| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
10. барин̣ад̇асигкаабад̣̇аван̣н̣анаа
10. Pariṇatasikkhāpadavaṇṇanā
657. д̇зна самаязнаад̇и барин̣ад̇асигкаабад̣̇ам̣. д̇ад̇т̇а бууг̇ассаад̇и самуухасса; д̇хаммаг̇ан̣ассаад̇и ад̇т̇о. бадияад̇д̇анд̇и бадияаад̣̇ид̇ам̣. б̣ахуу сан̇гхасса бхад̇д̇аад̇и сан̇гхасса б̣ахууни бхад̇д̇аани анзгаани лаабхамукаани; на сан̇гхасса гзнажи барихаанийд̇и д̣̇ийбзнд̇и. он̣ож̇зт̇аад̇и д̣̇зт̇а. гим̣ банзвам̣ вад̇д̇ум̣ ваддад̇ийд̇и гасмаа на ваддад̇и? аяан̃хи абхихадабхигкаа абхихарид̇ваа згасмим̣ огаасз сан̇гхассад̇т̇ааяа бадияад̇д̇аа абхихадабадияад̇д̇з жа уд̣̇д̣̇исса табид̇абхааг̇з жа баяуд̇д̇аваажаа наама над̇т̇и.
657.Tena samayenāti pariṇatasikkhāpadaṃ. Tattha pūgassāti samūhassa; dhammagaṇassāti attho. Paṭiyattanti paṭiyāditaṃ. Bahū saṅghassa bhattāti saṅghassa bahūni bhattāni anekāni lābhamukhāni; na saṅghassa kenaci parihānīti dīpenti. Oṇojethāti detha. Kiṃ panevaṃ vattuṃ vaṭṭatīti kasmā na vaṭṭati? Ayañhi abhihaṭabhikkhā abhiharitvā ekasmiṃ okāse saṅghassatthāya paṭiyattā abhihaṭapaṭiyatte ca uddissa ṭhapitabhāge ca payuttavācā nāma natthi.
658. сан̇гхиганд̇и сан̇гхасса санд̇агам̣. со хи сан̇гхасса барин̣ад̇ад̇д̇аа хад̇т̇ам̣ анааруул̣хоби згзна барияааязна сан̇гхасса санд̇аго ход̇и, бад̣̇абхааж̇анз бана ‘‘сан̇гхигам̣ наама сан̇гхасса д̣̇иннам̣ ход̇и барижжад̇д̇а’’нд̇и звам̣ ад̇т̇уд̣̇д̇хааравасзна ниббарияааяад̇ова сан̇гхигам̣ д̣̇ассид̇ам̣. лаабханд̇и бадилабхид̇аб̣б̣авад̇т̇ум̣ ааха. д̇знзвасса нид̣̇д̣̇зсз ‘‘жийварамбий’’д̇иаад̣̇и вуд̇д̇ам̣. барин̣ад̇анд̇и сан̇гхасса ниннам̣ сан̇гхасса бон̣ам̣ сан̇гхасса баб̣бхаарам̣ худ̇ваа тид̇ам̣. язна бана гааран̣зна со барин̣ад̇о ход̇и, д̇ам̣ д̣̇ассзд̇ум̣ ‘‘д̣̇ассаама гариссаамаад̇и ваажаа бхиннаа ход̇ий’’д̇и бад̣̇абхааж̇анам̣ вуд̇д̇ам̣.
658.Saṅghikanti saṅghassa santakaṃ. So hi saṅghassa pariṇatattā hatthaṃ anārūḷhopi ekena pariyāyena saṅghassa santako hoti, padabhājane pana ‘‘saṅghikaṃ nāma saṅghassa dinnaṃ hoti pariccatta’’nti evaṃ atthuddhāravasena nippariyāyatova saṅghikaṃ dassitaṃ. Lābhanti paṭilabhitabbavatthuṃ āha. Tenevassa niddese ‘‘cīvarampī’’tiādi vuttaṃ. Pariṇatanti saṅghassa ninnaṃ saṅghassa poṇaṃ saṅghassa pabbhāraṃ hutvā ṭhitaṃ. Yena pana kāraṇena so pariṇato hoti, taṃ dassetuṃ ‘‘dassāma karissāmāti vācā bhinnā hotī’’ti padabhājanaṃ vuttaṃ.
