| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೯. ಪರಿಪಾಚಿತಸಿಕ್ಖಾಪದಂ
9. Paripācitasikkhāpadaṃ
೧೯೨. ನವಮೇ ಮಹಾನಾಗೇಸೂತಿ ಮಹಾಅರಹನ್ತೇಸು ತಿಟ್ಠಮಾನೇಸು ಸನ್ತೇಸು, ಚೇತಕೇ ಪೇಸ್ಸಭೂತೇ ನವಕೇ ಭಿಕ್ಖೂ ನಿಮನ್ತೇತೀತಿ ಅಧಿಪ್ಪಾಯೋ। ಇತರಥಾತಿ ವಿಭತ್ತಿವಿಪಲ್ಲಾಸತೋ ವಾ ಪಾಠಸೇಸತೋ ವಾ ಅಞ್ಞೇನ ಪಕಾರೇನ। ಅನ್ತರಂ ಮಜ್ಝಂ ಪತ್ತಾ ಕಥಾ ಅನ್ತರಕಥಾತಿ ದಸ್ಸೇನ್ತೋ ಆಹ ‘‘ಅವಸಾನ’’ನ್ತಿಆದಿ। ಪಕಿರೀಯಿತ್ಥಾತಿ ಪಕತಾ, ನ ಪಕತಾ ವಿಪ್ಪಕತಾತಿ ವುತ್ತೇ ಕರಿಯಮಾನಕಥಾವಾತಿ ಆಹ ‘‘ಕರಿಯಮಾನಾ ಹೋತೀ’’ತಿ। ಅದ್ಧಚ್ಛಿಕೇನಾತಿ ಉಪಡ್ಢಚಕ್ಖುನಾ। ತೇಹೀತಿ ಥೇರೇಹಿ।
192. Navame mahānāgesūti mahāarahantesu tiṭṭhamānesu santesu, cetake pessabhūte navake bhikkhū nimantetīti adhippāyo. Itarathāti vibhattivipallāsato vā pāṭhasesato vā aññena pakārena. Antaraṃ majjhaṃ pattā kathā antarakathāti dassento āha ‘‘avasāna’’ntiādi. Pakirīyitthāti pakatā, na pakatā vippakatāti vutte kariyamānakathāvāti āha ‘‘kariyamānā hotī’’ti. Addhacchikenāti upaḍḍhacakkhunā. Tehīti therehi.
೧೯೪. ಲದ್ಧಬ್ಬನ್ತಿ ಲದ್ಧಾರಹಂ। ಅಸ್ಸಾತಿ ‘‘ಭಿಕ್ಖುನಿಪರಿಪಾಚಿತ’’ನ್ತಿಪದಸ್ಸ। ಸಮ್ಮಾ ಆರಭಿತಬ್ಬೋತಿ ಸಮಾರಮ್ಭೋತಿ ದಸ್ಸೇನ್ತೋ ಆಹ ‘‘ಸಮಾರದ್ಧಂ ವುಚ್ಚತೀ’’ತಿ। ಪಟಿಯಾದಿತಸ್ಸಾತಿ ಪರಿಪಾಚಿತಸ್ಸ ಭತ್ತಸ್ಸ। ಗಿಹೀನಂ ಸಮಾರಮ್ಭೋತಿ ಗಿಹಿಸಮಾರಮ್ಭೋ, ಕತ್ವತ್ಥೇ ಚೇತಂ ಸಾಮಿವಚನಂ। ತತೋತಿ ತತೋ ಭತ್ತತೋ। ಅಞ್ಞತ್ರಾತಿ ವಿನಾ। ತಮತ್ಥಂ ವಿವರನ್ತೋ ಆಹ ‘‘ತಂ ಪಿಣ್ಡಪಾತಂ ಠಪೇತ್ವಾ’’ತಿ। ಪದಭಾಜನೇ ಪನ ವುತ್ತನ್ತಿ ಸಮ್ಬನ್ಧೋ। ‘‘ಞಾತಕಪವಾರಿತೇಹೀ’’ತಿಪದಂ ‘‘ಅಸಮಾರದ್ಧೋ’’ತಿಪದೇ ಕತ್ತಾ। ಅತ್ಥತೋತಿ ಭಿಕ್ಖುನಿಅಪರಿಪಾಚಿತಅತ್ಥತೋ। ತಸ್ಮಾತಿ ಯಸ್ಮಾ ಅತ್ಥತೋ ಸಮಾರದ್ಧೋವ ಹೋತಿ, ತಸ್ಮಾ।
