад̇о. жаарид̇д̇анаяад̣̇ассанад̇т̇ан̃жа ‘‘яо бана бхигку оламб̣знд̇о ниваасзяяа, д̣̇уггада’’нд̇и авад̇ваа ‘‘сигкаа гаран̣ийяаа’’д̇и саб̣б̣ад̇т̇а баал̣и ааробид̇аа. бад̣̇абхааж̇анз бана ‘‘аабад̇д̇и д̣̇уггадассаа’’д̇и вуд̇д̇ад̇д̇аа саб̣б̣ад̇т̇а анаад̣̇арияагаран̣з д̣̇уггадам̣ взд̣̇ид̇аб̣б̣ам̣.
576. Sekhiyesu yasmā vattakkhandhake (cūḷava. 356 ādayo) vuttavattānipi sikkhitabbattā sekhiyāneva, tasmā pārājikādīsu viyettha pāḷiyaṃ paricchedo na kato. Cārittanayadassanatthañca ‘‘yo pana bhikkhu olambento nivāseyya, dukkaṭa’’nti avatvā ‘‘sikkhā karaṇīyā’’ti sabbattha pāḷi āropitā. Padabhājane pana ‘‘āpatti dukkaṭassā’’ti vuttattā sabbattha anādariyakaraṇe dukkaṭaṃ veditabbaṃ.
адтан̇г̇уламад̇д̇анд̇и мад̇д̇а-сад̣̇д̣̇зна д̇ад̇о гин̃жи ад̇хигам̣, уунамби сан̇г̇ан̣хаад̇и. д̇знзва нисиннасса жад̇уран̇г̇уламад̇д̇амби вуд̇д̇ам̣. на хи нисиннасса жад̇уран̇г̇улаббамаан̣ам̣, тид̇асса адтан̇г̇уламзваад̇и саггаа нияамзд̇ум̣ уунаад̇хигад̇д̇асамбхавад̇о. д̇асмаа яат̇аа сааруббам̣ ход̇и звам̣ адтан̇г̇улаанусаарзна ниваасанан̃н̃зва ад̇хиббзд̇анд̇и г̇ахзд̇аб̣б̣ам̣. д̇знзва вагкад̇и ‘‘яо бана бхигку сугкаж̇ан̇гхо ваа’’д̇иаад̣̇и. гурунд̣̇ияам̣ ‘‘аж̇аананд̇асса анаабад̇д̇ий’’д̇и аад̣̇арам̣ гад̇ваа уг̇г̇ан̣ханд̇ассааби аж̇аананам̣ санд̇хааяа вуд̇д̇ам̣. д̇знааби ниранд̇арам̣ ниваасанабаарубанавад̇д̇ам̣ сигкид̇аб̣б̣ам̣, асигкид̇о анаад̣̇арияамзва. бариман̣д̣алаг̇г̇ахан̣зна угкибид̇ваа ниваасанамби бадигкид̇д̇анд̇и ааха ‘‘угкибид̇ваа ваа од̇аарзд̇ваа ваа’’д̇и.
Aṭṭhaṅgulamattanti matta-saddena tato kiñci adhikaṃ, ūnampi saṅgaṇhāti. Teneva nisinnassa caturaṅgulamattampi vuttaṃ. Na hi nisinnassa caturaṅgulappamāṇaṃ, ṭhitassa aṭṭhaṅgulamevāti sakkā niyametuṃ ūnādhikattasambhavato. Tasmā yathā sāruppaṃ hoti evaṃ aṭṭhaṅgulānusārena nivāsanaññeva adhippetanti gahetabbaṃ. Teneva vakkhati ‘‘yo pana bhikkhu sukkhajaṅgho vā’’tiādi. Kurundiyaṃ ‘‘ajānantassa anāpattī’’ti ādaraṃ katvā uggaṇhantassāpi ajānanaṃ sandhāya vuttaṃ. Tenāpi nirantaraṃ nivāsanapārupanavattaṃ sikkhitabbaṃ, asikkhito anādariyameva. Parimaṇḍalaggahaṇena ukkhipitvā nivāsanampi paṭikkhittanti āha ‘‘ukkhipitvā vā otāretvā vā’’ti.
