| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. барибаажид̇асигкаабад̣̇аван̣н̣анаа
9. Paripācitasikkhāpadavaṇṇanā
192. навамасигкаабад̣̇з – махаанааг̇з д̇идтамаанзд̇и бхуммад̇т̇з убаяог̇аважанам̣, махаанааг̇зсу д̇идтамаанзсууд̇и ад̇т̇о. ат̇а ваа махаанааг̇з д̇идтамаанз ‘‘ад̣̇исваа’’д̇и аяамзд̇т̇а баатасзсо д̣̇адтаб̣б̣о. ид̇арат̇аа хи ад̇т̇о на яуж̇ж̇ад̇и. анд̇араагат̇аад̇и авасаанам̣ аббад̇ваа аарамбхасса жа авасаанасса жа взмаж̇жхадтаанам̣ бад̇д̇агат̇аа. виббагад̇аад̇и гаяирамаанаа ход̇и. сажжам̣ махаанааг̇аа ко д̇аяаа г̇ахабад̇ийд̇и ад̣̇д̇хажчигзна ологаяамаанаа т̇зрз бависанд̇з д̣̇исваа д̇зхи суд̇абхаавам̣ н̃ад̇ваа звамааха.
192. Navamasikkhāpade – mahānāge tiṭṭhamāneti bhummatthe upayogavacanaṃ, mahānāgesu tiṭṭhamānesūti attho. Atha vā mahānāge tiṭṭhamāne ‘‘adisvā’’ti ayamettha pāṭhaseso daṭṭhabbo. Itarathā hi attho na yujjati. Antarākathāti avasānaṃ appatvā ārambhassa ca avasānassa ca vemajjhaṭṭhānaṃ pattakathā. Vippakatāti kayiramānā hoti. Saccaṃ mahānāgā kho tayā gahapatīti addhacchikena olokayamānā there pavisante disvā tehi sutabhāvaṃ ñatvā evamāha.
194. бхигкунибарибаажид̇анд̇и бхигкунияаа барибаажид̇ам̣, г̇ун̣аббагаасанзна нибпаад̣̇ид̇ам̣; лад̣̇д̇хаб̣б̣ам̣ гад̇анд̇и ад̇т̇о. бад̣̇абхааж̇анз банасса бхигкунин̃жа д̇ассаа барибаажанаагааран̃жа д̣̇ассзд̇ум̣ ‘‘бхигкуний наама убхад̇осан̇гхз убасамбаннаа, барибаажзд̇и наама буб̣б̣з ад̣̇аад̇угаамаана’’нд̇иаад̣̇и вуд̇д̇ам̣. буб̣б̣з г̇ихисамаарамбхаад̇и зд̇т̇а буб̣б̣зд̇и батамам̣. самаарамбход̇и самаарад̣̇д̇хам̣ вужжад̇и, бадияаад̣̇ид̇ассзд̇ам̣ ад̇хиважанам̣. г̇ихийнам̣ самаарамбхо г̇ихисамаарамбхо. бхигкунияаа барибаажанад̇о батамамзва яам̣ г̇ихийнам̣ бадияаад̣̇ид̇ам̣ бхад̇д̇ам̣, д̇ад̇о ан̃н̃ад̇ра д̇ам̣ бин̣д̣абаад̇ам̣ табзд̇ваа ан̃н̃ам̣ бхун̃ж̇анд̇асса аабад̇д̇и, д̇ам̣ бана бхун̃ж̇анд̇асса анаабад̇д̇ийд̇и вуд̇д̇ам̣ ход̇и. бад̣̇абхааж̇анз бана яасмаа н̃аад̇агабаваарид̇зхи бхигкуссад̇т̇ааяа асамаарад̣̇д̇хоби бин̣д̣абаад̇о ад̇т̇ад̇о самаарад̣̇д̇хова ход̇и, яат̇аасукам̣ аахараабзд̇аб̣б̣ад̇о, д̇асмаа б̣яан̃ж̇анам̣ анаад̣̇ияид̇ваа ад̇т̇амзва д̣̇ассзд̇ум̣ ‘‘г̇ихисамаарамбхо наама н̃аад̇агаа ваа хонд̇и баваарид̇аа ваа’’д̇и вуд̇д̇ам̣.
