| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
(൨൨) ൨. പരിസാവഗ്ഗോ
(22) 2. Parisāvaggo
൧. പരിസാസുത്തം
1. Parisāsuttaṃ
൨൧൧. ‘‘ചത്താരോമേ , ഭിക്ഖവേ, പരിസദൂസനാ. കതമേ ചത്താരോ? ഭിക്ഖു, ഭിക്ഖവേ 1, ദുസ്സീലോ പാപധമ്മോ പരിസദൂസനോ; ഭിക്ഖുനീ, ഭിക്ഖവേ, ദുസ്സീലാ പാപധമ്മാ പരിസദൂസനാ; ഉപാസകോ, ഭിക്ഖവേ, ദുസ്സീലോ പാപധമ്മോ പരിസദൂസനോ; ഉപാസികാ, ഭിക്ഖവേ, ദുസ്സീലാ പാപധമ്മാ പരിസദൂസനാ. ഇമേ ഖോ, ഭിക്ഖവേ, ചത്താരോ പരിസദൂസനാ.
211. ‘‘Cattārome , bhikkhave, parisadūsanā. Katame cattāro? Bhikkhu, bhikkhave 2, dussīlo pāpadhammo parisadūsano; bhikkhunī, bhikkhave, dussīlā pāpadhammā parisadūsanā; upāsako, bhikkhave, dussīlo pāpadhammo parisadūsano; upāsikā, bhikkhave, dussīlā pāpadhammā parisadūsanā. Ime kho, bhikkhave, cattāro parisadūsanā.
‘‘ചത്താരോമേ, ഭിക്ഖവേ, പരിസസോഭനാ. കതമേ ചത്താരോ? ഭിക്ഖു, ഭിക്ഖവേ, സീലവാ കല്യാണധമ്മോ പരിസസോഭനോ ; ഭിക്ഖുനീ, ഭിക്ഖവേ, സീലവതീ കല്യാണധമ്മാ പരിസസോഭനാ; ഉപാസകോ, ഭിക്ഖവേ, സീലവാ കല്യാണധമ്മോ പരിസസോഭനോ; ഉപാസികാ, ഭിക്ഖവേ, സീലവതീ കല്യാണധമ്മാ പരിസസോഭനാ. ഇമേ ഖോ, ഭിക്ഖവേ, ചത്താരോ പരിസസോഭനാ’’തി. പഠമം.
‘‘Cattārome, bhikkhave, parisasobhanā. Katame cattāro? Bhikkhu, bhikkhave, sīlavā kalyāṇadhammo parisasobhano ; bhikkhunī, bhikkhave, sīlavatī kalyāṇadhammā parisasobhanā; upāsako, bhikkhave, sīlavā kalyāṇadhammo parisasobhano; upāsikā, bhikkhave, sīlavatī kalyāṇadhammā parisasobhanā. Ime kho, bhikkhave, cattāro parisasobhanā’’ti. Paṭhamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧. പരിസാസുത്തവണ്ണനാ • 1. Parisāsuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സിക്ഖാപദസുത്താദിവണ്ണനാ • 1-10. Sikkhāpadasuttādivaṇṇanā
