| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. д̣̇асамаваг̇г̇о
10. Dasamavaggo
1. барибун̣н̣агад̇т̇зраг̇аат̇ааван̣н̣анаа
1. Paripuṇṇakattheragāthāvaṇṇanā
на д̇ат̇аа мад̇ам̣ сад̇арасанд̇и ааяасмад̇о барибун̣н̣агад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇хаммад̣̇ассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з сад̇т̇у жзд̇ияз бубпаад̣̇ийхи ул̣аарам̣ бууж̇ам̣ агааси. со д̇зна бун̃н̃агаммзна д̣̇звзсу ниб̣б̣ад̇д̇ид̇ваа абараабарам̣ бун̃н̃аани гад̇ваа суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ сагяарааж̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о барибун̣н̣авибхавад̇ааяа барибун̣н̣агод̇и бан̃н̃ааяид̇т̇а. со вибхавасамбаннад̇ааяа саб̣б̣агаалам̣ сад̇арасам̣ наама аахаарам̣ барибхун̃ж̇анд̇о сад̇т̇у миссагаахаарабарибхог̇ам̣ суд̇ваа ‘‘д̇аава сукумаалоби бхаг̇аваа ниб̣б̣аанасукам̣ абзгкид̇ваа яат̇аа д̇ат̇аа яаабзд̇и, гасмаа маяам̣ аахаараг̇ид̣̇д̇хаа худ̇ваа аахаарасуд̣̇д̇хигаа бхависсаама, ниб̣б̣аанасукамзва бана амхзхи бариязсид̇аб̣б̣а’’нд̇и сам̣саарз ж̇аад̇асам̣взг̇о гхарааваасам̣ бахааяа сад̇т̇у санд̇игз баб̣б̣аж̇ид̇ваа бхаг̇авад̇аа гааяаг̇ад̇аасад̇игаммадтаанз нияож̇ид̇о д̇ад̇т̇а бад̇идтааяа бадилад̣̇д̇хажхаанам̣ баад̣̇агам̣ гад̇ваа вибассанааяа гаммам̣ гаронд̇о вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.15.5-9) –
Natathā mataṃ satarasanti āyasmato paripuṇṇakattherassa gāthā. Kā uppatti? Ayampi purimabuddhesu katādhikāro dhammadassissa bhagavato kāle kulagehe nibbattitvā viññutaṃ patto satthari parinibbute satthu cetiye pupphādīhi uḷāraṃ pūjaṃ akāsi. So tena puññakammena devesu nibbattitvā aparāparaṃ puññāni katvā sugatīsuyeva saṃsaranto imasmiṃ buddhuppāde kapilavatthusmiṃ sakyarājakule nibbattitvā viññutaṃ patto paripuṇṇavibhavatāya paripuṇṇakoti paññāyittha. So vibhavasampannatāya sabbakālaṃ satarasaṃ nāma āhāraṃ paribhuñjanto satthu missakāhāraparibhogaṃ sutvā ‘‘tāva sukhumālopi bhagavā nibbānasukhaṃ apekkhitvā yathā tathā yāpeti, kasmā mayaṃ āhāragiddhā hutvā āhārasuddhikā bhavissāma, nibbānasukhameva pana amhehi pariyesitabba’’nti saṃsāre jātasaṃvego gharāvāsaṃ pahāya satthu santike pabbajitvā bhagavatā kāyagatāsatikammaṭṭhāne niyojito tattha patiṭṭhāya paṭiladdhajhānaṃ pādakaṃ katvā vipassanāya kammaṃ karonto vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.15.5-9) –
‘‘ниб̣б̣уд̇з логанаат̇амхи, д̇хаммад̣̇ассийнараасабхз;
‘‘Nibbute lokanāthamhi, dhammadassīnarāsabhe;
ааробзсим̣ д̇хаж̇ад̇т̇амбхам̣, б̣уд̣̇д̇хасздтасса жзд̇ияз.
Āropesiṃ dhajatthambhaṃ, buddhaseṭṭhassa cetiye.
‘‘ниссзн̣им̣ маабаяид̇ваана, т̇уубасздтам̣ самаарухим̣;
‘‘Nisseṇiṃ māpayitvāna, thūpaseṭṭhaṃ samāruhiṃ;
ж̇аад̇ибубпам̣ г̇ахзд̇ваана, т̇уубамхи абхиробаяим̣.
Jātipupphaṃ gahetvāna, thūpamhi abhiropayiṃ.