659. баяог̇з д̣̇уггаданд̇и барин̣ад̇алаабхасса ад̇д̇ано барин̣ааманабаяог̇з д̣̇уггадам̣, бадилаабхзна д̇асмим̣ хад̇т̇ам̣ ааруул̣хз ниссаг̇г̇ияам̣. сажз бана сан̇гхасса д̣̇иннам̣ ход̇и, д̇ам̣ г̇ахзд̇ум̣ на ваддад̇и, сан̇гхассзва д̣̇аад̇аб̣б̣ам̣. яоби аараамигзхи сад̣̇д̇хим̣ згад̇о каад̣̇ад̇и, бхан̣д̣ам̣ аг̇гхаабзд̇ваа гаарзд̇аб̣б̣о. барин̣ад̇ам̣ бана сахад̇хаммигаанам̣ ваа г̇ихийнам̣ ваа анд̇амасо маад̇усанд̇агамби ‘‘ид̣̇ам̣ маяхам̣ д̣̇зхий’’д̇и сан̇гхасса барин̣ад̇абхаавам̣ н̃ад̇ваа ад̇д̇ано барин̣аамзд̇ваа г̇ан̣ханд̇асса ниссаг̇г̇ияам̣ баажид̇д̇ияам̣. ‘‘имасса бхигкуно д̣̇зхий’’д̇и звам̣ ан̃н̃асса барин̣аамзнд̇асса суд̣̇д̇хигабаажид̇д̇ияам̣. згам̣ бад̇д̇ам̣ ваа жийварам̣ ваа ад̇д̇ано, згам̣ ан̃н̃асса барин̣аамзд̇и, ниссаг̇г̇ияам̣ баажид̇д̇ияан̃жзва суд̣̇д̇хигабаажид̇д̇ияан̃жа. зсзва наяо б̣ахуусу. вуд̇д̇амби жзд̇ам̣ –
659.Payogedukkaṭanti pariṇatalābhassa attano pariṇāmanapayoge dukkaṭaṃ, paṭilābhena tasmiṃ hatthaṃ ārūḷhe nissaggiyaṃ. Sace pana saṅghassa dinnaṃ hoti, taṃ gahetuṃ na vaṭṭati, saṅghasseva dātabbaṃ. Yopi ārāmikehi saddhiṃ ekato khādati, bhaṇḍaṃ agghāpetvā kāretabbo. Pariṇataṃ pana sahadhammikānaṃ vā gihīnaṃ vā antamaso mātusantakampi ‘‘idaṃ mayhaṃ dehī’’ti saṅghassa pariṇatabhāvaṃ ñatvā attano pariṇāmetvā gaṇhantassa nissaggiyaṃ pācittiyaṃ. ‘‘Imassa bhikkhuno dehī’’ti evaṃ aññassa pariṇāmentassa suddhikapācittiyaṃ. Ekaṃ pattaṃ vā cīvaraṃ vā attano, ekaṃ aññassa pariṇāmeti, nissaggiyaṃ pācittiyañceva suddhikapācittiyañca. Eseva nayo bahūsu. Vuttampi cetaṃ –
‘‘ниссаг̇г̇иязна аабад̇д̇им̣, суд̣̇д̇хигзна баажид̇д̇ияам̣;
‘‘Nissaggiyena āpattiṃ, suddhikena pācittiyaṃ;
аабаж̇ж̇зяяа згад̇о;
Āpajjeyya ekato;
бан̃хаа мзсаа гусалзхи жинд̇ид̇аа’’д̇и. (бари. 480);
Pañhā mesā kusalehi cintitā’’ti. (pari. 480);
