| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
10. பரிணதஸிக்கா²பத³வண்ணனா
10. Pariṇatasikkhāpadavaṇṇanā
நனு சாயங் ஸங்க⁴ஸ்ஸ பரிணதோ, ந பரிச்சத்தோ, அத² கத²ங் ஸங்க⁴ஸந்தகோ ஹோதீதி ஆஹ ‘‘ஸோ ஹீ’’திஆதி³. தத்த² ஸோதி லாபோ⁴. ஏகேன பரியாயேனாதி பரிணதபா⁴வஸங்கா²தேன ஏகேன பரியாயேன. ‘‘லபி⁴தப்³ப³’’ந்தி இமினா லாப⁴ஸத்³த³ஸ்ஸ கம்மஸாத⁴னமாஹ. சீவராதி³வத்து²ந்தி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரங் அந்தமஸோ சுண்ணபிண்ட³ம்பி த³ந்தகட்ட²ம்பி த³ஸிகஸுத்தம்பி. பரிணதந்தி ஸங்க⁴ஸ்ஸ நின்னங் ஸங்க⁴ஸ்ஸ போணங் ஸங்க⁴ஸ்ஸ பப்³பா⁴ரங் ஹுத்வா டி²தந்தி அத்தோ². யேன பன காரணேன ஸோ பரிணதோ ஹோதி, தங் த³ஸ்ஸெத்வா தஸ்ஸ அத்த²ங் த³ஸ்ஸேதுங் ‘‘த³ஸ்ஸாம கரிஸ்ஸாமா’’திஆதி³ வுத்தங். அத்தனோ பரிணாமெந்தஸ்ஸாதி ‘‘இத³ங் மய்ஹங் தே³ஹீ’’தி ஸங்க⁴ஸ்ஸ பரிணதபா⁴வங் ஞத்வா அத்தனோ பரிணாமெத்வா க³ண்ஹந்தஸ்ஸ. பயோகே³தி பரிணாமனப்பயோகே³. எத்த² ச ‘‘இத³ங் மே, ப⁴ந்தே, ஜானங் ஸங்கி⁴கங் லாப⁴ங் பரிணதங் அத்தனோ பரிணாமிகங் நிஸ்ஸக்³கி³ய’’ந்தி இமினா நயேன நிஸ்ஸஜ்ஜனவிதா⁴னங் வேதி³தப்³ப³ங்.
Nanu cāyaṃ saṅghassa pariṇato, na pariccatto, atha kathaṃ saṅghasantako hotīti āha ‘‘so hī’’tiādi. Tattha soti lābho. Ekena pariyāyenāti pariṇatabhāvasaṅkhātena ekena pariyāyena. ‘‘Labhitabba’’nti iminā lābhasaddassa kammasādhanamāha. Cīvarādivatthunti cīvarapiṇḍapātasenāsanagilānapaccayabhesajjaparikkhāraṃ antamaso cuṇṇapiṇḍampi dantakaṭṭhampi dasikasuttampi. Pariṇatanti saṅghassa ninnaṃ saṅghassa poṇaṃ saṅghassa pabbhāraṃ hutvā ṭhitanti attho. Yena pana kāraṇena so pariṇato hoti, taṃ dassetvā tassa atthaṃ dassetuṃ ‘‘dassāma karissāmā’’tiādi vuttaṃ. Attano pariṇāmentassāti ‘‘idaṃ mayhaṃ dehī’’ti saṅghassa pariṇatabhāvaṃ ñatvā attano pariṇāmetvā gaṇhantassa. Payogeti pariṇāmanappayoge. Ettha ca ‘‘idaṃ me, bhante, jānaṃ saṅghikaṃ lābhaṃ pariṇataṃ attano pariṇāmikaṃ nissaggiya’’nti iminā nayena nissajjanavidhānaṃ veditabbaṃ.
ஸங்க⁴சேதியபுக்³க³லேஸூதி எத்த² ச அந்தமஸோ ஸுனக²ங் உபாதா³ய யோ கோசி ஸத்தோ ‘‘புக்³க³லோ’’தி வேதி³தப்³போ³. அஞ்ஞஸங்கா⁴தீ³னந்தி அஞ்ஞஸங்க⁴சேதியபுக்³க³லானங். இத³ங் வுத்தங் ஹோதி – ‘‘ஸங்க⁴ஸ்ஸ பரிணதங் அஞ்ஞஸ்ஸ ஸங்க⁴ஸ்ஸ வா சேதியஸ்ஸ வா புக்³க³லஸ்ஸ வா, சேதியஸ்ஸ பரிணதங் அஞ்ஞஸ்ஸ சேதியஸ்ஸ வா ஸங்க⁴ஸ்ஸ வா புக்³க³லஸ்ஸ வா, புக்³க³லஸ்ஸ பரிணதங் அஞ்ஞஸ்ஸ புக்³க³லஸ்ஸ வா ஸங்க⁴ஸ்ஸ வா சேதியஸ்ஸ வா பரிணாமெந்தஸ்ஸ து³க்கட’’ந்தி.
