| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༩. པརིཔཱཙིཏསིཀྑཱཔདཾ
9. Paripācitasikkhāpadaṃ
༡༩༢. ནཝམེ མཧཱནཱགེསཱུཏི མཧཱཨརཧནྟེསུ ཏིཊྛམཱནེསུ སནྟེསུ, ཙེཏཀེ པེསྶབྷཱུཏེ ནཝཀེ བྷིཀྑཱུ ནིམནྟེཏཱིཏི ཨདྷིཔྤཱཡོ། ཨིཏརཐཱཏི ཝིབྷཏྟིཝིཔལླཱསཏོ ཝཱ པཱཋསེསཏོ ཝཱ ཨཉྙེན པཀཱརེན། ཨནྟརཾ མཛ྄ཛྷཾ པཏྟཱ ཀཐཱ ཨནྟརཀཐཱཏི དསྶེནྟོ ཨཱཧ ‘‘ཨཝསཱན’’ནྟིཨཱདི། པཀིརཱིཡིཏྠཱཏི པཀཏཱ, ན པཀཏཱ ཝིཔྤཀཏཱཏི ཝུཏྟེ ཀརིཡམཱནཀཐཱཝཱཏི ཨཱཧ ‘‘ཀརིཡམཱནཱ ཧོཏཱི’’ཏི། ཨདྡྷཙྪིཀེནཱཏི ཨུཔཌྜྷཙཀྑུནཱ། ཏེཧཱིཏི ཐེརེཧི།
192. Navame mahānāgesūti mahāarahantesu tiṭṭhamānesu santesu, cetake pessabhūte navake bhikkhū nimantetīti adhippāyo. Itarathāti vibhattivipallāsato vā pāṭhasesato vā aññena pakārena. Antaraṃ majjhaṃ pattā kathā antarakathāti dassento āha ‘‘avasāna’’ntiādi. Pakirīyitthāti pakatā, na pakatā vippakatāti vutte kariyamānakathāvāti āha ‘‘kariyamānā hotī’’ti. Addhacchikenāti upaḍḍhacakkhunā. Tehīti therehi.
༡༩༤. ལདྡྷབྦནྟི ལདྡྷཱརཧཾ། ཨསྶཱཏི ‘‘བྷིཀྑུནིཔརིཔཱཙིཏ’’ནྟིཔདསྶ། སམྨཱ ཨཱརབྷིཏབྦོཏི སམཱརམྦྷོཏི དསྶེནྟོ ཨཱཧ ‘‘སམཱརདྡྷཾ ཝུཙྩཏཱི’’ཏི། པཊིཡཱདིཏསྶཱཏི པརིཔཱཙིཏསྶ བྷཏྟསྶ། གིཧཱིནཾ སམཱརམྦྷོཏི གིཧིསམཱརམྦྷོ, ཀཏྭཏྠེ ཙེཏཾ སཱམིཝཙནཾ། ཏཏོཏི ཏཏོ བྷཏྟཏོ། ཨཉྙཏྲཱཏི ཝིནཱ། ཏམཏྠཾ ཝིཝརནྟོ ཨཱཧ ‘‘ཏཾ པིཎྜཔཱཏཾ ཋཔེཏྭཱ’’ཏི། པདབྷཱཛནེ པན ཝུཏྟནྟི སམྦནྡྷོ། ‘‘ཉཱཏཀཔཝཱརིཏེཧཱི’’ཏིཔདཾ ‘‘ཨསམཱརདྡྷོ’’ཏིཔདེ ཀཏྟཱ། ཨཏྠཏོཏི བྷིཀྑུནིཨཔརིཔཱཙིཏཨཏྠཏོ། ཏསྨཱཏི ཡསྨཱ ཨཏྠཏོ སམཱརདྡྷོཝ ཧོཏི, ཏསྨཱ།
194.Laddhabbanti laddhārahaṃ. Assāti ‘‘bhikkhuniparipācita’’ntipadassa. Sammā ārabhitabboti samārambhoti dassento āha ‘‘samāraddhaṃ vuccatī’’ti. Paṭiyāditassāti paripācitassa bhattassa. Gihīnaṃ samārambhoti gihisamārambho, katvatthe cetaṃ sāmivacanaṃ. Tatoti tato bhattato. Aññatrāti vinā. Tamatthaṃ vivaranto āha ‘‘taṃ piṇḍapātaṃ ṭhapetvā’’ti. Padabhājane pana vuttanti sambandho. ‘‘Ñātakapavāritehī’’tipadaṃ ‘‘asamāraddho’’tipade kattā. Atthatoti bhikkhuniaparipācitaatthato. Tasmāti yasmā atthato samāraddhova hoti, tasmā.
༡༩༥. པཊིཡཱདིཏནྟི པཊིཡཏྟཾ། པཀཏིཡཱ པཊིཡཏྟཾ པཀཏིཔཊིཡཏྟནྟི དསྶེནྟོ ཨཱཧ ‘‘པཀཏིཡཱ’’ཏིཨཱདི། མཧཱཔཙྩརིཡཾ པན ཝུཏྟནྟི སམྦནྡྷོ། ཏསྶཱཏི ཏསྶེཝ བྷིཀྑུནོ། ཨཉྙསྶཱཏི ཏཏོ ཨཉྙསྶ བྷིཀྑུནོ།
195.Paṭiyāditanti paṭiyattaṃ. Pakatiyā paṭiyattaṃ pakatipaṭiyattanti dassento āha ‘‘pakatiyā’’tiādi. Mahāpaccariyaṃ pana vuttanti sambandho. Tassāti tasseva bhikkhuno. Aññassāti tato aññassa bhikkhuno.
༡༩༧. བྷིཀྑུནིཔརིཔཱཙིཏེཔཱིཏི པིསདྡོ བྷིཀྑུནིཨཔརིཔཱཙིཏེ ཀཱ ནཱམ ཀཐཱཏི དསྶེཏཱིཏི། ནཝམཾ།
197.Bhikkhuniparipācitepīti pisaddo bhikkhuniaparipācite kā nāma kathāti dassetīti. Navamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༣. ཨོཝཱདཝགྒོ • 3. Ovādavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༩. པརིཔཱཙིཏསིཀྑཱཔདཝཎྞནཱ • 9. Paripācitasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༩. པརིཔཱཙིཏསིཀྑཱཔདཝཎྞནཱ • 9. Paripācitasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༩. པརིཔཱཙིཏསིཀྑཱཔདཝཎྞནཱ • 9. Paripācitasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༩. པརིཔཱཙིཏསིཀྑཱཔདཝཎྞནཱ • 9. Paripācitasikkhāpadavaṇṇanā
