| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. бариниб̣б̣аанасуд̇д̇аван̣н̣анаа
5. Parinibbānasuttavaṇṇanā
186. бан̃жамз убавад̇д̇анз маллаанам̣ саалаванзд̇и яат̇зва хи гад̣̇амб̣анад̣̇ийд̇ийрад̇о рааж̇амаад̇увихаарад̣̇ваарзна т̇уубаараамам̣ г̇анд̇аб̣б̣ам̣ ход̇и, звам̣ хиран̃н̃авад̇игааяа наама над̣̇ияаа бааримад̇ийрад̇о саалаванам̣ уяяаанам̣. яат̇аа анураад̇хабурасса т̇уубаараамо, звам̣ д̇ам̣ гусинаарааяа ход̇и. яат̇аа т̇уубаараамад̇о д̣̇агкин̣ад̣̇ваарзна наг̇арам̣ бависанамаг̇г̇о баажийнамуко г̇анд̇ваа уд̇д̇арзна нивад̇д̇ад̇и, звам̣ уяяаанад̇о саалабанд̇и баажийнамукаа г̇анд̇ваа уд̇д̇арзна нивад̇д̇аа. д̇асмаа д̇ам̣ ‘‘убавад̇д̇ана’’нд̇и вужжад̇и. д̇асмим̣ убавад̇д̇анз маллаанам̣ саалаванз. анд̇арзна яамагасаалаананд̇и муулагканд̇хавидабабад̇д̇зхи ан̃н̃аман̃н̃ам̣ сам̣сиб̣б̣ид̇ваа тид̇асаалаанам̣ анд̇аригааяа. аббамаад̣̇зна самбаад̣̇зт̇аад̇и сад̇иавиббаваасзна гад̇д̇аб̣б̣агижжаани самбаад̣̇аяат̇а. ид̇и бхаг̇аваа яат̇аа наама маран̣аман̃жз нибанно махад̣̇д̇хано гудумб̣иго буд̇д̇аанам̣ д̇ханасаарам̣ аажигкзяяа, звамзвам̣ бариниб̣б̣аанаман̃жз нибанно бан̃жажад̇д̇аалийса вассаани д̣̇иннам̣ оваад̣̇ам̣ саб̣б̣ам̣ згасмим̣ аббамаад̣̇абад̣̇зязва багкибид̇ваа абхааси. аяам̣ д̇ат̇ааг̇ад̇асса бажчимаа ваажаад̇и ид̣̇ам̣ бана сан̇г̇ийд̇игаараанам̣ важанам̣.
186. Pañcame upavattane mallānaṃ sālavaneti yatheva hi kadambanadītīrato rājamātuvihāradvārena thūpārāmaṃ gantabbaṃ hoti, evaṃ hiraññavatikāya nāma nadiyā pārimatīrato sālavanaṃ uyyānaṃ. Yathā anurādhapurassa thūpārāmo, evaṃ taṃ kusinārāya hoti. Yathā thūpārāmato dakkhiṇadvārena nagaraṃ pavisanamaggo pācīnamukho gantvā uttarena nivattati, evaṃ uyyānato sālapanti pācīnamukhā gantvā uttarena nivattā. Tasmā taṃ ‘‘upavattana’’nti vuccati. Tasmiṃ upavattane mallānaṃ sālavane. Antarenayamakasālānanti mūlakkhandhaviṭapapattehi aññamaññaṃ saṃsibbitvā ṭhitasālānaṃ antarikāya. Appamādena sampādethāti satiavippavāsena kattabbakiccāni sampādayatha. Iti bhagavā yathā nāma maraṇamañce nipanno mahaddhano kuṭumbiko puttānaṃ dhanasāraṃ ācikkheyya, evamevaṃ parinibbānamañce nipanno pañcacattālīsa vassāni dinnaṃ ovādaṃ sabbaṃ ekasmiṃ appamādapadeyeva pakkhipitvā abhāsi. Ayaṃ tathāgatassa pacchimā vācāti idaṃ pana saṅgītikārānaṃ vacanaṃ.
