| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. পরিঞ্ঞেয্যসুত্তং
9. Pariññeyyasuttaṃ
১০৯৯. ‘‘চত্তারিমানি , ভিক্খৰে, অরিযসচ্চানি। কতমানি চত্তারি? দুক্খং অরিযসচ্চং, দুক্খসমুদযং অরিযসচ্চং, দুক্খনিরোধং অরিযসচ্চং, দুক্খনিরোধগামিনী পটিপদা অরিযসচ্চং – ইমানি খো, ভিক্খৰে, চত্তারি অরিযসচ্চানি। ইমেসং খো, ভিক্খৰে, চতুন্নং অরিযসচ্চানং অত্থি অরিযসচ্চং পরিঞ্ঞেয্যং, অত্থি অরিযসচ্চং পহাতব্বং, অত্থি অরিযসচ্চং সচ্ছিকাতব্বং, অত্থি অরিযসচ্চং ভাৰেতব্বং।
1099. ‘‘Cattārimāni , bhikkhave, ariyasaccāni. Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ – imāni kho, bhikkhave, cattāri ariyasaccāni. Imesaṃ kho, bhikkhave, catunnaṃ ariyasaccānaṃ atthi ariyasaccaṃ pariññeyyaṃ, atthi ariyasaccaṃ pahātabbaṃ, atthi ariyasaccaṃ sacchikātabbaṃ, atthi ariyasaccaṃ bhāvetabbaṃ.
‘‘কতমঞ্চ, ভিক্খৰে, অরিযসচ্চং পরিঞ্ঞেয্যং? দুক্খং, ভিক্খৰে, অরিযসচ্চং পরিঞ্ঞেয্যং, দুক্খসমুদযং অরিযসচ্চং পহাতব্বং, দুক্খনিরোধং অরিযসচ্চং সচ্ছিকাতব্বং, দুক্খনিরোধগামিনী পটিপদা অরিযসচ্চং ভাৰেতব্বং।
‘‘Katamañca, bhikkhave, ariyasaccaṃ pariññeyyaṃ? Dukkhaṃ, bhikkhave, ariyasaccaṃ pariññeyyaṃ, dukkhasamudayaṃ ariyasaccaṃ pahātabbaṃ, dukkhanirodhaṃ ariyasaccaṃ sacchikātabbaṃ, dukkhanirodhagāminī paṭipadā ariyasaccaṃ bhāvetabbaṃ.
‘‘তস্মাতিহ, ভিক্খৰে, ‘ইদং দুক্খ’ন্তি যোগো করণীযো…পে॰… ‘অযং দুক্খনিরোধগামিনী পটিপদা’তি যোগো করণীযো’’তি। নৰমং।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
