| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. бариниб̣б̣аанасуд̇д̇аван̣н̣анаа
5. Parinibbānasuttavaṇṇanā
186. звам̣ д̇ам̣ гусинаарааяа ход̇ийд̇и яат̇аа анурод̇хабурасса т̇уубаараамо д̣̇агкин̣абажчимад̣̇исааяам̣, звам̣ д̇ам̣ уяяаанам̣ гусинаарааяа д̣̇агкин̣абажчимад̣̇исааяам̣ ход̇и. д̇асмаад̇и яасмаа наг̇арам̣ бависид̇угаамаа уяяаанад̇о убзжжа вад̇д̇анд̇и г̇ажчанд̇и зд̇знаад̇и убавад̇д̇ананд̇и вужжад̇и, д̇асмаа. д̇анд̇и саалабанд̇ибхаавзна тид̇ам̣ саалаванам̣. анд̇арзнаад̇и взмаж̇жхз. аббамаж̇ж̇анам̣ аббамаад̣̇о, со бана ад̇т̇ад̇о н̃аан̣уубасам̣хид̇аа сад̇и. яасмаа д̇ад̇т̇а сад̇ияаа б̣яаабааро саад̇исаяо, д̇асмаа ‘‘сад̇иавиббаваасзнаа’’д̇и вуд̇д̇ам̣. аббамаад̣̇абад̣̇зязва багкибид̇ваа абхааси ад̇т̇ад̇о д̇асса сагаласса б̣уд̣̇д̇хаважанасса сан̇г̇ан̣ханад̇о.
186.Evaṃ taṃ kusinārāya hotīti yathā anurodhapurassa thūpārāmo dakkhiṇapacchimadisāyaṃ, evaṃ taṃ uyyānaṃ kusinārāya dakkhiṇapacchimadisāyaṃ hoti. Tasmāti yasmā nagaraṃ pavisitukāmā uyyānato upecca vattanti gacchanti etenāti upavattananti vuccati, tasmā. Tanti sālapantibhāvena ṭhitaṃ sālavanaṃ. Antarenāti vemajjhe. Appamajjanaṃ appamādo, so pana atthato ñāṇūpasaṃhitā sati. Yasmā tattha satiyā byāpāro sātisayo, tasmā ‘‘satiavippavāsenā’’ti vuttaṃ. Appamādapadeyeva pakkhipitvā abhāsi atthato tassa sakalassa buddhavacanassa saṅgaṇhanato.
жхаанаад̣̇ийсу жид̇д̇з жа барамуггам̣саг̇ад̇авасийбхаавад̇ааяа ‘‘зд̇д̇агз гаалз зд̇д̇агаа самаабад̇д̇ияо самаабаж̇ж̇ид̇ваа бариниб̣б̣ааяиссаамий’’д̇и гаалабарижчзд̣̇ам̣ гад̇ваа самаабад̇д̇исамаабаж̇ж̇анам̣ бариниб̣б̣аанабаригамманд̇и ад̇хиббзд̇ам̣. т̇зрод̇и ануруд̣̇д̇хад̇т̇зро.
Jhānādīsu citte ca paramukkaṃsagatavasībhāvatāya ‘‘ettake kāle ettakā samāpattiyo samāpajjitvā parinibbāyissāmī’’ti kālaparicchedaṃ katvā samāpattisamāpajjanaṃ parinibbānaparikammanti adhippetaṃ. Theroti anuruddhatthero.