сажид̇д̇аганд̇и вад̇т̇увиж̇аананажид̇д̇зна сажид̇д̇агам̣. саарад̇т̇ад̣̇ийбанияам̣ бана убад̇иссад̇т̇зраваад̣̇анаязна логаваж̇ж̇ад̇д̇ам̣ г̇ахзд̇ваа ‘‘вад̇т̇увиж̇аананажид̇д̇зна, бан̣н̣ад̇д̇ивиж̇аананажид̇д̇зна жа сажид̇д̇ага’’нд̇и (саарад̇т̇а. дий. сзкияаган̣д̣а 3.576) вуд̇д̇ам̣. д̇ад̇т̇а жа вад̇т̇увиж̇аананам̣ висум̣ на вад̇д̇аб̣б̣ам̣. бан̣н̣ад̇д̇ивиж̇аананзна д̇ассааби анд̇ог̇ад̇хабхаавад̇о ид̣̇ам̣ вад̇т̇ум̣ звам̣ вийд̇иггаманд̇асса аабад̇д̇ийд̇и виж̇аананд̇о хи бан̣н̣ад̇д̇им̣ виж̇аанаад̇ийд̇и вужжад̇и. убад̇иссад̇т̇зраваад̣̇з жзд̇т̇а бан̣н̣ад̇д̇им̣ аж̇аанид̇ваа абариман̣д̣аланиваасанаад̣̇ивад̇т̇умзва ж̇аананд̇асса бан̣н̣ад̇д̇ивийд̇иггамаанаад̣̇арияаабхааваа саб̣б̣асзкиязсу анаабад̇д̇и зва абхимад̇аа, д̇ан̃жа на яуд̇д̇ам̣ госамб̣агканд̇хагз (махаава. 451 аад̣̇аяо) важжагудияам̣ уд̣̇агаавасзсам̣ табзнд̇асса бан̣н̣ад̇д̇ивиж̇аананаабхаавзби аабад̇д̇ияаа вуд̇д̇ад̇д̇аа. вуд̇д̇ан̃хи д̇ад̇т̇а ‘‘д̇зна ко бана самаязна ан̃н̃ад̇аро бхигку аабад̇д̇им̣ аабанно ход̇и …бз… со абарзна самаязна д̇ассаа аабад̇д̇ияаа анаабад̇д̇ид̣̇идти ход̇ий’’д̇иаад̣̇и (махаава. 451). адтагат̇ааяан̃жасса ‘‘д̇вам̣ зд̇т̇а аабад̇д̇ибхаавам̣ на ж̇аанаасийд̇и, аама на ж̇аанаамийд̇и. ход̇у аавусо, зд̇т̇а аабад̇д̇ийд̇и, сажз ход̇и, д̣̇зсзссаамийд̇и. сажз бана д̇з, аавусо, асан̃жижжа асад̇ияаа гад̇ам̣, над̇т̇и аабад̇д̇ийд̇и. со д̇ассаа аабад̇д̇ияаа анаабад̇д̇ид̣̇идти ахосий’’д̇и (махаава. адта. 451) вуд̇д̇ам̣, д̇ат̇аа ‘‘ад̇хаммаваад̣̇ийд̇и угкид̇д̇аанувад̇д̇агзсу ан̃н̃ад̇аро’’д̇и (махаава. адта. 457-458) жа вуд̇д̇ам̣. канд̇хагавад̇д̇аанан̃хи сзкияад̇д̇аа д̇ад̇т̇а вуд̇д̇о наяо имзсам̣, ид̇ха вуд̇д̇о жа д̇зсам̣ саад̇хааран̣ова ход̇ийд̇и. д̇знзва ‘‘асан̃жижжа асад̇ияаа гад̇ам̣, над̇т̇и аабад̇д̇ий’’д̇и звам̣ ид̇ха вуд̇д̇о аабад̇д̇инаяо д̇ад̇т̇ааби д̣̇ассид̇о. д̇асмаа пуссад̣̇звад̇т̇зраваад̣̇з зва тад̇ваа вад̇т̇увиж̇аананажид̇д̇знзва саб̣б̣асзкияаани сажид̇д̇агаани, на бан̣н̣ад̇д̇ивиж̇аананажид̇д̇зна. бхияяогамяад̇ааяасуубаб̣яан̃ж̇анабадижчаад̣̇анауж̇жхаанасан̃н̃ийд̇и д̣̇вз сигкаабад̣̇аани логаваж̇ж̇аани агусалажид̇д̇аани, сзсаани бан̣н̣ад̇д̇иваж̇ж̇аани, д̇ижид̇д̇аани, д̇ивзд̣̇анаани жаад̇и г̇ахан̣амзва яуд̇д̇ад̇арам̣ д̣̇иссад̇и. д̇знзвзд̇т̇а ‘‘асан̃жижжаад̇и бурад̇о ваа бажчад̇о ваа оламб̣зд̇ваа ниваасзссаамийд̇и звам̣ асан̃жижжаа’’д̇иаад̣̇инаа вад̇т̇уаж̇аананавасзнзва анаабад̇д̇иван̣н̣анаа гад̇аа, на бан̣н̣ад̇д̇ивиж̇аананажид̇д̇авасзна.