ид̇о барам̣ яам̣ бариниб̣б̣аанабаригаммам̣ гад̇ваа бхаг̇аваа бариниб̣б̣уд̇о, д̇ам̣ д̣̇ассзд̇ум̣, ат̇а ко бхаг̇аваа батамам̣ жхаананд̇иаад̣̇и вуд̇д̇ам̣. д̇ад̇т̇а сан̃н̃аавзд̣̇аяид̇анирод̇хам̣ самаабаннз бхаг̇авад̇и ассаасабассаасаанам̣ аббавад̇д̇им̣ д̣̇исваа, ‘‘бариниб̣б̣уд̇о сад̇т̇аа’’д̇и сан̃н̃ааяа д̣̇звамануссаа згаббахаарзна виравим̣су, аананд̣̇ад̇т̇зроби – ‘‘бариниб̣б̣уд̇о ну ко, бханд̇з, ануруд̣̇д̇ха бхаг̇аваа’’д̇и т̇зрам̣ бужчи. т̇зро ‘‘на ко, аавусо аананд̣̇а, д̇ат̇ааг̇ад̇о бариниб̣б̣уд̇о, абижа сан̃н̃аавзд̣̇аяид̇анирод̇хам̣ самаабанно’’д̇и ааха. гат̇ам̣ бана со ан̃н̃ааси? т̇зро гира сад̇т̇аараа сад̣̇д̇хим̣язва д̇ам̣ д̇ам̣ самаабад̇д̇им̣ самаабаж̇ж̇анд̇о яаава нзвасан̃н̃аанаасан̃н̃ааяад̇анавудтаанам̣, д̇аава г̇анд̇ваа, ‘‘ид̣̇аани бхаг̇аваа нирод̇хам̣ самаабанно, анд̇онирод̇хз жа гаалам̣гирияаа наама над̇т̇ий’’д̇и ан̃н̃ааси.
Ito paraṃ yaṃ parinibbānaparikammaṃ katvā bhagavā parinibbuto, taṃ dassetuṃ, atha kho bhagavā paṭhamaṃ jhānantiādi vuttaṃ. Tattha saññāvedayitanirodhaṃ samāpanne bhagavati assāsapassāsānaṃ appavattiṃ disvā, ‘‘parinibbuto satthā’’ti saññāya devamanussā ekappahārena viraviṃsu, ānandattheropi – ‘‘parinibbuto nu kho, bhante, anuruddha bhagavā’’ti theraṃ pucchi. Thero ‘‘na kho, āvuso ānanda, tathāgato parinibbuto, apica saññāvedayitanirodhaṃ samāpanno’’ti āha. Kathaṃ pana so aññāsi? Thero kira satthārā saddhiṃyeva taṃ taṃ samāpattiṃ samāpajjanto yāva nevasaññānāsaññāyatanavuṭṭhānaṃ, tāva gantvā, ‘‘idāni bhagavā nirodhaṃ samāpanno, antonirodhe ca kālaṃkiriyā nāma natthī’’ti aññāsi.
ат̇а ко бхаг̇аваа сан̃н̃аавзд̣̇аяид̇анирод̇хасамаабад̇д̇ид̇о вудтахид̇ваа нзвасан̃н̃аанаасан̃н̃ааяад̇анам̣ самаабаж̇ж̇и…бз… д̇ад̇ияаж̇жхаанаа вудтахид̇ваа жад̇уд̇т̇ам̣ жхаанам̣ самаабаж̇ж̇ийд̇и зд̇т̇а бана бхаг̇аваа жад̇увийсад̇ияаа таанзсу батамам̣ жхаанам̣ самаабаж̇ж̇и, д̇зрасасу таанзсу д̣̇уд̇ияам̣ жхаанам̣… д̇ат̇аа д̇ад̇ияам̣… баннарасасу таанзсу жад̇уд̇т̇ам̣ жхаанам̣ самаабаж̇ж̇и. гат̇ам̣? д̣̇асасу асубхзсу д̣̇вад̇д̇им̣саагаарз адтасу гасин̣зсу мзд̇д̇аагарун̣аамуд̣̇ид̇зсу аанаабаанз барижчзд̣̇аагаасзд̇и имзсу д̇аава жад̇увийсад̇ияаа таанзсу батамам̣ жхаанам̣ самаабаж̇ж̇и. табзд̇ваа бана д̣̇вад̇д̇им̣саагааран̃жа д̣̇аса жа асубхаани сзсзсу д̇зрасасу д̣̇уд̇ияам̣ жхаанам̣… д̇зсуязва д̇ад̇ияам̣ жхаанам̣ самаабаж̇ж̇и. адтасу бана гасин̣зсу убзгкааб̣рахмавихаарз аанаабаанз барижчзд̣̇аагаасз жад̇уусу аруубзсууд̇и имзсу баннарасасу таанзсу жад̇уд̇т̇ам̣ жхаанам̣ самаабаж̇ж̇и. аяамби жа сан̇кзбагат̇аава. ниб̣б̣аанабурам̣ бависанд̇о бана бхаг̇аваа д̇хаммассаами саб̣б̣ааби жад̇увийсад̇игодисад̇асахассасан̇каа самаабад̇д̇ияо бависид̇ваа вид̣̇зсам̣ г̇ажчанд̇о н̃аад̇иж̇анам̣ аалин̇г̇зд̇ваа вияа саб̣б̣асамаабад̇д̇исукам̣ анубхавид̇ваа бавидто.
