| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੭. ਸੇਖਿਯਕਣ੍ਡਂ
7. Sekhiyakaṇḍaṃ
੧. ਪਰਿਮਣ੍ਡਲવਗ੍ਗવਣ੍ਣਨਾ
1. Parimaṇḍalavaggavaṇṇanā
ਯਾਨਿ ਸਿਕ੍ਖਿਤਸਿਕ੍ਖੇਨ, ਸੇਖਿਯਾਨੀਤਿ ਤਾਦਿਨਾ।
Yāni sikkhitasikkhena, sekhiyānīti tādinā;
ਭਾਸਿਤਾਨਿ ਅਯਂ ਦਾਨਿ, ਤੇਸਮ੍ਪਿ વਣ੍ਣਨਾਕ੍ਕਮੋ॥
Bhāsitāni ayaṃ dāni, tesampi vaṇṇanākkamo.
੫੭੬. ਤਤ੍ਥ ਪਰਿਮਣ੍ਡਲਨ੍ਤਿ ਸਮਨ੍ਤਤੋ ਮਣ੍ਡਲਂ। ਨਾਭਿਮਣ੍ਡਲਂ ਜਾਣੁਮਣ੍ਡਲਨ੍ਤਿ ਉਦ੍ਧਂ ਨਾਭਿਮਣ੍ਡਲਂ ਅਧੋ ਜਾਣੁਮਣ੍ਡਲਂ ਪਟਿਚ੍ਛਾਦੇਨ੍ਤੇਨ ਜਾਣੁਮਣ੍ਡਲਸ੍ਸ ਹੇਟ੍ਠਾ ਜਙ੍ਘਟ੍ਠਿਕਤੋ ਪਟ੍ਠਾਯ ਅਟ੍ਠਙ੍ਗੁਲਮਤ੍ਤਂ ਨਿવਾਸਨਂ ਓਤਾਰੇਤ੍વਾ ਨਿવਾਸੇਤਬ੍ਬਂ, ਤਤੋ ਪਰਂ ਓਤਾਰੇਨ੍ਤਸ੍ਸ ਦੁਕ੍ਕਟਨ੍ਤਿ વੁਤ੍ਤਂ। ਯਥਾ ਨਿਸਿਨ੍ਨਸ੍ਸ ਜਾਣੁਮਣ੍ਡਲਤੋ ਹੇਟ੍ਠਾ ਚਤੁਰਙ੍ਗੁਲਮਤ੍ਤਂ ਪਟਿਚ੍ਛਨ੍ਨਂ ਹੋਤੀਤਿ ਮਹਾਪਚ੍ਚਰਿਯਂ વੁਤ੍ਤਂ; ਏવਂ ਨਿવਾਸੇਨ੍ਤਸ੍ਸ ਪਨ ਨਿવਾਸਨਂ ਪਮਾਣਿਕਂ વਟ੍ਟਤਿ। ਤਤ੍ਰਿਦਂ ਪਮਾਣਂ – ਦੀਘਤੋ ਮੁਟ੍ਠਿਪਞ੍ਚਕਂ, ਤਿਰਿਯਂ ਅਡ੍ਢਤੇਯ੍ਯਹਤ੍ਥਂ। ਤਾਦਿਸਸ੍ਸ ਪਨ ਅਲਾਭੇ ਤਿਰਿਯਂ ਦ੍વਿਹਤ੍ਥਪਮਾਣਮ੍ਪਿ વਟ੍ਟਤਿ ਜਾਣੁਮਣ੍ਡਲਪਟਿਚ੍ਛਾਦਨਤ੍ਥਂ, ਨਾਭਿਮਣ੍ਡਲਂ ਪਨ ਚੀવਰੇਨਾਪਿ ਸਕ੍ਕਾ ਪਟਿਚ੍ਛਾਦੇਤੁਨ੍ਤਿ। ਤਤ੍ਥ ਏਕਪਟ੍ਟਚੀવਰਂ ਏવਂ ਨਿવਤ੍ਥਮ੍ਪਿ ਨਿવਤ੍ਥਟ੍ਠਾਨੇ ਨ ਤਿਟ੍ਠਤਿ, ਦੁਪਟ੍ਟਂ ਪਨ ਤਿਟ੍ਠਤਿ।
576. Tattha parimaṇḍalanti samantato maṇḍalaṃ. Nābhimaṇḍalaṃ jāṇumaṇḍalanti uddhaṃ nābhimaṇḍalaṃ adho jāṇumaṇḍalaṃ paṭicchādentena jāṇumaṇḍalassa heṭṭhā jaṅghaṭṭhikato paṭṭhāya aṭṭhaṅgulamattaṃ nivāsanaṃ otāretvā nivāsetabbaṃ, tato paraṃ otārentassa dukkaṭanti vuttaṃ. Yathā nisinnassa jāṇumaṇḍalato heṭṭhā caturaṅgulamattaṃ paṭicchannaṃ hotīti mahāpaccariyaṃ vuttaṃ; evaṃ nivāsentassa pana nivāsanaṃ pamāṇikaṃ vaṭṭati. Tatridaṃ pamāṇaṃ – dīghato muṭṭhipañcakaṃ, tiriyaṃ aḍḍhateyyahatthaṃ. Tādisassa pana alābhe tiriyaṃ dvihatthapamāṇampi vaṭṭati jāṇumaṇḍalapaṭicchādanatthaṃ, nābhimaṇḍalaṃ pana cīvarenāpi sakkā paṭicchādetunti. Tattha ekapaṭṭacīvaraṃ evaṃ nivatthampi nivatthaṭṭhāne na tiṭṭhati, dupaṭṭaṃ pana tiṭṭhati.
ਓਲਮ੍ਬੇਨ੍ਤੋ ਨਿવਾਸੇਤਿ ਆਪਤ੍ਤਿ ਦੁਕ੍ਕਟਸ੍ਸਾਤਿ ਏਤ੍ਥ ਨ ਕੇવਲਂ ਪੁਰਤੋ ਚ ਪਚ੍ਛਤੋ ਚ ਓਲਮ੍ਬੇਤ੍વਾ ਨਿવਾਸੇਨ੍ਤਸ੍ਸੇવ ਦੁਕ੍ਕਟਂ, ਯੇ ਪਨਞ੍ਞੇ ‘‘ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਗਿਹਿਨਿવਤ੍ਥਂ ਨਿવਾਸੇਨ੍ਤਿ ਹਤ੍ਥਿਸੋਣ੍ਡਕਂ ਮਚ੍ਛવਾਲਕਂ ਚਤੁਕ੍ਕਣ੍ਣਕਂ ਤਾਲવਣ੍ਟਕਂ ਸਤવਲਿਕਂ ਨਿવਾਸੇਨ੍ਤੀ’’ਤਿਆਦਿਨਾ (ਚੂਲ਼વ॰ ੨੮੦) ਨਯੇਨ ਖਨ੍ਧਕੇ ਨਿવਾਸਨਦੋਸਾ વੁਤ੍ਤਾ, ਤਥਾ ਨਿવਾਸੇਨ੍ਤਸ੍ਸਾਪਿ ਦੁਕ੍ਕਟਮੇવ। ਤੇ ਸਬ੍ਬੇ વੁਤ੍ਤਨਯੇਨ ਪਰਿਮਣ੍ਡਲਂ ਨਿવਾਸੇਨ੍ਤਸ੍ਸ ਨ ਹੋਨ੍ਤਿ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰਤੋ ਪਨ ਤਤ੍ਥੇવ ਆવਿ ਭવਿਸ੍ਸਤਿ।
Olambento nivāseti āpatti dukkaṭassāti ettha na kevalaṃ purato ca pacchato ca olambetvā nivāsentasseva dukkaṭaṃ, ye panaññe ‘‘tena kho pana samayena chabbaggiyā bhikkhū gihinivatthaṃ nivāsenti hatthisoṇḍakaṃ macchavālakaṃ catukkaṇṇakaṃ tālavaṇṭakaṃ satavalikaṃ nivāsentī’’tiādinā (cūḷava. 280) nayena khandhake nivāsanadosā vuttā, tathā nivāsentassāpi dukkaṭameva. Te sabbe vuttanayena parimaṇḍalaṃ nivāsentassa na honti. Ayamettha saṅkhepo, vitthārato pana tattheva āvi bhavissati.
