| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২২. বাৰীসতিমৰগ্গো
22. Bāvīsatimavaggo
১. পরিনিব্বানকথাৰণ্ণনা
1. Parinibbānakathāvaṇṇanā
৮৯২. ইদানি পরিনিব্বানকথা নাম হোতি। তত্থ ‘‘যস্মা অরহা সব্বঞ্ঞুৰিসযে অপ্পহীনসংযোজনোৰ পরিনিব্বাযতি, তস্মা অত্থি কিঞ্চি সংযোজনং অপ্পহায পরিনিব্বান’’ন্তি যেসং লদ্ধি, সেয্যথাপি অন্ধকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। সেসমেত্থ হেট্ঠা ৰুত্তনযমেৰাতি।
892. Idāni parinibbānakathā nāma hoti. Tattha ‘‘yasmā arahā sabbaññuvisaye appahīnasaṃyojanova parinibbāyati, tasmā atthi kiñci saṃyojanaṃ appahāya parinibbāna’’nti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Sesamettha heṭṭhā vuttanayamevāti.
পরিনিব্বানকথাৰণ্ণনা।
Parinibbānakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২০৮) ১. পরিনিব্বানকথা • (208) 1. Parinibbānakathā