аяамби жаад̇и яат̇аавуд̇д̇абан̃жасадтияаа жхаанаанам̣ самаабаннагат̇ааби сан̇кзбагат̇аа зва. гасмаа? яасмаа бхаг̇аваа д̇ад̣̇аа д̣̇звасигам̣ вал̣ан̃ж̇анасамаабад̇д̇ияо саб̣б̣ааби абарихаабзд̇ваа самаабаж̇ж̇и зваад̇и д̣̇ассзнд̇о ‘‘ниб̣б̣аанабурам̣ бависанд̇о’’д̇иаад̣̇имааха. жад̇увийсад̇и…бз… бависид̇ваад̇и зд̇т̇а гзжи д̇аава ааху ‘‘бхаг̇аваа д̣̇звасигам̣ д̣̇ваад̣̇асагодисад̇асахассагкад̇д̇ум̣ махаагарун̣аасамаабад̇д̇им̣ самаабаж̇ж̇ад̇и, д̣̇ваад̣̇асагодисад̇асахассагкад̇д̇умзва паласамаабад̇д̇им̣ самаабаж̇ж̇ад̇и, д̇асмаа д̇ад̣̇ааби жад̇увийсад̇игодисад̇асахассасан̇каа самаабад̇д̇ияо самаабаж̇ж̇ад̇и. вуд̇д̇ан̃хзд̇ам̣ бхаг̇авад̇аа ‘д̇ат̇ааг̇ад̇ам̣, бхигкавз, араханд̇ам̣ саммаасамб̣уд̣̇д̇хам̣ д̣̇вз вид̇аггаа б̣ахулам̣ самуд̣̇аажаранд̇и кзмо жа вид̇агго бавивзго жа вид̇агго’д̇и (ид̇иву. 38). кзмо хи вид̇агго бхаг̇авад̇о махаагарун̣аасамаабад̇д̇им̣ буурзд̇ваа тид̇о, бавивзгавид̇агго арахад̇д̇апаласамаабад̇д̇им̣. б̣уд̣̇д̇хаанам̣ хи бхаван̇г̇абариваасо лахуго мад̇т̇агаббад̇д̇о самаабад̇д̇ийсу васийбхааво, д̇асмаа самаабаж̇ж̇анавудтаанаани гад̇ибаяажид̇д̇агкан̣зхзва иж̇жханд̇и. бан̃жа руубааважарасамаабад̇д̇ияо жад̇ассо аруубасамаабад̇д̇ияо аббаман̃н̃аасамаабад̇д̇ияаа сад̣̇д̇хим̣ нирод̇хасамаабад̇д̇и арахад̇д̇апаласамаабад̇д̇и жаад̇и д̣̇ваад̣̇асзд̇аа самаабад̇д̇ияо бхаг̇аваа бажжзгам̣ д̣̇ивасз д̣̇ивасз годисад̇асахассагкад̇д̇ум̣ бурзбхад̇д̇ам̣ самаабаж̇ж̇ад̇и, д̇ат̇аа бажчаабхад̇д̇анд̇и звам̣ жад̇увийсад̇игодисад̇асахассасан̇каа д̣̇звасигам̣ вал̣ан̃ж̇анагагасин̣асамаабад̇д̇ияо’’д̇и.
Ayampi cāti yathāvuttapañcasaṭṭhiyā jhānānaṃ samāpannakathāpi saṅkhepakathā eva. Kasmā? Yasmā bhagavā tadā devasikaṃ vaḷañjanasamāpattiyo sabbāpi aparihāpetvā samāpajji evāti dassento ‘‘nibbānapuraṃ pavisanto’’tiādimāha. Catuvīsati…pe… pavisitvāti ettha keci tāva āhu ‘‘bhagavā devasikaṃ dvādasakoṭisatasahassakkhattuṃ mahākaruṇāsamāpattiṃ samāpajjati, dvādasakoṭisatasahassakkhattumeva phalasamāpattiṃ samāpajjati, tasmā tadāpi catuvīsatikoṭisatasahassasaṅkhā samāpattiyo samāpajjati. Vuttañhetaṃ bhagavatā ‘tathāgataṃ, bhikkhave, arahantaṃ sammāsambuddhaṃ dve vitakkā bahulaṃ samudācaranti khemo ca vitakko paviveko ca vitakko’ti (itivu. 38). Khemo hi vitakko bhagavato mahākaruṇāsamāpattiṃ pūretvā ṭhito, pavivekavitakko arahattaphalasamāpattiṃ. Buddhānaṃ hi bhavaṅgaparivāso lahuko matthakappatto samāpattīsu vasībhāvo, tasmā samāpajjanavuṭṭhānāni katipayacittakkhaṇeheva ijjhanti. Pañca rūpāvacarasamāpattiyo catasso arūpasamāpattiyo appamaññāsamāpattiyā saddhiṃ nirodhasamāpatti arahattaphalasamāpatti cāti dvādasetā samāpattiyo bhagavā paccekaṃ divase divase koṭisatasahassakkhattuṃ purebhattaṃ samāpajjati, tathā pacchābhattanti evaṃ catuvīsatikoṭisatasahassasaṅkhā devasikaṃ vaḷañjanakakasiṇasamāpattiyo’’ti.
