| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. барисаасуд̇д̇ам̣
4. Parisāsuttaṃ
96. ‘‘д̇иссо имаа, бхигкавз, барисаа. гад̇амаа д̇иссо? аг̇г̇авад̇ий барисаа, ваг̇г̇аа барисаа, самаг̇г̇аа барисаа.
96. ‘‘Tisso imā, bhikkhave, parisā. Katamā tisso? Aggavatī parisā, vaggā parisā, samaggā parisā.
‘‘гад̇амаа жа, бхигкавз, аг̇г̇авад̇ий барисаа? ид̇ха, бхигкавз, яассам̣ барисааяам̣ т̇зраа бхигкуу на б̣аахулигаа хонд̇и на саат̇алигаа, оггаманз нигкид̇д̇ад̇хураа бавивзгз буб̣б̣ан̇г̇амаа, вийрияам̣ аарабханд̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа, д̇зсам̣ бажчимаа ж̇анад̇аа д̣̇идтаануг̇ад̇им̣ аабаж̇ж̇ад̇и. сааби ход̇и на б̣аахулигаа на саат̇алигаа оггаманз нигкид̇д̇ад̇хураа бавивзгз буб̣б̣ан̇г̇амаа, вийрияам̣ аарабхад̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. аяам̣ вужжад̇и, бхигкавз, аг̇г̇авад̇ий барисаа.
‘‘Katamā ca, bhikkhave, aggavatī parisā? Idha, bhikkhave, yassaṃ parisāyaṃ therā bhikkhū na bāhulikā honti na sāthalikā, okkamane nikkhittadhurā paviveke pubbaṅgamā, vīriyaṃ ārabhanti appattassa pattiyā anadhigatassa adhigamāya asacchikatassa sacchikiriyāya, tesaṃ pacchimā janatā diṭṭhānugatiṃ āpajjati. Sāpi hoti na bāhulikā na sāthalikā okkamane nikkhittadhurā paviveke pubbaṅgamā, vīriyaṃ ārabhati appattassa pattiyā anadhigatassa adhigamāya asacchikatassa sacchikiriyāya. Ayaṃ vuccati, bhikkhave, aggavatī parisā.
‘‘гад̇амаа жа, бхигкавз, ваг̇г̇аа барисаа? ид̇ха, бхигкавз, яассам̣ барисааяам̣ бхигкуу бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и, аяам̣ вужжад̇и, бхигкавз, ваг̇г̇аа барисаа.
‘‘Katamā ca, bhikkhave, vaggā parisā? Idha, bhikkhave, yassaṃ parisāyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti, ayaṃ vuccati, bhikkhave, vaggā parisā.
‘‘гад̇амаа жа, бхигкавз, самаг̇г̇аа барисаа? ид̇ха, бхигкавз, яассам̣ барисааяам̣ бхигкуу самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и, аяам̣ вужжад̇и, бхигкавз, самаг̇г̇аа барисаа.
‘‘Katamā ca, bhikkhave, samaggā parisā? Idha, bhikkhave, yassaṃ parisāyaṃ bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, ayaṃ vuccati, bhikkhave, samaggā parisā.
‘‘яасмим̣ , бхигкавз, самаяз бхигкуу самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и, б̣ахум̣, бхигкавз, бхигкуу д̇асмим̣ самаяз бун̃н̃ам̣ басаванд̇и. б̣рахмам̣, бхигкавз, вихаарам̣ д̇асмим̣ самаяз бхигкуу вихаранд̇и, яад̣̇ид̣̇ам̣ муд̣̇ид̇ааяа жзд̇овимуд̇д̇ияаа. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и.
‘‘Yasmiṃ , bhikkhave, samaye bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, bahuṃ, bhikkhave, bhikkhū tasmiṃ samaye puññaṃ pasavanti. Brahmaṃ, bhikkhave, vihāraṃ tasmiṃ samaye bhikkhū viharanti, yadidaṃ muditāya cetovimuttiyā. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati.
‘‘сзяяат̇ааби, бхигкавз, убарибаб̣б̣ад̇з т̇уллапусид̇агз д̣̇звз вассанд̇з д̇ам̣ уд̣̇агам̣ яат̇ааниннам̣ бавад̇д̇амаанам̣ баб̣б̣ад̇аганд̣̇арабад̣̇арасаакаа барибуурзд̇и, баб̣б̣ад̇аганд̣̇арабад̣̇арасаакаа барибуураа гусоб̣бхз 1 барибуурзнд̇и, гусоб̣бхаа барибуураа махаасоб̣бхз барибуурзнд̇и, махаасоб̣бхаа барибуураа гуннад̣̇ияо барибуурзнд̇и, гуннад̣̇ияо барибуураа махаанад̣̇ияо барибуурзнд̇и, махаанад̣̇ияо барибуураа самуд̣̇д̣̇ам̣ 2 барибуурзнд̇и.
‘‘Seyyathāpi, bhikkhave, uparipabbate thullaphusitake deve vassante taṃ udakaṃ yathāninnaṃ pavattamānaṃ pabbatakandarapadarasākhā paripūreti, pabbatakandarapadarasākhā paripūrā kusobbhe 3 paripūrenti, kusobbhā paripūrā mahāsobbhe paripūrenti, mahāsobbhā paripūrā kunnadiyo paripūrenti, kunnadiyo paripūrā mahānadiyo paripūrenti, mahānadiyo paripūrā samuddaṃ 4 paripūrenti.
‘‘звамзвам̣ ко, бхигкавз, яасмим̣ самаяз бхигкуу самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихаранд̇и, б̣ахум̣, бхигкавз, бхигкуу д̇асмим̣ самаяз бун̃н̃ам̣ басаванд̇и. б̣рахмам̣, бхигкавз, вихаарам̣ д̇асмим̣ самаяз бхигкуу вихаранд̇и, яад̣̇ид̣̇ам̣ муд̣̇ид̇ааяа жзд̇овимуд̇д̇ияаа. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. имаа ко, бхигкавз, д̇иссо барисаа’’д̇и. жад̇уд̇т̇ам̣.
‘‘Evamevaṃ kho, bhikkhave, yasmiṃ samaye bhikkhū samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti, bahuṃ, bhikkhave, bhikkhū tasmiṃ samaye puññaṃ pasavanti. Brahmaṃ, bhikkhave, vihāraṃ tasmiṃ samaye bhikkhū viharanti, yadidaṃ muditāya cetovimuttiyā. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Imā kho, bhikkhave, tisso parisā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. барисаасуд̇д̇аван̣н̣анаа • 4. Parisāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. барисаасуд̇д̇аван̣н̣анаа • 4. Parisāsuttavaṇṇanā
