| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੧੦. ਪਰਿਣਤਸਿਕ੍ਖਾਪਦવਣ੍ਣਨਾ
10. Pariṇatasikkhāpadavaṇṇanā
੬੫੭-੬੫੯. ਦਸਮੇ ਉਦ੍ਦਿਸ੍ਸ ਠਪਿਤਭਾਗੇਤਿ ਅਤ੍ਤਨੋ ਘਰੇਪਿ ਉਦ੍ਦਿਸਿਤ੍વਾ વਿਸੁਂ ਠਪਿਤਕੋਟ੍ਠਾਸੇ। ‘‘ਏਕਂ ਮਯ੍ਹਂ, ਏਕਂ ਇਮਸ੍ਸ ਦੇਹੀ’’ਤਿ ਏવਂ ਏਕવਾਚਾਯ ਆਪਜ੍ਜਿਤਬ੍ਬਤ੍ਤਾ ‘‘ਆਪਜ੍ਜੇਯ੍ਯ ਏਕਤੋ’’ਤਿ વੁਤ੍ਤਂ। ਤੁਮ੍ਹਾਕਂ ਸਪ੍ਪਿਆਦੀਨਿ ਆਭਤਾਨੀਤਿ ਤੁਮ੍ਹਾਕਂ ਅਤ੍ਥਾਯ ਆਭਤਾਨਿ ਸਪ੍ਪਿਆਦੀਨਿ। ਪਰਿਣਤਭਾવਂ ਜਾਨਿਤ੍વਾਪਿ વੁਤ੍ਤવਿਧਿਨਾ વਿਞ੍ਞਾਪੇਨ੍ਤੇਨ ਤੇਸਂ ਸਨ੍ਤਕਮੇવ વਿਞ੍ਞਾਪਿਤਂ ਨਾਮ ਹੋਤੀਤਿ ਆਹ – ‘‘ਮਯ੍ਹਮ੍ਪਿ ਦੇਥਾਤਿ વਦਤਿ, વਟ੍ਟਤੀ’’ਤਿ।
657-659. Dasame uddissa ṭhapitabhāgeti attano gharepi uddisitvā visuṃ ṭhapitakoṭṭhāse. ‘‘Ekaṃ mayhaṃ, ekaṃ imassa dehī’’ti evaṃ ekavācāya āpajjitabbattā ‘‘āpajjeyya ekato’’ti vuttaṃ. Tumhākaṃ sappiādīni ābhatānīti tumhākaṃ atthāya ābhatāni sappiādīni. Pariṇatabhāvaṃ jānitvāpi vuttavidhinā viññāpentena tesaṃ santakameva viññāpitaṃ nāma hotīti āha – ‘‘mayhampi dethāti vadati, vaṭṭatī’’ti.
੬੬੦. ਪੁਪ੍ਫਮ੍ਪਿ ਆਰੋਪੇਤੁਂ ਨ વਟ੍ਟਤੀਤਿ ਇਦਂ ਪਰਿਣਤਂ ਸਨ੍ਧਾਯ વੁਤ੍ਤਂ। ਸਚੇ ਪਨ ਏਕਸ੍ਮਿਂ ਚੇਤਿਯੇ ਪੂਜਿਤਂ ਪੁਪ੍ਫਂ ਗਹੇਤ੍વਾ ਅਞ੍ਞਸ੍ਮਿਂ ਚੇਤਿਯੇ ਪੂਜੇਤਿ, વਟ੍ਟਤਿ। ਠਿਤਂ ਦਿਸ੍વਾਤਿ ਸੇਸਕਂ ਗਹੇਤ੍વਾ ਠਿਤਂ ਦਿਸ੍વਾ। ਇਮਸ੍ਸ ਸੁਨਖਸ੍ਸ ਮਾ ਦੇਹਿ, ਏਤਸ੍ਸ ਦੇਹੀਤਿ ਇਦਂ ਪਰਿਣਤੇਯੇવ। ਤਿਰਚ੍ਛਾਨਗਤਸ੍ਸ ਪਰਿਚ੍ਚਜਿਤ੍વਾ ਦਿਨ੍ਨੇ ਪਨ ਤਂ ਪਲਾਪੇਤ੍વਾ ਅਞ੍ਞਂ ਭੁਞ੍ਜਾਪੇਤੁਂ વਟ੍ਟਤਿ। ‘‘ਕਤ੍ਥ ਦੇਮਾਤਿਆਦਿਨਾ ਏਕੇਨਾਕਾਰੇਨ ਪਾਲ਼ਿਯਂ ਅਨਾਪਤ੍ਤਿ ਦਸ੍ਸਿਤਾ, ਏવਂ ਪਨ ਅਪੁਚ੍ਛਿਤੇਪਿ ਅਪਰਿਣਤਂ ਇਦਨ੍ਤਿ ਜਾਨਨ੍ਤੇਨ ਅਤ੍ਤਨੋ ਰੁਚਿਯਾ ਯਤ੍ਥ ਇਚ੍ਛਤਿ, ਤਤ੍ਥ ਦਾਪੇਤੁਂ વਟ੍ਟਤੀ’’ਤਿ ਤੀਸੁਪਿ ਗਣ੍ਠਿਪਦੇਸੁ વੁਤ੍ਤਂ। ਯਤ੍ਥ ਇਚ੍ਛਥ, ਤਤ੍ਥ ਦੇਥਾਤਿ ਏਤ੍ਥਾਪਿ ‘‘ਤੁਮ੍ਹਾਕਂ ਰੁਚਿਯਾ’’ਤਿ વੁਤ੍ਤਤ੍ਤਾ ਯਤ੍ਥ ਇਚ੍ਛਤਿ, ਤਤ੍ਥ ਦਾਪੇਤੁਂ ਲਭਤਿ। ਪਾਲ਼ਿਯਂ ਆਗਤਨਯੇਨੇવਾਤਿ ‘‘ਯਤ੍ਥ ਤੁਮ੍ਹਾਕਂ ਦੇਯ੍ਯਧਮ੍ਮੋ’’ਤਿਆਦਿਨਾ ਨਯੇਨ। ਸਙ੍ਘਪਰਿਣਤਭਾવੋ, ਤਂ ਞਤ੍વਾ ਅਤ੍ਤਨੋ ਪਰਿਣਾਮਨਂ, ਪਟਿਲਾਭੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