аяан̃хи барин̣ааманам̣ санд̇хааяа вуд̇д̇о. яоби вассигасаадигасамаяз маад̇угхарзби сан̇гхасса барин̣ад̇ам̣ вассигасаадигам̣ н̃ад̇ваа ад̇д̇ано барин̣аамзд̇и, ниссаг̇г̇ияам̣ баажид̇д̇ияам̣. барасса барин̣аамзд̇и, суд̣̇д̇хигабаажид̇д̇ияам̣. мануссаа ‘‘сан̇гхабхад̇д̇ам̣ гариссаамаа’’д̇и саббид̇злаад̣̇ийни аахаранд̇и, г̇илаано жзби бхигку сан̇гхасса барин̣ад̇абхаавам̣ н̃ад̇ваа гин̃жи яаажад̇и, ниссаг̇г̇ияам̣ баажид̇д̇ияамзва. сажз бана со ‘‘д̇умхаагам̣ саббиаад̣̇ийни аабхадаани ад̇т̇ий’’д̇и бужчид̇ваа ‘‘аама, ад̇т̇ий’’д̇и вуд̇д̇з ‘‘маяхамби д̣̇зт̇аа’’д̇и вад̣̇ад̇и, ваддад̇и. ат̇ааби нам̣ гуггужжааяанд̇ам̣ убаасагаа вад̣̇анд̇и – ‘‘сан̇гхоби амхзхи д̣̇иннамзва лабхад̇и; г̇ан̣хат̇а, бханд̇з’’д̇и звамби ваддад̇и.
Ayañhi pariṇāmanaṃ sandhāya vutto. Yopi vassikasāṭikasamaye mātugharepi saṅghassa pariṇataṃ vassikasāṭikaṃ ñatvā attano pariṇāmeti, nissaggiyaṃ pācittiyaṃ. Parassa pariṇāmeti, suddhikapācittiyaṃ. Manussā ‘‘saṅghabhattaṃ karissāmā’’ti sappitelādīni āharanti, gilāno cepi bhikkhu saṅghassa pariṇatabhāvaṃ ñatvā kiñci yācati, nissaggiyaṃ pācittiyameva. Sace pana so ‘‘tumhākaṃ sappiādīni ābhaṭāni atthī’’ti pucchitvā ‘‘āma, atthī’’ti vutte ‘‘mayhampi dethā’’ti vadati, vaṭṭati. Athāpi naṃ kukkuccāyantaṃ upāsakā vadanti – ‘‘saṅghopi amhehi dinnameva labhati; gaṇhatha, bhante’’ti evampi vaṭṭati.
660. сан̇гхасса барин̣ад̇ам̣ ан̃н̃асан̇гхассаад̇и згасмим̣ вихаарз сан̇гхасса барин̣ад̇ам̣ ан̃н̃ам̣ вихаарам̣ уд̣̇д̣̇исид̇ваа ‘‘асугасмим̣ наама махаавихаарз сан̇гхасса д̣̇зт̇аа’’д̇и барин̣аамзд̇и .
660.Saṅghassa pariṇataṃ aññasaṅghassāti ekasmiṃ vihāre saṅghassa pariṇataṃ aññaṃ vihāraṃ uddisitvā ‘‘asukasmiṃ nāma mahāvihāre saṅghassa dethā’’ti pariṇāmeti .
жзд̇ияасса ваад̇и ‘‘гим̣ сан̇гхасса д̣̇иннзна, жзд̇ияассабууж̇ам̣ гарот̇аа’’д̇и звам̣ жзд̇ияасса ваа барин̣аамзд̇и.
Cetiyassa vāti ‘‘kiṃ saṅghassa dinnena, cetiyassapūjaṃ karothā’’ti evaṃ cetiyassa vā pariṇāmeti.