Sacittakanti vatthuvijānanacittena sacittakaṃ. Sāratthadīpaniyaṃ pana upatissattheravādanayena lokavajjattaṃ gahetvā ‘‘vatthuvijānanacittena, paṇṇattivijānanacittena ca sacittaka’’nti (sārattha. ṭī. sekhiyakaṇḍa 3.576) vuttaṃ. Tattha ca vatthuvijānanaṃ visuṃ na vattabbaṃ. Paṇṇattivijānanena tassāpi antogadhabhāvato idaṃ vatthuṃ evaṃ vītikkamantassa āpattīti vijānanto hi paṇṇattiṃ vijānātīti vuccati. Upatissattheravāde cettha paṇṇattiṃ ajānitvā aparimaṇḍalanivāsanādivatthumeva jānantassa paṇṇattivītikkamānādariyābhāvā sabbasekhiyesu anāpatti eva abhimatā, tañca na yuttaṃ kosambakkhandhake (mahāva. 451 ādayo) vaccakuṭiyaṃ udakāvasesaṃ ṭhapentassa paṇṇattivijānanābhāvepi āpattiyā vuttattā. Vuttañhi tattha ‘‘tena kho pana samayena aññataro bhikkhu āpattiṃ āpanno hoti …pe… so aparena samayena tassā āpattiyā anāpattidiṭṭhi hotī’’tiādi (mahāva. 451). Aṭṭhakathāyañcassa ‘‘tvaṃ ettha āpattibhāvaṃ na jānāsīti, āma na jānāmīti. Hotu āvuso, ettha āpattīti, sace hoti, desessāmīti. Sace pana te, āvuso, asañcicca asatiyā kataṃ, natthi āpattīti. So tassā āpattiyā anāpattidiṭṭhi ahosī’’ti (mahāva. aṭṭha. 451) vuttaṃ, tathā ‘‘adhammavādīti ukkhittānuvattakesu aññataro’’ti (mahāva. aṭṭha. 457-458) ca vuttaṃ. Khandhakavattānañhi sekhiyattā tattha vutto nayo imesaṃ, idha vutto ca tesaṃ sādhāraṇova hotīti. Teneva ‘‘asañcicca asatiyā kataṃ, natthi āpattī’’ti evaṃ idha vutto āpattinayo tatthāpi dassito. Tasmā phussadevattheravāde eva ṭhatvā vatthuvijānanacitteneva sabbasekhiyāni sacittakāni, na paṇṇattivijānanacittena. Bhiyyokamyatāyasūpabyañjanapaṭicchādanaujjhānasaññīti dve sikkhāpadāni lokavajjāni akusalacittāni, sesāni paṇṇattivajjāni, ticittāni, tivedanāni cāti gahaṇameva yuttataraṃ dissati. Tenevettha ‘‘asañciccāti purato vā pacchato vā olambetvā nivāsessāmīti evaṃ asañciccā’’tiādinā vatthuajānanavaseneva anāpattivaṇṇanā katā, na paṇṇattivijānanacittavasena.
