| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
२२. बावीसतिमवग्गो
22. Bāvīsatimavaggo
१. परिनिब्बानकथावण्णना
1. Parinibbānakathāvaṇṇanā
८९२. इदानि परिनिब्बानकथा नाम होति। तत्थ ‘‘यस्मा अरहा सब्बञ्ञुविसये अप्पहीनसंयोजनोव परिनिब्बायति, तस्मा अत्थि किञ्चि संयोजनं अप्पहाय परिनिब्बान’’न्ति येसं लद्धि, सेय्यथापि अन्धकानं; ते सन्धाय पुच्छा सकवादिस्स, पटिञ्ञा इतरस्स। सेसमेत्थ हेट्ठा वुत्तनयमेवाति।
892. Idāni parinibbānakathā nāma hoti. Tattha ‘‘yasmā arahā sabbaññuvisaye appahīnasaṃyojanova parinibbāyati, tasmā atthi kiñci saṃyojanaṃ appahāya parinibbāna’’nti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Sesamettha heṭṭhā vuttanayamevāti.
परिनिब्बानकथावण्णना।
Parinibbānakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (२०८) १. परिनिब्बानकथा • (208) 1. Parinibbānakathā