Atha kho bhagavā saññāvedayitanirodhasamāpattito vuṭṭhahitvā nevasaññānāsaññāyatanaṃ samāpajji…pe… tatiyajjhānā vuṭṭhahitvā catutthaṃ jhānaṃ samāpajjīti ettha pana bhagavā catuvīsatiyā ṭhānesu paṭhamaṃ jhānaṃ samāpajji, terasasu ṭhānesu dutiyaṃ jhānaṃ… tathā tatiyaṃ… pannarasasu ṭhānesu catutthaṃ jhānaṃ samāpajji. Kathaṃ? Dasasu asubhesu dvattiṃsākāre aṭṭhasu kasiṇesu mettākaruṇāmuditesu ānāpāne paricchedākāseti imesu tāva catuvīsatiyā ṭhānesu paṭhamaṃ jhānaṃ samāpajji. Ṭhapetvā pana dvattiṃsākārañca dasa ca asubhāni sesesu terasasu dutiyaṃ jhānaṃ… tesuyeva tatiyaṃ jhānaṃ samāpajji. Aṭṭhasu pana kasiṇesu upekkhābrahmavihāre ānāpāne paricchedākāse catūsu arūpesūti imesu pannarasasu ṭhānesu catutthaṃ jhānaṃ samāpajji. Ayampi ca saṅkhepakathāva. Nibbānapuraṃ pavisanto pana bhagavā dhammassāmi sabbāpi catuvīsatikoṭisatasahassasaṅkhā samāpattiyo pavisitvā videsaṃ gacchanto ñātijanaṃ āliṅgetvā viya sabbasamāpattisukhaṃ anubhavitvā paviṭṭho.
жад̇уд̇т̇аж̇жхаанаа вудтахид̇ваа самананд̇араа бхаг̇аваа бариниб̣б̣ааяийд̇и зд̇т̇а жа жхаанасамананд̇арам̣ бажжавзгкан̣асамананд̇аранд̇и, д̣̇вз самананд̇араани. жад̇уд̇т̇аж̇жхаанаа вудтааяа бхаван̇г̇ам̣ од̇ин̣н̣асса д̇ад̇т̇зва бариниб̣б̣аанам̣ жхаанасамананд̇арам̣ наама, жад̇уд̇т̇аж̇жхаанаа вудтахид̇ваа буна жхаанан̇г̇аани бажжавзгкид̇ваа бхаван̇г̇ам̣ од̇ин̣н̣асса д̇ад̇т̇зва бариниб̣б̣аанам̣ бажжавзгкан̣асамананд̇арам̣ наама. имаани д̣̇взби самананд̇араанзва. бхаг̇аваа бана жхаанам̣ самаабаж̇ж̇ид̇ваа жхаанаа вудтааяа жхаанан̇г̇аани бажжавзгкид̇ваа бхаван̇г̇ажид̇д̇зна аб̣яаагад̇зна д̣̇угкасажжзна бариниб̣б̣ааяи. яз хи гзжи б̣уд̣̇д̇хаа ваа бажжзгаб̣уд̣̇д̇хаа ваа арияасаавагаа ваа анд̇амасо гунт̇агибиллигам̣ убаад̣̇ааяа саб̣б̣з бхаван̇г̇ажид̇д̇знзва аб̣яаагад̇зна д̣̇угкасажжзна гаалам̣ гаронд̇и.
Catutthajjhānā vuṭṭhahitvā samanantarā bhagavā parinibbāyīti ettha ca jhānasamanantaraṃ paccavekkhaṇasamanantaranti, dve samanantarāni. Catutthajjhānā vuṭṭhāya bhavaṅgaṃ otiṇṇassa tattheva parinibbānaṃ jhānasamanantaraṃ nāma, catutthajjhānā vuṭṭhahitvā puna jhānaṅgāni paccavekkhitvā bhavaṅgaṃ otiṇṇassa tattheva parinibbānaṃ paccavekkhaṇasamanantaraṃ nāma. Imāni dvepi samanantarāneva. Bhagavā pana jhānaṃ samāpajjitvā jhānā vuṭṭhāya jhānaṅgāni paccavekkhitvā bhavaṅgacittena abyākatena dukkhasaccena parinibbāyi. Ye hi keci buddhā vā paccekabuddhā vā ariyasāvakā vā antamaso kunthakipillikaṃ upādāya sabbe bhavaṅgacitteneva abyākatena dukkhasaccena kālaṃ karonti.
