| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๙. ปริปาจิตสิกฺขาปทํ
9. Paripācitasikkhāpadaṃ
๑๙๒. นวเม มหานาเคสูติ มหาอรหเนฺตสุ ติฎฺฐมาเนสุ สเนฺตสุ, เจตเก เปสฺสภูเต นวเก ภิกฺขู นิมเนฺตตีติ อธิปฺปาโยฯ อิตรถาติ วิภตฺติวิปลฺลาสโต วา ปาฐเสสโต วา อเญฺญน ปกาเรนฯ อนฺตรํ มชฺฌํ ปตฺตา กถา อนฺตรกถาติ ทเสฺสโนฺต อาห ‘‘อวสาน’’นฺติอาทิฯ ปกิรียิตฺถาติ ปกตา, น ปกตา วิปฺปกตาติ วุเตฺต กริยมานกถาวาติ อาห ‘‘กริยมานา โหตี’’ติฯ อทฺธจฺฉิเกนาติ อุปฑฺฒจกฺขุนาฯ เตหีติ เถเรหิฯ
192. Navame mahānāgesūti mahāarahantesu tiṭṭhamānesu santesu, cetake pessabhūte navake bhikkhū nimantetīti adhippāyo. Itarathāti vibhattivipallāsato vā pāṭhasesato vā aññena pakārena. Antaraṃ majjhaṃ pattā kathā antarakathāti dassento āha ‘‘avasāna’’ntiādi. Pakirīyitthāti pakatā, na pakatā vippakatāti vutte kariyamānakathāvāti āha ‘‘kariyamānā hotī’’ti. Addhacchikenāti upaḍḍhacakkhunā. Tehīti therehi.
๑๙๔. ลทฺธพฺพนฺติ ลทฺธารหํฯ อสฺสาติ ‘‘ภิกฺขุนิปริปาจิต’’นฺติปทสฺสฯ สมฺมา อารภิตโพฺพติ สมารโมฺภติ ทเสฺสโนฺต อาห ‘‘สมารทฺธํ วุจฺจตี’’ติฯ ปฎิยาทิตสฺสาติ ปริปาจิตสฺส ภตฺตสฺสฯ คิหีนํ สมารโมฺภติ คิหิสมารโมฺภ, กตฺวเตฺถ เจตํ สามิวจนํฯ ตโตติ ตโต ภตฺตโตฯ อญฺญตฺราติ วินาฯ ตมตฺถํ วิวรโนฺต อาห ‘‘ตํ ปิณฺฑปาตํ ฐเปตฺวา’’ติฯ ปทภาชเน ปน วุตฺตนฺติ สมฺพโนฺธฯ ‘‘ญาตกปวาริเตหี’’ติปทํ ‘‘อสมารโทฺธ’’ติปเท กตฺตาฯ อตฺถโตติ ภิกฺขุนิอปริปาจิตอตฺถโตฯ ตสฺมาติ ยสฺมา อตฺถโต สมารโทฺธว โหติ, ตสฺมาฯ
194.Laddhabbanti laddhārahaṃ. Assāti ‘‘bhikkhuniparipācita’’ntipadassa. Sammā ārabhitabboti samārambhoti dassento āha ‘‘samāraddhaṃ vuccatī’’ti. Paṭiyāditassāti paripācitassa bhattassa. Gihīnaṃ samārambhoti gihisamārambho, katvatthe cetaṃ sāmivacanaṃ. Tatoti tato bhattato. Aññatrāti vinā. Tamatthaṃ vivaranto āha ‘‘taṃ piṇḍapātaṃ ṭhapetvā’’ti. Padabhājane pana vuttanti sambandho. ‘‘Ñātakapavāritehī’’tipadaṃ ‘‘asamāraddho’’tipade kattā. Atthatoti bhikkhuniaparipācitaatthato. Tasmāti yasmā atthato samāraddhova hoti, tasmā.
๑๙๕. ปฎิยาทิตนฺติ ปฎิยตฺตํฯ ปกติยา ปฎิยตฺตํ ปกติปฎิยตฺตนฺติ ทเสฺสโนฺต อาห ‘‘ปกติยา’’ติอาทิฯ มหาปจฺจริยํ ปน วุตฺตนฺติ สมฺพโนฺธฯ ตสฺสาติ ตเสฺสว ภิกฺขุโนฯ อญฺญสฺสาติ ตโต อญฺญสฺส ภิกฺขุโนฯ
195.Paṭiyāditanti paṭiyattaṃ. Pakatiyā paṭiyattaṃ pakatipaṭiyattanti dassento āha ‘‘pakatiyā’’tiādi. Mahāpaccariyaṃ pana vuttanti sambandho. Tassāti tasseva bhikkhuno. Aññassāti tato aññassa bhikkhuno.
๑๙๗. ภิกฺขุนิปริปาจิเตปีติ ปิสโทฺท ภิกฺขุนิอปริปาจิเต กา นาม กถาติ ทเสฺสตีติฯ นวมํฯ
197.Bhikkhuniparipācitepīti pisaddo bhikkhuniaparipācite kā nāma kathāti dassetīti. Navamaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๓. โอวาทวโคฺค • 3. Ovādavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๙. ปริปาจิตสิกฺขาปทวณฺณนา • 9. Paripācitasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๙. ปริปาจิตสิกฺขาปทวณฺณนา • 9. Paripācitasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๙. ปริปาจิตสิกฺขาปทวณฺณนา • 9. Paripācitasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๙. ปริปาจิตสิกฺขาปทวณฺณนา • 9. Paripācitasikkhāpadavaṇṇanā
