| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
(౨౨) ౨. పరిసావగ్గో
(22) 2. Parisāvaggo
౧. పరిసాసుత్తం
1. Parisāsuttaṃ
౨౧౧. ‘‘చత్తారోమే , భిక్ఖవే, పరిసదూసనా. కతమే చత్తారో? భిక్ఖు, భిక్ఖవే 1, దుస్సీలో పాపధమ్మో పరిసదూసనో; భిక్ఖునీ, భిక్ఖవే, దుస్సీలా పాపధమ్మా పరిసదూసనా; ఉపాసకో, భిక్ఖవే, దుస్సీలో పాపధమ్మో పరిసదూసనో; ఉపాసికా, భిక్ఖవే, దుస్సీలా పాపధమ్మా పరిసదూసనా. ఇమే ఖో, భిక్ఖవే, చత్తారో పరిసదూసనా.
211. ‘‘Cattārome , bhikkhave, parisadūsanā. Katame cattāro? Bhikkhu, bhikkhave 2, dussīlo pāpadhammo parisadūsano; bhikkhunī, bhikkhave, dussīlā pāpadhammā parisadūsanā; upāsako, bhikkhave, dussīlo pāpadhammo parisadūsano; upāsikā, bhikkhave, dussīlā pāpadhammā parisadūsanā. Ime kho, bhikkhave, cattāro parisadūsanā.
‘‘చత్తారోమే, భిక్ఖవే, పరిససోభనా. కతమే చత్తారో? భిక్ఖు, భిక్ఖవే, సీలవా కల్యాణధమ్మో పరిససోభనో ; భిక్ఖునీ, భిక్ఖవే, సీలవతీ కల్యాణధమ్మా పరిససోభనా; ఉపాసకో, భిక్ఖవే, సీలవా కల్యాణధమ్మో పరిససోభనో; ఉపాసికా, భిక్ఖవే, సీలవతీ కల్యాణధమ్మా పరిససోభనా. ఇమే ఖో, భిక్ఖవే, చత్తారో పరిససోభనా’’తి. పఠమం.
‘‘Cattārome, bhikkhave, parisasobhanā. Katame cattāro? Bhikkhu, bhikkhave, sīlavā kalyāṇadhammo parisasobhano ; bhikkhunī, bhikkhave, sīlavatī kalyāṇadhammā parisasobhanā; upāsako, bhikkhave, sīlavā kalyāṇadhammo parisasobhano; upāsikā, bhikkhave, sīlavatī kalyāṇadhammā parisasobhanā. Ime kho, bhikkhave, cattāro parisasobhanā’’ti. Paṭhamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧. పరిసాసుత్తవణ్ణనా • 1. Parisāsuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. సిక్ఖాపదసుత్తాదివణ్ణనా • 1-10. Sikkhāpadasuttādivaṇṇanā
