| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
९. परिपाचितसिक्खापदं
9. Paripācitasikkhāpadaṃ
१९२. नवमे महानागेसूति महाअरहन्तेसु तिट्ठमानेसु सन्तेसु, चेतके पेस्सभूते नवके भिक्खू निमन्तेतीति अधिप्पायो। इतरथाति विभत्तिविपल्लासतो वा पाठसेसतो वा अञ्ञेन पकारेन। अन्तरं मज्झं पत्ता कथा अन्तरकथाति दस्सेन्तो आह ‘‘अवसान’’न्तिआदि। पकिरीयित्थाति पकता, न पकता विप्पकताति वुत्ते करियमानकथावाति आह ‘‘करियमाना होती’’ति। अद्धच्छिकेनाति उपड्ढचक्खुना। तेहीति थेरेहि।
192. Navame mahānāgesūti mahāarahantesu tiṭṭhamānesu santesu, cetake pessabhūte navake bhikkhū nimantetīti adhippāyo. Itarathāti vibhattivipallāsato vā pāṭhasesato vā aññena pakārena. Antaraṃ majjhaṃ pattā kathā antarakathāti dassento āha ‘‘avasāna’’ntiādi. Pakirīyitthāti pakatā, na pakatā vippakatāti vutte kariyamānakathāvāti āha ‘‘kariyamānā hotī’’ti. Addhacchikenāti upaḍḍhacakkhunā. Tehīti therehi.
१९४. लद्धब्बन्ति लद्धारहं। अस्साति ‘‘भिक्खुनिपरिपाचित’’न्तिपदस्स। सम्मा आरभितब्बोति समारम्भोति दस्सेन्तो आह ‘‘समारद्धं वुच्चती’’ति। पटियादितस्साति परिपाचितस्स भत्तस्स। गिहीनं समारम्भोति गिहिसमारम्भो, कत्वत्थे चेतं सामिवचनं। ततोति ततो भत्ततो। अञ्ञत्राति विना। तमत्थं विवरन्तो आह ‘‘तं पिण्डपातं ठपेत्वा’’ति। पदभाजने पन वुत्तन्ति सम्बन्धो। ‘‘ञातकपवारितेही’’तिपदं ‘‘असमारद्धो’’तिपदे कत्ता। अत्थतोति भिक्खुनिअपरिपाचितअत्थतो। तस्माति यस्मा अत्थतो समारद्धोव होति, तस्मा।
194.Laddhabbanti laddhārahaṃ. Assāti ‘‘bhikkhuniparipācita’’ntipadassa. Sammā ārabhitabboti samārambhoti dassento āha ‘‘samāraddhaṃ vuccatī’’ti. Paṭiyāditassāti paripācitassa bhattassa. Gihīnaṃ samārambhoti gihisamārambho, katvatthe cetaṃ sāmivacanaṃ. Tatoti tato bhattato. Aññatrāti vinā. Tamatthaṃ vivaranto āha ‘‘taṃ piṇḍapātaṃ ṭhapetvā’’ti. Padabhājane pana vuttanti sambandho. ‘‘Ñātakapavāritehī’’tipadaṃ ‘‘asamāraddho’’tipade kattā. Atthatoti bhikkhuniaparipācitaatthato. Tasmāti yasmā atthato samāraddhova hoti, tasmā.
१९५. पटियादितन्ति पटियत्तं। पकतिया पटियत्तं पकतिपटियत्तन्ति दस्सेन्तो आह ‘‘पकतिया’’तिआदि। महापच्चरियं पन वुत्तन्ति सम्बन्धो। तस्साति तस्सेव भिक्खुनो। अञ्ञस्साति ततो अञ्ञस्स भिक्खुनो।
195.Paṭiyāditanti paṭiyattaṃ. Pakatiyā paṭiyattaṃ pakatipaṭiyattanti dassento āha ‘‘pakatiyā’’tiādi. Mahāpaccariyaṃ pana vuttanti sambandho. Tassāti tasseva bhikkhuno. Aññassāti tato aññassa bhikkhuno.
१९७. भिक्खुनिपरिपाचितेपीति पिसद्दो भिक्खुनिअपरिपाचिते का नाम कथाति दस्सेतीति। नवमं।
197.Bhikkhuniparipācitepīti pisaddo bhikkhuniaparipācite kā nāma kathāti dassetīti. Navamaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ३. ओवादवग्गो • 3. Ovādavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / ९. परिपाचितसिक्खापदवण्णना • 9. Paripācitasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ९. परिपाचितसिक्खापदवण्णना • 9. Paripācitasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ९. परिपाचितसिक्खापदवण्णना • 9. Paripācitasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ९. परिपाचितसिक्खापदवण्णना • 9. Paripācitasikkhāpadavaṇṇanā