абижа ‘‘яасса сажид̇д̇агабагкз жид̇д̇ам̣ агусаламзва ход̇и, д̇ам̣ логаваж̇ж̇а’’нд̇и (ган̇каа. адта. батамабаарааж̇игаван̣н̣анаа) иминаа лагкан̣аважанзнааби жзд̇ам̣ сиж̇жхад̇и. вад̇т̇увиж̇аананажид̇д̇авасзнзва хзд̇т̇а ‘‘сажид̇д̇агабагкз’’д̇и вуд̇д̇ам̣. ид̇арат̇аа бан̣н̣ад̇д̇ивиж̇аананажид̇д̇авасзна саб̣б̣асигкаабад̣̇аанамби сажид̇д̇агабагкз жид̇д̇асса агусалад̇д̇анияамзна логаваж̇ж̇ад̇д̇аббасан̇г̇ад̇о бан̣н̣ад̇д̇иваж̇ж̇амзва на сияаа, ид̣̇ан̃жа важанам̣ нирад̇т̇агам̣ сияаа иминаа важанзна нивад̇д̇зд̇аб̣б̣асса сигкаабад̣̇асса абхааваа. на жа сзкиязсу вад̇т̇увиж̇аананажид̇д̇зна сажид̇д̇агабагкз жид̇д̇ам̣ баан̣аад̇ибаад̇аад̣̇ийсу вияа агусаламзваад̇и нияамо ад̇т̇и, язнзд̇т̇а логаваж̇ж̇ад̇аа басаж̇ж̇зяяа, ‘‘анаад̣̇арияам̣ бадижжаа’’д̇и жзд̇ам̣ баал̣иважанам̣ вад̇т̇ум̣ ж̇аанид̇ваа д̇ийхи жид̇д̇зхи вийд̇иггамамзва анаад̣̇арияам̣ гад̇ваа вуд̇д̇ам̣, на бан̣н̣ад̇д̇им̣ ж̇аанид̇ваа агусалажид̇д̇знзва вийд̇иггаманд̇и г̇ахзд̇аб̣б̣ам̣. ан̃н̃ат̇аа канд̇хагабаал̣ияаа, адтагат̇ааяан̃жа буб̣б̣аабаран̃жа вируж̇жханад̇од̇и амхаагам̣ канд̇и. яат̇аа ваа на вируж̇жхад̇и, д̇ат̇аа зд̇т̇а ад̇хиббааяо г̇авзсид̇аб̣б̣о. анаад̣̇арияам̣, анаабад̇д̇игааран̣аабхааво , абариман̣д̣аланиваасананд̇и имаанзд̇т̇а д̇ийн̣и ан̇г̇аани. яат̇аа жзд̇т̇а, звам̣ саб̣б̣ад̇т̇а. гзвалам̣ д̇ад̇т̇а д̇ад̇т̇а вуд̇д̇абадибагкагаран̣авасзна д̇ад̇ияан̇г̇аяож̇анамзва висзсо.