194.Bhikkhuniparipācitanti bhikkhuniyā paripācitaṃ, guṇappakāsanena nipphāditaṃ; laddhabbaṃ katanti attho. Padabhājane panassa bhikkhuniñca tassā paripācanākārañca dassetuṃ ‘‘bhikkhunī nāma ubhatosaṅghe upasampannā, paripāceti nāma pubbe adātukāmāna’’ntiādi vuttaṃ. Pubbe gihisamārambhāti ettha pubbeti paṭhamaṃ. Samārambhoti samāraddhaṃ vuccati, paṭiyāditassetaṃ adhivacanaṃ. Gihīnaṃ samārambho gihisamārambho. Bhikkhuniyā paripācanato paṭhamameva yaṃ gihīnaṃ paṭiyāditaṃ bhattaṃ, tato aññatra taṃ piṇḍapātaṃ ṭhapetvā aññaṃ bhuñjantassa āpatti, taṃ pana bhuñjantassa anāpattīti vuttaṃ hoti. Padabhājane pana yasmā ñātakapavāritehi bhikkhussatthāya asamāraddhopi piṇḍapāto atthato samāraddhova hoti, yathāsukhaṃ āharāpetabbato, tasmā byañjanaṃ anādiyitvā atthameva dassetuṃ ‘‘gihisamārambho nāma ñātakā vā honti pavāritā vā’’ti vuttaṃ.
195. багад̇ибадияад̇д̇анд̇и багад̇ияаа д̇ассзва бхигкуно ад̇т̇ааяа бадияаад̣̇ид̇ам̣ ход̇и ‘‘т̇зрасса д̣̇ассаамаа’’д̇и. махаабажжарияам̣ бана ‘‘д̇асса ан̃н̃ассаа’’д̇и авад̇ваа ‘‘бхигкуунам̣ д̣̇ассаамаад̇и бадияад̇д̇ам̣ ход̇ий’’д̇и ависзсзна вуд̇д̇ам̣.
195.Pakatipaṭiyattanti pakatiyā tasseva bhikkhuno atthāya paṭiyāditaṃ hoti ‘‘therassa dassāmā’’ti. Mahāpaccariyaṃ pana ‘‘tassa aññassā’’ti avatvā ‘‘bhikkhūnaṃ dassāmāti paṭiyattaṃ hotī’’ti avisesena vuttaṃ.
197. бан̃жа бхож̇анаани табзд̇ваа саб̣б̣ад̇т̇а анаабад̇д̇ийд̇и яааг̇укаж̇ж̇агапалаапалз саб̣б̣ад̇т̇а бхигкунибарибаажид̇зби анаабад̇д̇и. сзсам̣ уд̇д̇аанамзва. батамабаарааж̇игасамудтаанам̣ – гааяажид̇д̇ад̇о самудтаад̇и, гирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
197.Pañca bhojanāni ṭhapetvā sabbattha anāpattīti yāgukhajjakaphalāphale sabbattha bhikkhuniparipācitepi anāpatti. Sesaṃ uttānameva. Paṭhamapārājikasamuṭṭhānaṃ – kāyacittato samuṭṭhāti, kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, ticittaṃ, tivedananti.
барибаажид̇асигкаабад̣̇ам̣ навамам̣.
Paripācitasikkhāpadaṃ navamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. барибаажид̇асигкаабад̣̇аван̣н̣анаа • 9. Paripācitasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. барибаажид̇асигкаабад̣̇ам̣ • 9. Paripācitasikkhāpadaṃ
