| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. барин̣ад̇асигкаабад̣̇аван̣н̣анаа
10. Pariṇatasikkhāpadavaṇṇanā
нану жааяам̣ сан̇гхасса барин̣ад̇о, на барижжад̇д̇о, ат̇а гат̇ам̣ сан̇гхасанд̇аго ход̇ийд̇и ааха ‘‘со хий’’д̇иаад̣̇и. д̇ад̇т̇а сод̇и лаабхо. згзна барияааязнаад̇и барин̣ад̇абхаавасан̇каад̇зна згзна барияааязна. ‘‘лабхид̇аб̣б̣а’’нд̇и иминаа лаабхасад̣̇д̣̇асса гаммасаад̇ханамааха. жийвараад̣̇ивад̇т̇унд̇и жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣ анд̇амасо жун̣н̣абин̣д̣амби д̣̇анд̇агадтамби д̣̇асигасуд̇д̇амби. барин̣ад̇анд̇и сан̇гхасса ниннам̣ сан̇гхасса бон̣ам̣ сан̇гхасса баб̣бхаарам̣ худ̇ваа тид̇анд̇и ад̇т̇о. язна бана гааран̣зна со барин̣ад̇о ход̇и, д̇ам̣ д̣̇ассзд̇ваа д̇асса ад̇т̇ам̣ д̣̇ассзд̇ум̣ ‘‘д̣̇ассаама гариссаамаа’’д̇иаад̣̇и вуд̇д̇ам̣. ад̇д̇ано барин̣аамзнд̇ассаад̇и ‘‘ид̣̇ам̣ маяхам̣ д̣̇зхий’’д̇и сан̇гхасса барин̣ад̇абхаавам̣ н̃ад̇ваа ад̇д̇ано барин̣аамзд̇ваа г̇ан̣ханд̇асса. баяог̇зд̇и барин̣ааманаббаяог̇з. зд̇т̇а жа ‘‘ид̣̇ам̣ мз, бханд̇з, ж̇аанам̣ сан̇гхигам̣ лаабхам̣ барин̣ад̇ам̣ ад̇д̇ано барин̣аамигам̣ ниссаг̇г̇ияа’’нд̇и иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.
Nanu cāyaṃ saṅghassa pariṇato, na pariccatto, atha kathaṃ saṅghasantako hotīti āha ‘‘so hī’’tiādi. Tattha soti lābho. Ekena pariyāyenāti pariṇatabhāvasaṅkhātena ekena pariyāyena. ‘‘Labhitabba’’nti iminā lābhasaddassa kammasādhanamāha. Cīvarādivatthunti cīvarapiṇḍapātasenāsanagilānapaccayabhesajjaparikkhāraṃ antamaso cuṇṇapiṇḍampi dantakaṭṭhampi dasikasuttampi. Pariṇatanti saṅghassa ninnaṃ saṅghassa poṇaṃ saṅghassa pabbhāraṃ hutvā ṭhitanti attho. Yena pana kāraṇena so pariṇato hoti, taṃ dassetvā tassa atthaṃ dassetuṃ ‘‘dassāma karissāmā’’tiādi vuttaṃ. Attano pariṇāmentassāti ‘‘idaṃ mayhaṃ dehī’’ti saṅghassa pariṇatabhāvaṃ ñatvā attano pariṇāmetvā gaṇhantassa. Payogeti pariṇāmanappayoge. Ettha ca ‘‘idaṃ me, bhante, jānaṃ saṅghikaṃ lābhaṃ pariṇataṃ attano pariṇāmikaṃ nissaggiya’’nti iminā nayena nissajjanavidhānaṃ veditabbaṃ.
сан̇гхажзд̇ияабуг̇г̇алзсууд̇и зд̇т̇а жа анд̇амасо сунакам̣ убаад̣̇ааяа яо гожи сад̇д̇о ‘‘буг̇г̇ало’’д̇и взд̣̇ид̇аб̣б̣о. ан̃н̃асан̇гхаад̣̇ийнанд̇и ан̃н̃асан̇гхажзд̇ияабуг̇г̇алаанам̣. ид̣̇ам̣ вуд̇д̇ам̣ ход̇и – ‘‘сан̇гхасса барин̣ад̇ам̣ ан̃н̃асса сан̇гхасса ваа жзд̇ияасса ваа буг̇г̇аласса ваа, жзд̇ияасса барин̣ад̇ам̣ ан̃н̃асса жзд̇ияасса ваа сан̇гхасса ваа буг̇г̇аласса ваа, буг̇г̇аласса барин̣ад̇ам̣ ан̃н̃асса буг̇г̇аласса ваа сан̇гхасса ваа жзд̇ияасса ваа барин̣аамзнд̇асса д̣̇уггада’’нд̇и.