Apica ‘‘yassa sacittakapakkhe cittaṃ akusalameva hoti, taṃ lokavajja’’nti (kaṅkhā. aṭṭha. paṭhamapārājikavaṇṇanā) iminā lakkhaṇavacanenāpi cetaṃ sijjhati. Vatthuvijānanacittavaseneva hettha ‘‘sacittakapakkhe’’ti vuttaṃ. Itarathā paṇṇattivijānanacittavasena sabbasikkhāpadānampi sacittakapakkhe cittassa akusalattaniyamena lokavajjattappasaṅgato paṇṇattivajjameva na siyā, idañca vacanaṃ niratthakaṃ siyā iminā vacanena nivattetabbassa sikkhāpadassa abhāvā. Na ca sekhiyesu vatthuvijānanacittena sacittakapakkhe cittaṃ pāṇātipātādīsu viya akusalamevāti niyamo atthi, yenettha lokavajjatā pasajjeyya, ‘‘anādariyaṃ paṭiccā’’ti cetaṃ pāḷivacanaṃ vatthuṃ jānitvā tīhi cittehi vītikkamameva anādariyaṃ katvā vuttaṃ, na paṇṇattiṃ jānitvā akusalacitteneva vītikkamanti gahetabbaṃ. Aññathā khandhakapāḷiyā, aṭṭhakathāyañca pubbāparañca virujjhanatoti amhākaṃ khanti. Yathā vā na virujjhati, tathā ettha adhippāyo gavesitabbo. Anādariyaṃ, anāpattikāraṇābhāvo , aparimaṇḍalanivāsananti imānettha tīṇi aṅgāni. Yathā cettha, evaṃ sabbattha. Kevalaṃ tattha tattha vuttapaṭipakkhakaraṇavasena tatiyaṅgayojanameva viseso.
577. д̣̇уд̇ияаад̣̇ийсу г̇ихибааруд̇анд̇и сзд̇абадабааруд̇аад̣̇и. вихаарзбийд̇и сан̇гхасаннибаад̇аб̣уд̣̇д̇хубадтаанаад̣̇игаалам̣ санд̇хааяа вуд̇д̇ам̣.
577. Dutiyādīsu gihipārutanti setapaṭapārutādi. Vihārepīti saṅghasannipātabuddhupaṭṭhānādikālaṃ sandhāya vuttaṃ.
578. г̇ан̣тигам̣ бадимун̃жид̇ваад̇иаад̣̇и бадижчаад̣̇анавид̇хид̣̇ассанам̣. г̇ийвам̣ бадижчаад̣̇зд̇ваад̇иаад̣̇инаа вуд̇д̇ад̇д̇аа сан̃жижжа г̇ийвам̣, ман̣иб̣анд̇ханан̃жа аббадижчаад̣̇знд̇асса аабад̇д̇и. зд̇т̇ааби бариман̣д̣аласигкаабад̣̇асса саад̇хааран̣ад̇д̇аа ж̇аан̣уман̣д̣алад̇о хздтаа жад̇уран̇г̇уламад̇д̇ам̣ од̇аарзд̇ваа аноламб̣зд̇ваа бариман̣д̣аламзва баарубид̇аб̣б̣ам̣.
578.Gaṇṭhikaṃ paṭimuñcitvātiādi paṭicchādanavidhidassanaṃ. Gīvaṃ paṭicchādetvātiādinā vuttattā sañcicca gīvaṃ, maṇibandhanañca appaṭicchādentassa āpatti. Etthāpi parimaṇḍalasikkhāpadassa sādhāraṇattā jāṇumaṇḍalato heṭṭhā caturaṅgulamattaṃ otāretvā anolambetvā parimaṇḍalameva pārupitabbaṃ.
