| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. පරිඤ්‌ඤෙය්‍යසුත්‌තං
9. Pariññeyyasuttaṃ
1099. ‘‘චත්‌තාරිමානි , භික්‌ඛවෙ, අරියසච්‌චානි. කතමානි චත්‌තාරි? දුක්‌ඛං අරියසච්‌චං, දුක්‌ඛසමුදයං අරියසච්‌චං, දුක්‌ඛනිරොධං අරියසච්‌චං, දුක්‌ඛනිරොධගාමිනී පටිපදා අරියසච්‌චං – ඉමානි ඛො, භික්‌ඛවෙ, චත්‌තාරි අරියසච්‌චානි. ඉමෙසං ඛො, භික්‌ඛවෙ, චතුන්‌නං අරියසච්‌චානං අත්‌ථි අරියසච්‌චං පරිඤ්‌ඤෙය්‍යං, අත්‌ථි අරියසච්‌චං පහාතබ්‌බං, අත්‌ථි අරියසච්‌චං සච්‌ඡිකාතබ්‌බං, අත්‌ථි අරියසච්‌චං භාවෙතබ්‌බං.
1099. ‘‘Cattārimāni , bhikkhave, ariyasaccāni. Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ – imāni kho, bhikkhave, cattāri ariyasaccāni. Imesaṃ kho, bhikkhave, catunnaṃ ariyasaccānaṃ atthi ariyasaccaṃ pariññeyyaṃ, atthi ariyasaccaṃ pahātabbaṃ, atthi ariyasaccaṃ sacchikātabbaṃ, atthi ariyasaccaṃ bhāvetabbaṃ.
‘‘කතමඤ්‌ච, භික්‌ඛවෙ, අරියසච්‌චං පරිඤ්‌ඤෙය්‍යං? දුක්‌ඛං, භික්‌ඛවෙ, අරියසච්‌චං පරිඤ්‌ඤෙය්‍යං, දුක්‌ඛසමුදයං අරියසච්‌චං පහාතබ්‌බං, දුක්‌ඛනිරොධං අරියසච්‌චං සච්‌ඡිකාතබ්‌බං, දුක්‌ඛනිරොධගාමිනී පටිපදා අරියසච්‌චං භාවෙතබ්‌බං.
‘‘Katamañca, bhikkhave, ariyasaccaṃ pariññeyyaṃ? Dukkhaṃ, bhikkhave, ariyasaccaṃ pariññeyyaṃ, dukkhasamudayaṃ ariyasaccaṃ pahātabbaṃ, dukkhanirodhaṃ ariyasaccaṃ sacchikātabbaṃ, dukkhanirodhagāminī paṭipadā ariyasaccaṃ bhāvetabbaṃ.
‘‘තස්‌මාතිහ, භික්‌ඛවෙ, ‘ඉදං දුක්‌ඛ’න්‌ති යොගො කරණීයො…පෙ.… ‘අයං දුක්‌ඛනිරොධගාමිනී පටිපදා’ති යොගො කරණීයො’’ති. නවමං.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
