| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. பரிஞ்ஞஸுத்தங்
2. Pariññasuttaṃ
23. ஸாவத்தி²னிதா³னங். ‘‘பரிஞ்ஞெய்யே ச, பி⁴க்க²வே, த⁴ம்மே தே³ஸெஸ்ஸாமி பரிஞ்ஞஞ்ச. தங் ஸுணாத². கதமே ச, பி⁴க்க²வே, பரிஞ்ஞெய்யா த⁴ம்மா? ரூபங், பி⁴க்க²வே, பரிஞ்ஞெய்யோ த⁴ம்மோ, வேத³னா பரிஞ்ஞெய்யோ த⁴ம்மோ, ஸஞ்ஞா பரிஞ்ஞெய்யோ த⁴ம்மோ, ஸங்கா²ரா பரிஞ்ஞெய்யோ த⁴ம்மோ, விஞ்ஞாணங் பரிஞ்ஞெய்யோ த⁴ம்மோ . இமே வுச்சந்தி, பி⁴க்க²வே, பரிஞ்ஞெய்யா த⁴ம்மா. கதமா ச, பி⁴க்க²வே, பரிஞ்ஞா? யோ, பி⁴க்க²வே, ராக³க்க²யோ தோ³ஸக்க²யோ மோஹக்க²யோ. அயங் வுச்சதி, பி⁴க்க²வே, பரிஞ்ஞா’’தி. து³தியங்.
23. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo, vedanā pariññeyyo dhammo, saññā pariññeyyo dhammo, saṅkhārā pariññeyyo dhammo, viññāṇaṃ pariññeyyo dhammo . Ime vuccanti, bhikkhave, pariññeyyā dhammā. Katamā ca, bhikkhave, pariññā? Yo, bhikkhave, rāgakkhayo dosakkhayo mohakkhayo. Ayaṃ vuccati, bhikkhave, pariññā’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பரிஞ்ஞஸுத்தவண்ணனா • 2. Pariññasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பரிஞ்ஞஸுத்தவண்ணனா • 2. Pariññasuttavaṇṇanā
