| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๔. ปริเญฺญยฺยสุตฺตํ
4. Pariññeyyasuttaṃ
๑๐๖. สาวตฺถินิทานํฯ ‘‘ปริเญฺญเยฺย จ, ภิกฺขเว, ธเมฺม เทเสสฺสามิ ปริญฺญญฺจ ปริญฺญาตาวิญฺจ ปุคฺคลํฯ ตํ สุณาถฯ กตเม จ, ภิกฺขเว, ปริเญฺญยฺยา ธมฺมา? รูปํ, ภิกฺขเว, ปริเญฺญโยฺย ธโมฺมฯ เวทนา…เป.… สญฺญา… สงฺขารา… วิญฺญาณํ ปริเญฺญโยฺย ธโมฺมฯ อิเม วุจฺจนฺติ, ภิกฺขเว, ปริเญฺญยฺยา ธมฺมาฯ กตมา จ, ภิกฺขเว, ปริญฺญา? ราคกฺขโย, โทสกฺขโย, โมหกฺขโย – อยํ วุจฺจติ, ภิกฺขเว, ปริญฺญาฯ กตโม จ, ภิกฺขเว, ปริญฺญาตาวี ปุคฺคโล? อรหาติสฺส วจนียํฯ ยฺวายํ อายสฺมา เอวํนาโม เอวํโคโตฺต – อยํ วุจฺจติ, ภิกฺขเว, ปริญฺญาตาวี ปุคฺคโล’’ติฯ จตุตฺถํฯ
106. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca pariññātāviñca puggalaṃ. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo. Vedanā…pe… saññā… saṅkhārā… viññāṇaṃ pariññeyyo dhammo. Ime vuccanti, bhikkhave, pariññeyyā dhammā. Katamā ca, bhikkhave, pariññā? Rāgakkhayo, dosakkhayo, mohakkhayo – ayaṃ vuccati, bhikkhave, pariññā. Katamo ca, bhikkhave, pariññātāvī puggalo? Arahātissa vacanīyaṃ. Yvāyaṃ āyasmā evaṃnāmo evaṃgotto – ayaṃ vuccati, bhikkhave, pariññātāvī puggalo’’ti. Catutthaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. ปริเญฺญยฺยสุตฺตวณฺณนา • 4. Pariññeyyasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ปริเญฺญยฺยสุตฺตวณฺณนา • 4. Pariññeyyasuttavaṇṇanā