абарз банааху ‘‘яам̣ д̇ам̣ бхаг̇авад̇аа абхисамб̣од̇хид̣̇ивасз бажчимаяаамз бадижжасамуббаад̣̇ан̇г̇амукзна бадиломанаязна ж̇араамаран̣ад̇о бадтааяа н̃аан̣ам̣ од̇аарзд̇ваа анубад̣̇ад̇хаммавибассанам̣ аарабханд̇зна яат̇аа наама бурисо сувид̣̇уг̇г̇ам̣ махааг̇аханам̣ махааванам̣ чинд̣̇анд̇о анд̇аранд̇араа нисаанасилааяам̣ парасум̣ нисид̇ам̣ гарод̇и, звамзвам̣ нисаанасилаасад̣̇исияо самаабад̇д̇ияо анд̇аранд̇араа самаабаж̇ж̇ид̇ваа н̃аан̣асса д̇игкависад̣̇абхаавам̣ самбаад̣̇зд̇ум̣ ануломабадиломад̇о бажжзгам̣ бадижжасамуббаад̣̇ан̇г̇зсу лагкагодисамаабад̇д̇исамаабаж̇ж̇анавасзна саммасанан̃аан̣ам̣ бавад̇д̇зд̇и, д̇ад̣̇анусаарзна бхаг̇аваа б̣уд̣̇д̇хабхууд̇оби ануломабадиломад̇о бадижжасамуббаад̣̇ан̇г̇амукзна вибассанаавасзна д̣̇ивасз д̣̇ивасз лагкагодипаласамаабад̇д̇ияо самаабаж̇ж̇ад̇и, д̇ам̣ санд̇хааяа вуд̇д̇ам̣, ‘жад̇увийсад̇игодисад̇асахассасан̇каа самаабад̇д̇ияо бависид̇ваа’’’д̇и.
Apare panāhu ‘‘yaṃ taṃ bhagavatā abhisambodhidivase pacchimayāme paṭiccasamuppādaṅgamukhena paṭilomanayena jarāmaraṇato paṭṭhāya ñāṇaṃ otāretvā anupadadhammavipassanaṃ ārabhantena yathā nāma puriso suviduggaṃ mahāgahanaṃ mahāvanaṃ chindanto antarantarā nisānasilāyaṃ pharasuṃ nisitaṃ karoti, evamevaṃ nisānasilāsadisiyo samāpattiyo antarantarā samāpajjitvā ñāṇassa tikkhavisadabhāvaṃ sampādetuṃ anulomapaṭilomato paccekaṃ paṭiccasamuppādaṅgesu lakkhakoṭisamāpattisamāpajjanavasena sammasanañāṇaṃ pavatteti, tadanusārena bhagavā buddhabhūtopi anulomapaṭilomato paṭiccasamuppādaṅgamukhena vipassanāvasena divase divase lakkhakoṭiphalasamāpattiyo samāpajjati, taṃ sandhāya vuttaṃ, ‘catuvīsatikoṭisatasahassasaṅkhā samāpattiyo pavisitvā’’’ti.
имаани д̣̇взби самананд̇араанзва бажжавзгкан̣ааяаби язбхуяязна наананд̇арияагад̇ааяа жхаанабагкигабхаавад̇о. яасмаа саб̣б̣абажчимам̣ бхаван̇г̇ажид̇д̇ам̣ д̇ад̇о д̇ад̇о жаванад̇о ‘‘жуд̇ий’’д̇и вужжад̇и , д̇асмаа на гзвалам̣ аяамзва бхаг̇аваа, ат̇а ко саб̣б̣зби сад̇д̇аа бхаван̇г̇ажид̇д̇знзва жаванд̇ийд̇и д̣̇ассзд̇ум̣ ‘‘яз хи гзжий’’д̇иаад̣̇и вуд̇д̇ам̣. д̣̇угкасажжзнаад̇и д̣̇угкасажжабарияаабаннзна жуд̇ижид̇д̇зна гаалам̣ гаалагирияам̣ гаронд̇и баабун̣анд̇и, гаалаг̇аманад̇о ваа гаронд̇и бзжжаад̇и.