579. виварид̇ваа нисийд̣̇ад̇од̇и вихаарз вияа згам̣сабаарубанам̣ санд̇хааяа вуд̇д̇ам̣. ‘‘ваасад̇т̇ааяа убаг̇ад̇ассаа’’д̇и вуд̇д̇ад̇д̇аа ваасаад̇хиббааяам̣ винаа д̇хаммад̣̇зсанабарид̇д̇абхан̣анаад̣̇иад̇т̇ааяа сужирамби нисийд̣̇анд̇зна саб̣б̣ам̣ анд̇арагхаравад̇д̇ам̣ буурзнд̇знзва нисийд̣̇ид̇аб̣б̣ам̣. нисийд̣̇анабадисам̣яуд̇д̇зсу зва жа сигкаабад̣̇зсу ‘‘ваасуубаг̇ад̇ассаа’’д̇и анаабад̇д̇ияаа вуд̇д̇ад̇д̇аа ваасад̇т̇ааяа анд̇арагхарам̣ убаг̇ажчанд̇знааби суббадижчаннад̇аад̣̇исаб̣б̣ам̣ агобзнд̇знзва г̇анд̇аб̣б̣ам̣. ‘‘ваасуубаг̇ад̇ассаа’’д̇и хи вуд̇д̇ам̣, на бана убаг̇ажчамаанассаад̇и. гзжи бана ‘‘згзгасмим̣ батамам̣ г̇анд̇ваа ваасабариг̇г̇ахз гад̇з д̇ад̇о ан̃н̃зхи яат̇аасукам̣ г̇анд̇ум̣ ваддад̇ий’’д̇и вад̣̇анд̇и. абарз бана ‘‘г̇зхассаамигзхи ‘яаава д̇умхз нивасиссат̇а, д̇аава д̇умхаагам̣ имам̣ г̇зхам̣ д̣̇змий’д̇и д̣̇иннз ан̃н̃зхи аваасаад̇хиббааязхи анд̇араараамз вияа яат̇аасукам̣ г̇анд̇ум̣, нисийд̣̇ид̇ун̃жа ваддад̇ий’’д̇и вад̣̇анд̇и, д̇ам̣ саб̣б̣ам̣ на г̇ахзд̇аб̣б̣ам̣ д̇ат̇ааважанаабхааваа, д̣̇ааналагкан̣аабхааваа, д̇аавад̇д̇агзна вихаарасан̇кяаанубаг̇аманад̇о жа. ‘‘яаава нисийд̣̇иссат̇а, д̇аава д̇умхаагам̣ имам̣ г̇зхам̣ д̣̇змий’’д̇и д̣̇знд̇оби хи д̇аавагаалигамзва д̣̇зд̇и вад̇т̇убарижжааг̇алагкан̣ад̇д̇аа д̣̇аанасса.
579.Vivaritvā nisīdatoti vihāre viya ekaṃsapārupanaṃ sandhāya vuttaṃ. ‘‘Vāsatthāya upagatassā’’ti vuttattā vāsādhippāyaṃ vinā dhammadesanaparittabhaṇanādiatthāya sucirampi nisīdantena sabbaṃ antaragharavattaṃ pūrenteneva nisīditabbaṃ. Nisīdanapaṭisaṃyuttesu eva ca sikkhāpadesu ‘‘vāsūpagatassā’’ti anāpattiyā vuttattā vāsatthāya antaragharaṃ upagacchantenāpi suppaṭicchannatādisabbaṃ akopenteneva gantabbaṃ. ‘‘Vāsūpagatassā’’ti hi vuttaṃ, na pana upagacchamānassāti. Keci pana ‘‘ekekasmiṃ paṭhamaṃ gantvā vāsapariggahe kate tato aññehi yathāsukhaṃ gantuṃ vaṭṭatī’’ti vadanti. Apare pana ‘‘gehassāmikehi ‘yāva tumhe nivasissatha, tāva tumhākaṃ imaṃ gehaṃ demī’ti dinne aññehi avāsādhippāyehi antarārāme viya yathāsukhaṃ gantuṃ, nisīdituñca vaṭṭatī’’ti vadanti, taṃ sabbaṃ na gahetabbaṃ tathāvacanābhāvā, dānalakkhaṇābhāvā, tāvattakena vihārasaṅkhyānupagamanato ca. ‘‘Yāva nisīdissatha, tāva tumhākaṃ imaṃ gehaṃ demī’’ti dentopi hi tāvakālikameva deti vatthupariccāgalakkhaṇattā dānassa.
582. жад̇ухад̇т̇аббамаан̣анд̇и вад̣дхагийхад̇т̇ам̣ санд̇хааяа вуд̇д̇анд̇и вад̣̇анд̇и.
