| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੯. ਪਰਿਪਾਚਿਤਸਿਕ੍ਖਾਪਦਂ
9. Paripācitasikkhāpadaṃ
੧੯੨. ਨવਮੇ ਮਹਾਨਾਗੇਸੂਤਿ ਮਹਾਅਰਹਨ੍ਤੇਸੁ ਤਿਟ੍ਠਮਾਨੇਸੁ ਸਨ੍ਤੇਸੁ, ਚੇਤਕੇ ਪੇਸ੍ਸਭੂਤੇ ਨવਕੇ ਭਿਕ੍ਖੂ ਨਿਮਨ੍ਤੇਤੀਤਿ ਅਧਿਪ੍ਪਾਯੋ। ਇਤਰਥਾਤਿ વਿਭਤ੍ਤਿવਿਪਲ੍ਲਾਸਤੋ વਾ ਪਾਠਸੇਸਤੋ વਾ ਅਞ੍ਞੇਨ ਪਕਾਰੇਨ। ਅਨ੍ਤਰਂ ਮਜ੍ਝਂ ਪਤ੍ਤਾ ਕਥਾ ਅਨ੍ਤਰਕਥਾਤਿ ਦਸ੍ਸੇਨ੍ਤੋ ਆਹ ‘‘ਅવਸਾਨ’’ਨ੍ਤਿਆਦਿ। ਪਕਿਰੀਯਿਤ੍ਥਾਤਿ ਪਕਤਾ, ਨ ਪਕਤਾ વਿਪ੍ਪਕਤਾਤਿ વੁਤ੍ਤੇ ਕਰਿਯਮਾਨਕਥਾવਾਤਿ ਆਹ ‘‘ਕਰਿਯਮਾਨਾ ਹੋਤੀ’’ਤਿ। ਅਦ੍ਧਚ੍ਛਿਕੇਨਾਤਿ ਉਪਡ੍ਢਚਕ੍ਖੁਨਾ। ਤੇਹੀਤਿ ਥੇਰੇਹਿ।
192. Navame mahānāgesūti mahāarahantesu tiṭṭhamānesu santesu, cetake pessabhūte navake bhikkhū nimantetīti adhippāyo. Itarathāti vibhattivipallāsato vā pāṭhasesato vā aññena pakārena. Antaraṃ majjhaṃ pattā kathā antarakathāti dassento āha ‘‘avasāna’’ntiādi. Pakirīyitthāti pakatā, na pakatā vippakatāti vutte kariyamānakathāvāti āha ‘‘kariyamānā hotī’’ti. Addhacchikenāti upaḍḍhacakkhunā. Tehīti therehi.
੧੯੪. ਲਦ੍ਧਬ੍ਬਨ੍ਤਿ ਲਦ੍ਧਾਰਹਂ। ਅਸ੍ਸਾਤਿ ‘‘ਭਿਕ੍ਖੁਨਿਪਰਿਪਾਚਿਤ’’ਨ੍ਤਿਪਦਸ੍ਸ। ਸਮ੍ਮਾ ਆਰਭਿਤਬ੍ਬੋਤਿ ਸਮਾਰਮ੍ਭੋਤਿ ਦਸ੍ਸੇਨ੍ਤੋ ਆਹ ‘‘ਸਮਾਰਦ੍ਧਂ વੁਚ੍ਚਤੀ’’ਤਿ। ਪਟਿਯਾਦਿਤਸ੍ਸਾਤਿ ਪਰਿਪਾਚਿਤਸ੍ਸ ਭਤ੍ਤਸ੍ਸ। ਗਿਹੀਨਂ ਸਮਾਰਮ੍ਭੋਤਿ ਗਿਹਿਸਮਾਰਮ੍ਭੋ, ਕਤ੍વਤ੍ਥੇ ਚੇਤਂ ਸਾਮਿવਚਨਂ। ਤਤੋਤਿ ਤਤੋ ਭਤ੍ਤਤੋ। ਅਞ੍ਞਤ੍ਰਾਤਿ વਿਨਾ। ਤਮਤ੍ਥਂ વਿવਰਨ੍ਤੋ ਆਹ ‘‘ਤਂ ਪਿਣ੍ਡਪਾਤਂ ਠਪੇਤ੍વਾ’’ਤਿ। ਪਦਭਾਜਨੇ ਪਨ વੁਤ੍ਤਨ੍ਤਿ ਸਮ੍ਬਨ੍ਧੋ। ‘‘ਞਾਤਕਪવਾਰਿਤੇਹੀ’’ਤਿਪਦਂ ‘‘ਅਸਮਾਰਦ੍ਧੋ’’ਤਿਪਦੇ ਕਤ੍ਤਾ। ਅਤ੍ਥਤੋਤਿ ਭਿਕ੍ਖੁਨਿਅਪਰਿਪਾਚਿਤਅਤ੍ਥਤੋ। ਤਸ੍ਮਾਤਿ ਯਸ੍ਮਾ ਅਤ੍ਥਤੋ ਸਮਾਰਦ੍ਧੋવ ਹੋਤਿ, ਤਸ੍ਮਾ।
