| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. பரிஞ்ஞெய்யஸுத்தங்
4. Pariññeyyasuttaṃ
106. ஸாவத்தி²னிதா³னங். ‘‘பரிஞ்ஞெய்யே ச, பி⁴க்க²வே, த⁴ம்மே தே³ஸெஸ்ஸாமி பரிஞ்ஞஞ்ச பரிஞ்ஞாதாவிஞ்ச புக்³க³லங். தங் ஸுணாத². கதமே ச, பி⁴க்க²வே, பரிஞ்ஞெய்யா த⁴ம்மா? ரூபங், பி⁴க்க²வே, பரிஞ்ஞெய்யோ த⁴ம்மோ. வேத³னா…பே॰… ஸஞ்ஞா… ஸங்கா²ரா… விஞ்ஞாணங் பரிஞ்ஞெய்யோ த⁴ம்மோ. இமே வுச்சந்தி, பி⁴க்க²வே, பரிஞ்ஞெய்யா த⁴ம்மா. கதமா ச, பி⁴க்க²வே, பரிஞ்ஞா? ராக³க்க²யோ, தோ³ஸக்க²யோ, மோஹக்க²யோ – அயங் வுச்சதி, பி⁴க்க²வே, பரிஞ்ஞா. கதமோ ச, பி⁴க்க²வே, பரிஞ்ஞாதாவீ புக்³க³லோ? அரஹாதிஸ்ஸ வசனீயங். ய்வாயங் ஆயஸ்மா ஏவங்னாமோ ஏவங்கொ³த்தோ – அயங் வுச்சதி, பி⁴க்க²வே, பரிஞ்ஞாதாவீ புக்³க³லோ’’தி. சதுத்த²ங்.
106. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca pariññātāviñca puggalaṃ. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo. Vedanā…pe… saññā… saṅkhārā… viññāṇaṃ pariññeyyo dhammo. Ime vuccanti, bhikkhave, pariññeyyā dhammā. Katamā ca, bhikkhave, pariññā? Rāgakkhayo, dosakkhayo, mohakkhayo – ayaṃ vuccati, bhikkhave, pariññā. Katamo ca, bhikkhave, pariññātāvī puggalo? Arahātissa vacanīyaṃ. Yvāyaṃ āyasmā evaṃnāmo evaṃgotto – ayaṃ vuccati, bhikkhave, pariññātāvī puggalo’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. பரிஞ்ஞெய்யஸுத்தவண்ணனா • 4. Pariññeyyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பரிஞ்ஞெய்யஸுத்தவண்ணனா • 4. Pariññeyyasuttavaṇṇanā
