| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
9. පරිපාචිතසික්‌ඛාපදවණ්‌ණනා
9. Paripācitasikkhāpadavaṇṇanā
194. නවමෙ පටියාදිතන්‌ති භික්‌ඛූනං අත්‌ථාය සම්‌පාදිතං. ඤාතකා වා හොන්‌ති පවාරිතා වාති එත්‌ථ සචෙපි භික්‌ඛුනො අඤ්‌ඤාතකා අප්‌පවාරිතා ච සියුං, භික්‌ඛුනියා ඤාතකා පවාරිතා චෙ, වට්‌ටති.
194. Navame paṭiyāditanti bhikkhūnaṃ atthāya sampāditaṃ. Ñātakā vā honti pavāritā vāti ettha sacepi bhikkhuno aññātakā appavāritā ca siyuṃ, bhikkhuniyā ñātakā pavāritā ce, vaṭṭati.
197. පාපභික්‌ඛූනං පක්‌ඛුපච්‌ඡෙදාය ඉදං පඤ්‌ඤත්‌තං, තස්‌මා පඤ්‌චභොජනෙයෙව ආපත්‌ති වුත්‌තා. පඤ්‌ච භොජනානි ඨපෙත්‌වා සබ්‌බත්‌ථ අනාපත්‌තීති ඉදං පන ඉමිනා සික්‌ඛාපදෙන අනාපත්‌තිදස්‌සනත්‌ථං වුත්‌තං. විඤ්‌ඤත්‌තියා උප්‌පන්‌නං පරිභුඤ්‌ජන්‌තස්‌ස හි අඤ්‌ඤත්‌ථ වුත්‌තනයෙන දුක්‌කටං. සෙසං උත්‌තානමෙව. භික්‌ඛුනිපරිපාචිතභාවො, ජානනං, ගිහිසමාරම්‌භාභාවො, ඔදනාදීනං අඤ්‌ඤතරතා, තස්‌ස අජ්‌ඣොහරණන්‌ති ඉමානි පනෙත්‌ථ පඤ්‌ච අඞ්‌ගානි.
197. Pāpabhikkhūnaṃ pakkhupacchedāya idaṃ paññattaṃ, tasmā pañcabhojaneyeva āpatti vuttā. Pañca bhojanāni ṭhapetvā sabbattha anāpattīti idaṃ pana iminā sikkhāpadena anāpattidassanatthaṃ vuttaṃ. Viññattiyā uppannaṃ paribhuñjantassa hi aññattha vuttanayena dukkaṭaṃ. Sesaṃ uttānameva. Bhikkhuniparipācitabhāvo, jānanaṃ, gihisamārambhābhāvo, odanādīnaṃ aññataratā, tassa ajjhoharaṇanti imāni panettha pañca aṅgāni.
පරිපාචිතසික්‌ඛාපදවණ්‌ණනා නිට්‌ඨිතා.
Paripācitasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 3. ඔවාදවග්‌ගො • 3. Ovādavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 9. පරිපාචිතසික්‌ඛාපදවණ්‌ණනා • 9. Paripācitasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 9. පරිපාචිතසික්‌ඛාපදවණ්‌ණනා • 9. Paripācitasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 9. පරිපාචිතසික්‌ඛාපදවණ්‌ණනා • 9. Paripācitasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 9. පරිපාචිතසික්‌ඛාපදං • 9. Paripācitasikkhāpadaṃ