жзд̇ияасса барин̣ад̇анд̇и зд̇т̇а нияамзд̇ваа ан̃н̃ажзд̇ияассад̇т̇ааяа робид̇амаалааважчад̇о ан̃н̃ажзд̇ияамхи бубпамби ааробзд̇ум̣ на ваддад̇и. згасса жзд̇ияасса бана чад̇д̇ам̣ ваа бадаагам̣ ваа ааробзд̇ваа тид̇ам̣ д̣̇исваа сзсам̣ ан̃н̃асса жзд̇ияасса д̣̇аабзд̇ум̣ ваддад̇и.
Cetiyassapariṇatanti ettha niyametvā aññacetiyassatthāya ropitamālāvacchato aññacetiyamhi pupphampi āropetuṃ na vaṭṭati. Ekassa cetiyassa pana chattaṃ vā paṭākaṃ vā āropetvā ṭhitaṃ disvā sesaṃ aññassa cetiyassa dāpetuṃ vaṭṭati.
буг̇г̇аласса барин̣ад̇анд̇и анд̇амасо сунакассааби барин̣ад̇ам̣ ‘‘имасса сунакасса маа д̣̇зхи, зд̇асса д̣̇зхий’’д̇и звам̣ ан̃н̃абуг̇г̇аласса барин̣аамзд̇и, д̣̇уггадам̣. сажз бана д̣̇ааяагаа ‘‘маяам̣ сан̇гхасса бхад̇д̇ам̣ д̣̇аад̇угаамаа, жзд̇ияасса бууж̇ам̣ гаад̇угаамаа, згасса бхигкуно баригкаарам̣ д̣̇аад̇угаамаа, д̇умхаагам̣ ружияаа д̣̇ассаама; бхан̣ат̇а, гад̇т̇а д̣̇змаа’’д̇и вад̣̇анд̇и. звам̣ вуд̇д̇з д̇зна бхигкунаа ‘‘яад̇т̇а ижчат̇а, д̇ад̇т̇а д̣̇зт̇аа’’д̇и вад̇д̇аб̣б̣аа. сажз бана гзвалам̣ ‘‘гад̇т̇а д̣̇змаа’’д̇и бужчанд̇и, баал̣ияам̣ ааг̇ад̇анаязнзва вад̇д̇аб̣б̣ам̣. сзсамзд̇т̇а уд̇д̇аанад̇т̇амзва.
Puggalassa pariṇatanti antamaso sunakhassāpi pariṇataṃ ‘‘imassa sunakhassa mā dehi, etassa dehī’’ti evaṃ aññapuggalassa pariṇāmeti, dukkaṭaṃ. Sace pana dāyakā ‘‘mayaṃ saṅghassa bhattaṃ dātukāmā, cetiyassa pūjaṃ kātukāmā, ekassa bhikkhuno parikkhāraṃ dātukāmā, tumhākaṃ ruciyā dassāma; bhaṇatha, kattha demā’’ti vadanti. Evaṃ vutte tena bhikkhunā ‘‘yattha icchatha, tattha dethā’’ti vattabbā. Sace pana kevalaṃ ‘‘kattha demā’’ti pucchanti, pāḷiyaṃ āgatanayeneva vattabbaṃ. Sesamettha uttānatthameva.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммаважийгаммам̣, агусалажид̇д̇ам̣, д̇ивзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammavacīkammaṃ, akusalacittaṃ, tivedananti.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
барин̣ад̇асигкаабад̣̇аван̣н̣анаа нидтид̇аа.
Pariṇatasikkhāpadavaṇṇanā niṭṭhitā.
нидтид̇о бад̇д̇аваг̇г̇о д̇ад̇ияо.
Niṭṭhito pattavaggo tatiyo.
ниссаг̇г̇ияаван̣н̣анаа нидтид̇аа.
Nissaggiyavaṇṇanā niṭṭhitā.
баарааж̇игаган̣д̣а-адтагат̇аа нидтид̇аа.
Pārājikakaṇḍa-aṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. барин̣ад̇асигкаабад̣̇ам̣ • 10. Pariṇatasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. барин̣ад̇асигкаабад̣̇аван̣н̣анаа • 10. Pariṇatasikkhāpadavaṇṇanā