194.Laddhabbanti laddhārahaṃ. Assāti ‘‘bhikkhuniparipācita’’ntipadassa. Sammā ārabhitabboti samārambhoti dassento āha ‘‘samāraddhaṃ vuccatī’’ti. Paṭiyāditassāti paripācitassa bhattassa. Gihīnaṃ samārambhoti gihisamārambho, katvatthe cetaṃ sāmivacanaṃ. Tatoti tato bhattato. Aññatrāti vinā. Tamatthaṃ vivaranto āha ‘‘taṃ piṇḍapātaṃ ṭhapetvā’’ti. Padabhājane pana vuttanti sambandho. ‘‘Ñātakapavāritehī’’tipadaṃ ‘‘asamāraddho’’tipade kattā. Atthatoti bhikkhuniaparipācitaatthato. Tasmāti yasmā atthato samāraddhova hoti, tasmā.
೧೯೫. ಪಟಿಯಾದಿತನ್ತಿ ಪಟಿಯತ್ತಂ। ಪಕತಿಯಾ ಪಟಿಯತ್ತಂ ಪಕತಿಪಟಿಯತ್ತನ್ತಿ ದಸ್ಸೇನ್ತೋ ಆಹ ‘‘ಪಕತಿಯಾ’’ತಿಆದಿ। ಮಹಾಪಚ್ಚರಿಯಂ ಪನ ವುತ್ತನ್ತಿ ಸಮ್ಬನ್ಧೋ। ತಸ್ಸಾತಿ ತಸ್ಸೇವ ಭಿಕ್ಖುನೋ। ಅಞ್ಞಸ್ಸಾತಿ ತತೋ ಅಞ್ಞಸ್ಸ ಭಿಕ್ಖುನೋ।
195.Paṭiyāditanti paṭiyattaṃ. Pakatiyā paṭiyattaṃ pakatipaṭiyattanti dassento āha ‘‘pakatiyā’’tiādi. Mahāpaccariyaṃ pana vuttanti sambandho. Tassāti tasseva bhikkhuno. Aññassāti tato aññassa bhikkhuno.
೧೯೭. ಭಿಕ್ಖುನಿಪರಿಪಾಚಿತೇಪೀತಿ ಪಿಸದ್ದೋ ಭಿಕ್ಖುನಿಅಪರಿಪಾಚಿತೇ ಕಾ ನಾಮ ಕಥಾತಿ ದಸ್ಸೇತೀತಿ। ನವಮಂ।
197.Bhikkhuniparipācitepīti pisaddo bhikkhuniaparipācite kā nāma kathāti dassetīti. Navamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೩. ಓವಾದವಗ್ಗೋ • 3. Ovādavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೯. ಪರಿಪಾಚಿತಸಿಕ್ಖಾಪದವಣ್ಣನಾ • 9. Paripācitasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೯. ಪರಿಪಾಚಿತಸಿಕ್ಖಾಪದವಣ್ಣನಾ • 9. Paripācitasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ೯. ಪರಿಪಾಚಿತಸಿಕ್ಖಾಪದವಣ್ಣನಾ • 9. Paripācitasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೯. ಪರಿಪಾಚಿತಸಿಕ್ಖಾಪದವಣ್ಣನಾ • 9. Paripācitasikkhāpadavaṇṇanā
