| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
35. бариниб̣б̣аанан̃аан̣анид̣̇д̣̇зсо
35. Parinibbānañāṇaniddeso
86. гат̇ам̣ самбаж̇аанасса бавад̇д̇абарияаад̣̇аанз бан̃н̃аа бариниб̣б̣аанз н̃аан̣ам̣? ид̇ха самбаж̇аано нзгкаммзна гаамажчанд̣̇асса бавад̇д̇ам̣ барияаад̣̇ияад̇и, аб̣яаабаад̣̇зна б̣яаабаад̣̇асса бавад̇д̇ам̣ барияаад̣̇ияад̇и, аалогасан̃н̃ааяа т̇инамид̣̇д̇хасса бавад̇д̇ам̣ барияаад̣̇ияад̇и, авигкзбзна уд̣̇д̇хажжасса бавад̇д̇ам̣ барияаад̣̇ияад̇и, д̇хаммававад̇т̇аанзна вижигижчааяа…бз… н̃аан̣зна авиж̇ж̇ааяа… баамож̇ж̇зна арад̇ияаа … батамзна жхаанзна нийваран̣аанам̣ бавад̇д̇ам̣ барияаад̣̇ияад̇и…бз… арахад̇д̇амаг̇г̇зна саб̣б̣агилзсаанам̣ бавад̇д̇ам̣ барияаад̣̇ияад̇и.
86. Kathaṃ sampajānassa pavattapariyādāne paññā parinibbāne ñāṇaṃ? Idha sampajāno nekkhammena kāmacchandassa pavattaṃ pariyādiyati, abyāpādena byāpādassa pavattaṃ pariyādiyati, ālokasaññāya thinamiddhassa pavattaṃ pariyādiyati, avikkhepena uddhaccassa pavattaṃ pariyādiyati, dhammavavatthānena vicikicchāya…pe… ñāṇena avijjāya… pāmojjena aratiyā … paṭhamena jhānena nīvaraṇānaṃ pavattaṃ pariyādiyati…pe… arahattamaggena sabbakilesānaṃ pavattaṃ pariyādiyati.
ат̇а ваа бана самбаж̇аанасса анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇асса ид̣̇ан̃жзва жагкубавад̇д̇ам̣ барияаад̣̇ияад̇и, ан̃н̃ан̃жа жагкубавад̇д̇ам̣ на уббаж̇ж̇ад̇и. ид̣̇ан̃жзва сод̇абавад̇д̇ам̣…бз… гхаанабавад̇д̇ам̣… ж̇ивхаабавад̇д̇ам̣… гааяабавад̇д̇ам̣… манобавад̇д̇ам̣ барияаад̣̇ияад̇и, ан̃н̃ан̃жа манобавад̇д̇ам̣ на уббаж̇ж̇ад̇и. ид̣̇ам̣ самбаж̇аанасса бавад̇д̇абарияаад̣̇аанз бан̃н̃аа бариниб̣б̣аанз н̃аан̣ам̣. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘самбаж̇аанасса бавад̇д̇абарияаад̣̇аанз бан̃н̃аа бариниб̣б̣аанз н̃аан̣ам̣’’.
Atha vā pana sampajānassa anupādisesāya nibbānadhātuyā parinibbāyantassa idañceva cakkhupavattaṃ pariyādiyati, aññañca cakkhupavattaṃ na uppajjati. Idañceva sotapavattaṃ…pe… ghānapavattaṃ… jivhāpavattaṃ… kāyapavattaṃ… manopavattaṃ pariyādiyati, aññañca manopavattaṃ na uppajjati. Idaṃ sampajānassa pavattapariyādāne paññā parinibbāne ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘sampajānassa pavattapariyādāne paññā parinibbāne ñāṇaṃ’’.
бариниб̣б̣аанан̃аан̣анид̣̇д̣̇зсо бан̃жад̇им̣сад̇имо.
Parinibbānañāṇaniddeso pañcatiṃsatimo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 35. бариниб̣б̣аанан̃аан̣анид̣̇д̣̇зсаван̣н̣анаа • 35. Parinibbānañāṇaniddesavaṇṇanā
