| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
9. பரிபாசிதஸிக்கா²பத³ங்
9. Paripācitasikkhāpadaṃ
192. நவமே மஹானாகே³ஸூதி மஹாஅரஹந்தேஸு திட்ட²மானேஸு ஸந்தேஸு, சேதகே பெஸ்ஸபூ⁴தே நவகே பி⁴க்கூ² நிமந்தேதீதி அதி⁴ப்பாயோ. இதரதா²தி விப⁴த்திவிபல்லாஸதோ வா பாட²ஸேஸதோ வா அஞ்ஞேன பகாரேன. அந்தரங் மஜ்ஜ²ங் பத்தா கதா² அந்தரகதா²தி த³ஸ்ஸெந்தோ ஆஹ ‘‘அவஸான’’ந்திஆதி³. பகிரீயித்தா²தி பகதா, ந பகதா விப்பகதாதி வுத்தே கரியமானகதா²வாதி ஆஹ ‘‘கரியமானா ஹோதீ’’தி. அத்³த⁴ச்சி²கேனாதி உபட்³ட⁴சக்கு²னா. தேஹீதி தே²ரேஹி.
192. Navame mahānāgesūti mahāarahantesu tiṭṭhamānesu santesu, cetake pessabhūte navake bhikkhū nimantetīti adhippāyo. Itarathāti vibhattivipallāsato vā pāṭhasesato vā aññena pakārena. Antaraṃ majjhaṃ pattā kathā antarakathāti dassento āha ‘‘avasāna’’ntiādi. Pakirīyitthāti pakatā, na pakatā vippakatāti vutte kariyamānakathāvāti āha ‘‘kariyamānā hotī’’ti. Addhacchikenāti upaḍḍhacakkhunā. Tehīti therehi.
194. லத்³த⁴ப்³ப³ந்தி லத்³தா⁴ரஹங். அஸ்ஸாதி ‘‘பி⁴க்கு²னிபரிபாசித’’ந்திபத³ஸ்ஸ. ஸம்மா ஆரபி⁴தப்³போ³தி ஸமாரம்போ⁴தி த³ஸ்ஸெந்தோ ஆஹ ‘‘ஸமாரத்³த⁴ங் வுச்சதீ’’தி. படியாதி³தஸ்ஸாதி பரிபாசிதஸ்ஸ ப⁴த்தஸ்ஸ. கி³ஹீனங் ஸமாரம்போ⁴தி கி³ஹிஸமாரம்போ⁴, கத்வத்தே² சேதங் ஸாமிவசனங். ததோதி ததோ ப⁴த்ததோ. அஞ்ஞத்ராதி வினா. தமத்த²ங் விவரந்தோ ஆஹ ‘‘தங் பிண்ட³பாதங் ட²பெத்வா’’தி. பத³பா⁴ஜனே பன வுத்தந்தி ஸம்ப³ந்தோ⁴. ‘‘ஞாதகபவாரிதேஹீ’’திபத³ங் ‘‘அஸமாரத்³தோ⁴’’திபதே³ கத்தா. அத்த²தோதி பி⁴க்கு²னிஅபரிபாசிதஅத்த²தோ. தஸ்மாதி யஸ்மா அத்த²தோ ஸமாரத்³தோ⁴வ ஹோதி, தஸ்மா.
194.Laddhabbanti laddhārahaṃ. Assāti ‘‘bhikkhuniparipācita’’ntipadassa. Sammā ārabhitabboti samārambhoti dassento āha ‘‘samāraddhaṃ vuccatī’’ti. Paṭiyāditassāti paripācitassa bhattassa. Gihīnaṃ samārambhoti gihisamārambho, katvatthe cetaṃ sāmivacanaṃ. Tatoti tato bhattato. Aññatrāti vinā. Tamatthaṃ vivaranto āha ‘‘taṃ piṇḍapātaṃ ṭhapetvā’’ti. Padabhājane pana vuttanti sambandho. ‘‘Ñātakapavāritehī’’tipadaṃ ‘‘asamāraddho’’tipade kattā. Atthatoti bhikkhuniaparipācitaatthato. Tasmāti yasmā atthato samāraddhova hoti, tasmā.
195. படியாதி³தந்தி படியத்தங். பகதியா படியத்தங் பகதிபடியத்தந்தி த³ஸ்ஸெந்தோ ஆஹ ‘‘பகதியா’’திஆதி³. மஹாபச்சரியங் பன வுத்தந்தி ஸம்ப³ந்தோ⁴. தஸ்ஸாதி தஸ்ஸேவ பி⁴க்கு²னோ. அஞ்ஞஸ்ஸாதி ததோ அஞ்ஞஸ்ஸ பி⁴க்கு²னோ.
195.Paṭiyāditanti paṭiyattaṃ. Pakatiyā paṭiyattaṃ pakatipaṭiyattanti dassento āha ‘‘pakatiyā’’tiādi. Mahāpaccariyaṃ pana vuttanti sambandho. Tassāti tasseva bhikkhuno. Aññassāti tato aññassa bhikkhuno.
197. பி⁴க்கு²னிபரிபாசிதேபீதி பிஸத்³தோ³ பி⁴க்கு²னிஅபரிபாசிதே கா நாம கதா²தி த³ஸ்ஸேதீதி. நவமங்.
197.Bhikkhuniparipācitepīti pisaddo bhikkhuniaparipācite kā nāma kathāti dassetīti. Navamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. பரிபாசிதஸிக்கா²பத³வண்ணனா • 9. Paripācitasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. பரிபாசிதஸிக்கா²பத³வண்ணனா • 9. Paripācitasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. பரிபாசிதஸிக்கா²பத³வண்ணனா • 9. Paripācitasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 9. பரிபாசிதஸிக்கா²பத³வண்ணனா • 9. Paripācitasikkhāpadavaṇṇanā