194.Laddhabbanti laddhārahaṃ. Assāti ‘‘bhikkhuniparipācita’’ntipadassa. Sammā ārabhitabboti samārambhoti dassento āha ‘‘samāraddhaṃ vuccatī’’ti. Paṭiyāditassāti paripācitassa bhattassa. Gihīnaṃ samārambhoti gihisamārambho, katvatthe cetaṃ sāmivacanaṃ. Tatoti tato bhattato. Aññatrāti vinā. Tamatthaṃ vivaranto āha ‘‘taṃ piṇḍapātaṃ ṭhapetvā’’ti. Padabhājane pana vuttanti sambandho. ‘‘Ñātakapavāritehī’’tipadaṃ ‘‘asamāraddho’’tipade kattā. Atthatoti bhikkhuniaparipācitaatthato. Tasmāti yasmā atthato samāraddhova hoti, tasmā.
੧੯੫. ਪਟਿਯਾਦਿਤਨ੍ਤਿ ਪਟਿਯਤ੍ਤਂ। ਪਕਤਿਯਾ ਪਟਿਯਤ੍ਤਂ ਪਕਤਿਪਟਿਯਤ੍ਤਨ੍ਤਿ ਦਸ੍ਸੇਨ੍ਤੋ ਆਹ ‘‘ਪਕਤਿਯਾ’’ਤਿਆਦਿ। ਮਹਾਪਚ੍ਚਰਿਯਂ ਪਨ વੁਤ੍ਤਨ੍ਤਿ ਸਮ੍ਬਨ੍ਧੋ। ਤਸ੍ਸਾਤਿ ਤਸ੍ਸੇવ ਭਿਕ੍ਖੁਨੋ। ਅਞ੍ਞਸ੍ਸਾਤਿ ਤਤੋ ਅਞ੍ਞਸ੍ਸ ਭਿਕ੍ਖੁਨੋ।
195.Paṭiyāditanti paṭiyattaṃ. Pakatiyā paṭiyattaṃ pakatipaṭiyattanti dassento āha ‘‘pakatiyā’’tiādi. Mahāpaccariyaṃ pana vuttanti sambandho. Tassāti tasseva bhikkhuno. Aññassāti tato aññassa bhikkhuno.
੧੯੭. ਭਿਕ੍ਖੁਨਿਪਰਿਪਾਚਿਤੇਪੀਤਿ ਪਿਸਦ੍ਦੋ ਭਿਕ੍ਖੁਨਿਅਪਰਿਪਾਚਿਤੇ ਕਾ ਨਾਮ ਕਥਾਤਿ ਦਸ੍ਸੇਤੀਤਿ। ਨવਮਂ।
197.Bhikkhuniparipācitepīti pisaddo bhikkhuniaparipācite kā nāma kathāti dassetīti. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੯. ਪਰਿਪਾਚਿਤਸਿਕ੍ਖਾਪਦવਣ੍ਣਨਾ • 9. Paripācitasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਪਰਿਪਾਚਿਤਸਿਕ੍ਖਾਪਦવਣ੍ਣਨਾ • 9. Paripācitasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਪਰਿਪਾਚਿਤਸਿਕ੍ਖਾਪਦવਣ੍ਣਨਾ • 9. Paripācitasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੯. ਪਰਿਪਾਚਿਤਸਿਕ੍ਖਾਪਦવਣ੍ਣਨਾ • 9. Paripācitasikkhāpadavaṇṇanā