582.Catuhatthappamāṇanti vaḍḍhakīhatthaṃ sandhāya vuttanti vadanti.
584. угкид̇д̇ажийваро худ̇ваад̇и гадид̇о уд̣̇д̇хам̣ гааяаб̣анд̇ханаад̣̇ид̣̇ассанавасзнзвугкибанам̣ санд̇хааяа вуд̇д̇ам̣ бин̣д̣ааяа жарад̇о бад̇д̇аг̇г̇ахан̣аад̣̇имад̇д̇асса анун̃н̃аад̇ад̇д̇аа. д̇знзва ‘‘нисиннагаалз бана д̇хамагаран̣а’’нд̇иаад̣̇и вуд̇д̇ам̣. нисиннагаалз хи канд̇хз лаг̇г̇абад̇д̇ад̇т̇авигаад̣̇ид̇о д̇хамагаран̣ам̣ нийхаранд̇асса гадид̇о уд̣̇д̇хамби д̣̇иссад̇и, д̇ат̇аа ад̣̇ассзд̇ваа нийхарид̇аб̣б̣анд̇и ад̇хиббааяо. аасанз нисийд̣̇анд̇ассааби жа баарубид̇ажийварам̣ гин̃жи угкибид̇ваа сан̇гхаадим̣ ж̇ан̇гхабин̣д̣зхи анугкибид̇ваава нисийд̣̇ид̇аб̣б̣ам̣. имасмин̃н̃зва бана сигкаабад̣̇з ‘‘ваасуубаг̇ад̇ассаа’’д̇и вуд̇д̇ад̇д̇аа нисийд̣̇анабадисам̣яуд̇д̇зсу чадтаадтамзсу авуд̇д̇ад̇д̇аа ваасуубаг̇ад̇знааби сусам̣вуд̇зна огкид̇д̇ажагкунаава нисийд̣̇ид̇аб̣б̣ам̣. д̇знзва маад̇игаадтагат̇ааяамби д̇зсам̣ висзсам̣ авад̇ваа ид̇хзва ‘‘ваасуубаг̇ад̇асса бана анаабад̇д̇ий’’д̇и (ган̇каа. адта. угкид̇д̇агасигкаабад̣̇аван̣н̣анаа) вуд̇д̇аа.
584.Ukkhittacīvarohutvāti kaṭito uddhaṃ kāyabandhanādidassanavasenevukkhipanaṃ sandhāya vuttaṃ piṇḍāya carato pattaggahaṇādimattassa anuññātattā. Teneva ‘‘nisinnakāle pana dhamakaraṇa’’ntiādi vuttaṃ. Nisinnakāle hi khandhe laggapattatthavikādito dhamakaraṇaṃ nīharantassa kaṭito uddhampi dissati, tathā adassetvā nīharitabbanti adhippāyo. Āsane nisīdantassāpi ca pārupitacīvaraṃ kiñci ukkhipitvā saṅghāṭiṃ jaṅghapiṇḍehi anukkhipitvāva nisīditabbaṃ. Imasmiññeva pana sikkhāpade ‘‘vāsūpagatassā’’ti vuttattā nisīdanapaṭisaṃyuttesu chaṭṭhaaṭṭhamesu avuttattā vāsūpagatenāpi susaṃvutena okkhittacakkhunāva nisīditabbaṃ. Teneva mātikāṭṭhakathāyampi tesaṃ visesaṃ avatvā idheva ‘‘vāsūpagatassa pana anāpattī’’ti (kaṅkhā. aṭṭha. ukkhittakasikkhāpadavaṇṇanā) vuttā.
бариман̣д̣алаваг̇г̇аван̣н̣анаа нидтид̇аа.
Parimaṇḍalavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. бариман̣д̣алаваг̇г̇о • 1. Parimaṇḍalavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. бариман̣д̣алаваг̇г̇аван̣н̣анаа • 1. Parimaṇḍalavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. бариман̣д̣алаваг̇г̇а-ад̇т̇аяож̇анаа • 1. Parimaṇḍalavagga-atthayojanā