ਅਸਞ੍ਚਿਚ੍ਚਾਤਿ ਪੁਰਤੋ વਾ ਪਚ੍ਛਤੋ વਾ ਓਲਮ੍ਬੇਤ੍વਾ ਨਿવਾਸੇਸ੍ਸਾਮੀਤਿ ਏવਂ ਅਸਞ੍ਚਿਚ੍ਚ; ਅਥ ਖੋ ਪਰਿਮਣ੍ਡਲਂਯੇવ ਨਿવਾਸੇਸ੍ਸਾਮੀਤਿ વਿਰਜ੍ਝਿਤ੍વਾ ਅਪਰਿਮਣ੍ਡਲਂ ਨਿવਾਸੇਨ੍ਤਸ੍ਸ ਅਨਾਪਤ੍ਤਿ। ਅਸ੍ਸਤਿਯਾਤਿ ਅਞ੍ਞવਿਹਿਤਸ੍ਸਾਪਿ ਤਥਾ ਨਿવਾਸੇਨ੍ਤਸ੍ਸ ਅਨਾਪਤ੍ਤਿ। ਅਜਾਨਨ੍ਤਸ੍ਸਾਤਿ ਏਤ੍ਥ ਨਿવਾਸਨવਤ੍ਤਂ ਅਜਾਨਨ੍ਤਸ੍ਸ ਮੋਕ੍ਖੋ ਨਤ੍ਥਿ। ਨਿવਾਸਨવਤ੍ਤਞ੍ਹਿ ਸਾਧੁਕਂ ਉਗ੍ਗਹੇਤਬ੍ਬਂ, ਤਸ੍ਸ ਅਨੁਗ੍ਗਹਣਮੇવਸ੍ਸ ਅਨਾਦਰਿਯਂ। ਤਂ ਪਨ ਸਞ੍ਚਿਚ੍ਚ ਅਨੁਗ੍ਗਣ੍ਹਨ੍ਤਸ੍ਸ ਯੁਜ੍ਜਤਿ, ਤਸ੍ਮਾ ਉਗ੍ਗਹਿਤવਤ੍ਤੋਪਿ ਯੋ ਆਰੁਲ਼੍ਹਭਾવਂ વਾ ਓਰੁਲ਼੍ਹਭਾવਂ વਾ ਨ ਜਾਨਾਤਿ, ਤਸ੍ਸ ਅਨਾਪਤ੍ਤਿ। ਕੁਰੁਨ੍ਦਿਯਂ ਪਨ ‘‘ਪਰਿਮਣ੍ਡਲਂ ਨਿવਾਸੇਤੁਂ ਅਜਾਨਨ੍ਤਸ੍ਸ ਅਨਾਪਤ੍ਤੀ’’ਤਿ વੁਤ੍ਤਂ। ਯੋ ਪਨ ਸੁਕ੍ਖਜਙ੍ਘੋ વਾ ਮਹਾਪਿਣ੍ਡਿਕਮਂਸੋ વਾ ਹੋਤਿ, ਤਸ੍ਸ ਸਾਰੁਪ੍ਪਤ੍ਥਾਯ ਜਾਣੁਮਣ੍ਡਲਤੋ ਅਟ੍ਠਙ੍ਗੁਲਾਧਿਕਮ੍ਪਿ ਓਤਾਰੇਤ੍વਾ ਨਿવਾਸੇਤੁਂ વਟ੍ਟਤਿ।
Asañciccāti purato vā pacchato vā olambetvā nivāsessāmīti evaṃ asañcicca; atha kho parimaṇḍalaṃyeva nivāsessāmīti virajjhitvā aparimaṇḍalaṃ nivāsentassa anāpatti. Assatiyāti aññavihitassāpi tathā nivāsentassa anāpatti. Ajānantassāti ettha nivāsanavattaṃ ajānantassa mokkho natthi. Nivāsanavattañhi sādhukaṃ uggahetabbaṃ, tassa anuggahaṇamevassa anādariyaṃ. Taṃ pana sañcicca anuggaṇhantassa yujjati, tasmā uggahitavattopi yo āruḷhabhāvaṃ vā oruḷhabhāvaṃ vā na jānāti, tassa anāpatti. Kurundiyaṃ pana ‘‘parimaṇḍalaṃ nivāsetuṃ ajānantassa anāpattī’’ti vuttaṃ. Yo pana sukkhajaṅgho vā mahāpiṇḍikamaṃso vā hoti, tassa sāruppatthāya jāṇumaṇḍalato aṭṭhaṅgulādhikampi otāretvā nivāsetuṃ vaṭṭati.