660.Pupphampi āropetuṃ na vaṭṭatīti idaṃ pariṇataṃ sandhāya vuttaṃ. Sace pana ekasmiṃ cetiye pūjitaṃ pupphaṃ gahetvā aññasmiṃ cetiye pūjeti, vaṭṭati. Ṭhitaṃ disvāti sesakaṃ gahetvā ṭhitaṃ disvā. Imassa sunakhassa mā dehi, etassa dehīti idaṃ pariṇateyeva. Tiracchānagatassa pariccajitvā dinne pana taṃ palāpetvā aññaṃ bhuñjāpetuṃ vaṭṭati. ‘‘Kattha demātiādinā ekenākārena pāḷiyaṃ anāpatti dassitā, evaṃ pana apucchitepi apariṇataṃ idanti jānantena attano ruciyā yattha icchati, tattha dāpetuṃ vaṭṭatī’’ti tīsupi gaṇṭhipadesu vuttaṃ. Yattha icchatha, tattha dethāti etthāpi ‘‘tumhākaṃ ruciyā’’ti vuttattā yattha icchati, tattha dāpetuṃ labhati. Pāḷiyaṃ āgatanayenevāti ‘‘yattha tumhākaṃ deyyadhammo’’tiādinā nayena. Saṅghapariṇatabhāvo, taṃ ñatvā attano pariṇāmanaṃ, paṭilābhoti imānettha tīṇi aṅgāni.
ਪਰਿਣਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pariṇatasikkhāpadavaṇṇanā niṭṭhitā.
ਨਿਟ੍ਠਿਤੋ ਪਤ੍ਤવਗ੍ਗੋ ਤਤਿਯੋ।
Niṭṭhito pattavaggo tatiyo.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਟ੍ਠਕਥਾਯ ਸਾਰਤ੍ਥਦੀਪਨਿਯਂ
Iti samantapāsādikāya vinayaṭṭhakathāya sāratthadīpaniyaṃ
ਨਿਸ੍ਸਗ੍ਗਿਯવਣ੍ਣਨਾ ਨਿਟ੍ਠਿਤਾ।
Nissaggiyavaṇṇanā niṭṭhitā.
ਦੁਤਿਯੋ ਭਾਗੋ ਨਿਟ੍ਠਿਤੋ।
Dutiyo bhāgo niṭṭhito.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧੦. ਪਰਿਣਤਸਿਕ੍ਖਾਪਦਂ • 10. Pariṇatasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧੦. ਪਰਿਣਤਸਿਕ੍ਖਾਪਦવਣ੍ਣਨਾ • 10. Pariṇatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧੦. ਪਰਿਣਤਸਿਕ੍ਖਾਪਦવਣ੍ਣਨਾ • 10. Pariṇatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧੦. ਪਰਿਣਤਸਿਕ੍ਖਾਪਦવਣ੍ਣਨਾ • 10. Pariṇatasikkhāpadavaṇṇanā