Saṅghacetiyapuggalesūti ettha ca antamaso sunakhaṃ upādāya yo koci satto ‘‘puggalo’’ti veditabbo. Aññasaṅghādīnanti aññasaṅghacetiyapuggalānaṃ. Idaṃ vuttaṃ hoti – ‘‘saṅghassa pariṇataṃ aññassa saṅghassa vā cetiyassa vā puggalassa vā, cetiyassa pariṇataṃ aññassa cetiyassa vā saṅghassa vā puggalassa vā, puggalassa pariṇataṃ aññassa puggalassa vā saṅghassa vā cetiyassa vā pariṇāmentassa dukkaṭa’’nti.
ид̣̇аани анаабад̇д̇им̣ д̣̇ассзд̇ум̣ ‘‘абарин̣ад̇асан̃н̃ино’’д̇иаад̣̇имааха. барин̣ад̇з, абарин̣ад̇з жа абарин̣ад̇асан̃н̃ино жаад̇и самб̣анд̇хо, барин̣ад̇з, абарин̣ад̇з жаад̇и убхаяад̇т̇ааби анаабад̇д̇ийд̇и ад̇т̇о. вуд̇д̇ан̃хзд̇ам̣ ‘‘барин̣ад̇з абарин̣ад̇асан̃н̃ий ад̇д̇ано барин̣аамзд̇и, анаабад̇д̇и. абарин̣ад̇з абарин̣ад̇асан̃н̃ий анаабад̇д̇ий’’д̇и (баараа. 660). д̣̇зяяад̇хаммод̇и жад̇д̇ааро бажжаяаа. аад̣̇исад̣̇д̣̇зна ‘‘бадисан̇каарам̣ ваа лабхзяяа, жирадтид̇иго ваа асса, яад̇т̇а ваа бана д̇умхаагам̣ жид̇д̇ам̣ басийд̣̇ад̇и, д̇ад̇т̇а д̣̇зт̇аа’’д̇и (баараа. 661) важанаанам̣ г̇ахан̣ам̣. сажз бана д̣̇ааяагаа ‘‘маяам̣ сан̇гхабхад̇д̇ам̣ гад̇д̇угаамаа, жзд̇ияабууж̇ам̣ гад̇д̇угаамаа, згасса бхигкуно баригкаарам̣ д̣̇аад̇угаамаа, д̇умхаагам̣ ружияаа д̣̇ассаама. бхан̣ат̇а, гад̇т̇а д̣̇змаа’’д̇и (баараа. адта. 2.660) вад̣̇анд̇и, звам̣ вуд̇д̇з д̇зна бхигкунаа ‘‘яад̇т̇а ижчат̇а, д̇ад̇т̇а д̣̇зт̇аа’’д̇и вад̇д̇аб̣б̣аа.
Idāni anāpattiṃ dassetuṃ ‘‘apariṇatasaññino’’tiādimāha. Pariṇate, apariṇate ca apariṇatasaññino cāti sambandho, pariṇate, apariṇate cāti ubhayatthāpi anāpattīti attho. Vuttañhetaṃ ‘‘pariṇate apariṇatasaññī attano pariṇāmeti, anāpatti. Apariṇate apariṇatasaññī anāpattī’’ti (pārā. 660). Deyyadhammoti cattāro paccayā. Ādisaddena ‘‘paṭisaṅkhāraṃ vā labheyya, ciraṭṭhitiko vā assa, yattha vā pana tumhākaṃ cittaṃ pasīdati, tattha dethā’’ti (pārā. 661) vacanānaṃ gahaṇaṃ. Sace pana dāyakā ‘‘mayaṃ saṅghabhattaṃ kattukāmā, cetiyapūjaṃ kattukāmā, ekassa bhikkhuno parikkhāraṃ dātukāmā, tumhākaṃ ruciyā dassāma. Bhaṇatha, kattha demā’’ti (pārā. aṭṭha. 2.660) vadanti, evaṃ vutte tena bhikkhunā ‘‘yattha icchatha, tattha dethā’’ti vattabbā.
барин̣ад̇асигкаабад̣̇аван̣н̣анаа нидтид̇аа.
Pariṇatasikkhāpadavaṇṇanā niṭṭhitā.
бад̇д̇аваг̇г̇о д̇ад̇ияо.
Pattavaggo tatiyo.
ид̇и ган̇каавид̇аран̣ияаа баад̇имогкаван̣н̣анааяа
Iti kaṅkhāvitaraṇiyā pātimokkhavaṇṇanāya
винаяад̇т̇аман̃ж̇уусааяам̣ лийнад̇т̇аббагаасанияам̣
Vinayatthamañjūsāyaṃ līnatthappakāsaniyaṃ
ниссаг̇г̇ияаван̣н̣анаа нидтид̇аа.
Nissaggiyavaṇṇanā niṭṭhitā.