ਗਿਲਾਨਸ੍ਸਾਤਿ ਜਙ੍ਘਾਯ વਾ ਪਾਦੇ વਾ વਣੋ ਹੋਤਿ, ਉਕ੍ਖਿਪਿਤ੍વਾ વਾ ਓਤਾਰੇਤ੍વਾ વਾ ਨਿવਾਸੇਤੁਂ વਟ੍ਟਤਿ। ਆਪਦਾਸੂਤਿ વਾਲ਼ਮਿਗਾ વਾ ਚੋਰਾ વਾ ਅਨੁਬਨ੍ਧਨ੍ਤਿ, ਏવਰੂਪਾਸੁ ਆਪਦਾਸੁ ਅਨਾਪਤ੍ਤਿ। ਸੇਸਮੇਤ੍ਥ ਉਤ੍ਤਾਨਮੇવ।
Gilānassāti jaṅghāya vā pāde vā vaṇo hoti, ukkhipitvā vā otāretvā vā nivāsetuṃ vaṭṭati. Āpadāsūti vāḷamigā vā corā vā anubandhanti, evarūpāsu āpadāsu anāpatti. Sesamettha uttānameva.
ਪਠਮਪਾਰਾਜਿਕਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ। ਫੁਸ੍ਸਦੇવਤ੍ਥੇਰੋ ‘‘ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਤਿવੇਦਨ’’ਨ੍ਤਿ ਆਹ। ਉਪਤਿਸ੍ਸਤ੍ਥੇਰੋ ਪਨ ‘‘ਅਨਾਦਰਿਯਂ ਪਟਿਚ੍ਚਾ’’ਤਿ વੁਤ੍ਤਤ੍ਤਾ ‘‘ਲੋਕવਜ੍ਜਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨ’’ਨ੍ਤਿ ਆਹ।
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dukkhavedananti. Phussadevatthero ‘‘acittakaṃ, paṇṇattivajjaṃ, tivedana’’nti āha. Upatissatthero pana ‘‘anādariyaṃ paṭiccā’’ti vuttattā ‘‘lokavajjaṃ, akusalacittaṃ, dukkhavedana’’nti āha.
੫੭੭. ਪਰਿਮਣ੍ਡਲਂ ਪਾਰੁਪਿਤਬ੍ਬਨ੍ਤਿ ‘‘ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਗਿਹਿਪਾਰੁਤਂ ਪਾਰੁਪਨ੍ਤੀ’’ਤਿ (ਚੂਲ਼વ॰ ੨੮੦) ਏવਂ વੁਤ੍ਤਂ ਅਨੇਕਪ੍ਪਕਾਰਂ ਗਿਹਿਪਾਰੁਪਨਂ ਅਪਾਰੁਪਿਤ੍વਾ ਇਧ વੁਤ੍ਤਨਯੇਨੇવ ਉਭੋ ਕਣ੍ਣੇ ਸਮਂ ਕਤ੍વਾ ਪਾਰੁਪਨવਤ੍ਤਂ ਪੂਰੇਨ੍ਤੇਨ ਪਰਿਮਣ੍ਡਲਂ ਪਾਰੁਪਿਤਬ੍ਬਂ। ਇਮਾਨਿ ਚ ਦ੍વੇ ਸਿਕ੍ਖਾਪਦਾਨਿ ਅવਿਸੇਸੇਨ વੁਤ੍ਤਾਨਿ। ਤਸ੍ਮਾ વਿਹਾਰੇਪਿ ਅਨ੍ਤਰਘਰੇਪਿ ਪਰਿਮਣ੍ਡਲਮੇવ ਨਿવਾਸੇਤਬ੍ਬਞ੍ਚ ਪਾਰੁਪਿਤਬ੍ਬਞ੍ਚਾਤਿ। ਸਮੁਟ੍ਠਾਨਾਦੀਨਿ ਪਠਮਸਿਕ੍ਖਾਪਦੇ વੁਤ੍ਤਨਯੇਨੇવ વੇਦਿਤਬ੍ਬਾਨਿ ਸਦ੍ਧਿਂ ਥੇਰવਾਦੇਨ।
577.Parimaṇḍalaṃ pārupitabbanti ‘‘tena kho pana samayena chabbaggiyā bhikkhū gihipārutaṃ pārupantī’’ti (cūḷava. 280) evaṃ vuttaṃ anekappakāraṃ gihipārupanaṃ apārupitvā idha vuttanayeneva ubho kaṇṇe samaṃ katvā pārupanavattaṃ pūrentena parimaṇḍalaṃ pārupitabbaṃ. Imāni ca dve sikkhāpadāni avisesena vuttāni. Tasmā vihārepi antaragharepi parimaṇḍalameva nivāsetabbañca pārupitabbañcāti. Samuṭṭhānādīni paṭhamasikkhāpade vuttanayeneva veditabbāni saddhiṃ theravādena.
