| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. பரிபுச்சி²தஸுத்தங்
6. Paripucchitasuttaṃ
118. ஸாவத்தி²னிதா³னங். ‘‘தங் கிங் மஞ்ஞத², பி⁴க்க²வே, ரூபங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதா²’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! ரூபங், பி⁴க்க²வே, ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ‘‘வேத³னங்… ஸஞ்ஞங்… ஸங்கா²ரே… விஞ்ஞாணங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸதா²’’தி? ‘‘நோ ஹேதங், ப⁴ந்தே’’. ‘‘ஸாது⁴, பி⁴க்க²வே! விஞ்ஞாணங், பி⁴க்க²வே, ‘நேதங் மம, நேஸோஹமஸ்மி , ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங்…பே॰… ஏவங் பஸ்ஸங்…பே॰… கதங் கரணீயங், நாபரங் இத்த²த்தாயாதி பஜானாதீதி. ச²ட்ட²ங்.
118. Sāvatthinidānaṃ. ‘‘Taṃ kiṃ maññatha, bhikkhave, rūpaṃ ‘etaṃ mama, esohamasmi, eso me attā’ti samanupassathā’’ti? ‘‘No hetaṃ, bhante’’. ‘‘Sādhu, bhikkhave! Rūpaṃ, bhikkhave, ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. ‘‘Vedanaṃ… saññaṃ… saṅkhāre… viññāṇaṃ ‘etaṃ mama, esohamasmi, eso me attā’ti samanupassathā’’ti? ‘‘No hetaṃ, bhante’’. ‘‘Sādhu, bhikkhave! Viññāṇaṃ, bhikkhave, ‘netaṃ mama, nesohamasmi , na meso attā’ti evametaṃ yathābhūtaṃ sammappaññāya daṭṭhabbaṃ…pe… evaṃ passaṃ…pe… kataṃ karaṇīyaṃ, nāparaṃ itthattāyāti pajānātīti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5-9. ப³ந்த⁴னஸுத்தாதி³வண்ணனா • 5-9. Bandhanasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5-9. ப³ந்த⁴னஸுத்தாதி³வண்ணனா • 5-9. Bandhanasuttādivaṇṇanā