бхууд̇аад̇и сад̇д̇аа. аббадибуг̇г̇алод̇и бадибхааг̇абуг̇г̇алавирахид̇о. б̣алаббад̇д̇од̇и д̣̇асавид̇хам̣ н̃аан̣аб̣алам̣ бад̇д̇о. уббаад̣̇аваяад̇хамминод̇и уббаад̣̇аваяасабхааваа. д̇зсам̣ вуубасамод̇и д̇зсам̣ сан̇каараанам̣ вуубасамо. сукод̇и асан̇кад̇ам̣ ниб̣б̣аанамзва суканд̇и ад̇т̇о. д̇ад̣̇аасийд̇и ‘‘саха бариниб̣б̣аанаа махаабхуумижаало ахосий’’д̇и звам̣ махаабариниб̣б̣аанз (д̣̇ий. ни. 2.220) вуд̇д̇ам̣ бхуумижаалам̣ санд̇хааяааха. со хи ломахам̣санаго жа бхим̣санаго жа ааси. саб̣б̣аагаараваруубзд̇зд̇и саб̣б̣аагааравараг̇ун̣уубзд̇з. нааху ассаасабассаасод̇и на ж̇аад̇о ассаасабассаасо. анзж̇од̇и д̇ан̣хаасан̇каад̇ааяа зж̇ааяа абхаавзна анзж̇о. санд̇имаараб̣бхаад̇и анубаад̣̇исзсам̣ ниб̣б̣аанам̣ аараб̣бха бадижжа санд̇хааяа. жагкумаад̇и бан̃жахи жагкуухи жагкумаа. бариниб̣б̣уд̇од̇и канд̇хабариниб̣б̣аанзна бариниб̣б̣уд̇о. асаллийнзнаад̇и аналлийнзна асан̇гудид̇зна сувигасид̇знзва жид̇д̇зна. взд̣̇анам̣ аж̇жхаваасаяийд̇и взд̣̇анам̣ ад̇хиваасзси, на взд̣̇анаанувад̇д̇ий худ̇ваа ид̇о жид̇о самбаривад̇д̇и. вимогкод̇и гзнажи д̇хаммзна анааваран̣авимогко саб̣б̣асо абан̃н̃ад̇д̇ибхаавуубаг̇амо баж̇ж̇од̇аниб̣б̣аанасад̣̇исо ж̇аад̇од̇и. бан̃жамам̣.
Bhūtāti sattā. Appaṭipuggaloti paṭibhāgapuggalavirahito. Balappattoti dasavidhaṃ ñāṇabalaṃ patto. Uppādavayadhamminoti uppādavayasabhāvā. Tesaṃ vūpasamoti tesaṃ saṅkhārānaṃ vūpasamo. Sukhoti asaṅkhataṃ nibbānameva sukhanti attho. Tadāsīti ‘‘saha parinibbānā mahābhūmicālo ahosī’’ti evaṃ mahāparinibbāne (dī. ni. 2.220) vuttaṃ bhūmicālaṃ sandhāyāha. So hi lomahaṃsanako ca bhiṃsanako ca āsi. Sabbākāravarūpeteti sabbākāravaraguṇūpete. Nāhu assāsapassāsoti na jāto assāsapassāso. Anejoti taṇhāsaṅkhātāya ejāya abhāvena anejo. Santimārabbhāti anupādisesaṃ nibbānaṃ ārabbha paṭicca sandhāya. Cakkhumāti pañcahi cakkhūhi cakkhumā. Parinibbutoti khandhaparinibbānena parinibbuto. Asallīnenāti anallīnena asaṅkuṭitena suvikasiteneva cittena. Vedanaṃ ajjhavāsayīti vedanaṃ adhivāsesi, na vedanānuvattī hutvā ito cito samparivatti. Vimokkhoti kenaci dhammena anāvaraṇavimokkho sabbaso apaññattibhāvūpagamo pajjotanibbānasadiso jātoti. Pañcamaṃ.
д̣̇уд̇ияо ваг̇г̇о.
Dutiyo vaggo.
ид̇и саарад̇т̇аббагаасинияаа
Iti sāratthappakāsiniyā
сам̣яуд̇д̇анигааяа-адтагат̇ааяа
Saṃyuttanikāya-aṭṭhakathāya
б̣рахмасам̣яуд̇д̇аван̣н̣анаа нидтид̇аа.
Brahmasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. бариниб̣б̣аанасуд̇д̇ам̣ • 5. Parinibbānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. бариниб̣б̣аанасуд̇д̇аван̣н̣анаа • 5. Parinibbānasuttavaṇṇanā