੫੭੮. ਕਾਯਂ વਿવਰਿਤ੍વਾਤਿ ਜਤ੍ਤੁਮ੍ਪਿ ਉਰਮ੍ਪਿ વਿવਰਿਤ੍વਾ। ਸੁਪ੍ਪਟਿਚ੍ਛਨ੍ਨੇਨਾਤਿ ਨ ਸਸੀਸਂ ਪਾਰੁਤੇਨ; ਅਥ ਖੋ ਗਣ੍ਠਿਕਂ ਪਟਿਮੁਞ੍ਚਿਤ੍વਾ ਅਨੁવਾਤਨ੍ਤੇਨ ਗੀવਂ ਪਟਿਚ੍ਛਾਦੇਤ੍વਾ ਉਭੋ ਕਣ੍ਣੇ ਸਮਂ ਕਤ੍વਾ ਪਟਿਸਂਹਰਿਤ੍વਾ ਯਾવ ਮਣਿਬਨ੍ਧਂ ਪਟਿਚ੍ਛਾਦੇਤ੍વਾ ਅਨ੍ਤਰਘਰੇ ਗਨ੍ਤਬ੍ਬਂ। ਦੁਤਿਯਸਿਕ੍ਖਾਪਦੇ – ਗਲવਾਟਕਤੋ ਪਟ੍ਠਾਯ ਸੀਸਂ ਮਣਿਬਨ੍ਧਤੋ ਪਟ੍ਠਾਯ ਹਤ੍ਥੇ ਪਿਣ੍ਡਿਕਮਂਸਤੋ ਚ ਪਟ੍ਠਾਯ ਪਾਦੇ વਿવਰਿਤ੍વਾ ਨਿਸੀਦਿਤਬ੍ਬਂ।
578.Kāyaṃ vivaritvāti jattumpi urampi vivaritvā. Suppaṭicchannenāti na sasīsaṃ pārutena; atha kho gaṇṭhikaṃ paṭimuñcitvā anuvātantena gīvaṃ paṭicchādetvā ubho kaṇṇe samaṃ katvā paṭisaṃharitvā yāva maṇibandhaṃ paṭicchādetvā antaraghare gantabbaṃ. Dutiyasikkhāpade – galavāṭakato paṭṭhāya sīsaṃ maṇibandhato paṭṭhāya hatthe piṇḍikamaṃsato ca paṭṭhāya pāde vivaritvā nisīditabbaṃ.
੫੭੯. વਾਸੂਪਗਤਸ੍ਸਾਤਿ વਾਸਤ੍ਥਾਯ ਉਪਗਤਸ੍ਸ ਰਤ੍ਤਿਭਾਗੇ વਾ ਦਿવਸਭਾਗੇ વਾ ਕਾਯਂ વਿવਰਿਤ੍વਾਪਿ ਨਿਸੀਦਤੋ ਅਨਾਪਤ੍ਤਿ।
579.Vāsūpagatassāti vāsatthāya upagatassa rattibhāge vā divasabhāge vā kāyaṃ vivaritvāpi nisīdato anāpatti.
੫੮੦. ਸੁਸਂવੁਤੋਤਿ ਹਤ੍ਥਂ વਾ ਪਾਦਂ વਾ ਅਕੀਲ਼ਾਪੇਨ੍ਤੋ; ਸੁવਿਨੀਤੋਤਿ ਅਤ੍ਥੋ।
580.Susaṃvutoti hatthaṃ vā pādaṃ vā akīḷāpento; suvinītoti attho.