‘‘ахо б̣уд̣̇д̇хо ахо д̇хаммо, ахо но сад̇т̇у самбад̣̇аа;
‘‘Aho buddho aho dhammo, aho no satthu sampadā;
д̣̇уг̇г̇ад̇им̣ наабхиж̇аанаами, т̇уубабууж̇ааяид̣̇ам̣ палам̣.
Duggatiṃ nābhijānāmi, thūpapūjāyidaṃ phalaṃ.
‘‘жад̇уннавуд̇ид̇о габбз, т̇уубасийкасанаамагаа;
‘‘Catunnavutito kappe, thūpasīkhasanāmakā;
сол̣асаасим̣су рааж̇аано, жаггавад̇д̇ий махаб̣б̣алаа.
Soḷasāsiṃsu rājāno, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа д̇хаммз г̇аараваб̣ахумаанзна бийд̇ивзг̇ависсадтам̣ уд̣̇аанам̣ уд̣̇аанзнд̇о ‘‘на д̇ат̇аа мад̇ам̣ сад̇араса’’нд̇и г̇аат̇ам̣ абхааси.
Arahattaṃ pana patvā dhamme gāravabahumānena pītivegavissaṭṭhaṃ udānaṃ udānento ‘‘na tathā mataṃ satarasa’’nti gāthaṃ abhāsi.
91. д̇ад̇т̇а на д̇ат̇аа мад̇ам̣ сад̇арасам̣, суд̇ханнам̣ яам̣ маяаж̇ж̇а барибхуд̇д̇анд̇и д̇ат̇аад̇и д̇зна багаарзна. мад̇анд̇и абхимад̇ам̣. сад̇арасанд̇и сад̇арасабхож̇анам̣ ‘‘сад̇арасабхож̇анам̣ наама сад̇абаагасаббиаад̣̇ийхи абхисан̇кад̇ам̣ бхож̇ана’’нд̇и вад̣̇анд̇и. ат̇а ваа анзгад̇т̇о сад̇асад̣̇д̣̇о ‘‘сад̇асо сахассасо’’д̇иаад̣̇ийсу вияа. д̇асмаа яам̣ бхож̇анам̣ анзгасуубам̣ анзгаб̣яан̃ж̇анам̣, д̇ам̣ анзгарасад̇ааяа ‘‘сад̇араса’’нд̇и вужжад̇и, наанаарасабхож̇ананд̇и ад̇т̇о. суд̇хаа зва аннам̣ суд̇хаабхож̇анам̣ д̣̇зваанам̣ аахааро. яам̣ маяаж̇ж̇а барибхуд̇д̇анд̇и яам̣ маяаа аж̇ж̇а анубхуд̇д̇ам̣. ‘‘яам̣ маяаа барибхуд̇д̇а’’нд̇и жа ид̣̇ам̣ ‘‘сад̇арасам̣ суд̇ханна’’нд̇и зд̇т̇ааби яож̇зд̇аб̣б̣ам̣. ид̣̇ам̣ вуд̇д̇ам̣ ход̇и – яам̣ маяаа аж̇ж̇а зд̇арахи нирод̇хасамаабад̇д̇исамаабаж̇ж̇анавасзна паласамаабад̇д̇исамаабаж̇ж̇анавасзна жа ажжанд̇амзва санд̇ам̣ бан̣ийд̇ам̣ ниб̣б̣аанасукам̣ барибхун̃ж̇ияамаанам̣, д̇ам̣ яат̇аа мад̇ам̣ абхимад̇ам̣ самбхаавид̇ам̣ д̇ат̇аа рааж̇агаалз маяаа барибхуд̇д̇ам̣ сад̇арасабхож̇анам̣ д̣̇звад̇д̇абхаавз барибхуд̇д̇ам̣ суд̇ханнан̃жа на мад̇ам̣ наабхимад̇ам̣. гасмаа? ид̣̇ан̃хи арияанисзвид̇ам̣ нираамисам̣ гилзсаанам̣ авад̇т̇убхууд̇ам̣, д̇ам̣ бана бут̇уж̇ж̇анасзвид̇ам̣ саамисам̣ гилзсаанам̣ вад̇т̇убхууд̇ам̣, д̇ам̣ имасса сан̇камби галамби галабхааг̇амби на убзд̇ийд̇и. ид̣̇аани ‘‘яам̣ маяаж̇ж̇а барибхуд̇д̇а’’нд̇и вуд̇д̇ад̇хаммам̣ д̣̇зсзнд̇о абаримид̇ад̣̇ассинаа г̇од̇амзна, б̣уд̣̇д̇хзна суд̣̇зсид̇о д̇хаммо’’д̇и ааха. д̇ассад̇т̇о – абаримид̇ам̣ абарижчиннам̣ уббаад̣̇аваяаабхаавад̇о санд̇ам̣ асан̇кад̇ад̇хаад̇ум̣ саяамбхуун̃аан̣зна бассий, абаримид̇асса ананд̇аабаримзяяасса н̃зяяасса д̣̇ассаавийд̇и д̇зна абаримид̇ад̣̇ассинаа г̇од̇амаг̇од̇д̇зна саммаасамб̣уд̣̇д̇хзна ‘‘каяам̣ вирааг̇ам̣ амад̇ам̣ бан̣ийд̇а’’нд̇и (ку. баа. 6.4; су. ни. 227) жа ‘‘мад̣̇аниммад̣̇ано бибаасавинаяо’’ (а. ни. 4.34; ид̇иву. 90) ‘‘саб̣б̣асан̇каарасамат̇о’’д̇и (а. ни. 5.140; 10.6) жа аад̣̇инаа судту д̣̇зсид̇о д̇хаммо, ниб̣б̣аанам̣ маяаа аж̇ж̇а барибхуд̇д̇анд̇и яож̇анаа.
91. Tattha na tathā mataṃ satarasaṃ, sudhannaṃ yaṃ mayajja paribhuttanti tathāti tena pakārena. Matanti abhimataṃ. Satarasanti satarasabhojanaṃ ‘‘satarasabhojanaṃ nāma satapākasappiādīhi abhisaṅkhataṃ bhojana’’nti vadanti. Atha vā anekattho satasaddo ‘‘sataso sahassaso’’tiādīsu viya. Tasmā yaṃ bhojanaṃ anekasūpaṃ anekabyañjanaṃ, taṃ anekarasatāya ‘‘satarasa’’nti vuccati, nānārasabhojananti attho. Sudhā eva annaṃ sudhābhojanaṃ devānaṃ āhāro. Yaṃ mayajja paribhuttanti yaṃ mayā ajja anubhuttaṃ. ‘‘Yaṃ mayā paribhutta’’nti ca idaṃ ‘‘satarasaṃ sudhanna’’nti etthāpi yojetabbaṃ. Idaṃ vuttaṃ hoti – yaṃ mayā ajja etarahi nirodhasamāpattisamāpajjanavasena phalasamāpattisamāpajjanavasena ca accantameva santaṃ paṇītaṃ nibbānasukhaṃ paribhuñjiyamānaṃ, taṃ yathā mataṃ abhimataṃ sambhāvitaṃ tathā rājakāle mayā paribhuttaṃ satarasabhojanaṃ devattabhāve paribhuttaṃ sudhannañca na mataṃ nābhimataṃ. Kasmā? Idañhi ariyanisevitaṃ nirāmisaṃ kilesānaṃ avatthubhūtaṃ, taṃ pana puthujjanasevitaṃ sāmisaṃ kilesānaṃ vatthubhūtaṃ, taṃ imassa saṅkhampi kalampi kalabhāgampi na upetīti. Idāni ‘‘yaṃ mayajja paribhutta’’nti vuttadhammaṃ desento aparimitadassinā gotamena, buddhena sudesito dhammo’’ti āha. Tassattho – aparimitaṃ aparicchinnaṃ uppādavayābhāvato santaṃ asaṅkhatadhātuṃ sayambhūñāṇena passī, aparimitassa anantāparimeyyassa ñeyyassa dassāvīti tena aparimitadassinā gotamagottena sammāsambuddhena ‘‘khayaṃ virāgaṃ amataṃ paṇīta’’nti (khu. pā. 6.4; su. ni. 227) ca ‘‘madanimmadano pipāsavinayo’’ (a. ni. 4.34; itivu. 90) ‘‘sabbasaṅkhārasamatho’’ti (a. ni. 5.140; 10.6) ca ādinā suṭṭhu desito dhammo, nibbānaṃ mayā ajja paribhuttanti yojanā.
барибун̣н̣агад̇т̇зраг̇аат̇ааван̣н̣анаа нидтид̇аа.
Paripuṇṇakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. барибун̣н̣агад̇т̇зраг̇аат̇аа • 1. Paripuṇṇakattheragāthā