Saṅghacetiyapuggalesūti ettha ca antamaso sunakhaṃ upādāya yo koci satto ‘‘puggalo’’ti veditabbo. Aññasaṅghādīnanti aññasaṅghacetiyapuggalānaṃ. Idaṃ vuttaṃ hoti – ‘‘saṅghassa pariṇataṃ aññassa saṅghassa vā cetiyassa vā puggalassa vā, cetiyassa pariṇataṃ aññassa cetiyassa vā saṅghassa vā puggalassa vā, puggalassa pariṇataṃ aññassa puggalassa vā saṅghassa vā cetiyassa vā pariṇāmentassa dukkaṭa’’nti.
இதா³னி அனாபத்திங் த³ஸ்ஸேதுங் ‘‘அபரிணதஸஞ்ஞினோ’’திஆதி³மாஹ. பரிணதே, அபரிணதே ச அபரிணதஸஞ்ஞினோ சாதி ஸம்ப³ந்தோ⁴, பரிணதே, அபரிணதே சாதி உப⁴யத்தா²பி அனாபத்தீதி அத்தோ². வுத்தஞ்ஹேதங் ‘‘பரிணதே அபரிணதஸஞ்ஞீ அத்தனோ பரிணாமேதி, அனாபத்தி. அபரிணதே அபரிணதஸஞ்ஞீ அனாபத்தீ’’தி (பாரா॰ 660). தெ³ய்யத⁴ம்மோதி சத்தாரோ பச்சயா. ஆதி³ஸத்³தே³ன ‘‘படிஸங்கா²ரங் வா லபெ⁴ய்ய, சிரட்டி²திகோ வா அஸ்ஸ, யத்த² வா பன தும்ஹாகங் சித்தங் பஸீத³தி, தத்த² தே³தா²’’தி (பாரா॰ 661) வசனானங் க³ஹணங். ஸசே பன தா³யகா ‘‘மயங் ஸங்க⁴ப⁴த்தங் கத்துகாமா, சேதியபூஜங் கத்துகாமா, ஏகஸ்ஸ பி⁴க்கு²னோ பரிக்கா²ரங் தா³துகாமா, தும்ஹாகங் ருசியா த³ஸ்ஸாம. ப⁴ணத², கத்த² தே³மா’’தி (பாரா॰ அட்ட²॰ 2.660) வத³ந்தி, ஏவங் வுத்தே தேன பி⁴க்கு²னா ‘‘யத்த² இச்ச²த², தத்த² தே³தா²’’தி வத்தப்³பா³.
Idāni anāpattiṃ dassetuṃ ‘‘apariṇatasaññino’’tiādimāha. Pariṇate, apariṇate ca apariṇatasaññino cāti sambandho, pariṇate, apariṇate cāti ubhayatthāpi anāpattīti attho. Vuttañhetaṃ ‘‘pariṇate apariṇatasaññī attano pariṇāmeti, anāpatti. Apariṇate apariṇatasaññī anāpattī’’ti (pārā. 660). Deyyadhammoti cattāro paccayā. Ādisaddena ‘‘paṭisaṅkhāraṃ vā labheyya, ciraṭṭhitiko vā assa, yattha vā pana tumhākaṃ cittaṃ pasīdati, tattha dethā’’ti (pārā. 661) vacanānaṃ gahaṇaṃ. Sace pana dāyakā ‘‘mayaṃ saṅghabhattaṃ kattukāmā, cetiyapūjaṃ kattukāmā, ekassa bhikkhuno parikkhāraṃ dātukāmā, tumhākaṃ ruciyā dassāma. Bhaṇatha, kattha demā’’ti (pārā. aṭṭha. 2.660) vadanti, evaṃ vutte tena bhikkhunā ‘‘yattha icchatha, tattha dethā’’ti vattabbā.
பரிணதஸிக்கா²பத³வண்ணனா நிட்டி²தா.
Pariṇatasikkhāpadavaṇṇanā niṭṭhitā.
பத்தவக்³கோ³ ததியோ.
Pattavaggo tatiyo.
இதி கங்கா²விதரணியா பாதிமொக்க²வண்ணனாய
Iti kaṅkhāvitaraṇiyā pātimokkhavaṇṇanāya
வினயத்த²மஞ்ஜூஸாயங் லீனத்த²ப்பகாஸனியங்
Vinayatthamañjūsāyaṃ līnatthappakāsaniyaṃ
நிஸ்ஸக்³கி³யவண்ணனா நிட்டி²தா.
Nissaggiyavaṇṇanā niṭṭhitā.