Imāni dvepi samanantarāneva paccavekkhaṇāyapi yebhuyyena nānantariyakatāya jhānapakkhikabhāvato. Yasmā sabbapacchimaṃ bhavaṅgacittaṃ tato tato cavanato ‘‘cutī’’ti vuccati , tasmā na kevalaṃ ayameva bhagavā, atha kho sabbepi sattā bhavaṅgacitteneva cavantīti dassetuṃ ‘‘ye hi kecī’’tiādi vuttaṃ. Dukkhasaccenāti dukkhasaccapariyāpannena cuticittena kālaṃ kālakiriyaṃ karonti pāpuṇanti, kālagamanato vā karonti peccāti.
бадибхааг̇абуг̇г̇алавирахид̇о сийлаад̣̇иг̇ун̣зхи асад̣̇исад̇ааяа сад̣̇исабуг̇г̇аларахид̇о. сан̇каараа вуубасамманд̇и зд̇т̇аад̇и вуубасамод̇и звам̣ сан̇каад̇ам̣ н̃аад̇ам̣ гат̇ид̇ам̣ ниб̣б̣аанамзва суканд̇и. ломахам̣санагод̇и ломаанам̣ хадтабхааваабаад̣̇ано. бхим̣санагод̇и авийд̇арааг̇аанам̣ бхаяаж̇анаго ааси ахоси. саб̣б̣аагааравараг̇ун̣уубзд̇зд̇и саб̣б̣зхи аагаараварзхи уд̇д̇амагааран̣зхи сийлаад̣̇иг̇ун̣зхи саманнааг̇ад̇з. асан̇гудид̇знаад̇и агудид̇зна вибпааригаабхаавад̇о. сувигасид̇знзваад̇и бийд̇исоманассаяог̇ад̇о судту вигасид̇зна. взд̣̇анам̣ ад̇хиваасзси сабхаавасамуд̣̇аяаад̣̇ид̇о судту бан̃н̃аад̇ад̇д̇аа. анааваран̣авимогко саб̣б̣асо ниб̣б̣ид̣̇абхааво. д̇знааха ‘‘абан̃н̃ад̇д̇ибхаавуубаг̇амо’’д̇и. баж̇ж̇од̇аниб̣б̣аанасад̣̇исод̇и бад̣̇ийбасса ниб̣б̣аанасад̣̇исо д̇ад̇т̇а вилийяид̇ваа авадтаанаабхаавад̇о.
Paṭibhāgapuggalavirahito sīlādiguṇehi asadisatāya sadisapuggalarahito. Saṅkhārā vūpasammanti etthāti vūpasamoti evaṃ saṅkhātaṃ ñātaṃ kathitaṃ nibbānameva sukhanti. Lomahaṃsanakoti lomānaṃ haṭṭhabhāvāpādano. Bhiṃsanakoti avītarāgānaṃ bhayajanako āsi ahosi. Sabbākāravaraguṇūpeteti sabbehi ākāravarehi uttamakāraṇehi sīlādiguṇehi samannāgate. Asaṅkuṭitenāti akuṭitena vipphārikābhāvato. Suvikasitenevāti pītisomanassayogato suṭṭhu vikasitena. Vedanaṃ adhivāsesi sabhāvasamudayādito suṭṭhu paññātattā. Anāvaraṇavimokkho sabbaso nibbidabhāvo. Tenāha ‘‘apaññattibhāvūpagamo’’ti. Pajjotanibbānasadisoti padīpassa nibbānasadiso tattha vilīyitvā avaṭṭhānābhāvato.
бариниб̣б̣аанасуд̇д̇аван̣н̣анаа нидтид̇аа.
Parinibbānasuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
б̣рахмасам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Brahmasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. бариниб̣б̣аанасуд̇д̇ам̣ • 5. Parinibbānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. бариниб̣б̣аанасуд̇д̇аван̣н̣анаа • 5. Parinibbānasuttavaṇṇanā