੫੮੨. ਓਕ੍ਖਿਤ੍ਤਚਕ੍ਖੂਤਿ ਹੇਟ੍ਠਾ ਖਿਤ੍ਤਚਕ੍ਖੁ ਹੁਤ੍વਾ। ਯੁਗਮਤ੍ਤਂ ਪੇਕ੍ਖਮਾਨੋਤਿ ਯੁਗਯੁਤ੍ਤਕੋ ਹਿ ਦਨ੍ਤੋ ਆਜਾਨੇਯ੍ਯੋ ਯੁਗਮਤ੍ਤਂ ਪੇਕ੍ਖਤਿ, ਪੁਰਤੋ ਚਤੁਹਤ੍ਥਪ੍ਪਮਾਣਂ ਭੂਮਿਭਾਗਂ; ਇਮਿਨਾਪਿ ਏਤ੍ਤਕਂ ਪੇਕ੍ਖਨ੍ਤੇਨ ਗਨ੍ਤਬ੍ਬਂ। ਯੋ ਅਨਾਦਰਿਯਂ ਪਟਿਚ੍ਚ ਤਹਂ ਤਹਂ ਓਲੋਕੇਨ੍ਤੋਤਿ ਯੋ ਤਂਤਂਦਿਸਾਭਾਗਂ ਪਾਸਾਦਂ ਕੂਟਾਗਾਰਂ વੀਥਿਂ ਓਲੋਕੇਨ੍ਤੋ ਗਚ੍ਛਤਿ, ਆਪਤ੍ਤਿ ਦੁਕ੍ਕਟਸ੍ਸ। ਏਕਸ੍ਮਿਂ ਪਨ ਠਾਨੇ ਠਤ੍વਾ ਹਤ੍ਥਿਅਸ੍ਸਾਦਿਪਰਿਸ੍ਸਯਾਭਾવਂ ਓਲੋਕੇਤੁਂ વਟ੍ਟਤਿ। ਨਿਸੀਦਨ੍ਤੇਨਾਪਿ ਓਕ੍ਖਿਤ੍ਤਚਕ੍ਖੁਨਾવ ਨਿਸੀਦਿਤਬ੍ਬਂ।
582.Okkhittacakkhūti heṭṭhā khittacakkhu hutvā. Yugamattaṃ pekkhamānoti yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ; imināpi ettakaṃ pekkhantena gantabbaṃ. Yo anādariyaṃ paṭicca tahaṃ tahaṃ olokentoti yo taṃtaṃdisābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Ekasmiṃ pana ṭhāne ṭhatvā hatthiassādiparissayābhāvaṃ oloketuṃ vaṭṭati. Nisīdantenāpi okkhittacakkhunāva nisīditabbaṃ.
੫੮੪. ਉਕ੍ਖਿਤ੍ਤਕਾਯਾਤਿ ਉਕ੍ਖੇਪੇਨ; ਇਤ੍ਥਮ੍ਭੂਤਲਕ੍ਖਣੇ ਕਰਣવਚਨਂ ਏਕਤੋ વਾ ਉਭਤੋ વਾ ਉਕ੍ਖਿਤ੍ਤਚੀવਰੋ ਹੁਤ੍વਾਤਿ ਅਤ੍ਥੋ। ਅਨ੍ਤੋਇਨ੍ਦਖੀਲਤੋ ਪਟ੍ਠਾਯ ਨ ਏવਂ ਗਨ੍ਤਬ੍ਬਂ। ਨਿਸਿਨ੍ਨਕਾਲੇ ਪਨ ਧਮਕਰਣਂ ਨੀਹਰਨ੍ਤੇਨਾਪਿ ਚੀવਰਂ ਅਨੁਕ੍ਖਿਪਿਤ੍વਾવ ਨੀਹਰਿਤਬ੍ਬਨ੍ਤਿ।
584.Ukkhittakāyāti ukkhepena; itthambhūtalakkhaṇe karaṇavacanaṃ ekato vā ubhato vā ukkhittacīvaro hutvāti attho. Antoindakhīlato paṭṭhāya na evaṃ gantabbaṃ. Nisinnakāle pana dhamakaraṇaṃ nīharantenāpi cīvaraṃ anukkhipitvāva nīharitabbanti.
ਪਠਮੋ વਗ੍ਗੋ।
Paṭhamo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਪਰਿਮਣ੍ਡਲવਗ੍ਗੋ • 1. Parimaṇḍalavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਰਿਮਣ੍ਡਲવਗ੍ਗવਣ੍ਣਨਾ • 1. Parimaṇḍalavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਪਰਿਮਣ੍ਡਲવਗ੍ਗ-ਅਤ੍ਥਯੋਜਨਾ • 1. Parimaṇḍalavagga-atthayojanā
